Remna Ni chibai vek u

June 30th, 2011 10:58 am by erase

Kum 25 chuang liam ta a Zoram mipui ten kan nghahhlelh leh kan duhsam ‘Remna Ni’ kan lo hmang leh ta der mai. Kan hnam pasaltha rammu te hruai kir a awm leh a, sipai leh curfew karah ei leh bar tur nei mang lova kan awm laiin Election Manifesto ah  Congress in “Lalthutthleng kan kian ang”  tiin an han au kha chu, kan hnam pasaltha ten hnehna changa Rorelna fung rawn chelh a Zoram thar rawn din tura ngaiin Pu Hawla kaihhruai kha sawrkarna mipui ten kan hlan ta kha a nia.

An intiamna leh mipui in kan thlan tlin chhan tihlawhtlingin kan pasaltha te lo kir lehna kawng a inhawng ta kha chu kan lawm a nih kha, Khaw tinah pangpar nen lo hmuakin, kan hnam pasaltha te ruhro pawh puana tuam zelin kan lo hmuak a, kan pasaltha te ruhro chu YMA in phum thain kan lo chawimawi a nih kha. Lammual ah tuizem lianah kan dawm tlan tur Pineapple Squash siamin mautlawnin an chawk a, ruahsur hnuaiah nausen lam pawh paw chhuakin kan lawm kha a nia le.

Pi Indira Gandhi lah khan a hnua lammual a thu a sawi khan “In hel leh a nih chuan, kuttum lian kan thawh tawh ang” ti khan min vau a, chuti anih chuan kan hel si loh chuan ‘Zoram thar’ chu kan chuang kai ngei ang le.

Indepenence min sual chhuahsak tumtu ten State min rawn hawn sak a, State ah chuan ro an han rel ta kha chu kan rin an phak bik lo emni, MLA tlan tau (duhamna vang nge?) te lo awm ta in ”Saikhama Rule” min hruai thleng a, MNF ah beiseina a bo leh nghal ta mai emni, NLUP min pe tiam tu Congress kan thlang leh ta mai a, anni in kum 10 chhung ro min rel sak a, beisei an phak lo nge?

MNF bawkah kirin kum 10 min han kaihruai leh a, min la hruai thleng lo fo a ni ngei ang, hmana kan thlauh thlak tak PC kan thlir, an hruaitu pa a lo upa ta viau si, kan hnawl hnu tho kan thlang leh a,beisei kan nei, beisei a bo, kan beisei a dang tial tial… KHAWNGE ZORAM THAR CHU LE!!!!!!! Thian te u, Zoram thar siam tur hian he Remna Ni hian ngaihtuahna thar min siam sak mawlh teh se.

Similar Posts:

Recent Posts:

38 Responses to “Remna Ni chibai vek u”

  1. 1
    chawnghilh Says:

    I inrem ang u. A lawmawm e. Kihhnawk nen pawh inrem ila.

    Report this comment

  2. 2
    PayableOnDeath(Zrma_C) Says:

    Nia… Chibai ule. Bai Bai

    Report this comment

  3. 3
    Sofloy Says:

    “Mipuite hian kan phu tawk zel ram hruaitu kan lo nei” Kan ram hruaitute hi thu tling loah phei chuan i chuk i chuk lo teh ang u. Mipui kan fin zawh poh leh ram hruaitu kan nei fing tihna a ni mai.

    Report this comment

  4. 4
    bucko Says:

    Remna ni kum 25 na champha ah hian inrem in i awm ang u… Nimin kan in bul step kan siam laiin kan thenawm ten kan ram min nek, siam tawh suh u an rawn ti a, kan nek lo tih ka hre chiang khawp mai, mahse kan chawl ta thova, chuan step kan remsa kan phawng leh rih a tlem kan tawlh sawn hlek a, an lungawi ve ta a….. Hmm.. hei hi remna duh vanga thil tih a ni, buai ai chuan a nuam zawk tiin an duh angin thil kan ti ta a, remna lawmman a ni e. Remna ni ah hian inremin i awm ang u……… (Y) (G) (E) (C) (L) (8)

