Pawnto hla zahmawh

July 6th, 2011 10:45 am by Sawmtea pa

PAWNTO HLA ZAHMAWH

Kan naupan lai chuan thingtlang khaw nuam takah kan awm a, chhun lamah sikul kalin zanah kan pawnto thin. Zanriah eikhamah thian 2/3 an thawkchhuak hmasa a, thian dangte in bulah kal kualin-

” Ka thian ka thian valbuang lo chhuak rawh

Khuang chu khuang chu kan nei lo nanga

Choakin khuang a beng dawn e,

Pim pim hai, nai nai hai, sarivaithun, thun leh lo,

Ka thian ka thian Valbuang min chhang dawn nange?

An han ti that that a, inchhunglama  thian Valbuanga chuan chaw hmum tun chungin, ‘Chhang dawn e” a rawn tih chuan-

“A tihzia, a lawmawm, rawn pawnto ve rawh,

Thian keichal Laruanga buanah”

Tiin an lo tlip leh a, ei pawh ei puar tha hman lovin Valbuanga chu a rawn tlan chhuak chawpchilh deuh mai thin. Thian thenkhat chu an chhungten pawnto an phal lova, “Chhang dawn lo”,tiin an lo chhansak thin a, chutianga chhanna an dawn chuan-

“A tihzia loh, a lawmawm loh, rawn pawnto ve suh” an ti mai thin.

Chutah kim thawkhata kan inhriat hnuah pawnto kan han tan ta a. Thian pakhatin, “Nu chhu hau ang” a rawn tih tawh chuan “Ui ek pherh” a tan a ngai thin. Tichuan awrawl tawpin –

“Ui ek pherh ui ek pherh, hnangtawm zinga ui ek _____” kan han ti rual thap thap a. Naupang zual deuh chinchang la hreve mang lo(Zualtea) ten, ‘PHERH’ an lo tih zauh chuan Nu chhu kan hau thei ta thin a ni. ‘Pherh’ lo titu nu ngei mai chu hetiang hian kan han hau ta a-

“ Nu chhu hau ah, Zualtea nu chhu hauah,

Ni a sat a kheng reu ro, ruah a sur a diak per pur:

Choakin ding thai zoh zoh, vei thai zoh zoh,

A lu lamah sakei ha, a mawng lamah chemte bak nei

Thial sawm ____ (baih) .

Thialsawm tihah hian tawp rual thap tur a ni a, lo sa tui fal deuhin thialsawm baih an lo tihpalh hlauh chuan chumi nu ngei chu kan hau leh thin. Ring taka khawchhung khawk rum rum a au kan ni thin a tuman min hau hran lova. Tunhnua ka ngaihtuah let hian nu chhu hau hla kher hi chu a lo run thlak mang e, nu leh pa leh rual u te pawh khan ngaiah an neih a an lo ngaithla liam mai mai chu a ni awm si a…..

Similar Posts:

Recent Posts:

27 Responses to “Pawnto hla zahmawh”

  1. 1
    no_nick Says:

    zahmoh sawi oihloh.. chhiar first

    Report this comment

  2. 2
    roseparvul Says:

    no nick tiam lohin first :) :) an hot leh hlawm dawn mang e, awmhmun atangin lo thlir ang :)

    Report this comment

  3. 3
    bk Says:

    pawnto hla thenkhatah hian zahmawh rawngkai hi a awm ve teh tlat zel nia!

    First ka in beisei sei nen!

    Report this comment

  4. 4
    shailendra Says:

    ka dak dek dek…

    Report this comment

  5. 5
    Sangpuiipa Says:

    Ka comment first ang chu ka tia. Ka duh leh lo a.

