Hun hnuhnung;

May 31st, 2011 8:30 pm by son of God

Tun tum chu he ti lam hi kan ti daih teh ang, a chhan chu kan hun tawn hian a hril em tawh vang pakhat a ni. Hman ni chu pa pakhat kan inah a lo leng a, kan nute chuan khawngaihna khar a ni tawh an ti a rawn ti a. Kei chuan, “A va mak dawn ve, hei kei pawn ka la chang mek a sin! Lal Isua`n khawngaihna kawng a hawn khan in nute hi a sawm lo va, tin, a khar hunah pawh a a rawn ka ring lo.

A ma thu thu a ni mai a, lo khar sak chi pawh a ni lo ve” ka lo ti a.  Amaherawhchu, tunlai thil awmzia han thlir chuan keini ang mi mawl ber tan pawh hun hnuhnung ber chu a ni tawh lo maw? tih hi zawhna lian tak chu a ni. Kan hun tawn han thlir hian, hun khirh tak te, buaina, indona leh hun hnuhnunga thil lo thleng tur kan Lal Isua’n a sawi kha a thleng dik zel niin a lang.

Hun hnuhnung Lal Isua lo kal lehna kan thlen dawn avanga mangang mai tur kan ni em tih pawh kan inzawh a tul hle awm e. Kan inthlamuanna tura a sawi kan hlauh tlat chuan kei mahniah fel lo eng emaw a la awm niin a lang bawk.

Engahmah mangang lo tur leh lawmthu hril chunga a hnena tawngtai turin Lal Isua’n min ti a ni. Khawvel a chaknate chawpa boral mai turah hian hlimna, muanna kan zawng fo thin. Mahse, kan khawvel a tawp hunah chuan Khawvel hausakna, ropuina leh sannate hian awmzia a nei tawh lo vang a, Kohhran leh khawtlanga kan nihna ropui tak takte hian awmzia a nei tawh hek lovang. Kan taksa ropuina leh mawinate chu thlanah tih boral a ni tawh ang.

Kan Pathian hmaah saruak leh inhawng sain kan ding zawk dawn a ni. Lal Isua aia kan thlan, ka nun hlimna, mipat hmeichhiat hman sualna te, ruih hlo leh sum leh paite hian muanna min pe tawh lo vang. Chutah chuan chhantu kan ngai, puitu kan ngai. Chhantu turin Chhandamtu Isua Krista i nei ve tawh em? I felna leh i thatnate khan a chhandam zo lo ang che. Isua Krista chauh lo chuan. Chuvangin, unau duhtak, khawvel ropuina leh sannate chu hlu hle mahse, tawp chin a neih avangin eng e i thlan dawn le?

Isua Krista hi lo thlang ve mawlh teh. Rorelna Ni ah chuan, Lal Isua aia i thlan zawng zawngte hian tah leh ha thialna hmunah a hruai lut ngei ang che. Lal Isua avanga i kalsan theih loh, khawvel thilte hi Setana vangin i kal san tho tho tawh ang. Hun tha hun lawmawm i neih lai hian Isua Krista avangin khawvel mawina zawng zawngte kal sanin amah i pan zawk ang u. Chu chu kan damna leh kan himna tur a ni si a….

Similar Posts:

Recent Posts:

32 Responses to “Hun hnuhnung;”

  1. 1
    chhana Says:

    ‘Khawvel tawp, mi thianghlim lawr’ tih hi kan sawi zingin kan ngaihtuahna pawh a luah hle mai. Amaherawhchu, a tu amah hian khawvel hi la tawp mai turah kan ngai lo niin a lang. Chuvangchuan kan thla pawh a muang niin ka hria. Ngaihtuah ngai zawka chu mitin mai hi kan thi vek dawna; kan thih hun tur hria erawh tumah kan awmlo. Chuvangin, Sam ziaktu’n tuna thi tur anga thlarau nun in buatsaih tura min ngen angin I in buatsaih theuh ang u.

    Report this comment

  2. 2
    thian tha Says:

    A hun leh ni chu mihringte hriat loh ni mahse, ‘tun lai thil awm dan’ thlir chuan hun hnuhnungah kan awm mek a, hun tam kan nei tawh lo vang tih a chiang chho zelin ka hria. Bible-a chhinchhiahnate a thleng dik mek zel a nih hi!! Unau, i inpeih tawh em???? (Y)

    Report this comment

  3. 3
    blackmagicwoman Says:

    >>Rorelna Ni ah chuan, Lal Isua aia i thlan zawng zawngte hian tah leh ha thialna hmunah a hruai lut ngei ang che.

    Dik lutuk! Nothing…nothing is worth going to hell for.

