Zofate leh Kristianna

May 31st, 2011 10:00 am by Hnam sakhua

Adama te nupa bawhchhiatna-     

            Kristiante ngaihdanah chuan khawvela mihring tungchhoa kal zawng zawng tuna awm mek leh lo la piang leh zel tur zawng zawngte nen hian  Adama leh Evi thlah vek kan ni a, Edena Pathian huan siama an awm laiin Pathian dan an lo bawhchhiat tak avangin Pathian nena chatuan nun neia lo inzawm reng chu Pathian lak atanga tihhran niin chatuan nun an nei thei ta lo a, chuvang chuan tisa thihna pawh hi a lo awm ta a. Messia an tih, Krista tlanna thisen tel lo chuan chatuan nunna chu zawm thei an ni tawh lo a ni. Tichuan, khawvela mi zawng zawng chuan Krista tlanna an lo mamawh vek ta a ni. Chutichuan Isua Krista, Messia an tih bawk chu khawvela mi zawng zawng chhandamna turin khawvela lo kalin a rawn thi ta a ni. Chu chu Bible Thuthlung Thar buin a zirtir dan a ni a, mi dangin tisual ve lo mah sela, an thlahtu berin a tihsual tawh avangin, ‘Pate’n grep thur an ei a, an fate ha a tim e,’ tih chu an thufing tawi a lo ni ta a ni.

Adama leh Evi pianna-        

            Tun hmaa Bible chhuak hmasaah chuan Genesis bung bul berah lei leh van siam kum anga an ruat, ‘B.C. 4004,’ tih hi dah a ni thin a, hei hi Evi leh Adama siama an lo awm kum niin an ngai nghal bawk a ni. James Ussher-a te, Dr.Livefoot-a te chuan  B.C. 4004 October ni 23/26 zing  dar 9:00 hi Evi leh Adama pian kum angin an chhui thei a ni. Mosia chuan Aigupta finna zawng zawng a zir chhuah hnuin he Israel-hote history hi a ziak ta a ni.


Mosia’n Adama thlah vekah min puh lo-    

            Mosia lehkhabu atangin i lo zir hmasa ila, khawvel mihring zawng zawng hi mi pakhat Adama thlah vek an ni em tih chu i lo chhui dawn teh ang. Israel hnam pipute chuan chi inthlah chhawnna lam an sawi chuan hmeichhia hi an sawi tel ngai lo a, mipa thlah kal zela kha an chhui mai thin a, chuvangin Mosia ziak danah chuan Adama chuan fapa upa ber Kaina a nei a, a nau Abela a nei leh a. Kaina chuan a nau Abela a thah tak avangin leiah hian mi vakvai a lo nih tak thu leh a hmu apiangin an thah mai theih thu a lang a; chu mi hnu chuan khawchhakah Nod lamah a chho a, chutah chuan nupui a han nei a, thlah tam tak a han nei ta a ni. Chutichuan Mosia lehkhabuah Genesis bung 4 leh bung 5-ah hian thil pathum lang fiah tak kan hmuh chu-

            1. Kaina khan a nau a thah avang khan miin an thah ve mai a hlau a, Adama leh Evi chu mihring hmasa ber lo ni ta se, amah hringtute pahnih bak mi an awm si lo a, a nu leh pain an  thah a hlau em ni ang? ‘Mi,’ a tih chu tunge ni? Mi dang Adama thlah ni lo an awm tih a chiang hle mai 

            2. Nod rama nupui a han neih kha tu fanu nge ni ang? A farnute nupuiah nei ni sela Nod ramah kal ngai in a nu leh pate in chhungah inneih mai awm? Chuvangin mihring dang, anniho lo hi an awm tawh a ni tih a chiang hle a ni.

            3. Gen.5:1-ah chuan, ‘Hei hi Adama thlahte chuanna lehkhabu chu a ni,’ a ti a. Adama hi mihring hmasa ber ni dawn sela, ‘Hei hi Adama thlahte chuanna lehkhabu chu a ni,’ tih hi ziah lan tel kher a tul em ni? Hei hian Adama thlahte ni lo Pathian siam mihring dang an awm ve tho a ni tih a tichiang hle a ni.

Judaism pianna bul-

            Abrahama chu Kaldai rama Ur khuaah B.C. 2000 vel khan a lo piang a, a pa chu milem be mi Tera a ni a, rangkachak milim siamin pathianah a be thin a ni. Abrahama chuan milem biak a duh loh avangin a pa awm loh hlanin a milem pathiante chu hreipuiin a chek chhe vek a ni. Abrahama chuan engkim siamtu Pathian chu a bia a, a hnenah chuan Pathianin ram a pe a, a thlahte pawh nasa taka an la pun tur thu a hrilh a ni. Hetih hunah hian Judaism chu a lo intan ta a ni. Abrahama chuan Isaaka a hring a,Isaaka chuan Jakoba a hring leh a, Jakoba hi, ‘Israela,’ tih a lo ni ta a. Israela chuan fapa 12 a nei a, chungte chu Israel hnam 12 thlahtute kha an lo ni ta a ni. Hetih lai hian Jakobate rin dan chuan  Kanaan ramah chauh Pathian a awm a ni. Israela fapa naupang ber dawttu Josefa chu a ute’n an hralh hnu khan Aigupta ramah a awm ta a. He mi hnu hian Kanaan ram(Israelate chhungkua chenna ram)-ah tam a tlak avangin Aigupta ramah an pem ta a. An pem kum hi B.C.1876 vel a ni a, hetih lai hian hnama chhiar tham an la ni lo a, chhungkaw hung tak, member 70 an ni tawh a ni tih chhuitute chuan an ziak a ni.

Josefa a thih hnu chuan Aigupta mite chuan an tirethei hle a, sal chhawr takin an lo chhawr thin a ni. He ramah hian kum 430 vel an awm a, Mosia a lo piangin a han puitling a, Aigupta finna zawng zawng a zir chhuah hnuin Israel-ho history a ziak ta a, anniho chu Aigupta sal ata a hruai chhuak a. Mosia chuan Sinai tlang atangin Pathian dan sawm pek, lungphek pahniha ziak hi a rawn hawn a, chutah chuan:

            “Keimah chauh hi Pathian, Aigupta ram ata hruai chhuaktu che u ka ni. Keimah lo chu Pathian dang reng reng i nei tur a ni lo a, milem siam chawp reng reng vana mi emaw, leia mi emaw, lei hnuaia mi emaw, a anpui siamin chung chu i be tur a ni lo a, an hmaah chibai bukin i kun tur a ni hek lo,’ tih hi a tel a ni.

            Hetih hun lai hian Judaism rin danah chuan Kanaan ramah chauh Pathian awm loin, hmun tinah awmin an ruat ve tawh a ni. Chutichuan Mosia chu a thih hnuin Josua hoin Kanaan ram chu an lut ta a ni. Genesis atanga Deuteronomy thleng hian, ‘Mosia lehkhabu pangate,’ tih a ni thin.

Run an tawk thin-    

            Josua ho chuan Kanaan ram chu an luah a, Arona thlahte Levia chiho tih loh hnam 12-te’n ram an insem vek a. Josefa fapate pahnih Ephraima leh Manasea thlahte chuan Josefa chanai chan hnih an chang a, Israel ram pum lalram khata awm thin chu lalram pahnihah a inthen ta a. A chhim lam chu Juda lalram a ni a, chutah chuan Levia hnam te, Juda hnam te leh Benjamin hnam te an cheng a. A hmar lam lalram chu Israel lalram a ni a, chutah chuan Ephraim hnam leh Manasea hnam nen hnam 10 an cheng a ni. Lalte rorelna hnuaiah kum 130 vel an awm hnuin hmar lam, Israel lalram chu Assuria chuan a rawn run a, salah a hruai fai ta vek mai a, tun thleng hian an chanchin hriat lohin an bo hlen ta a, Bible-ah pawh an lang nawn leh ta bawk hek lo a ni. Chuta tanga kum 160 a lo liam leh chuan chhim lam Juda lalram pawh chu Babulon chuan a rawn run ve leh ta a, mi tam tak salah a hruai leh ta a ni. Babulon sala an tan lai hian rethei an intiin an ram leh Zion chu an ngai em em a ni.

