Decentralisation or Disintegration..!!

April 23rd, 2011 8:00 pm by Chemtatrawta

Awze tawngin ka rawn dah leh a. Duhlian tawng chuan a sei mah mah dawn sia a heading hi, ti hian ka rawn khawrhchhuak ve ringawt a ni e.

Hei Autonomous District Council hovin Direct funding an han hmu a, seltu leh faktu an in kat nawk mai. Uluk deuhin ka lo thlir a, a seltu lam hi chu Aizawla inbengbel an nih lem loh pawhin Aizawl lam chhuak an ni tlangpui a; a duhtute erawh chu District Coucil mipui leh Chhim lam deuh hi niin  a hriat theih. Engvang nge?

Kan thupuiah kan lut nghal ang. Mizorama sawrkar hmun leh sum leh pai chevel a centralised zia hi chu sawi lohvin kan hre vek awm e. State dang han thlir ila, hetiang em ema centralised hi an vang pharh ang; centralised deuh ho pawh hian harsatna neuh neuh hi an tawk fo reng a.

Kan politician leh officer lian te pawh hian mawhphurhna tam tak an nei a ni. Kan lo hausa a, mipuiin min thlang tling a, kan biala kan in leh lo kalsanin Aizawlah in leh lo kan din a, chutiang rilru pu hi a tam zawk kan nih avangin Aizawlah hian mi thiltithei te hi an ther fur mai a. Nagaland te hi en ila, an politician lian tak takte hian an khaw hmun nghetah in leh lo neiin an thutchilh tlat thung a, chutianga mi pawimawh awm ta na na na chu a hmun pawhin ngaihven a hlawh lo thei lo a ni.

Tin, sawrkar hruaitute pawh hian Aizawlah ringawt lo hian sawrkar hmun hi a dah theih tih hi kan hriat, hriat mai ni lo a kan dah a ngai a ni. Fa upa ber leh hmeltha ber chauh ngaihtuaha fa dang ngaihthah hi nu leh pa hlawhtling an ni ngai lo.

Entirnan- hman kum deuha Lunglei TWERIL leh Aizawl STREIM chungchang avanga boruak a sat hmanzia leh, chhimlam hovin ngaihthah leh an chanai laksak nia an rawn inhriat chuan Union Territory dil thlengin kha thil khan a hringchhuak ta a nih kha. Kha boruak avang khan tunthlengin inepna rilru hi a awm a tih theih awm e. Kha thil te maiin khatiang pawi a sawi theih chuan kan kalphung hi kan thlak vat chu a ngaiin ka hria a ni.

Kan sawrkar hmun pawimawh te hi hmun hran hranah dah ila, district dangah branch te pawh nei ta se la, employment generation mai bakah administrative efficiency a thlen ngei ka beisei. Kan kalphung hi kan thlak lo anih ngat chuan kan ram hmabak hi thim tak niin ka hmu ve tlat. Union Territory hmuh hi kan rin aiin a harsa lo tlat ania, State puitling hi hmuh harsa viau mahse.

Bonus:-Vaichhe ho hian(abikin Hindu kulmuk) ho hian Mizoram Kristian state hi kawng chitin rengin min ngaitheilo hle tih kan hriat pawh hi a pawimawh khawp.

Similar Posts:

Recent Posts:

82 Responses to “Decentralisation or Disintegration..!!”

Pages: « 1 [2] Show All

  1. 51
    eL Says:

    51

    Report this comment

  2. 52
    X_MAN_19 Says:

    @48 Jmiahlung:- Tura ah hian NEHU campus mai nilo, directorate lian tak tak an Sorkar khuan a dah asin. Meghalaya Board of School Education (MBoSE) headqtrs pawh Shillong ah ni lovin, Tura ah a awm.

    MBSE hI AZL a awm lovin Lunglei ah dah tura nawrna awm ta se, CYMA hian mizoram thendarh tum, inpumkhatna tichhiat tum anti leh ang.

    Report this comment

  3. 53
    jmiahlung Says:

    @X-man,hman kuma an buai chiam kha ni lawm ni,,nia,,sawrkar kalphung hi thlak deuh cu a ngai a ni..Aizawl-centric lek lek policy rihngawt hi cuan ram ropui kan thleng lo ang..

