Baktawng-a Pu Zion-a te chenna lam [Admin: Chhiar ngei ngei chi!]

March 4th, 2011 2:00 pm by chawnghilh

Baktawng hi ei-rawngbawlna bungbel chhunah leh thing lam furniture-ah an hming a tha hle a. Pu Chana Pawlte hi hna thawk ngawrh tak an ni hlawm. A khaw mipui zawng zawng hi Pu Chana Pawl an ni vek kher chuang lo. Pu Chana Pawlte hi Vengthler hranpaah an khawsa thung a.

A naupangte pawh an hawihhawm hle, an tawngkam chhuak pawh a ngaihnobei khawp mai, “Khawi lam atanga rawn kal nge in nih? Eng ti turin nge … in hmingte min hrilh thei em? Engtin nge kan koh ang che u? Tluang takin in haw leh dawn nia aw?” an ti thei liam liam a, chibai an sem peih hle bawk. An kawtkai a fai hle a —ar ek, vawk ek, bawng ek a awm lo. An inte pawh pucca tak tak vek a ni hlawm a, an kawtthler hi lungin an rem chhuak vek tih theih a ni. Hna thawkrim tak community an ni hrim hrim.

Playground pawh an nei tha, astro-turf chu an la phah bik lo. Field kiang lawkah hian an School Building-te a awm a, tuikhur tha tak tak pawh an nei nghal vek.

An hnaah an bur chat a, bel chhun leh tukverh frame siam lamah an duai lo hle. Dharamshala-a Tibetan-ho ang maiin an inkulh a, anmahni project-ah an bur char char hle tih a hriat mai!

A zanriah tur chaw bel leh chawhmeh bel chu —ni tin ruaitheh ang mai an ni. Thingtuah a hautak hle bawk ang. Hei hi Pu Zion-a RCC Building lian leh zau tak sir kila an thuk hmun chu hei hi a ni. “Tukthuan an ei kham hi zanriah tur an buaipui leh nghal mai,” an ti.

Tin, An bed-room pawh a zau helh hawlh hle a, khum a inhung khup mai a, naupang inkawm hlim thei, inbakkaih thei engemaw zat chhuatlaiah an awm sup sup bawk a. Nuho pawh an tam tham fu! An Biak in pawh a lian hem hawm hle a; tlem lai deuh kha chuan Assam Type maia cheng an la ni a, tunah erawh chuan cement in lian tawk, zau tak, a chung chhawng nei iaih uaih-ah an khawsa tawh bawk a lo ni! Pu Zion-a Lalthutthleng pawh hei hi a ni.

A Biak In pawh hi a zau hle a, a lan ang hi a ni lo, a chhuat hi hnuai fe-ah a awm a. Kawtkai atanga a lan dan maiin in hmu a nih hi! Pu Zion-a in chhungkhur bika chengte pawhin pew engemaw zat chu an awh ngei ang a, anmahni community hrim hrimin an belhchhah hle dawn a, Biak In zau tak chu an mamawh ve hrim hrim ngei ang. An Biak In hming hi HNAM THLAN RUNPUI tih a ni.

Tin, Pu Khuangtuaha kha an community bul tantu a ni a; chumi hnuah Pu Chana’n a chhunzawm a, tunah erawh chuan Pu Zion-a hovin an khawsa mek a. Pu Chana thlan pawh an theih anga mawiin, sakeibaknei lim nen an siam thlap a. a thlan lung EPITAPH-ah hian English thumal pahnih STAR tih leh PLANET tih thumal a inziak tel nghe nghe a ni.

An chanchin zir chiang leh dilchhuta han tlawh ka ni lo va; thu kam khat mah ka zawt bawk hek lo. Ka thlir kual a, an phal chinah ka kal kual a. An remtih lohna hmun chu ka enghelh chuang lo bawk. Thil mak ve hranpa deuh mai chu, kum 1988-a ka Mahindra Jeep ngei kha … khawnge a awm pawh ka hriat tawh loh hnuin —Pu Zion-a Garage-ah a lo awm reng mai a. Ka khua a tihar rum rum.