    Report this comment

  6. 6
    Chhuaklinga Says:

    I hre ril hle mai, ka pawnto nasa ve thin hle a, hei kher hi chu kan tih ngai pawh ka hre lo, ui ek pherh tih lai khi chu kan ti ve thin. Save hmak teng. Good post.(V)

    Report this comment

  7. 7
    Professor Lalrihema Says:

    Pawnto kha a nuam thin khawp mai. Ngei ngei turah khan kan ngai thin kha a ni a.

    Report this comment

  8. 8
    Bakvawmtepu Says:

    Naupang pawnto hla mai pawh a nilo,hming phuah chenin zahmawh rawgkai mai pawh nilo,a ngial a ngan a phuah a tam mai..entir nan ***bawnga,Bawngtila..Bawngropuia,Bawngkhaia tihte,hmeichhe lamah pawh Pi Mawn***i.etc..an lo uar riau.A then khi chu kan khaw pa ngeite hming,kan tet laia ka hriat thin an ni nghe nghe.
    Laiawrha,Laibata,Laichhinga,Laihanga etc..hi chu awmze nei taka an phuah a ni hlawm.Nau pian tirha mahni lai awrhte,bat te,chhing deuh te,dum deuhte kha hminga an puttir loh chuan an dam khaw chhuak duhlo e an ti tlat anih chu.
    Hming phuah sawi takah chuan.hmanlai deuh mizo society ah chuan traditional belief awm ve chu ..Mipa awt ve si,hmeichhia hlir nei chuan Nuthangi tih hming an phuah khan a dawt leh chu mipa a ni duh an ti a,tin,hnmeichhe awt deuh mipa hlir mai neite chuan Pahlira tih an han phuah khan a dawt leh ah hmeichhia an nei thin e an tih chu…tunlaiah chuan superstition kan ti zo vek tawh mai thei a ni.. :-D

    Report this comment

  9. 9
    Chhuaklinga Says:

    Kan chhiar nawm leh a, a thluk khi ka thiam tlat in ka hria, ka tui zawng a nih vang nge mawn le. Ha ha ha

    Report this comment

  10. 10
    Lâisuih Says:

    A va lunglenthlak reuh em. Good post.

    Report this comment

  11. 11
    CFL Says:

    Lung a leng e.

    Report this comment

  12. 12
    ChhanaPa Says:

    Pawnto tak2 ang kha chu ka hre ve phak lo a,mahse,inbiruksiak tih vel kha chu kan uar ve thin khop mai. Nuam thei tak a ni.

    Report this comment

  13. 13
    chawnghilh Says:

    Pawnto chu ka hre pha ngang mai a; mahse ka nu leh pate hian tei chhuah ve kha an phal ngai lo va … ralkhat atanga naupang au thawm, pawnto zawhah … “Tin dialah, tin dialah …naktukah khua var sela, inkawm leh dial dial ang u, mahni in lam hawi theuhvah …” an tih thin hi chu ka hre chiang ve nual.

    He Post hi a tha reuh hle mai, ka hriat chian phah kawk mai.

    Report this comment

  14. 14
    chhawkhlei Says:

    pawnto kha a nuam thin ngawt mai, ka la hriat reng chu kanin salem a, kan zing pakhat kha sakei lemah a chang, pakhat bawng lemah,chuan bawng kha sakeiin a seh ta a,a seh ve leh bawng lem kha a bu ta ruah ruah a, chuveleh thiandang khan sakei lem kha hmawlh kengin an um a,feilemte pawh kan hmang a,chumi zanah chuan kan thian pakhat chuan a feilem chuan sakei lem a chang kha a khawh a,a lo khawhna lutuk a niang nge a fuh palh hrim hrim. Sakei lem chu a tlu tawp mai a,keini midang ho chuan a thider emaw kan ti,kan man a,kan zawn ta, ani lah a zawi reng mai si a tawpah ,a tawk e,tho tawh rawh kan hantih khan a tho ta lo kan ko kan ko min chhangta lo,a lo thidang niin ka pua a,an inah kan kal,a nuin a hmu chu a tap ta,a thi emaw a ti keinl ho pawh khan a thi emaw kan ti vek, mi an rawn tlan khawm, a thenin a mar an dek a thenin a awmah an nem a thenin an ko vak vak a,an sawi nawk nawh a,a hnufe ah a lo harh leh chu kan lawm a sin aw. Chuta tang chuan insalem chu kan ti khat phah khawp mai.