    YMA pawh hi inrawlh tur chin hre ve se..Tin,hnam inpumkhatna ngaihmawh viu siin,,hnam inpumkhatna atan hma an lak te chiam pawh ka la hre lo..MZP hi awm lo se,,tun aiin kan la inngeih lo lehzual ang mawh le..

    Report this comment

  4. 54
    chemtatrawta Says:

    Zanin chu Fonz-te, Chhingdailova te ho nen inkhawm paha chaw kan ei avangin ka post ka rawn vil hman lova, in mi hriatthiamna ka ngen e.
    Heng kan thil rawtna leh kan thusawi te hian thuneitu beng pakhat tal thleng se he post hi post hlawhtling tak a ni ka ti ang. Chuvangin, i au chhuak ang u. Mi rethei leh thalaite hi kan auchhuah a ngai takmeuh ta a ni.

    Report this comment

  5. 55
    hltau Says:

    atha ka ti kei chu. atirah chuan buaive nak nak viau a nga, an la inzirve mai ang. Mipa pawh hi inhrang an chan chiah hian puitling lam an pan e , an tia lom. an hman thiam leh thiamloh lamah chuan an mahni mawh a ni ve tawh ang chu. I ring phot mai ang u.

    Report this comment

  6. 56
    RenghangMan Says:

    Rilru te deuh chu in awm. .Chhim leh hmar ti ang zawnga lo la duh tlat, thing lutuk.

    Report this comment

  7. 57
    burgerstud2005 Says:

    Home Ministry lehkha ah kha chuan BADP sum ADC Area bik a mi kha chu State atang tho a release nghal tur, khawih tir tur tih a niin ka hmu.Ka chhiar ve ah kha chuan.A awmzia chu State in RD Deptt khawih tir lo in., ADC Area bik ho BADP kha chu State in ADC ah release tur a ti in ka hria.

    Direct Funding chiah poh a niin ka hre lem lo. Politician ten voter te hip nan Direct Funding hmahruai an ti mai in ka hria.Engmah Mizoram then hranna tur a awm lo. CommentNo.4 @bucko sawi khi a dik fu.

    BADP chu ADC in han khawih ve se.A nihna takah chuan ADC ho hian sum hi an khawih tlem ve lulai ania.

    Report this comment

  8. 58
    hmingtea Says:

    Chhimalam mi CK chin eg officer lian politicians ho in chhimlam phatsanin Zawlkhawpuiah rihah run an rem san zel a.
    Chhimlam mipuite chu vote tu a tan chiah an duh zel thin hian chhimlam ngaihthahna a thlen thin a ni ber in ka hria.

    District council ho hian engkim mai an rights ho hi chu direct in dawng vek seng ka tih pui.

    Mizoram sorkhar tlawn leh tham fo hi an tan a ninawm ve hrim hrim.

    Report this comment

  9. 59
    k Says:

    Why Autonomous District Council ?? kei mimawl ve mai hian a chhan ni ber a ka hriat chu MIZO ni ang ah in an in ngai lo va, hnambing a an la awm khawm vang in, in lakhran an duh ah ka ngai, LAI Autonomous DC, MARA Autonomous DC, chakma Autonomous DC te hian ka hriat sual loh chuan UT (union territory) central ah an dil, lo hmu ta se kum 10-15, a ai rei lo ah poh STATE an la nithuai ang, chuan MIZORAM chin chu AIZAWL Dist, CHAMPAHI Dist,KOLASIB Dist, SERCHHIP dist, LUNGLEI Dist leh MAMIT Dist( chakma ho tel lovin) chauh a lo ni toh ang !!!!!!!!!!!

    District council an nih vang a benefit an neih xong2 hi an kham lo nge IN LAK HRAN an duh ve hrim2 ????

    MIZO vek kan ni lawm ni, trong hrang poh la hmang se (Y)(Y)(Y) ???

