Mizoram Lower Primary Exam hmasaber kha

April 17th, 2011 3:55 pm by lushai_er

by Dr. Zokhuma Vety ( L )

Kan Mizo historian hlun ho Pastor Liangkhaia, Pu Zatluanga, Pu Chaltuahkhuma leh ziaktu dangte chuan kha Lower Primary Examna hmasaber kha 1903 tiin an ziak vek hlawm a. Pastor Liangkhaia leh Pu Zatluanga phei chuan 25th June 1903 tih an ziak nghe nghe. Pu Zatluanga leh Pu Chaltuahkhuma phei chuan mi 19 te san dan indawtin an mark hmuh zat nen an tar chhuak thlap bawk.

Rev. J.M.Lloyd-a History of the Church in Mizoram-ah ve thung chuan Assam Chief Commissioner Sir Bamfield Fuller-in Feb 1904-a Aizawl a tlawh thu leh Mission kuta zirna lam a rawn hlan fel tak thu a sawi. Lower Primary Examna a titha ber mipa leh hmeichhe tan Gold Medal a pek thu a sawi bawk. A ziak atang chuan Primary Examna hmasa ber chu Chief Commissioner lo zin hnu rei vak lova awm ta angin a sawi bawk.

A hun thuah hi chuan, Presbyterian Church of Wales Foreign Mission Report on Mizoram 1894-1957 ah pawh 25th June 1903 an tih ve avangin Pu J.M.Lloyd zawk hian a hresual palhah lo ngai ta ila. Chief Commissioner lo zin hun erawh hi chu ziaktu dang dang pawhin Feb 1904 chu an ti ve bawk si !

Sir.Bamfield Fuller-a Gold Medal dawngtute chu mipa-ah Chhuahkham leh hmeichhia-ah Saii tiin Pu Lloyd hian a ziak a. Hei ang chian hian Foreign Mission Report phek 33-naah an pahnih thlalak ngei, tangkapui nen tarlan an ni bawk.

25th June 1903 Lower Primary Exam hmasaber a pass mi 19 te indawt dan Pu-te Zatluanga leh Chaltuahkhuma te’n an tarlan ang chuan Chhuahkhama chu 14-na a ni a, Saii pawh 6-na a ni. Hmeichhe dang telve Nuii chu 4-na a ni zawk bawk.

Tichuan, kan historian te pawhin a kum te an sawi inanglo tak nual bakah Chief Commissioner Medal latute chungchang pawh hriatthiam harsa thei a awm ta nual mai.

Thil nih dan dik tak tar chhuak thei kan awm a pawimawh ta hle a ni. Thangthar zelah kan Mizo Record pawimawh tak a tling fo dawn si a. Chuvangin kan Mizo zinga mithiam ho leh upa chhuanvawr hoten a nih dan dik tak chu han tarlang ngei teh u le.

Similar Posts:

Recent Posts:

19 Responses to “Mizoram Lower Primary Exam hmasaber kha”

  1. 1
    hrmizo Says:

    chhiar ang u lem :-)

    [Report abuse]

  2. 2
    hrmizo Says:

    ni e, han sawi chiang teh u :-)

    [Report abuse]

  3. 3
    Ozima Says:

    ka chhiar hma comment lawk, *_er post nih chuan sial leh rem rem viau ang….chhhiar ang le…….. timesup hmain ka chhiar zo eeee. heti lama tilthen deuh tan chuan hna ava la tam vele..ziaka kan neih hnuah pawh chianglo ala tam em mai.

    [Report abuse]

  4. 4
    zoho Says:

    Ka hrelo hle mai a. Mi 19 pass te certifcate/marksheet an tu ten an la kawltha dawn lawm ni? Nge kan beisei sang mah mah zawk? In sawi tak ah chuan thudik ber hriat chu a tha khawp mai. An tu/tuchhuan te kan awm em aw, han sawi teh u.

    [Report abuse]

  5. 5
    shabito Says:

    Sawi fel theihloh issue hi Mizo te hian kan ngah a sin o. MNF din hun nia lehkhabua tarlan pawh party lamin an lawm hun nen chuan dang tak a ni ringawt. (Y) (Y)

    [Report abuse]

  6. 6
    PimPom Says:

    Tht ziak hlui thenkhat atang hi chuan 1903 hi ni turah ka ngai a. A dik ngei pawhin ka hria.

    [Report abuse]

  7. 7
    muantea Says:

    Chhim lama Pu Buanga leh Sap Upa an rawn luh khan 3rd july 1903 ah Serkawn-ah school (Sikulpui) an din a. Sir Bamfylde Fuller hi 1904 Feb vela lo zin a ni. Mission school kalphung chu tha a tih em avangin Mizoram a zirna pawh chu 1st April 1904 atangin Mission kuta awm turin thu a chhuah ta a ni. 1952 thleng mission kutah zirna chu a awm a, tichuan sorkarin thuneihna chu 1952 hian a la let ve leh ta a ni.

