Kuthlei Sawizawina II

April 30th, 2011 2:00 am by Tluanga Chawngthu

Chutih lai tak chuan ka bul vel chu a hma ang bawk khan a thim leh ta thut a. Nichin ami kha tak tak nge ka mitvai mai mai ni ang le te ka ti a. Keimah leh ka bul vela thil awmte chu, ngaihzawngte mobilephone-a tute emaw SMS kan hmuha kan ringhlel ve ringawt aia nasa zawk fêin ka ringhlel rum rum a. Ka mitvai a ni thei ange’m aw te ka ti a; ka mit erawh ka nuai duh êm lo va.

Ngawi rengin ka tho chhuak a, ka kalsawn ta nulh a. Chulai hmun chu ka hlau deuh tlat tawh! Ka sana ka’n bih a, dar 8:15 chiah a lo ni a. A la hma êm mai, Rosepari ka va rîm teh ang. Mahse, Rosepari hi a thiannu Aduhi te inah a lêng daih ang nge, a mut hma tum tak ni ang aw? Inlêng dangte hi a lo nei ang a, kei hi midum zinga a neite ber ang maiin kilkhatah hian ka va tawm chût bik ang a, te ka ti rilru a, kal chu ka tum duh ta lo va.

Chutah, dinglamah ka ke chu ka’n lek her sawk a, Pu Vangchhia te in lam chu ka pan ta vang vang ringawt a. Ka va thlen chuan kawngka ka’n kik kauh kauh a. Pu Vangchhia ngei mai chuan naute a lo awi hlup hlup a, a nau puak chu nau huaibak an sawi ang mai hian a lo tap hluam hluam lehnghal a, “Ka lo lêng leh lo mai zawk teh ang, in nu a awm si a, kan inkawm thei chuang lovang” ka ti a, kut kuangkuah hlûnin ka let leh ta a.

Vawilehkhatah kawnglaia lungtum chu ka pal nawk mai a, innemkhalh hman ni hek lo; Siamtu min siamna vaivut nen chuan kan inhnimhnai kher mai! A ruka na tuar ngawih ngawih chungin lungtum chu thinrim zet hian kawngthlangah ka lum thla ta vawng vawng a. Chutah, ka han hawichhuak chuan kawngchhaka nui vur vur chunga min lo thlir rengtu Dumaka ka han hmu a, “Khatin min lo nuih reng reng suh. Alkatra chhuanso ah ka thlak dum zuai zuai mai tur che a nia,” ka ti rilru thuai thuai a!

Chutah ka rilruah eng’emaw a rawn lut nawlh a, kei hi engmah ka ni lo, mihring ve mai ka nih hi. Ka ngaihtuahnate hi ka tawngkam chhuak ni se, ka sawichhuahte hi ka thiltihte ni zawk se la, Siamtu min siam chhan zaa sawm vel chu ka tihlawhtling ngei ang mawle ka ti a. Ka zak ta êm êm a, Dumaka chungah pawh chuan ka thinrim duh ta lo va. Amah chu kalpelin hla taka Vakul hram lauh lauhna lam panin chak zetin ka lîm phei ta puat puat a.

Tin, ngai teh, heti hi a ni a. Vakul awmna ka va thlena ka thil hmuh chu a va’n mak danglam tehreng êm! Tih tak meuhvin ka hrilh ang che u. Vakul chuan thu a lo sawi a, a thusawi ngaithlatute zingah chuan mi(sual) thenkhat, chemtatrawta, shailendra, hrmizo, Benny, Akhang_er, Tuaisiala, Sandman, zualbonez, Xaia, mr.Duhlova, RenghangMan, badboy, semaj, CFL, chawnghilh, te phei chuan khabe dawm meuhvin an lo ngaithla a. A thusawi lah chu ho hi ka ti êm êm mai a. “Mithianghlim lawr a lo thlen hunah keini mi(sual) te chiah hi lawr kan ni dawn” a lo ti a.