    Report this comment

  4. 4
    mirage_isme Says:

    thih hi ka va hlau tak em

    Report this comment

  5. 5
    ninja Says:

    Ruah a sur dan em em te hi, hun hnuhnung chu a ni tawh ngei ang :D

    Report this comment

  6. 6
    kilung Says:

    Hun hnuhnung sawi hi chu ka hlau tlat,,.. ;-)

    Report this comment

  7. 7
    ngaihdan tha a Says:

    Rapthlak e

    Report this comment

  8. 8
    rfa hlondo Says:

    kuang chhungah min la dah ve ngei anga…ka lo tih ve thin dan ang ngei in ka thlan tur an han lai anga..thui,,thui,,am takin dam hauh zel phawt teh ang,,, :-O

    Report this comment

  9. 9
    chemtatrawta Says:

    Post thra tak a ni.. Ka inenlet nasa mai.. (Y) (Y) (Y)

    Report this comment

  10. 10
    paeia Says:

    Naktuk atangin petrol man a to leh dawn a ni maw, hun hnuhnung ani tawh aniang!

    Report this comment

  11. 11
    chhana Says:

    Pathian zarah kan dam anga; kan la thi ve ngei awm sia…

    Report this comment

  12. 12
    muantea Says:

    Naktuka thi mai tur angin inpeih la kumkhuaa dam tur angin hna thawk rawh.

    Khawngaihna hun hi a la liam ang. Chuvangin ‘tun’ hi a va pawimawh em! ‘…tun hi chhandamna ni chu a ni…’

    Report this comment

  13. 13
    rfa hlondo Says:

    @ #3 tah paha ha thial chuh,,,a va han har dawn niau niau ve.. iti chhin tawh em?? :-P :-P :-P

    Report this comment

  14. 14
    Zephyruss Says:

    Nunna Lehkhabuah i hming a chuang tawh em? ala chuang velo anih chuan, in ziah luh vat chi!-

    I TLAI ANGE!

    Report this comment

  15. 15
    ChhanaPa Says:

    Chatuan daih thil lampang post hian chhiartu an tlem thin nge maw ni?comment tlem thei e. Hnam sakhua tih velah comment tam theih teh reng nen..

    Report this comment

  16. 16
    Lal-i Says:

    Kei chuan tunah tak hian rorelna ni hi lo thleng mai se ka ti tak tak a ni,ka manganna leh ka rilru natna zawng zawng hi a bo dawn si a,vanram hi chu min tlantu LAL ISUA hian min pek a tiamna ah ka innghat tawp mai ani.

    Report this comment

  17. 17
    As_Khiangte Says:

    Chuti mai chuan hun hnuhnung hi chu a thlen ka la ring lo deuh ngawt a. Mahse kan hmalam hun minute 1 pawh sawi thei lo kan nih avang hian englai pawha Pathian hmaa ding tura kan inpeih hi chu a trul takzet a nih hi.

    Report this comment

  18. 18
    Dadex Says:

    Chauh chang ni te hi tam ve thei bok sia buaithlak eelom. Se ‘I hnung zui zel hi ka duhsam ber a ni, ka thlahthlam ngai reng2 lo ag’ tih tlat hi a ngai a ni.

    Report this comment

  19. 19
    swiftymcvay Says:

    a pawimawh ber chu hei hi ani kan ngaihhluta kan hmanthiam ngai,nakin hnua kan awmdan hriltu tur TUN HUN hi.

    Report this comment

  20. 20
    Asteric Visc. Says:

    Post tha tak anih hi mawle, kan dam lai hian kan thih hun tur hi kan ngaihtuah tel fo hi a tul bawk a ni. Khawvel mite hi a ruka innghirngho leh duham bik, pawng bik nih tum reng si hian kan la nung ho thei hi a mak zawk ngawt a ni, kan la in ti buai ngei ang. Isua lokal lehna hi chu alo thleng thuai ang (Y)

    Hun hnuhnung a ni tawh a Pathian khawngaihna a kiam sawt viau tawh a ni. Thil ti sual tu pawh Pathianin a in lamlet nan hmanlai angin a hrem vak vak tawh lo, a lo kal a hnaih tawh avangin sualna an hlimpui pawh a phal ta law law ani.

    Report this comment

  21. 21
    PKfanai Says:

    “A ram leh a felna chu zawng hmasa zawk rawh u” (Matthaia 6:33). A bak chu boksik ni mai. Keini kan khawnvar tui thun khat sa rengin kan mi(sual) a, a tui awm lo(a ruak) chung hian thlamuang tak hian i lo misual veng veng ange auh. (matthaia 25:1-13).