            Judaism rin dan chu a lo dang hret hret a, a hmasa lamah chuan Kanaan ramah chauh Pathian a awm a, a hnuah chuan hmun tinah Pathian a lo awm ve leh ta a. Babulon chu Persia chuan a rawn hneh ta a, Babulon sal neih sa Judaho chu Persia chuan a rochungta nghal a. Judate chu Aigupta te, Assuria te, Babulon te angin Persia-ho chuan an tiduhdah ve lo a, thianah an siam a, zalen takin an zingah an khawsa ve thei a ni.

Persia mite sakhua-  

            Chutih lai chuan Persia mite sakhua chu Zoaraster-a zirtirna hnuaiah a awm a. Zoarastrianism zirtirnaah chuan an Pathian Soyashan chu van atangin a lo kal ang a, leiah hian ro a rel ang a, mi zawng zawng an inrem tawh ang a, tumah an indo tawh lo ang, tih a ni. Chu chu an lehkhabu Avesta-ah ziakin an nei a ni awm e. Chu zirtirna chuan Juda hnamte rilru a chiah hneh ve a ni ang, Persia mite hnuaia an awm atang hian Persia mite rin dan zulzuiin, ‘Messia chu khawvelah a lo kal ang a, Judate hi a rawn chhanchhuak ang tih rin dan hi an lo nei ve ta a ni. Tichuan kum B.C. 700 velah khan Zawlnei Isaia chuan, ‘Kan tan naupang a lo piang a, fapa pekin kan awm ta a,’ tiin a lo sawi ta a ni. ‘Lalpa lo kalna thu lam ziahna hi Bible-ah vawi 1855 lai a awm a ni.

Judaism leh Christianity-    

            Judaism chuan Kristiante’n Messia nia an ruat, ‘Krista Isua,’ an tih kha Messia niin an ruat ve lo a. Kristiante chuan, ‘Pathian fapa mal neih chhun,’ an ti. Pathianah an bia a, a thiha a thawh leh thu leh nakina a lo kal leh tur thu an sawi nasa hle a ni. Amah Isua ngei pawhin a thi a, a tho leh a, a lo kal leh dawn tih a sawi niin an ziak. Judaism chuan siamtu Pathian tak chauh lo chu a dang reng reng biak an duh lo a, milem biak emaw, mihring Pathiana biak emaw chu an duh lo. Kristiante erawh chuan mihring Isua chu Pathian angin an bia a, Judate chuan mihring a nih avangin Pathian angin an be duh lo a ni. Pathian anpui biak pawh an duh lo. Tin, Isua pawh khan Mosia dan tlawhchhanin, “‘Lalpa i Pathian chu chibai buk la, Ama rawng chauh bawl rawh,’ tih ziak a ni,” a ti. Isua chu Pathian ni loin, a anpui chauh a nih thu an ziak a, Genesis-ah chuan mihring chu Pathian anpuia siam a nih thu a sawi a, Tirhkoh Paula pawhin Isua chu, ‘…Pathian anpui,…’ a ti.

Isua lo kal chhan-     

            Chutichuan Judaism atangin Kristianna hi a lo peng chhuak a, Isua chu kum B.C. 6 velah khan a lo piang ve a, a zirtirna chu tidanglam hret hretin Kristiante chuan Isua avanga chatuana nunna neih theih chauh niin, khawvel mihring zawng zawng, bawhchhe fa lo ni tawhte chuan chatuana nunna  an neih leh theihna turin Isua chu a lo kal niin an zirtir a ni. Isua erawh chuan khawvel mi zawng zawng tana lo kal a nih thu a sawi lo a, Israel hnam 12-te tan chauha lo kal a nih thu a sawi zawk a ni.  Isua kha hnam 10 bote chauh zawng tura lo kal angin thenkhatin an sawi bawk a, mahse hnam 10 bo tate kha Israel ramah an awm tawh loh avangin anmahni zawng tura lo kal ni sela chuan an awmnaah piang loin Israel ramah apian a rinawm. Tin, hnam 12-te chu an Pathian hnen atanga bo niin Isua chuan a ruat a, Israel ramah a rawn piang a ni zawk. Isua tawngkam chhuak an ziakte hi i lo en teh ang: Chungte chu: (1) Israel hnam beram bote hnenah lo chuan tirh ka ni lo e. (2) Fate chhang laksak a, uite hnena pek chu a mawi lo e. (3) Jentail-te kawngah kal suh ula, Samari mite khuaah reng reng lut hek suh u. Amaherawh chu, Israel hnam beram bote hnenah chuan kal zawk ang che u, tihte hi an ni.

Nun thu zirtir dan khaikhinna-

            Kristiante chuan mi zawng zawng hnena chatuana nunna rawn pe leh turin Isua a lo kal niin an zirtir a, Isua erawh chuan, ‘Thu tak hriattir hi ka pian chhan leh khawvela ka lo kal chhan a ni,’ a ti a; chu thu tak a rawn hriattir chu engnge kan tih chuan, ‘Tu pawh ka thu hria a, mi tirtu ring chuan, chatuana nunna a nei tawh,’ a ti a. ‘Chatuana nunna an la nei ang,’ emaw, ‘An nei dawn,’ emaw, ‘An la nei maithei,’ emaw a ti lo. Chatuana nunna an neih tawh thu hriattir turin Pain a rawn tir a lo nih chu! Hei hian Bible Thuthlung Hlui buin a sawi dan pawh a mil chiah zawk. Sam phuahtuin,

            “Lalpa, nang chu chhuan zawng zawng chenah kan awmna i ni thin,

            Tlangte pian hma a, leilung leh khawvel i din hma pawh khan,”

a lo ti a. Tin, Solomona pawhin,

            “Tlangte leh tuifinriatte an awm hma khan ka piang tawh a,

            Lalpa chuan a thil siam bul berah min din a,”

a lo ti ve leh chiah bawk.

            Chutichuan, tunah hian Mosia lehkhabuah khawvel mi zawng zawng hi Adama thlah vek an ni tih zirtirna chu kan hmu lo a, Judaism ringtute’n an ngaihdan a ni em ka hre chiah lo nain an Torah buah a ziak lo tlat bawk a. Kristiante Bible-ah hian chu zirtirna chu a inziak ta a, mihring tisa thihna pawh bawhchhiatna sual vangah a puh ta bawk a ni. A nih loh leh keini Zofate hi Adama thlahah kan tel ve ang em? Bawhchhiatnaah kan tel ve ang em? Kan thi ve zel thin si a!