Vakul biahthu ngawt ai chuan Vaiva biahthu ngaihthlak a châkawm zawk alawm le ka ti a. Dar 9 vel chauh a la ri bawk a, Vaiva te chenna lam pan chuan ka kal leh ta a. Vaiva chuan thu a lo sawi ve lauh lauh ang chu tih nak alaiin, a Computer hmaah chuan inngaihtuah mûk tak mai hian a lo thu a.

Ngawirengin ka va en dek dek a, he thu hi a lo chhu nuap nuap a:Khawvel hmun hrang hranga mi(sual) te inhmu miah si lova kan inhmelhriat theihna (misual.com) hi Pathianin mithiamte leh mifingte kaltlanga a thilthlawnpek chu a ni. He misual.com ah hian Damlai lung ka phun a. Ka taksa hi sulrulte leh fanghmirte chhunrawl atana zalh anih hunah pawh hriat reng ka hlawh theihna tur a ni.

Similar Posts:

Recent Posts:

31 Responses to “Kuthlei Sawizawina II”

  1. 1
    Ozima Says:

    1 han chhiar dawn ang hmiang!!

    Report this comment

  2. 2
    6ANgeLScRoOL Says:

    ka chhiar paih hrih lo.. :-S

    Report this comment

  3. 3
    spa jongte Says:

    ha ha..thu nuih zat thlak a hre thyam tan….tangkai na nei miah si lo….HV a hian nau awm ziah tak tak nya aw… :-P

    Report this comment

  4. 4
    XaiA Says:

    ‘Tichuan ka han thangharh a,ka mumang a lo ni reng a’i ti dawn emaw ka tia :-D

    Report this comment

  5. 5
    spa jongte Says:

    @xaia nya a thu tak soi ve hmyah2.. ;-) :-D

    Report this comment

  6. 6
    sisen Says:

    hahaha…ziak thiam e (Y) :-P

    Report this comment

  7. 7
    matea_tmj Says:

    keipawh kuthlei sawizawi nan Chhiar hma n kan type mai2 teng….lolz :-D

    Report this comment

  8. 8
    Kezungpui Says:

    Ummmmmm

    Report this comment

  9. 9
    ruatruatapa Says:

    He misual.com ah hian Damlai lung ka phun a. Ka taksa hi sulrulte leh fanghmirte chhunrawl atana zalh anih hunah pawh hriat reng ka hlawh theihna tur a ni.

    (Y)

    Report this comment

  10. 10
    chawnghilh Says:

    Allegory thothang nei tak a ni e, post pawimawhah chantir ngei chi a ni. ‘Mithianghlim Lawr’ kan tih tak zen hi Pentecostal dintirh 1915 hmakhalh awrha Margaret McDonald-i mumang atanga rawn insehhmur tan, 1830 hnu lama Setana thangkam hlawhtling ber tur a ni. I Thessalonika 4:16 vel changchawia SECRET RAPTURE sawi hi Mat vuaka Tuichang dap ai pawhin a thelh zawk, I Thes 4:16 hi a Secret lo ber mai, verse VOLUME RING BER a ni zawk e. Buh lem lawr hmasak a nìh tur tehkhin thu hì Isua zirtirna a ni zawk. A sei palh ang e, nakina chhunzawm lehah ni teh se.

    Report this comment

  11. 11
    H.Vangchhia Says:

    Mahni fa ngei awm chu nuam deuh ania :-D
    vakul khi a inhmeh roh mange hairehai :P
    VaiVa chuan a jacket hmanthiam, a ha em? (Y)

    Report this comment

  12. 12
    aduhi Says:

    very creative. i like (Y)
    Rosepari pawh va rim tawh rawh, kan in atangin a haw tawh e!

    Report this comment

  13. 13
    aduhi Says:

    “tawrh harrrrrrr mi u ka tan i chuai ta maw” chu va ti lo la

    Report this comment

  14. 14
    aduhi Says:

    chhingkhual valin a lo thliahsak che em?