    Report this comment

  15. 15
    muantea Says:

    Hmanlai hla ho-ah hian zahmawh lam hawi a awm nual, chung zinga pahnih lek:

    Khelkhawn hla:
    Ka su a te tuk a ka tai aw pan ding deng,
    Ka sawntlung pawng lainawni val lemna.

    Puma zai:
    Sawr naw, sawr naw sawr naw sawr naw raw, puma,
    Tuikuk hnute vaiin sawr naw raw, sawr naw raw.

    Report this comment

  16. 16
    true ^mizo^Boy Says:

    a van pon to hla zahmawh tak e ooo,,khitiang a ring deuh deuh a chhu tih vel han au pui vak2 te chu le,ka ponto pha ve meuh lo,a nom hmel phian,mahse a zahmawh a nih khi :-P :-D :-) (H) :-P

    Report this comment

  17. 17
    true ^mizo^Boy Says:

    #15 pu muantea chuh,han ti zel teh :-)

    Report this comment

  18. 18
    TuaiSialA Says:

    Ui êk pherh kha chu ka hre rîn rân mai a, kan ti ve nasa thin khawp mai.

    Report this comment

  19. 19
    Dr Mahminga Sailo Says:

    POst tha tak a ni e.. (Y)(Y)

    Thingtlang a seilian ta chu; naupang te mah ni ila, thahnemngai takin khi pawnto hla khi ka sa ve thin. A laklawh rual (nula rim ngam hma..) nih lai a, zanlalnu eng hnuai ah; Ukulele nen ngei a Lalthakima te, CFL-a (misual a mi nilo zawk..hehe), ldt., hla kan han sa thin te kha aww.., lung zawng a ti leng thin teh e..

    Report this comment

  20. 20
    chhangteval Says:

    Haha..a lunglenthlak reuh, ui ek pherh chu kan sa ve thin a mahse tu nu chhu mah kan hau ve ngai lo :-$

    Report this comment

  21. 21
    hltau Says:

    Mak ee.. he pawnto hla chu, ka hriat vawikhatna.

    Report this comment

  22. 22
    Thinchhia_ralte Says:

    Post tupa chu he pawnto hla hi inkhua a inphuah bil ani lo maw :-) ..ka vawikhat hriatna ve tho

    Report this comment

  23. 23
    covenanter Says:

    ka van nui hnem ve le aw…….mahni nute hau nih a nuam duhlo khawp ang……post tha tak ani e..

    Report this comment

  24. 24
    saint sammoo Says:

    lunglen thlak hle mai. Kan naupan ve laia infiamna hrang2 i.e rubber band hmang te (in-kahthlak, in-chhem-chhuah, adt.) marble hmang te (in-perh-luh-chhiar, in-kar, adt.) in-naap, in-bawli, adt. Han post teh u.

    Report this comment

  25. 25
    Pc-a Says:

    Hmeichhe zinga tawm kerkur, a hnute pe phallovin a zangah ……

    Report this comment

  26. 26
    Zephyruss Says:

    haha– nuihzat thlak, ahunlai chuan anuam ve duh ngawt ang!

    Report this comment

  27. 27
    Rumtea Says:

    Daia su lepah,
    A mawng rawn hawlh ruah.
    Hawlh tham a la tling love ah….
    Kan fa te kan lawm dan khi zahmawh deuh a ni. Mani fate mawng hawlh turin kan tawktar te te a, naupang kha a la tet deuh avangin kan phal lo mai chauh a ni……..

    Report this comment

Leave a Reply

You must be logged in to post a comment.