Heng rawn tarlante bakah hian thlalak hrang hrang leh a movie lam chi pawhin ka la nual a. Tarlan chin atang hian thil chu in mitthla thiam ka ring a. Duhtawk mai ila –hre chiang lehzualte comment chhiar hlan ka nghakhlel ber tawh zawk e.

Baktawng khaw luh chhohva, motor kawng pengthuam awm hmasa ber atanga dinglama penin, chu lam thlerthla zawng zawng chu Pu Zion-a leh a mite khawsakna lam chu a ni e. An inkulhna hmunah hian minute 20 aia tam ka awmin ka inring lo. Remchanna leia han tlawh zuai chauh ka ni. An ni tin eizawnna kawnga tan an lak danah –an fakawmin an entawntlak hlein ka hria. Khaw tinah anni ang hian hna tin rengah chhung tin hi ngawrh ve ila chuan –ram leh hnam nihlawh tak kan ni vatin a rinawm.

 

Similar Posts:

Recent Posts:

30 Responses to “Baktawng-a Pu Zion-a te chenna lam [Admin: Chhiar ngei ngei chi!]”

  1. 1
    shailendra Says:

    An kutchhuak a tha in hna an thawk nasa ngawt mai…

    Mit a tlai kher mai. Pic 3 a an stage remdan te khi a nalh ka ti. (Y)

    Hotupa thutthleng/Chair-ah khian thut chhin ve an phal em le…

    [Report abuse]

  2. 2
    senoryta Says:

    an inenkawlna hi entawn tlak ka ti.

    [Report abuse]

  3. 3
    ReMpY_ScisSoR Says:

    An taimakna hi entawn ang u.. (Y)

    [Report abuse]

  4. 4
    lushai_er Says:

    “NUNHLUN KAWNG A MIN HRUAITU STAR ROPUI CHUAN A MI TE CHENNA PLANET MIN HERLIAM SAN TA”

    Post-tupa, i sawifiah chiang thei deuh em ? Christian kal sual an ni nge ni lo ? Juda thlah an in ti ve lo chuan ka hria…!

    Harhna avanga kal sual niin ka lo ngai ve ngawt thin a !!!!

    [Report abuse]

  5. 5
    krayzie Says:

    Chaw chhum ho khi a fate a mi an nih le?

    [Report abuse]

  6. 6
    chhana Says:

    http://www.youtube.com/watch?v=5zrptf5trz0
    He video atang pawh hian an beih ngawrh zia a chiang.

    [Report abuse]

  7. 7
    bucko Says:

    An kut chhuak a mawi hlawm hle tih ka hria e… chuan i motor, a chin pawh ihriat tawh loh chu a thlalak tal pawh hmuh ka chak tehlul nen …. a thla i la lo em ni? i lak chuan hmuh theih turin min ham chhawpchhuah sak ta che maw..??? (Y)(Y)(T) pu Post tupa…eh

    [Report abuse]

  8. 8
    zoho Says:

    Hmaaaaaaaaan a ka kal chuan field khi pu Ziona hovin an lo lai mek a, an in pawh assam type lian sei huau mai ani thin. An taimakna leh inthununna hi entawn tlak tak ani. Mahse an thawhrim ang hu in financially chuan an kang har ka ti deuh. Nge sawm a pakhat, khawnte sep a tam ve viau zawk le?

    Nia, an rindan ka hre chak khawp mai. Thlalak an hmuhnawm hlawm e.

    [Report abuse]

  9. 9
    hlatekhua Says:

    ‘Ti nge ‘star’ hi an tih deuh kher le? Arsi te pawh tih ve mai awm.

    Rempui (@ #3), ni e, an taimakna hi entawntlak tak a ni. Nupui pakhat neih pawh hi taimak ngai tak a nia, 39 hi chuuuuu!