    Report this comment

  15. 15
    vuaia Says:

    Van ngaihnawm ve…Pu Vangchhia nau awm mawlh chu…a nau awmlai chu a tah nasat sawt k ring :P :D

    Report this comment

  16. 16
    H.Vangchhia Says:

    vuaia # 15 a rawn kal lai khan aka hi kalo hup vel ange hairehai ;-)

    Report this comment

  17. 17
    Benny Says:

    Uhmmm, ‘van thiam bik thin ve aw!

    Report this comment

  18. 18
    vuaia Says:

    H.Vangchhia @16 In nuin a hau ang che….:P

    Report this comment

  19. 19
    swiftymcvay Says:

    ngaihnawm reuh mange

    Report this comment

  20. 20
    H.Vangchhia Says:

    vuaia #18 a awmloh lai chuan ka huai ve nak laia, ka phun ka phun ve ngam :-P

    Report this comment

  21. 21
    vuaia Says:

    Pu Vangchhia @20 Khum hnuai atangin “Pa ber ka nia ka duh duh naah ka awm ang” haha :D

    Report this comment

  22. 22
    H.Vangchhia Says:

    vuaia, a hnathawk lo haw te hi, “I hah em, enge haw kawng te traffic a tha maw,” tih pahin dar hmeh sak nghal char2 ani lawm ni hairehai :-P

    Report this comment

  23. 23
    vuaia Says:

    Pu Vangchhia, i sawi hmaih, “Eirawg pawh ka bawl fel tawh,” tih pahin thingpui han pe nghal ni lawm ni :P

    Report this comment

  24. 24
    H.Vangchhia Says:

    vuaia kha2 chu sawi ngaiah pawh kalo ngai hleinem hairehai ;-)

    Heihi hmanni kan u fate inneihna reception lam thalai ho an line dance:

    http://youtu.be/u5XlKGJTgOs

    Report this comment

  25. 25
    vuaia Says:

    Pu vangchhia, en ka chak viau a mahse phone atang chuan buaithlak deuh :D

    Report this comment

  26. 26
    CFL Says:

    Tluanga hi chu a thiam thin hle mai. Poem chauh lo pawh a lo tithei zel mai. Misualin hetiang mi kan nei hi kan vannei teh e. Ni e i sawi angin, mi(sual).com hi a hlu ka ti ta tawlh tawlh mai, hetah ka awmnaah chuan ka thianten “Ani hi chu misual tak a ni”, mi tifiamthu thin. Ka addict tawh tlat vang a ni e. Long live misual.com. Tluanga kut pawh hi lo hlei zel teh se.

    Report this comment

  27. 27
    eL Says:

    chhiar a nuam dap dap hle mai…..sel hi a nuam ve a..a tawp dan teh turh chu…satel lu ang mut a lawm mawle…

    Report this comment

  28. 28
    triplestar Says:

    Ka chhiar chhuak a hei ka comment bawk :-P

    Report this comment

  29. 29
    vakul Says:

    Khatia ka thusawi laia Tluanga lo thleng kha a’n hawihai nasa khawp a, engemaw ni chham hian a phun tak bul bul a, eL hian “be reng reng suh, Misual-a a rawn post leh tur poem a chham a nih saw, hetih hunah hi chuan a biak tlak der loh” a lo ti a.

    “Nau paw chungin vin tawk hian ” ka la lum so lo a nih hi, ka rawn pe dawn reng che, min awm chhawk ve tawh ta che” a ti teng chhuai a.Hairehai. :-P

    Report this comment

  30. 30
    Sangpuiipa Says:

    Karleh lamah Ke hlei sawizawina ka rawn post ve ang. :-P

    Report this comment

  31. 31
    rose10 parvuli Says:

    tluanga i kut chu a hlei ve tak zet e :) :) i rilru pawh a hlei a nih dawn hi XD

    Report this comment

Leave a Reply

You must be logged in to post a comment.