    Report this comment

  5. 5
    Sandman Says:

    Remni Ni? Hei hi MHIP lam hmalakna emni, pi aduh? :D

    Report this comment

  6. 6
    littlerascal Says:

    Bai bai, Bai bai :-P :-) :-D (*)

    Report this comment

  7. 7
    saint sammoo Says:

    zoramthar siam tur chuan ‘nangmah’ kha i pawimawh ber

    Report this comment

  8. 8
    XaiA Says:

    Chibai tha mi vek u le!

    Report this comment

  9. 9
    no_nick Says:

    i zavai-in mushroom in lo ei vek dawn nia..!! chibai..!!

    Report this comment

  10. 10
    Mr Vaipa@ Says:

    #4 tih tha hle mai…then awmte nen a irem a awm hi tha ber…

    Report this comment

  11. 11
    keltolh_pa Says:

    chibai le… a lawmawm hle mai remna kan thleng leh ta. kha tih hunlai a kan ram tawrhna kha N.E state leh adangte tawrhna atanga teh chuan rapthlak uchuak tak ani in ka hria, nunau poisoi lo an retheih zia te hmeichhia pawngsual an nih nasat zia te chhiahtlang hmeichhia tam zok chu pawngsual an ni an ti khaw dangah pawh a thleng ngei ang le…
    zoramthar aiin zoramthim hian min hmuak mek ni in ka lo ngai a chhan chu kan thalaite nun hi engmah thok tha peih lo,tha leh hlu leh manto te hi kan hre em2 a thiangte hi kan ram future chu kan ni si thalaite kan harh loh chuan kan ram hi.. ;-( ka ngaihdan rigot a nih hi

    Report this comment

  12. 12
    Rumtea Says:

    Remna ni nge tlawmna ni ni ang le. Ngamloh chala chil hnawm a, kan ngamloh ten fing takin ‘inrem ang u’ tiin kan inrem mai niin a lang.

    Report this comment

  13. 13
    roseparvul Says:

    Ka sms dawn pakhat hi ka duh lutuk

    Kum I986, june ni 30 tun ang hunah kha chuan MST Bus-ah ka chuang thle làwk làwk a, zan lamah Remna Thutthlung an ziak dawn tih hre hek lo i.

    Remna Ni Chibai!

    Report this comment

  14. 14
    Mama_B Says:

    Misual ho zawng zawng Remna Lal Isua hmingin remna chibai ka buk che u
    ”Mi zawng zawng nen inremin awm rawh u”

    Report this comment

  15. 15
    PKfanai Says:

    Tunah tak hian DD NE ah Live in kan lo thlir ve e.

    Report this comment

  16. 16
    PKfanai Says:

    15. *Live Telecast, not Live in.

    Report this comment

  17. 17
    Pc-a Says:

    Inhnial chu chak viau mahila, Remna ni a ni miau sia. tupawh ka rem ta mai ta. (Y)

    Report this comment

  18. 18
    Ignatia (70-115 AD) Says:

    I wonder how hard is to win this day by our brave leaders and army. The more relevant is that, Heaven reconciled the brocken Earth on the cross, you don’t need to toil the hardship, but Heaven does. Happy Remna Ni!

    Report this comment

  19. 19
    zeus Says:

    Remna Ni hi MNF ho ta! Kihhnok-a te ho tan ani ve lo (ka va han sual tak em!!)
    Post title hi a sipelling a dik lo em?

    Report this comment

  20. 20
    jesuslovesme Says:

    Mahni theuhvah i tan ang u Zoram siam thar lehna hi. Tu pawhin tih theih kan nei vek ani.

    Report this comment

  21. 21
    Alejendro Says:

    Remna Ni hi tunkum a tang Remni tihin an thlak tawh. Source Goldmember

    Report this comment

  22. 22
    katukhumkahmu Says:

    chibai vek ule..
    Kan in rem meuh a mawn chu le?