            Adama chu kum B.C. 4004-ah a lo piang a, nimahsela anni nupa lo hi mihring dang Pathian siam ve tho chu an hun lai pawh khan an lo awm ve a ni tih Bible atangin kan hre tawh a nih kha. Australia mithiamte huan tun hnaiah khan an rama lung upa tak mai an hmuh chhuah chu kum tluklehdingawn 6 leh vbc 35 vela mi a nih thu an sawi a ni. Chu chuan khawvel upat tawhzia a tichiang awm e. Tin, kum 2006-a chanchinbu chhuak pakhat khan kum 18000 vel Indonesia ramah khian mihring an lo awm tawh thu a sawi a. Tin, B.C.5000 lai kal tawhah khan China ramah chuan Civilisation an lo kalpui muah muah tawh niin mithiamte’n history-ah an lo ziak bawk a. Kan chenna khawmual hi a tawlh tual tual a, kum sang tam tak hnuah chuan khawmual thenkhat chu a lo inpersan ta daih a, a then leh thung chu a hmaa inhlat taka awm thin pawh a lo tawlh chip a, a lo insu ta a, chu chuan tuipui mawnga mi rawn sawr chhuakin Himalayas tlang te chu a lo awm ta niin mi thiamte chuan an sawi a ni. Chuti ang atanga han chhui chuan keini Zofate chu khawchhak mite ang maia vun eng, hnarngul hniam leh mitmeng zim, taksa sei leh fuke tawi chi kan lo ni ve a. Kan chenna khawmual leh India mite chenna khawmual pawh a lo insut hnuah khawmualpui inzawm kan lo ni ta a. India mite chu hnarbang sang tak, meng kel kawl leh taksa tawi, fuke sei si an lo ni leh a, kan taksa pian dan a lo inang lo nasa si a. Kum tam tak hnua rel te, thlawhna te, motor tea an intlawhpawh hnuah pawh thlahtu thuhmun lo kan nihna a la lang fo mai a, kan inneih pawlh fe hnuah kan la inang chauh dawn niin a lang a ni.

            Chutichuan keini Zo hnahthlak pipute chu Israel-ho thlahtu Abrahama pian hma B.C. 2200 velah khan khawchhak lam China ram bawr velah Zhou Dynasty neiin an lo awm daih tawh a, heng hun laiah hi chuan kan thlahtute leh Adama thlahte chu hriat pawh an la inhriat pawh phak hmel lo hle a ni. Agriculture mi thiamte chhut danah pawh Adama pian hma kum 100 liam taah khan Chin rama buh(rice) an ching tawh a, India ramah pawh thlai damdawi, a hmanna tur chi nen lam ziak sa an lo nei daih tawh bawk si a. Africa khawmualah pawh sabengtung(donkey) hi kum 5000(Adama pian hma kum 1000) kal taah khan an lo chhawr hrep tawh thu pawh an ziak a ni.

            Kan pi leh pute chuan engkim siamtu leh engkim chunga thuneitu Pathian chu van hla takah awmin an ruat a, mihringfate hi englai pawhin a ngaihvenin a chenna van atang chuan a thlir reng thin niin an ruat a ni. A awmna chu tumahin an thleng phak ngai lo a, Khawzing Pathian,’ ti pawhin an lam thin a ni. A thuneihna hnuaiah hian thlarau tha nia an ruat engemaw zat an awm a, Khuanu te, Khuavang te, Lasi te leh a dang dang te chu he Khawzing Pathian thuneihna hnuaia mi an ni a, mihringte chunga malsawmna thlen thintute an ni a, an be thin a ni. Tin, Khawzing Pathian thuneihna hnuaia mi tho thlarau sual nia an puhte an awm nual bawk a, chung chu mihringte chunga natna leh harsatna thlen thintute niin an ruat a, chungho hnawh bona turin leh tlawn lungawina turin inthawina an hmang thin a, Pathian ang erawh chuan an be ngai lo a ni. Sap(Mingo)-hoin ramhuai bia anga an lo puh hi chu a dik lo a ni. Tin, thing bul leh lung bul bia anga an puh pawh hi a dik lo a, thing bul leh lung bul te siamtu, natna thlen ve ngai lotu kha an be zawk a ni.    

            Tichuan kan thu sawi tawha thil lang chiang tak awm ta chu-

            1. Juda-ho chuan an thlahtu bul Abrahama atangin milem an be lo a, engkim siamtu Pathian tak hmuh theih loh chu an bia a, mihring pawh an be ngai lo a ni.

            2. Adama chu Asia Minor bawr vela khawsa ni awm tak a ni a, chuti a lo nih chuan Zofate chu Adama thlah chu kan ni ta lo phawt mai a ni.

            3. Khuta mite’n Judaism sakhua an pawm avangin kan pipute’n an pawm ve ngawt thei lo a, hriat pawh an inhre phak hauh lo ang. Chutiang bawkin Kristiante’n Adama chu an thlahtu bul nia an pawm avang ngawtin kan pipute’n Kristianna hi an zawm ve theihna tur a awm lo a, an thlahtu chu khawchhak lam mi daih a nih avangin Adama bawhchhiatna mawh a thlahte’n an tuar angin keini’n kan tuar ve phak lo a, thlahkhat kan nih loh avangin. Chu mi tlukpui chiah chuan Isua chhandamna pawh hi Zofate’n an mamawh ve chuang lo ang. Adama chu Zofate thlahtu a nih ve loh avangin a bawhchhiatna mawh chu Zofate chungah a awm ve loh avangin Isua chhandamna hi Zofate chuan an mamawh ve hmel loh a ni.

Mi thenkhatin Israel emaw an lo intih ve ngawtna chhan pawh hi belh chet a dawl lo a ni; ‘An tihdan leh kan tih dan a inzul,’ tih te, ‘An puan tial dan,’ tih te, ‘DNA test,’ tih te, ‘Ek kan ei,’ tih te mai mai hi a ho hle. India ramah pawh mihring heti zozai, tluklehdingawn tel kan awm a, khawvel huap phei chuan mihring kan tam lutuk a, tih dan inang lo vai vek tur chuan a har khawp ang. China rama Hong-he luipui hlaa an phuah ni awm tak pawh Tuipui Sen kan hla emaw an ti a. ‘Hong,’ chu, ‘Sen,’ tihna a ni a, ‘He,’ chu ‘Luipui,’ tihna a ni. ‘Himalayas,’ pawh ‘Vur ram,’ tihna a lo ni si. ‘He lamah,’ tihna emaw an ti ngawt a, a lo ni hauh lo a nih chu. Zofate chu Kristianah lo inruat mah ila, Kristian tak ni loin, ‘Saphun’ chauh kan ni a, a tak ni lo kan ni tihna a ni. Chuvangin choak arawn chang tawn ang deuhin, mahni nihna lo pui hi nih ve phet kan tum a ang hle dawn a lo ni e. Adama pian hma kum sangkhat kal taa hmasawnna lo kalpui muah muah tawh khawchhak mi te, Indonesia rama kum 18000 lai lo khawsa tawh te hi chu Adama bawhchhiatnaah an tel lo hrim hrim a, a thlahte an nih ve loh avangin Isua chhandam leh tlan pawh an ngai ve lo tihna a ni dawn lo’m ni le? Grik mifing Galileo hun lai vela, ‘Kan awmna lei hi a mum a ni,’ tih leh, ‘Ni khi kan awmna lei hian a hel zawk a ni,’ tihte chu khatih hun laia Kristian Kohhran hruaitute chuan, ‘Kohhran thurin a kalh,’ tiin thahah hial lo vau lo vau mah sela, tunah chuan lei a mum a ni tih leh, Ni khi kan awmna lei hian a hel zawk a ni tih chu kan awih vek tawh a nih hi. Hetiang bawk hian tuna  Zofate hian Adama thlah kan ni lo a, Kristian pawh kan ni thei lo a ni tih hi pawm thei rih lo mah ila, kan zaa kan pawm tlan theih hun chu a lo la thleng tho tho dawn si a. Chhiartute’n lo chhut chiang ve teh mah u.

Similar Posts:

Recent Posts:

96 Responses to “Zofate leh Kristianna”

Pages: « 1 [2] Show All

  1. 51
    mr.Duhlova Says:

    Hnam sakhua…..baptisma i chang dawn tawh ang chu tih nak alaiin, i va la rawn dek sei ve.