    [Report abuse]

  10. 10
    H.Vangchhia Says:

    An bel chherna aluminum supplier leh eng angin nge an hmuh dan ka hre chak!

    [Report abuse]

  11. 11
    hmingtea Says:

    Mizoram inti sakhua chang sang kal sual hmu thei ho khan taimak leh inngaihtlawm lam ah Ziona,Chana te ho atang hian zir tur in ngah hle in ka hria.Pastor upa etc te khan.

    Post tha tak entawn tur leh en tawn loh tur tha tak a nih hi le. (Y) (N) (Y) (N) (Y) (N)

    [Report abuse]

  12. 12
    Zodin_RM Says:

    PLANET tih hi mizo trawng in a awm chiahlo a ni maw?!
    Taima leh thawkrim te hi chu tu te pawh hi an hlawhtling tlangpui, theihna(potential) kan ngahzia hi hre tlang ila chuan kan ropui ngawt ang. (Y)

    [Report abuse]

  13. 13
    Lalthoimoia Says:

    I mahindra thlalak chu rawn dah ve tur a lawm..

    [Report abuse]

  14. 14
    Bodom Pautu Says:

    Mizo te kan thatchhe lutuk, kut hnathawh kan peih ta lo.. bla bla bla… ti a an sawi thin hi chu Pu Zion-a pawlte ngaihtuah hi chuan thudiklo ani tlat. an entawn tlak khawp mai. Mahse….

    [Report abuse]

  15. 15
    H.Vangchhia Says:

    Taimakna hrim2 ah chuan an fakawm alawm mahse, #10 khi chiang bel bawla min hrilh thei in awm hunah… a dang chu.

    [Report abuse]

  16. 16
    Alejendro Says:

    A lungphun chu. Deuh talh talh a. Mizo tawngin han ziak tlang ta law law mai se..

    [Report abuse]

  17. 17
    ReMpY_ScisSoR Says:

    #12, RM, planet tih chu leilung an ti thrin, maithei, as in ‘thla leilung, Mars leilung’.
    Tin,
    an ti lo maithei bok.
    :-P

    [Report abuse]

  18. 18
    lushai_er Says:

    Zion-a pawlte Aluminium bel sawi takah chuan Mizote hian aluminium bel hman hi kan uar em em a. A thatlohna sawi tur ka hre lo nangin phairamah hi chuan aluminium bel hmanga tui kan chhuan hian a nu phut thin a, chemical reaction a awm chiang tih a hriat theih. Stainless Steel kan hman hian a ziaawm khawp mai.
    Cancer vei kan tam tak em emna chhan hi aluminium bel hman kan uar vang te hi a ni thei ang em ?

    [Report abuse]

  19. 19
    Zodin_RM Says:

    17@Rempy thla chu planet a ni lova, chuan Mars chu ‘Sikeisen’ an tia ni lawm ni kha? Pu Remkunga chuan ‘heltu’ a ti mai.
    Pu JF-a chuan ‘ni heltu arsi’ a ti thung.hehe :-O thilbial ni hel ho hi a ni mai ang chu..haha

    [Report abuse]

  20. 20
    ReMpY_ScisSoR Says:

    Detail ve.. :D :D :D (@)

    [Report abuse]

  21. 21
    H.Vangchhia Says:

    #18 Aluminum/Aluminium hian cancer asiam thei ni a rin ani nangin 100% proof erawh ala awmlo anih hmel.
    http://www.atsdr.cdc.gov/toxfaqs/tf.asp?id=190&tid=34

    Kan in bang atana kan hman lar em2 Tile (Asbestos) erawh hi chuan lung cancer leh mesothelioma asiam thei.
    http://www.cancer.gov/cancertopics/factsheet/Risk/asbestos

    DDT hian mihring zunthlum a neih tir hmaa, leiah kum 30 te a dam thei a, cancer a siam bawk (DNA adducts).A DNA adduct is a piece of DNA covalently bonded to a (cancer-causing) chemical.
    http://en.wikipedia.org/wiki/DDT

    [Report abuse]

  22. 22
    caribou Says:

    Lushai_er #18 zawhna khi a pawimawh khawp mai.