    Report this comment

  23. 23
    chhingvunga Says:

    Lessons Learnt

    This serves as a reminder to the Mizo people that henceforth if they have to make any struggle for any political advancement it has to be calculative and shrewd and not be fooled again.

    Report this comment

  24. 24
    Puii Says:

    Remna ni lawmawm kan thleng leh ta e…

    Party ang zawnga lawm tawh lovin kohhran hian in tineitu zel tawh se a va tha dawn ve…

    Report this comment

  25. 25
    zualbonez Says:

    MNF in independence an sual kha Mizo hnamin inlungrual taka kan sual ho anga ngaih theih tura mi thenkhat in an sawi leh ziah thin hi chu a tha lo ngawt mai. MNF kha Mizo represent thei tura ngaih tur pawh an ni lo. Mizo mipui in keimahni aiawha kan ngaih loh zia chu kum 1962 a District Council inthlanah pawh khan Mizo mipui khan kan hnawl thak anih kha. Khatih hunlai khan inbiak pawhna a chhiat em avangin mi tlemte thil tih kha an thawm a rin em avangin Mizo hnam pum pui emaw min tih avang leh India sorkar huat zawng tak a hmelma China leh Pakistan puihna te a dawn avangin khati tak maia beih let MNF khan a tawk ta ni. Kum 1962 a political power an chuh ve a mahse mipui in election-a nasa taka an hnawl hnu khan ramhnuai atangin political power an neih na turin an policy ‘political independence’ hmangin an kherh char char tih te kha hriat tur. Khatih laia Assam CM Chaliha khan Mizo Union tih chhiatna tura a hman tangkai theih in beisei in a lo tanpui ve zel bawk si, thil kha a buaithlak zo ta vek ani. Amah Chaliha pawh khan rambuai a rawn in tan dawn tak tak tih a hriat khan ‘ Laldenga betrayed me’ a tih hial kha.

    Report this comment

  26. 26
    vivia Says:

    Remna Ni-ah hian ka rilruah Pu Lalduhawma zuk awm daih a maw le!!!
    Remna Ni chibai vek u.

    Report this comment

  27. 27
    mate ainawn Says:

    @ Post tupa..chibai le.

    Mahse, MNF leh India Sawrkar in Inremna thuthlung an ziahni hi nga tinge Kohhran zawng a Programme a kal tak daih…tih hi ka lo ngaihtuah a. Tunhma zawng khan Pisa chawlh niin, Sawrkarin programme kha an hmang mai a ni si a…Ni e..’Remna’ hi chu Pathian atang a chhuak a nih phei chuan a hlu thlawt a..Kumin kan hmandan hi ka hrethiam lova..Tunhnu-ah Kohhran Ni pawimawh ang hrimin ka hmang zui zel ang em..Ka hrethiam lo a ni e..han sawifiah teh u..a hre deuh khan..

    Report this comment

  28. 28
    nastycool Says:

    mate ainawn, mizoram ah te chuan kohhran hian engkim a inrawlh a tum alom, kaisara thil ah pawh :-D

    Report this comment

  29. 29
    epicangelboys Says:

    “Inremna” nunna leh thisen tamtak khawhral hnuah buaipui leh si kan politiciante khan/hian thisen far khat pawh chhuah ngai lo va state thenawmten an neih anga state a lungawi leh mai mai tur an ni tih silai an lek hma khan hre thiam turin an finin a daih lo kha a pawi teh zawng a nih hi. Remna ni te kan han ti a engemaw kumtin serh a ngaihna le? Politic thil vek a la nih zel zia te hi kan la hre thiam lo fo em ni? Enge hun, tha leh sum sen a tulna? Indipendence phung sual anga hneh loh tur sual tantute avang khan tul miah lovin kan va tuar thlawn nasa rap thlak tak em. Naga Independence beituten an tawrhna atang ringawt pawh khan kan rama buaina siamtute khan thlir pha tur an ni a. Mahse, an fiin a phak si lo. Kan ram rorelna kum 10 lai an han changa hming chhe vantawngin an tla keh leh maimai si. Tun tum Remna ni serh hi a tawpberna/last ni se a tha ang.