    I thu rawn phuh chhuah hnialthlakna tur Bible-ah a awm vek na-in, hun a duh rei deuh dawn avangin, thil pakhat: I thurin leh i thil chhut dan i rawn ziak fo mai a,’rawn ziah tawh suh’ kan tih theih i ni hauh lo. Tin, nangmah hrilhfin na tur thu tamtak kan rawn ziak liam liam tawh a, comment i chhiar ve tih chu a hriat a, mahse – i thil hriatna leh chhutna-ah i ding nghet lui tlat mai a, thu tha zawk leh chhandam i nih ve theihna tura Bible in kawng min kawhhmuh hi, pawm a hnek in, hnial thlak a, pheh i tum tlat mai si a.

    Chuvangin, kan in hmin miahlo tih hriatnan i thurin i sawi zel a nga, kan thurin kan sawi ve zel bawk a nga…. i sawi peih chen chen kan sawi peih ve tih i hriatnan…..a bul in tan dawh teh ang aw…

    Keini chuan, sakhua – thil tha tih leh felna hmang a vanram (Pathian hnen thleng thei kan awmloh avangin) thlen theih a nihloh avangin..Pathianin a Fapa (Isua) hmanga min rawn zawn hmuh lehna….rinna avanga khawngaihna a chhandam (Ep 2:8), Pathian fa a vuah (Jn 1:12)kan lo ni ta a. Adama thlah kan ni emaw, ni lo emaw….chu lama buai tawh lovin, Isua krista, thihna ata a thawhlehna avanga..thawhlehna hmahruaitu hi kan tan a pawimawh em em a.

    Kan Bible chuan, “Adamaah chuan mi zawng zawng an thin ang hian Krista-ah chuan mi zawng zawng tihnunin an awm bawk ang (I Co 15:22)… tichuan ‘Sakhua’ ni tawh lovin tho leh Isua Krista a din ‘Kohhran’kan lo ni ta.

    Kohhran awmzia : Hnam Sakhua te, Hindu Sakhua te, khawvel sakhua hrang hrang hmang a min bawihbet tu ‘hmelma Diabola’ leh ‘a ho te’ khawvel (Eph. 2:5)atanga ‘chhandam’ ‘koh-chhuah’ ‘kohhran’ a ni.(I Pec 2:9)kan lo ni ta……hei hi lo chhiar ve ta che…..

    KOHHRAN

    Mihring chanchina thil ropui tak kan hmuh chu,‘Pathianin Ama anpuiin Mihring a siam’ tih hi a ni, chu chu Pathian leh mihring inlaichinna a ni. Mihring chanchina thil rapthlak tak kan hriat leh erawh chu, Pathian leh mihring inlaichinna lo chhe ta hi a ni thung. Chu chu tlukna, bona, chhiatna leh thihna kan tih thin hi a ni.

    Mihring chanchina thil ropui tak lo awm leh ta chu, Pathian leh mihring inlaichinna chhe tawh hnu, Krista thihna leh thawhlehna avanga ‘siamtharlehna’ thu hi a ni. Chu chuan Pathian leh mihring inlaichin lehna a siam ta a ni. Chu chuan Pathian chhungkua –Kohhran chu a rawn din thar ta a ni.

    Lal Isua tawngkamah khan ‘Kohhran’ tih hi vawi hnih chauh a lang a (Matt.16:18&18:17), ‘Pathian ram’ erawh chu vawi 110 lai a lang ve leh thung a ni. Hetah hian Lal Isua thuchah laipui chu ‘Pathian ram’ a ni a, tirhkohte thuchah laipui chu ‘Kohhran’ a ni. Mahse hei hi thil inkalh ni lovin, thil thuhmun, tum thuhmun a ni. A awmzia chu, Zawlneiten ram lo thleng tur an beisei chu, Baptistu Johana’n “a hnai tawh e” (Matt 3:1) a lo tih leh, Lal Isua’n, Pathian ram chu in zingah a awm’(lk.7:21) tiin, Ram chu lo thleng tawh a nih zia a sawi a ni. An sawi dan inanlohna chhan bul ber chu Pathian ram thu an sawi thin hi. Amah – Lal Isua ngei a lo nih vang a ni. Chuvang chuan, Tirhkohte thinlungah pathian ram thu aiin, Amah Krista ngei chu a thupui ta zawk a, chuvang tak chuan Pathian ram thu aiin Amah Krista ngei, “khenbeha a awm thu” chu an tlangaupui ta a. Khenbeha a awm chhan Pathian chhungkua, ‘kohhran’ thu chu an uar lo thei ta lo a ni. Chu, Pathian chatuan remruat Krista-a tih a tuma (Eph.3:10) chu hlen chhuah a nih theih nan Lal Isua, ‘he lungpui chungah hian ka kohhranho ka rem chho ang’(Matt.16:18) a lo ti a. A thihna leh thawh lehna avang chuan Khawvelah kohhran a lo ding ta a ni.

    ‘Ecclesia’ hi Greek tawng, a awmzia chu ‘kohchhuah’ ‘ko hrang ’’ko khawm’ tihna a ni a. Hna bik atana kohchhuah , pungkhawmho sawina a ni. Kohhran a din theih nan a laimu tur pawlho a din a, ‘amahin a duhzawng apiangte chu a ko a, zirtir sawm leh pahnih a ruat ta a ni (Mk.3:12-19) , Chu chu Pathian chhungkua Israel hnam sawm leh pahnihte aiawhtu leh entirna a nih avangin, Israel thar bul a lo ni ta a ni. Chu mi rilru pu chuan Lal Isuan kohhran thu chu Beram rual nen a tehkhin a (Jn.10:7-16) , chu mi kal zel chuan, Lal Isua thihna leh thawhlehna hun thar a lo thleng a, pawlho thar a lo ding a, chutah vek chuan Pathian chhungkua Israel thar lo dingin Krista taksa, Pathian Temple thar Kohhranho kan hmu ta a ni.

    Kan Lal Isuan sakrament a buatsaihin, ‘He no hi ka thisena thuthlung thar chu a ni, min hriatreng nan hei hi ti thin rawh u’ (Lk.22:19-20) a lo ti a,chu chuan Pathian mite chu thisena lei, thuthlungthar mite an nih tur zia a entir a, chu chu kohhran hi a ni. Chu Krista inhlannaah chuan thuthlung hlui inthawina leh Lalpa chhiahhlawh hnate a lo famkim ta vek a ni.

    Hotu neilo zirtir khawhar tak te chuan, an Lalpa thupek chu awihin, Pa thil tiam lo thleng tur chu ngha kin thahnemngai takin an tawngtai a. (TT.1:19) Tichuan Penticost ni alo thlen chuan Pa thil tiam thlarau thianghlim chu a lo thleng ta a, an za-in an chang theuh a, tihdanglamin an awm ta a, an nih dan tur leh dinhmun dik tak Kohhran zia chu chutah chuan a lo lang chhuak ta a ni. Huai takin thu an hrilh a, nitinin ringthar an pung zel a, Lalpan awmpui a tiam ang ngei in a awmpui a, an kutin thilmak tam tak a tihtir a, (TT.3:7&5:12-16) Lal Isua sawi ang ngeiin pawlhovin an awm a, (John.10:16) rilru hmunkhat leh ngaihtuahna hmunkhatin an awm tlang hnam a awm tawh hek lo, serhtan a awm lova, bawih leh bawih lo, mipa leh hmeichhia a awm hrang tawh hek lo, hnam tin chitin huangkhatah an lawi ta a, pawlkhatin an awm a, vengatu leh hotu pakhat nen (Kol.3:11, Gal.3:28). Krista Isuaah chuan an za-in pumkhat an lo ni ta. Chuvangin Kohhran chu ringtu awmkhawm, inunauza, ‘chhandamtu pakhat,’ rinnain a phuarkhawm avanga Pathian leh mihring inpawlna, “chhungkaw lianpui pakhat” a ni. Chu inpawlna chu inpumkhatna a nih tlat avangin, “rilru hmunkhat leh ngaihtuahna hmun khatin” an awm a; tam tak ni mah inpeng tawn theuh a ni si a (Rom.12:5) .Chu chu Kohhran ze dik tak chu a ni.