    Lai leh Paihte, Mara, Thado, Hmar te… Fa u ber pawn in hrang chang mai lo se (Y)(Y)(Y)(Y)(Y)(Y)(Y)

    Report this comment

  10. 60
    chemtatrawta Says:

    #56, renghangman, i thil sawi khi thing vang a ni lo, ‘regionalism’ hi chu khawiah pawh a awm a, Mizote hian kan lak dan a inang lo mai zawk chauh a ni.
    #59,k.. Autonomous District council awmzia i man threlh hle niin a lang. Tin,UT dil tuma hmalakna pawh Lunglei pawhin TWERIL buaina hnulamah phei kha chuan a ‘spearhead’ takmeuh tih lo hre bawk la ka duh, Saiha leh Lawngtlai bik ni lovin.
    Chuvangin, kan inenfiah chu a ngai a ni. Ka sawi tawh ang khian, Lunglei hi tel ta se, Lungleia development kalphung dik tak hi rawn analyse se UT pek hi thil harsa zawk2 a ni lo tih chu kan dan hre mi ho khan in hriat ka ring.

    Report this comment

  11. 61
    keimah Says:

    Tha khawp mai. Ngaihtuahna senna tlak a ni e.

    Report this comment

  12. 62
    loneeagle26016 Says:

    Post tha tak a ni e. Aizawla rem leh rem loha bawk khawm luih mai hi tha ka ti lo khop mai, he thil hi ka ngaihtuahna a rei tawh khawp mai ! Department thenkhat a bik takin, Agriculture, Horticulture, Sericulture,Vety, RD te hi han ti bik deuh ta ila, mizoram laili lamah emaw an head office hi awm ta se kan that phah zawk ka rinna a rei tawh mai !
    District Council Direct Funding chungchangah hi chuan #57 a BurgerStud sawi ang khan engmah tak2 ala awm rih lo, politician ho hmatheh tih kha a tawk viau mai ! Kei chuan direct funding hi hmu thei se ka duhthu sam ani, an eiru ang tih mai2 te chu tunah pawh an eiru lo chuang em ni ? Direct funding avang ngota an eirukna tur ka hre tlat lo.

    Report this comment

  13. 63
    mach3 Says:

    In fing hlawm em mai ka comment ve peih leh lo.

    Report this comment

  14. 64
    chemtatrawta Says:

    Ti ve hram la@mach3…nang han khum tur em an awm chuan ne maw?

    Report this comment

  15. 65
    mach3 Says:

    @chemtatrawta, ka thlawp viau na che u in hetiang lamah chuan ka hul tlat, sawi tur hlawl ka hre lo ani e.

    Report this comment

  16. 66
    coolsoul09 Says:

    Disintegration hmanrua pakhatah ka ngai a. Tin, kan State Assembly pawh hian a lo ngaihthah thin a nih chuan an thiam lo tawpah ka ngai bawk. Kan Politician-te rorel thiam loh luat vangah kan State hi thendarh a la ni lovang tih hi a sawi theih hauh loh a ni. A pawi tih bak chu sawi ngaihna a vang a ni e.

    Report this comment

  17. 67
    lalpeace Says:

    Sum pe theitu in direct a an pek duh miau chuan pe se kan lo sawi ve vak pawh a ngai emaw ni le? An lawmpui awm viau zawk alawm. (Y) ;-)

    Report this comment

  18. 68
    ZerO Says:

    A lawmawm e. Mahse ADC hruaitute hian an zo ngem aw? Direct-a Goverment of India dawr thei tur an awm em?

    Report this comment

  19. 69
    chemtatrawta Says:

    chu tak chu lawm zero kan lo sawi mek chu. Kan hruatute hi kan rin ngam a ngai reng a ni. Chhim lama an va awm avanga an capacity chhe bik tura kan ngai sa hi kan mindset hi a fuhlo deuh a ni..

    Report this comment

  20. 70
    chemtatrawta Says:

    lalpeace-a soi khi a dik khawp mai…kan unaute an nia, keini pawh ni ila kan duh zawk tur kha an chungah a lo thleng ta cheng a, engvangin nge kan lo lawmpui mai loh ang..kan lo sawisel a, an tlinlohna te kan ngaihmawhpui tlat hi chuan kan itsik ka ti lo theilo kei chu…

    Report this comment

  21. 71
    ZerO Says:

    chemtatrawta, LADC hian pu Hmunhre bak tirh tur an nei chuang dawn amawn le?