    Report this comment

  30. 30
    chhingvunga Says:

    Mizoram State Day tih khan thlak leh ta ila kan inlungrual tlang ber lo maw. Remna ni tiha kan serh reng chuan inhnialna hian tawpin tai a nei theih lovang.

    Report this comment

  31. 31
    H.Vangchhia Says:

    Happy surrender day

    Report this comment

  32. 32
    Bawngtlaia Says:

    (@) #31 Happy Surrender Day ! (Y) (Y) (Y)

    Pu HV-a thin hi a ! :-D :-D :-D

    Report this comment

  33. 33
    H.Vangchhia Says:

    Japan pawhin July 1945 khan Allied force te nen remna an lo sign tawh a ni:

    Shigemitsu in a sign lai:
    http://i51.tinypic.com/2ptcqwy.jpg

    Allied lamin an sign ve:
    http://i56.tinypic.com/hwd92p.jpg

    Report this comment

  34. 34
    ThaiBoy Says:

    Buai kha aninawm em mai a; remna kan nei ta kha alawmawm em em ani.

    Kha mi zan tluka Aizawl khawpui hlimna in a tuam chhuah zan kha ala awm ngailo, a awm tawh pawh a rinawm loh; tun a misuala lut thin tam zawk hi chu buai hreawm zia hre phaklo kan ni hlawm awm e; Kan khawpa ho Field a anbawhkhup tlar tir a Sipaiin an vuak zawt zawt lai kha ka mitthlaah hian ala cham reng thin….. Khawvel hi ala rawn kalve zel a Mizo History Zir tuten an ngaihsan fo tur chu Mahni Lalthutthleng nam thlu a REMNA atan a hlan tute kha an nih ka ring thin (Y)

    Report this comment

  35. 35
    mate ainawn Says:

    @ 28 Nastycool : Politics avanga rambuai..Politics avang bawk a inrem..Sawrkar Programme hman awmah ka ngai..chuan hunserh hmang tur te chuan Sakhaw rawngbawl tura inpe..Pastor etc..sawm ta se..Tawk viau lo maw…Pawl leh kohhran ang a kan din hian..mahni Pawl dinchhan chiah hi thur bikin, inhnukhnawk in, seng lut kual lutuk lo ila, a dik zawk lawng maw le..

    Report this comment

  36. 36
    H.Vangchhia Says:

    ThaiBoy, #34

    Khami tuma Pu Hawla chet dan kha a hawihhawmin a inti zahawm ka ti ngawt mai. A mihrin thlak thlawt a ni.

    Mahse, “Lalthuthleng” ani thei dawn em ni le! Lal leh mipui aiawh thlantlin hi compare (tehkhin) chi niin ka hrelo tlat mai :)

    Lal (chief/king) chu dictator angin lalna (power) a pumbilh. Democracy rama thlan tlin, mipui aiawh te chuan thutlukna an mahniin an siam theilo. Siam tum pawh nise, legislative lamin an hnial thla thei tlat a ni. Tin, mipui aiawh annihna angin a tul chuan mipuiin an paih thla leh thei bawk.
    NOI

    mate ainawn i ngaihdan ka tawmpui che (Y)

    Report this comment

  37. 37
    H.Vangchhia Says:

    He thlalatu thlalak hi ka thlir leh chak tawh. Hetah hian eng tak tin vauh vauh ang maw! ;)
    http://i53.tinypic.com/30ix4rr.jpg

    Report this comment

  38. 38
    ThaiBoy Says:

    Pu HV Kan Pu hi a Lal em mai a Lal thutthleng kan ti mai mawle….. :) Thlawmna Thutthlengah a thu ngam kha tiin kan thlak ange :)

    Report this comment

Leave a Reply

You must be logged in to post a comment.