    Kristian zawng zawng awmkhawm hi Kohhran a ni ngawt lova, mi tamtak awmkhawm pawh Kohhran a ni lo, “NUNNA” kha Kohhran chu a ni, Kohhran chu Kohhran pakhat leh Kohhran awmchhun chu a ni. .Chu Krista nunna pakhat awmchhun chu mi tam takin an nei a ni zawk. Krista, ‘Nunna’ chu i nei a, chu Krista Nunna i neih kha i thianpain a nei ve a, chutiang bawkin chu Krista nunna i neih kah an nei ta theuh a ni. He Krista nunna kan neih theuh hi a lo inremkhawm chuan Kohhran chu a lo awm ta a ni.

    Tichuan,Kohhran chu Pathian leh Mihring inlaichinna, siamtharlehna a nih avangin ringtu mimal tan malsawmna hnar a ni a, ringtu mimal hian kohhranah chauh lo chuan a thlarau lam nun malsawmna Pathian pek chu a kim thei lo a ni. Kohhran hi Pathian ruahman (Created ), Lal Isua din (built), Thlarau Thianghlim luah (dwelled) a ni a. Chu mi awmzia chu thuthlunghlui pumpuiah Pathian thil tum leh ruahman dan a lo lang a, chu chu Lal Isua thihna leh thawh lehna chuan a lo inremkhawm a, chu chu Thlarau Thianghlim lo thlenin a lo nung chhuak ta a ni.

    He kan din hmun hi lo chhut chiang ve zawk teh aw… (Y)

    Report this comment

  2. 52
    no_nick Says:

    buaithlak thin.. riru i tibuai map mai alom..!

    Report this comment

  3. 53
    Pakak Says:

    @51 (Y)

    Report this comment

  4. 54
    lushai_er Says:

    @mr.duhlova : Tawi deuhin kan sawi ve teh ang ! Luipui kan theih loh kan nan ‘lei’ (bridge) min dawh sak a. Chu lei pan dan chu signboard an tar a, chu signboard chu a changin rawng hring an hnawih a, a changin rawng eng (bible translation version hrang hrang). Eng rawng pawh chu lo hnawih se, kan pan tur lam kawng min kawh hmuh kha a dang chuang lo ! Chu ‘lei’ lo chu kalna dang a awm chuang si lo. A zawh duh lo chuan hleuh kai tum mai rawh se……….!

    Report this comment

  5. 55
    PayableOnDeath(Zrma_C) Says:

    Van sei em2 a chanve chiah ka la chhiar,hman huna chhiar chhunzawm atan dah rih mai ang, Bible pawh hre ve zek lehngal,Christian tam tak ai in I hre daih! mahse I awi/pawm chuan silo. Diklo lamah(christiante hnial nan mai2) hmanglo in bible hi pawm in,fin phah nan hmang la ka va ti em!

    Report this comment

  6. 56
    hp.swing Says:

    Tiang mawlmuk lutuk in eng tin nge finphah nan a hman ang….Mi a chu an vuak fin theih loh an tih kha. He pa pawh hi vaw hrep mahila a fing chuang kher lo ang. Bible te hi chhiar chhiar ve suh

    Report this comment

  7. 57
    Amaria.vch Says:

    ;-)

    Report this comment

  8. 58
    Amaria.vch Says:

    :-D

    Report this comment

  9. 59
    Rumtea Says:

    KA CHHIAR PEIH LO.

    Report this comment

  10. 60
    Bawngtlaia Says:

    Chhiar hmain Sawmruk lawk ang. ;-)

    Report this comment

  11. 61
    mr.Duhlova Says:

    54
    lushai_er # (Y) Hleuh kai tum ho kha, tui a tla hlum lova, luiral an kai theihnan ‘lei’ kan kawh hmuh ngawng ngawng chu a nih hi…hmangaihna avangin (L)

    Report this comment

  12. 62
    H.Vangchhia Says:

    #54 chu Catholic rindan chiah anih khi mawle hairehai :-) NOI :Tlanchhe nghal daih te’ng:

    Report this comment

  13. 63
    Rumtea Says:

    Hnam Sakhu post hi ka chhiar peih lo hrim hrim, thawnthu phuah se a thiam ngot ang.
    Comment hrang hrang ka chhiar a ka duh tawk. HS hian post deuh reng se la tha ka ti. Pathian hnungzuitu te kan in sawhngheh phah a, tin, Lalpa tan hian kan lova tang huai ngam em!! Tih te min ngaihtuah tir daih nia

    Report this comment

  14. 64
    H.Vangchhia Says:

    Ho te pahnih khat lek kan sawi ve mai2 teh ang, zawhna te pawh ani pah ang chu!

    1. Hnam sakhua i tih hian eng hnam sakhua ber nge i sawi. A awmzia chu, Lusei nge Lai (Pawi) nge enge?

    Lai (Pawi) ah te leh hnam dangah te hian sakhua leh tradition danglam hret2 a awm nawk ania. Mizoram hi Mizo zia leh sakhua fiankhawmna akimlo ber zawk maithei ania. Lusei ho zia/sakhua kha an lalna khuaah bak an hmang lo viau maithei.

    Entirna tlem: Lamtuk khaw (leh a chheh vel) Lai (Pawi) ho chuan an mikhual te chaw ei laiin chokaah an awm athianglo. Hei hi sakhuana atanga intan, hnamzia anga an neih zui tak niin sawi a ni.

    Dâwn khuaah chuan mipa zawngin Lusei/Duhlian tawng an hmang a, hmeichhia zawngin Lai (Pawi) tawng an hmang thung. Hei pawh hian chhan tam tak a nei thei ve ngei ang.

    Mivam thlah ho, Berhvatea fate, Saivate leh Chunthanga thlahte hian ramhuai an hlauh tlawn ve ngai lo. Lusei hoin inthawi nan lova ran an talh ngamloh laiin anni chuan an duh hun2 ah an talh mai thin. Sechhun an neih ve changin chu2 thlahual nan an hmang ve mai.

    Sawi tur atam ang.

    Chuan, enge HNAM SAKHUA i tih ber hi, Lusei ho sakhuana Bawlpu ho kaihhruai ang te kha em ni?

    Report this comment

  15. 65
    PayableOnDeath(Zrma_C) Says:

    Tunlai chu Lai nula pa 1 chhelo tawk duh deuh mai ka nei tlat mai!
    :-(
    Chhim lam hian ka lung a kuai tlat zel mai anih hi… ;-)

    Report this comment

  16. 66
    Bawngtlaia Says:

    Thu hi rawn post fo teh khai, a sei viau naa ka chhiar chhuak vek e. Judaism vuantute’n mihring hi ‘Adam-a thlah vek kan ni’ tih hi an rin leh rin loh khi i chiang lova…’Adam-a thlah vek kan ni mihringte hi’ tih hi Judaism vuantute rin dan a ni e, ‘ring’ tih lemah ‘chiang’ a ni zawk ang. Nephilim thlah ho lah kha tuiletah khan an thi vek bawk si a, a dam khawchhuak awm chhun Basan lal Og-a lah kha Mosia’n a kit ruah mai bawk si a.