    [Report abuse]

  8. 8
    Akhang_er Says:

    Admin online in awm aw ! ka bracket hman khi a sual a ni [ ] hman turah ( ) ka lo hmang palh a……Sandman hi Marine Drive velah a leng em ni aw…?

    [Report abuse]

  9. 9
    Akhang_er Says:

    @Muante, ka lo ngaih ve dan chuan, 1903 khian exam chu an nei phawt anga, mahse Private/Kohhran Sikul anih avangin Sawrkar hian a recognise chiah lo anga, Sir Bamfylde Fuller a lo kal hnu hian Board Exam Sawrkar hriatpuiin an bei nawn leh a ni thei ang em?

    [Report abuse]

  10. 10
    muantea Says:

    Chu lai tak chu ngaihtuahna tibuaitu a ni. Kohhran school khan anmahniin exam an buatsaih mai a nih ka ring. Pu Buangate lo luh hnu lawk khan Wales lam khan hmar lam an luhchilh nghal kha a ni a, Pu Buangate lo luh nawn leh khan chhim lam an rawn thut ve thung a ni. Khatih hunlai khan Assam Board emaw an la zawm a rinawm loh. Sir Fuller rawn kal hnu chauh khan sorkar hriatpuina nen public exam pawh an hmchhawn a nih duh hmel e

    [Report abuse]

  11. 11
    Akhang_er Says:

    “Fuller-a Gold Medal dawngtute chu mipa-ah Chhuahkham leh hmeichhia-ah Saii tiin Pu Lloyd hian a ziak a….Foreign Mission Report phek 33-naah an pahnih thlalak ngei, tangkapui nen tarlan an ni bawk.”

    He lai ti chiang tur ber chu Pu Chhuahkham emaw Pi Saii te thlah zawh chhuah a, an record hlui hai chhuak se….te han ti ve ngawt ila ! An lam hnaite kan lo awm mial lo maw le?

    [Report abuse]

  12. 12
    Lersia Says:

    @Akhang_er, i thu han chhawpchhuah chuan ngaihdan ati phir mang tak e a. @lushai_er te an chet loh chuan i duh anga thurawn i hmuh thatloh ka hlau mang e. Mi(sual) ho lah hi khawnvartui fim lai pawh hre phaklo an tam tawh mai si a. I ziak tha khawpmai. (Y)

    [Report abuse]

  13. 13
    feeder Says:

    an church leader leh archive lam rawn zawk ta ila a va chiang zawk awm ve..

    [Report abuse]

  14. 14
    mr.Duhlova Says:

    Post dangin a chhilh bo hma-in, a hre chiang deuh khan han sawi vat teh u…a pawimawh viau mai.

    Good post (Y) (C)

    [Report abuse]

  15. 15
    H.Vangchhia Says:

    Nu-i khi ka pi

    [Report abuse]

  16. 16
    lushai_er Says:

    Kan document leh record tam zawk hi Rambuai Kangah khan a kang chhe zo deuh vek hlawm a, a pawi tih bak hi sawi leh ngaihna pawh a awm lo ! Mizoram hi buai leh mahse, internet kan neih chhung hi chuan kan document a bo tawh tur a ni lo.

    [Report abuse]

  17. 17
    lalpeace Says:

    Kum za awrh kal ta thilah pawh kan buai lai hian kan inchhung lum atangin khawvel pang lehlam a thil thleng pawh chawp leh chilhin kan thlir thei tawh lawi si a, kan hmasawnna hi chu a zuang nasa ngawt mai.
    Hetianga a zuan vak vang hi a ni chek ang chu kan kalphungah hian fello leh kimlo a awm rem rum thin hi.

    [Report abuse]

  18. 18
    Krista Says:

    Mizorama Lower Primary exam hmsa ber kha Chhim leh hmar ruala neih niin a lang a. Mi 27 an exam a chuta tang chuan mi 19 an pass a nih kha. Pu Challianate pawh an tel.

    Tin,heta medal hlan hi 1904 ah pawh an hlan thei tho ni awmin a lang. Ka hriat ve chinah chuan June 26,1903-a exam niin a lang a. Hmanlai chuan result nghah hun chhung pawh a rei ngei ang a. Kum tawpah emaw a kumthar lamah te pawh a chhuak thei a ni. Tin,lawmman an pekte hi an tar sual thei bawk a. Mark hmu sang ber ni a lang chu-Pu Leta(e hi thluksei tur) niin a lang a. Tin hmeichhe lamah pawh Nu-i kha palina a ni pha. Saii erawh chu parukna.

    Chinfel vat chi a nih hmel kan ngaimawh viau dawn a nih chuan…..

    Good Post… (Y) This is misual.com (Y) :-)

    [Report abuse]

  19. 19
    chawnghilh Says:

    Eng batch tak chu Lower Primary School exam bei tur te la ni ang maw? :-D

    [Report abuse]

Leave a Reply

You must be logged in to post a comment.