    Pu Khuangtuaha > Pu Chana > Pu Ziona pawlte taihmak ang hian taima hlawm vek ila chuan aw… rethei kan tlem ngawt ang le. Entawn tlak an ni, mahse kan entawn peih lo.

    [Report abuse]

  23. 23
    H.Vangchhia Says:

    caribou #22 i chung chiah a khi :) :-P
    Thu belh: Foods cooked in aluminum can react with the metal to form aluminum salts associated with impaired visual motor coordination and Alzheimer’s disease.

    Keep aluminum cookware on good condition – When cooking with aluminum pots, the more pitted and worn out the pot, the greater amount of aluminum will be absorbed.
    Minimize food storage time in aluminum – The longer food is cooked or stored in aluminum, the greater the amount that gets into food.
    Avoid cooking highly acidic foods in aluminum – Aluminum cookware manufacturers warn that storing highly acidic or salty foods such as tomato sauce, rhubarb, or sauerkraut in aluminum pots may cause more aluminum than usual to enter the food.

    http://eartheasy.com/blog/2009/01/healthy-cookware/

    [Report abuse]

  24. 24
    funny Says:

    Pic 3 a field chhaka an sikul niawm tak thlanga mi hi tuikhur ami aw..?
    Sikul leh tuikhur an nih chuan, an sikul ekin tui vel in thlifim leh kha an ring leh amawni dawnni… :D

    [Report abuse]

  25. 25
    XaiA Says:

    A hmunah ka la kal miah lo,mit a tlai thin hle mai… Chhuanthar field khi chu TV ah ka hmu tawh thung.An bedroom awm dan hmuh a va chak awm ve aw :-D Star ropui lung leh a cheina rawng vel khi a van Mexican hmel ve!

    [Report abuse]

  26. 26
    Keimah Thingtlangpa Says:

    Keizawng mahni chhia leh tha hriatna hman hi ka duhdan a ni e..

    [Report abuse]

  27. 27
    Saitawk Says:

    Comment eiloh fe fe hi ka van ngah ve thin tak em!!! Mizo hnahthlak(Ram dang ah awm mahse) comment hi chu a ngaihnawm viau zel a.. “nangni mizo ho etc etc ek e bal e..” tih lam hi chu ka thin a khei tlat thin.

    Insum theihna hi thlarau rah a ni bawk si :insum:

    [Report abuse]

  28. 28
    lrpa Says:

    Pu Chawnghilha chu post tha khawp mai…pic a ka rilru la nghal tu chu an kawtthler a lungrem mawlh khi ani…a va ropui em!!
    Alkatra thlen phak lohna ah pawh hian lung a rem theih tho mai!!
    Ram changkang kan ti, an intodelh kan ti, kan ngaisang viau hlawm leh nghal..mahse ngaihsan tlak a hna an lo thawh thin avangin kan ngaisang thei ve mai chauh ani e…

    [Report abuse]

  29. 29
    jellybaby Says:

    2 weeks vel liam taah khan mailonline.co.uk khan Pu Chana pawlte chanchin leh an thlalak an ron chhuah nawlh tak a!ka chhiar ngun khawp mai.’World largest family’an ti tawp mai.Pu Ziona pawh an ti chuang lo.

    [Report abuse]

  30. 30
    hltau Says:

    @HV. an bel siamna aluminium ho khi chu P&E in electric hrui tur an zam hi Mizoramah chuan an bo zela, a tawpna chu hetah hian a ni an ti mauh mai. Tin Solar an chi panel te poh hi a bo duh khop mai a, hengah hian a tawp deuh ber a nih hmel.

    [Report abuse]

Leave a Reply

You must be logged in to post a comment.