    Thil pakhat leh mai mai chu Torah hi chi hnih a awm a: 1) written Torah leh 2) Oral Torah . Written Torah chu tuna Mosia lehkhabu pangate tia i sawi khi a ni; Oral Torah erawh chu Written Torah hrilhfiahna a ni. A awmzia chu Written Torah-ah chuan ‘Shabat Serh Rawh’ tih lo inziak ta se, engtia serh tur nge tih a inziak tel lo, Oral Torah-ah a inziak thung.

    Written Torah hi Mosia’n ama thua ziak a ni lo, P-thianin ziak rawh a tih ang chiaha a ziak a ni a, chhunhan pakhat pawh a belh lova, a paih hek lo. A hrilhfiahna pawh a dawng a Oral Torah kan tih hi. Oral Torah a nih ang ngei hian tawngkain an inhlan chhawng thin, tlai khawhnu feah Judate hnam dangin an awp tak hnuin Oral Torah hi a bosal mai an hlauh a vangin ziah a ni ve ta chauh a ni.

    Kaina nupui kha a pianpui a unaunu a ni e, chu chu Oral Torah-a kan zir a ni e. Written Torah chauh hi i chhiar phak a ni hrih a, i thuziak khi ka dem hran lo che.

    Post-tupa, thil pakhat leh mai mai chu kristian i nih loh chuan an thurin i hrethiam pha hauh lovang, an rinna ang kha i nei ve tlat lova, chutiang bawkin Judaism i nih loh chuan kan thurin hi hriathiam a har tih ka hria , convince che ka tum lova, ngaihdan thar te i neih theih takin ka rawn ziak satliah ve mai a ni.

    Thu hi rawn post fo teh khai.

    Jakobaten P-thian chu kannan ramah chauh a awm an ring i tih khi kan (Y) ve mai mai ang e…. :-D :-D :-D

    Report this comment

  17. 67
    misuala Says:

    @66, a khaia

    Report this comment

  18. 68
    Mkhawla Says:

    hei raw!! hnam sakhua zet chu leh..i thil rinzawng i ring bur hi chu i fakawm phian..i thil rin erawh hi chu nep ka ti khawp mai, haih haih a ;-)

    Report this comment

  19. 69
    Bawngtlaia Says:

    @66-na______’chhunhan pakhat’ tih aiah khian ‘hawrawp pakhat’ tih ni zawk teh se. :-P

    Report this comment

  20. 70
    loneeagle26016 Says:

    Hnam Sakhua hi a tawpah chuan atheist ah hian i chhuak luau ang ka ti aw ! I rawn tarlan kum BC tih vel khi rin thu a an ‘dating’ mai2 nih khi….awih vak duh suh ! Bible chungchang genesis a kaina te chungchang vel khi chu i hriat chian duh chuan Bible study ah hian zawng kual la, a chhanna chu an lo hrilh mai ang che. Han ti han ti la, a tawpah chuan ilo kir veleh mai ang……. :-D (Y) (^) (B)

    Report this comment

  21. 71
    Saitawk Says:

    In va kawmen peih! muhil derte hi muhil tak takte aiin kaihthawh an har zawk!
    Akhai a, keia pawh chu.. (N)

    Report this comment

  22. 72
    digimalt Says:

    I ziah thui ang angin i bo thui bawk..hahai

    Report this comment

  23. 73
    Mkhawla Says:

    boral mek te tan chuan atna a ni reng asin, i at tawh hmel vet vet khawp mai

    Report this comment

  24. 74
    digimalt Says:

    ka la rawn chhui chho ve ang :D lolzzzzz…..

    Report this comment

  25. 75
    Mkhawla Says:

    mizo te hi atir chuan puk lian pui ‘chinlung’ an tih atang hian kan lo chhuak dum dum mai ah……ha ha haiii :-D

    Report this comment

  26. 76
    H.Vangchhia Says:

    digimalt #64 na ami ang khi Mizo hnam hrang2 ah a awm nual asin. Hnam Sakhua atih hian eng ho (Eg Lusei) nge eng hnam hi sakhua hi nge Hnam Sakhua a tih ber ka hre chak a ni.

    A thuhrimah Hnam sakhua angin kal dawn ta ila, hnam hrang2 ten sakhua kan nei hrang fir fer si a (Zohnahthlak te) hnam tlem si sakhaw ngah ber kan ni thei mai lovang maw hairehai. Kohhran zawng paw’n tunah khawvel ah kan ngah ber hial mai lo maw tih tawh nak laia hairehai ;-)

    Report this comment

  27. 77
    Mkhawla Says:

    kan belh leh grik mi fing galileo te chu i la ti ta deuh deuh va..a ni loooooo

    Report this comment

  28. 78
    Mkhawla Says:

    kan belh leh lawk ‘grik mi fing galileo’ te chu i la ti ta deuh deuh va..a ni loooooo

    Report this comment

  29. 79
    PKfanai Says:

    66. Bawngtlaia, ka thil sawi te i rawn ti chiang a, a lawm awm hle mai. Thuthlung hlui chinah hi chuan kan in thu rual a ni ti raw. I thu ziah(k) ka chhiar lai khian Bible chang ka rilruah rawn lut zawk a awm a, chu chu Johana 4:20-26 thu hi. “Mihringin Pathian chibai an bukna hmun tur chu Jerusalem khuaah a awm’ in ti thin,” a ti a. Tin, Isuan a hnenah, “Hmeichhia, ka thu awih rawh, he tlangah kher lo pawh, Jerusalem khuaah kher lo pawh Pa chibai buk hun a thleng dawn ta…….Pathian chibai buktu taktakten thlarau leh tih tak zetin Pa chibai an buk ang, Pain chutiang mi chu a chibai buktu turin a zawng a ni: a chibai buktuten thlarau leh tih tak zetin chibai an buk tur a ni,” a ti a. Tin, hmeichhia chuan a hnenah, “Messia, Krista an tih chu a lo kal dawn tih ka hria, ani chu a lo kal hunah engkim min la hrilh ang,” a ti a.Tin, Isuan a hnenah, “Keimah a betu che hi amah chu ka ni asin,” a ti a. Good night.

    Report this comment

  30. 80
    zoho Says:

    A sei hle mai a. A tir lam ka chhiar e,a dang chu ka liam puat hrih, nakin ah la chhiar tha leh ang, i hre fiah lo va, i hre ruak tiin kan comment phawt.

    Mizo hnam sakhua i duh hle chuan, i duhlo Bible chu 100% in hnawl mai awm che, mizo hnam sakhua nen inzawmna a awm der silo a, mahse i source leh conclusion thenkhat siam nan chuan i ring leh lawi bawk si a?? Setana phal chin in Bible hi i ring a ni mai lo maw? Origin of life, earth te hi Bible a a inziah dan leh Vedas a a inziahdan an in perhsan nasa mai si a, engatinge Bible a a inziahdan chu i rin zawk leh lawi si a?
    Bible i rin chuan ring tluan leh law law mai la.

    Judaism rindan pakhat i hriatloh chu Kaina leh Abela te khan Pathian hma a maicham a hrang a an siam ve ve theih tawh avang khan kha tualthihna thlen hma khan pa ber(head of the family) anni ve ve tawh ah an ngai asin. Bible ah ziahlan chu ani lo, maicham siam thei chin an awm ngai e. Khawchhak a nupui han neih chawp lam a ni lo ve. Bible a inziaklo Adama thlah nilo an awm i ring ngam a nih chuan Bible a inziak lo tho Christian mythology leh Jewish historian Josephus an 56 a tih te hi i ring ngam tho em?