    Report this comment

  22. 22
    misuala Says:

    Thiante pawh kan thlam fimkhur a tha a nia, fimkhur a ngai khawp mai,nakina min hektu tha tha an ni thei he he…

    Report this comment

  23. 23
    mr.Duhlova Says:

    21
    PKfanai # (Y) :-D

    Report this comment

  24. 24
    mamboihi Says:

    He short sermon chu a va tha em! ka chhiarchhuak vek a, mahni in enfiah na hun a ni e. Post tupa (Y)

    Report this comment

  25. 25
    eL Says:

    ka tana I thatna
    min khawngaih lainatna
    hre reng mah ilangin

    ka hun hlu neih zawng leh
    ka vanglainite nen
    ka Lal tan hmang lovin
    khawvel chu chenin
    hlimna lawmna muanna
    a awm chuang si lo

    Min ngaidam ang che Lalpa min ngaidam rawh
    Ka vah bosan rei em che I tan ka nung ngai lo
    I hmel eng ngei kha Lalpa min hmuh tir leh la
    I angchhung muannaah khan min chen tir leh ang che…

    Report this comment

  26. 26
    Cmawia Says:

    I thu rawn post chu tunlai ka rilru luah tu ber a ni.
    1&2para khi awihna chen ka nei, Bible chuan Pathian in hur phala hawisan a nei tur thu a sawi tlat a ni. Mihringin Pathian ka hawisan hi chu ala zia, Pathian zawkin min hawisan chuan tih leh tur hi a vang pharh ang.

    Report this comment

  27. 27
    Krista Says:

    Chhum zingah misual tana thi hnu hi a lo in lar dawn lawm…. Lo kal thuai rawh se. In ring rengin awm a hun e, kan rilru materialistic lutuk pawh hi kan in ngaihtuah chian deuh a tha thin ka ti khawp mai.

    Post tawh zawng zawngah ka la duh ber e. (Y) (Y) (Y)

    Report this comment

  28. 28
    D_auaChwngthu Says:

    A buk thelhin i thelh em aw te ka lo tia….hahahhaha. a tha vek tho e… :-D :-D :-P

    Report this comment

  29. 29
    loneeagle26016 Says:

    Lal Isua lokal lehna tur chungchangah hi chuan mimal ngaihdan nghet deuh ka nei ve ! Zawlnei, Obeda ziakah khan arsi ah te pawh khian bu chhep mah la, ka pawt thla thovang che’ tih a awm. Tunlai mi thiam te’n nasa takin an zawng mek a, Lal Isua lokal leh hma ngei khian khawiah emaw khi chuan bu an chhep dawn anih ka ring tlat. Cumi hma chuan alo kal leh mai ka ring hran lo. Amaherawh chu, eng hunah pawh thi thut thei vek kan ni…chu chu kan tawpna ani thei bawk ang. In ring renga Lalpa tawk mai thei tura inpeih erawh a ngai ka ti thung. (Y)

    Report this comment

  30. 30
    keimah Says:

    Tha khawp mai! Ka inpeih tawh e! Mahse, Lal hna thawh tur a la tam si a, lo la kal lo deuh rih mah se ka pawi ti lo khawp mai! :-)

    Report this comment

  31. 31
    zoho Says:

    Nizan ah khan ka comment ve ngei khan ka hre si a, a awm miahlo mai a, server hi a va han down theih ngai em….
    Khawvel ah India chiah hi internet connection a muang zawng a kalna awmchhun a ni an tih tlat chu.

    Lo zirchiang la, hei aia chipchiar hian rawn post leh teh. (Y) Kei pawn ziah chu ka tum a, ka la hman meuh si lo.

    Report this comment

  32. 32
    jesuslovesme Says:

    A DIK 3 to
    “… kan khawvel a tawp hunah chuan Khawvel hausakna, ropuina leh sannate hian awmzia a nei tawh lo vang a, Kohhran leh khawtlanga kan nihna ropui tak takte hian awmzia a nei tawh hek lovang. Kan taksa ropuina leh mawinate chu thlanah tih boral a ni tawh ang.”

    Hun hnuhnung ani emaw, ni lo emaw, kan hun tawng ang apiang hi Lalpa tihna hun tha leh Khawngaihna hun ani. Khawvel tawp hun lo chhut emaw, ‘Hun hnuhnung hun hnuhnung’ lo tih chhen erawh kan tan a tul ber lo. Naktuk a Lalpa tawk tur te tan chuan vawiin hi hu hnuhnung ani mai.

    “Rorelna lo thleng tur ka hlau long thiamchan lawkna ka neih vangin” tih hla ina a sawi ang hian, Krista vuan tlat tu te leh he khawvel hmuh theih thil a rinna leh beiseina nghat lo tu te chuan Krista kan beiseiin hmuh kan chak hliah hliah tawh zawk ani!! (C)

    Report this comment

Leave a Reply

You must be logged in to post a comment.