    Report this comment

  22. 72
    chemtatrawta Says:

    An inzir chawp ve mai ang chu.. Mizoram pawh kan indan tantirh chuan kan nawi ve nak kha.. Learing from the experience hi a fool-proof ber ka lo ti ve mai asin… Tihsual chu an nei ve ngei ang, mahse tihsual hi tihsual nawn leh tawh lohna tura kailawn tangkai tak a ni ka ti ve tlat.

    Report this comment

  23. 73
    zualbonez Says:

    Dawr tur an awmloh chuan dawr turin minlo dawr se :-D a free lo deuhin ka lo tih sak ang …delhi tlang ho te chu ka be thaim alawm… :-P

    Report this comment

  24. 74
    chemtatrawta Says:

    Aizawla a tangkhang thin 25% velin lo tih sak la, majualte..chuan, nangmah chu ‘laap’, anmahni pawh ‘laaap’… ;-)

    Report this comment

  25. 75
    burgerstud2005 Says:

    ngaihdam dilna…ka comment hmasa ho kha dik hlel deuh..ti zawk hi a ni.

    ‘based on recommendations of GOM and recommendatuon made by the Group headed by JS, it has been decided that MHA would release funds under BADP to the Councils in Mizoram directly from the current FY 2011-12’ tih a ni zawk e.

    Report this comment

  26. 76
    chemtatrawta Says:

    Ekhai…@burger..source va nei tha leh angreng lawi si vee… :-)

    Report this comment

  27. 77
    Fonz Says:

    kan thianpa pu hi central dawr tur chuan a rawn kal zing viau, central dawr tu tur chu an neih hmel ka ti deuh.

    Report this comment

  28. 78
    chemtatrawta Says:

    An potential hrechiang uk si lova an chuti khati ang tih hi chu a thring tawh reng a ni… Mi tha tak2 chu an neih nual ka ring tlat keipoh.. Kan Mizoram sorkar politician tenawm tak2 ang hi an tlem zawk daihin ka hre lehnghal..
    #77(Y)

    Report this comment

  29. 79
    burgerstud2005 Says:

    ni ngawt mai ti raw… c.tatrawt.

    Report this comment

  30. 80
    chemtatrawta Says:

    Niangchu…khawi2 ami nge i lo neih leh bik ni..neihfaka rilbawm atang hian i rn thram chhuak leh nolh thin.

    Report this comment

  31. 81
    loneeagle26016 Says:

    Mahse kan ti chiam dawn a…a negative side lam chuan comment lo teh ang…tute rilru emaw ka hliam palh ange…thil hi chu kan hma a a chhuah miau chuan han ti tawp ila, kan ti ani ve mai…council hotute pawh an in su kaw ve thei em em ang… (Y) (H)

    Report this comment

  32. 82
    V-a_USA Says:

    Chemtatrawta i post tha khawp mai. Rilru senna chi a ni. Ka ngaihdan ka’n sawi ve mai mai teh ang. Tunlai hunah lirthei lam bakah Internet Communication te a lo tha ta a, tunhma computer, cell phone, internet etc awm loh lai kha chuan Aizawl a department Headquarter tin inchhun khawm luih mai kha a remchanna tak a awmin ka hre thiam thei. Mahse tunlai thilah, Mizoram kilkhawra awm pawh lirthei leh Internet communication highways tha nei a kan inbiak pawp zung zung theih tawh lai hian, department eng enge maw hi chu Aizawl atanga an insuan chhuah a hun tawh viau lo maw? Mizoramah hmun hranghrangah lehkhathiam hna hmu lo ten hna an hmuh phahna anih dawn bakah, nepotism tivang tu a ni mahna. Hmun khata inchhun khawm luih hi chuan, pa ten an fate an awmna khua bawkah hna hmu ve se an duh avangin nepotism a awmlo thei lo. Aizawl hmun chep taka inchhungkhawm vek hi Zoram hmasawn na daltu a nih bakah, khawpui leh thingtlang mite inkar (gap), mirethei leh mihausa inkar (gap) kan ti zau telh telh zawk lo’ng maw? Sawrkar department hrang hrang hi chu thingtlangah insawn chhuak rawh se – Lehkhathiam, hna hmu lo awm mai mai kan tam lutuk! Mahni pumpuarna aiin ram hmasawnna tur zawk ngaihtuah a hun tawh!

    Report this comment

Pages: « 1 [2] Show All

Leave a Reply

You must be logged in to post a comment.