    Tin, incest leh circumcision cc pawh a tir ah khap anni lo ve ve a, a hnu ah chauh khap anni tih Bible ah kan hmu a, chu chu medical science in a lo dik zia leh a lo tul zia genetic disorder leh thisen cc ah a rawn finfiah a, a ropui asin.

    Medical science in a rawn finfiah tak enge i Pathian dik ni a i hriat in alo sawi ve tawh 1 tal min lo hrilh thei em?

    Hringnun Philosophy a zawhna upa ber leh ril ber mai chu engatinge kan thih, engatinge tuarna hi a awm tih hi BiBle chuan a hrilhfiah chiang teh a sin. I sakhua dik tih in engtin nge a chhan ve aw? A sawi miahlo alawm, unaupa.

    Mihring rilru a zawhna thi theilo – kan thihhnu ah engtin nge, enge beisei tur awm tih hi hnam sakhua i pawm ziktluak dawn a nih chuan Ngama leh Tlingi thawnthu kha a mi i base dawn le? Kha kha i pawm silo a nih leh lawi si chuan hnam sakhua i pawm ziktluak pawh a ni leh si lo ang le.

    Rawn chhang ve thin ni la chu zawhna chhawng 10 zawh i tlin nge tlinlo kan hre tur a nia le.

    Report this comment

  31. 81
    Asteric Visc. Says:

    #80 (Y) Hei tak hi keipawh Satanism ho ka hrilh dan a ni, Bible ring si lo in Bible atang hlir ngaihdan an siam a, an sakhaw rin dan leh kalphung chauh sawi rawh ti ila Bible ah bawk an lut leh a…!

    Hnam Sakhua hi chu ka ngei vang pawh ni lovin ka chhang vak peih lo, comment ah a lang ngai chuang silova a chhiar tur kan hnutchhiah ringawta kan ngaihdan chauhin min kal tir a, a awmzia lo tlat inkawmna tura ngaih ah a ngawi tlat sia chhiar tur tha a duh chuan Bible hi lo buaipui ve phawt mai teh se, a aia tha thu hnutchhiah tur ka neilo e.

    Report this comment

  32. 82
    mr.Duhlova Says:

    Han sawi zel rawh u…comment a chhiar thla nuap nuap a, a buai map tawh a nia. A mengtal tup tup ta mai, a thla a zap
    a, a thlawk chhuak tep :-D

    Report this comment

  33. 83
    Hnam sakhua Says:

    Men talna tham ka la hmu miah lo mai a. In sikul kal laiin mahni chanchin te chu in zir ve ngai lo a mi. In tih dan takah inlabo thui si a, rawn la post zeuh zeuh a ngai a nih hi.

    Report this comment

  34. 84
    Bawngtlaia Says:

    #83_____ (Y) :-D

    Report this comment

  35. 85
    Hnam sakhua Says:

    Kei chuan insawi hremhmun in tih teivet hi ka hlau ther te lo. Kei chuan ka hlauh zawk chu ka damlai ngei hian Pathianin min hrem ang tih leh kan thlah zel ten keimah vangin hremna an tuarin malsawmna an dawng lo ang tih hi a ni. Chuvangin, Sualsa a piang ka ni lo a, Pathianin chhia leh tha hriatna min pek avangin thil tha lo lakah chuan tlan chhe zel mai tang e ka ti a ni. Insawi hremhmunah hi chuan ka thih hnuah pawh ka tla lo chiang khawp ang.

    Report this comment

  36. 86
    zoho Says:

    @HS – Kan zawhna rawn chhang fak fak tur in min zahder ve miahlo em ni aw? Internet ethics leh social forum ethics te hi zawm ve hram hram teh, I hmang tangkai duh a nih si chuan, a eng a mah hma a zawhna pawh inchhan sak duhloh chu a ZOZIA lo em mai, hnam sakhua in hnam dan i palzut e. :-P

    Report this comment

  37. 87
    zoho Says:

    Hremhmun zirtirna hi i duhlo a ni maw? Kei pawn ka duhlo, ka ringlo bawk. I hre chik duh anih chuan kan la titi dun dawn nia.

    He site hi lo va tlawh ve phawt teh, hremhmun cc ah chuan ( i tan liau liau ka va haichhuak chawp a nia aw, tun ah ka ziak hman si lo)

    http://www.helltruth.com/portals/2/hell-fire.pdf

    Report this comment

  38. 88
    zoho Says:

    Hei hi lo chhiar bawk la…….

    What Really Is Hell?

    WHATEVER image the word “hell” brings to your mind, hell is generally thought of as a place of punishment for sin. Concerning sin and its effect, the Bible says: “Through one man sin entered into the world and death through sin, and thus death spread to all men because they had all sinned.” (Romans 5:12) The Scriptures also state: “The wages sin pays is death.” (Romans 6:23) Since the punishment for sin is death, the fundamental question in determining the true nature of hell is: What happens to us when we die?

    Does life of some kind, in some form, continue after death? What is hell, and what kind of people go there? Is there any hope for those in hell? The Bible gives truthful and satisfying answers to these questions.

    Life After Death?

    Does something inside us, like a soul or a spirit, survive the death of the body? Consider how the first man, Adam, came to have life. The Bible states: “Jehovah God proceeded to form the man out of dust from the ground and to blow into his nostrils the breath of life.” (Genesis 2:7) Though breathing sustained his life, putting “the breath of life” into his nostrils involved much more than simply blowing air into his lungs. It meant that God put into Adam’s lifeless body the spark of life—”the force of life,” which is active in all earthly creatures. (Genesis 6:17; 7:22) The Bible refers to this animating force as “spirit.” (James 2:26) That spirit can be compared to the electric current that activates a machine or an appliance and enables it to perform its function. Just as the current never takes on the features of the equipment it activates, the life-force does not take on any of the characteristics of the creatures it animates. It has no personality and no thinking ability.

    What happens to the spirit when a person dies? Psalm 146:4 says: “His spirit goes out, he goes back to his ground; in that day his thoughts do perish.” When a person dies, his impersonal spirit does not go on existing in another realm as a spirit creature. It “returns to the true God who gave it.” (Ecclesiastes 12:7) This means that any hope of future life for that person now rests entirely with God.

    The ancient Greek philosophers Socrates and Plato held that a soul inside a person survives death and never dies. What does the Bible teach about the soul? Adam “came to be a living soul,” says Genesis 2:7. He did not receive a soul; he was a soul—a whole person. The Scriptures speak of a soul’s doing work, craving food, being kidnapped, experiencing sleeplessness, and so forth. (Leviticus 23:30; Deuteronomy 12:20; 24:7; Psalm 119:28) Yes, man himself is a soul. When a person dies, that soul dies.—Ezekiel 18:4.

    What, then, is the condition of the dead? When pronouncing sentence upon Adam, Jehovah stated: “Dust you are and to dust you will return.” (Genesis 3:19) Where was Adam before God formed him from the dust of the ground and gave him life? Why, he simply did not exist! When he died, Adam returned to that state of complete absence of life. The condition of the dead is made clear at Ecclesiastes 9:5, 10, where we read: “The dead know nothing . . . In the grave, where you are going, there is neither working nor planning nor knowledge nor wisdom.” (New International Version) Scripturally, death is a state of nonexistence. The dead have no awareness, no feelings, no thoughts.

    Unending Torment or Common Grave?

    Since the dead have no conscious existence, hell cannot be a fiery place of torment where the wicked suffer after death. What, then, is hell? Examining what happened to Jesus after he died helps to answer that question. The Bible writer Luke recounts: “Neither was [Jesus] forsaken in Hades [hell, King James Version] nor did his flesh see corruption.”* (Acts 2:31) Where was the hell to which even Jesus went? The apostle Paul wrote: “I handed on to you . . . that Christ died for our sins according to the Scriptures; and that he was buried, yes, that he has been raised up the third day according to the Scriptures.” (1 Corinthians 15:3, 4) So Jesus was in hell, the grave, but he was not abandoned there, for he was raised up, or resurrected.

    Job suffering
    Job prayed for protection in hell

    Consider also the case of the righteous man Job, who suffered much. Wishing to escape his plight, he pleaded: “Who will grant me this, that thou mayest protect me in hell [Sheol], and hide me till thy wrath pass?”# (Job 14:13, Douay Version) How unreasonable to think that Job desired to go to a fiery-hot place for protection! To Job, “hell” was simply the grave, where his suffering would end. The Bible hell, then, is the common grave of mankind where good people as well as bad ones go.

    Hellfire—All-Consuming?

    Could it be that the fire of hell is symbolic of all-consuming, or thorough, destruction? Separating fire from Hades, or hell, the Scriptures say: “Death and Hades were hurled into the lake of fire.” “The lake” mentioned here is symbolic, since death and hell (Hades) that are thrown into it cannot literally be burned. “This [lake of fire] means the second death”—death from which there is no hope of coming back to life.—Revelation 20:14.

    Valley of Hinnom
    Fiery Gehenna—a symbol of eternal destruction

    The lake of fire has a meaning similar to that of “the fiery Gehenna [hell fire, King James Version]” that Jesus spoke of. (Matthew 5:22; Mark 9:47, 48) Gehenna occurs 12 times in the Christian Greek Scriptures, and it refers to the valley of Hinnom, outside the walls of Jerusalem. When Jesus was on earth, this valley was used as a garbage dump, “where the dead bodies of criminals, and the carcasses of animals, and every other kind of filth was cast.” (Smith’s Dictionary of the Bible) The fires were kept burning by adding sulfur to burn up the refuse. Jesus used that valley as a proper symbol of everlasting destruction.

    As does Gehenna, the lake of fire symbolizes eternal destruction. Death and Hades are “hurled into” it in that they will be done away with when mankind is freed from sin and the condemnation of death. Willful, unrepentant sinners will also have their “portion” in that lake. (Revelation 21:8) They too will be annihilated forever. On the other hand, those in God’s memory who are in hell—the common grave of mankind—have a marvelous future.

    Hell Emptied!

    Revelation 20:13 states: “The sea gave up those dead in it, and death and Hades gave up those dead in them.” Yes, the Bible hell will be emptied. As Jesus promised, “the hour is coming in which all those in the memorial tombs will hear [Jesus'] voice and come out.” (John 5:28, 29) Although no longer presently existing in any form, millions of dead ones who are in Jehovah God’s memory will be resurrected, or brought back to life, in a restored earthly paradise.—Luke 23:43; Acts 24:15.

    In the new world of God’s making, resurrected humans who comply with his righteous laws will never need to die again. (Isaiah 25:8) Jehovah “will wipe out every tear from their eyes, and death will be no more, neither will mourning nor outcry nor pain be anymore.” In fact, “the former things [will] have passed away.” (Revelation 21:4) What a blessing is in store for those in hell—”the memorial tombs”! This blessing indeed is reason enough for us to take in more knowledge of Jehovah God and his Son, Jesus Christ.—John 17:3.

    Report this comment

  39. 89
    Benny Says:

    Hmanni khan hnam sakhua hi v.l peka a ni thei em tih vel kha post a awm a.
    V.L Peka hi mizo film a chang ve thin kha a ni lo maw. Hei a pa riau mai- hremhmun hlau lo a nih si hi

    Report this comment

  40. 90
    critic Says:

    (N) he tiang mi hi kan awm thuai ka ring reng a…. ancient alient.. tih leh film dang dang te, the vinci cod tih te.. tam lutuk… setana hian mi hring rilru a hruai kawi nasa hle, thu hrimin Bible a fulstop(.) leh a tan lehna kar hi kum engzah nge tla thei kan soi fiah thei hlei nem…

    Report this comment

  41. 91
    hp.swing Says:

    Hnam Sakhua chu a va pawr thawr thawr ve a, Zoho english a chhiar thiam lo tih i theih nghilh em ni? I lehsak nghal loh chuan a hre thiam lo ang…a mawl muk si, a hmelchhiat hmelsi, Mizo min ti hmingchhe si, Vairamah thawn ila an lo vuak thluk loh vek pawn Jail ah khung I la, a rinna a vuan duh a nih pawn Internet a a post leh tawh loh nan vaw hrep ila. A hrim hrim in a mah hi sakhaw mumal nei lo a nia, vuak hrep a phu hrim hrim, a mawlmuk e mai….hahahahahhaha

    Report this comment

  42. 92
    zovel Says:

    Bible i chhiar ngun a ngai hle. Mihring 3 chauh, Adama, Evi, Kaina te kha an awm tihna a ni lova, Adama chuan ‘fanu leh fapate a nei leh hlawm a’ tihte, Nova kha Setha thlah atanga lo piang a nih thute a inziak ve tho a nia, chhiar hmaih phal chi a ni lo. Kaina khan Khawchhak lamah nupui a han nei ni lovin kan Pathian thu chuan ‘…….a nupui a pawl a’a ti mai zawk a ni. ‘Hei hi Adama thlahte chuanna lehkhabu chu a ni’ han tih ruih mai hian kan Bible hi khawvel mihring zawng zawng huap anih zia leh Isua pawh mi zawng zawng tan athih zia a va sawi fiah tak em!!!!!

    Report this comment

  43. 93
    Rooney Opa Says:

    V.L Peka film chang thin kha chu a ni love. V.L Peka Zote a nia, kung fu thiam deuh kha. :-) .

    Report this comment

  44. 94
    Benny Says:

    E a ni tak maw@ Rooney opa.
    HS-a hi mi khawngaihthlak tak a ni. Dik a inti em em a, nakinah chuan Lal Isua ang hiala inngaiin a hnam sakhaw vahvaihpui hi miin an la zawm ngei dawn nia hriain a lawm em em si a. Tihdelin a awm mek a nih hi.

    Report this comment

  45. 95
    mr.Duhlova Says:

    Ha hai, ka au chhuak kei chu !

    83
    Hnam sakhua ## I meng tal chiang em mai….i thla i zar a, thlawhbo na tur i zawng tan a nih kha :-D

    I Sikul zirlai kha a ni maw ilo la vawn tut a….’B’ pawl i pass tawh ka lo ring deuh a…

    “Mai a lum e hui ah,
    A zuan e huiah”

    “Mai par eng ka en..” tih vel kha…lung i ti leng e

    Post tur i zawn khawm avangin i reh vung vung a, kar hnih/ thum vel chhunga a i collect khawm leh i ziah ho kha, chhiar zung zung a han chhan let ve nghal turin a sei a, chhan tur a tam si….chuvangin i men tal tup tup a i hak barh barh-na tur ka la rawn ziak a nge…. :-P

    Report this comment

  46. 96
    mr.Duhlova Says:

    A hrim hrimah thlah tu bul chhui vak vak hi Bible-in a re-comment lo (Tita 3:).

    Adama thlah kan nihna lam hian Vanram min thlen lo ve, kan chhuan ber pawh a ni hek lo. Kan chhuan ber zawk chu,
    ‘Krista Kross” lam daih a ni…i bo meng tal leh tup ang chu..kross phei hi chu i hrethiam dawn lo hrim hrim, i ‘tlawmna’ ‘hneha i awmna hmun’ kha a nia….a na i ti vawng vawng em…meng tal leh tup mai teh le :-P

    Report this comment

Pages: « 1 [2] Show All