MISA

March 31st, 2011 11:01 am by AmiGo VLR Hnamte

Photo-0013

Maintenance of Internal Security Act (MISA) hi kum 1972 khan Indian Parliament-in a pass a. He Dan hi a hriam hreih hrawih hle a, ram chhung inrelbawlna tibuai thei thil reng reng, rawlrala chetna thlengin he Dan hian khauh takin a khap a, he Danin a man tawh chu pakhatmah bail-a chhuah tir theih a ni lo.

He Dan hmanga man tawh zinga politician lar zualte chu – Lalu Prsast Yadav, LK Advani, AB Vajpayee , Chandra Sekhar leh MK Stalion te an ni. Mizoramah pawh MNF leh mi thenkhat chu he Dan hian engemaw zat man an ni. Kum 1977-a sorkar laipuia Jannata party an sorkar khan he Dan hi hi ti tawpin a thlakna Terrorism and Disruptive Activities (Prevention) Act leh Prevention of Terrorism Act an siam ve thung a.

MISA hi khauh taka kenkawh a nih avangin dawra bungraw hralh tur buk reng reng pawh a dik loh vaih chuan, a hralhtu chu bail theih miah lova man nghal tur a ni mai. He Dan hian Mizorama Sa zuar te a ti luhai ta hle mai a, an sa buk a dik a ngai tawh sia, an chawi belh dawn ta mai a, tih dan an ngaihtuah chhuak ta a, a sa chekhnawk an hralh tel meuh lohte kha a sa tha zingah an zep ral ta a, chu chu tun thlengin tihdan phung a lo ni ta a ni. He Dan, MISA hi tunah chuan sa chekhnawk- a ke, beng, a lu sa, etc. sawi nan kan hmang ta a, thangthar te phei chuan Mizo tawng emaw an ti tawh niin a lang.

A nihna taka chuan “ MISA hman avangin sa hi a buk dik taka bukin ei a awm lo, chuvangin a sa chekhnawk hi kan telh lo thei lova ni ” tihna a tan- “ a MISA telh a ngai” an ti ta thin a ni. Tunah chuan a MISA hlang te pawh kan lo lei ta zel a nih hi !

Similar Posts:

Recent Posts:

35 Responses to “MISA”

  1. 1
    khumchikthei Says:

    le le, comment a theih e.

    Vawk MISA (ke), Bawng MISA (vun, sawngbawl peih tan), a tui.

    …khrum

    Report this comment

  2. 2
    Alejendro Says:

    MISA chu ka vawikhat hriatna. Thanks Amigo :-)

    Report this comment

  3. 3
    shabito Says:

    Ka nuih a va za tlawrh tlawrh tak em..Lalu kha a tan laiin em ni fanu a nei a, a hmingah Misa-i an phuah ve ngei kha mawle.

    Report this comment

  4. 4
    tlau Says:

    A lo ni maw, mizotawng emaw ka lo ti mai asin

    Report this comment

  5. 5
    riangtleii Says:

    a va bengvarthlak ve, a awihawm loh lek lek zawk alawm.

    A MISA tih hi mizotawng pangngai emaw ka ti ve char char, mahse awmzia a nei lo hle-in ka hre bawk sia.. :-)

    Report this comment

  6. 6
    khumchikthei Says:

    MISA hre lo in lo la awm nual a! In la naupang deuh nge maw ni le?

    …khrum

    Report this comment

  7. 7
    vivia Says:

    Ka hriat riai ruai, ka chian si loh a nia, a bengvar thlak e.

    Report this comment

  8. 8
    Chhangteval Says:

    Ka hriat vawikhatna! :-D :-D

    Report this comment

  9. 9
    Alejendro Says:

    khumchikthei, hriat zawng te te hi kan nei ve a. MISA hriat leh hriat loh hi naupan leh upat lam a kawk lo e.

    …Ale

    Report this comment

  10. 10
    cza Says:

    @amigo, iti tha hle mai, ka lo Mizo tawng hman ve hmiah2 mai asin, tunah chuan a awmjia ka hre ta… (Y)

    Report this comment

  11. 11
    khumchikthei Says:

    Chuti maw ale.

    …khrum

    Report this comment

  12. 12
    Kurtdamascus Says:

    MISA chu MISA :-D

    Report this comment

  13. 13
    hnamte_25 Says:

    Ka voikhat hriatna…bengvarthlak e…

    Report this comment

  14. 14
    feeder Says:

    very informative (Y)

    Report this comment

  15. 15
    hlatekhua Says:

    A va lunglenthlak ve! MISA lar lai min ngaihtuah lettir..Pu Sangzuala, Durtlang pa, puan vengin, kawr ha lovin necktie a awrh a, “China ral a lian mek e, sorkar hnathawkte MISA danin hrem an ni dawn….” tia a au lauh lauh thin te kha min hriatchhuahtir!

    Report this comment

  16. 16
    Uaiizzz Says:

    A bengvar thlak e. Kalo la hre ngai miah lo. (Y)

    Thingpui in pahin topic dang chhiar zawm teh ang (C)

    Report this comment

  17. 17
    shailendra Says:

    khiti lam zawng khian ka lo ngaihtuah ngai miah lo mai a. (Y)

    Report this comment

  18. 18
    chawnghilh Says:

    Brig T Sailo te thianza pawh an man kha!

    Report this comment

  19. 19
    funny Says:

    Keipawh ka vawikhat hriatna. (Y)

    Report this comment

  20. 20
    Jacka Pi Says:

    Ka van awih chiah lo deuh e aw…Post tu pa min bawl chu a ni em lo maw??…. mahse a awm ang ve fu tho bawk sia..

    Report this comment

  21. 21
    lushai_er Says:

    “Sanjay, the younger son of former prime minister Indira Gandhi, has been criticised for several policies that he implemented during the Emergency (1975-77). The worst of them was his family planning movement where men were forcibly sterilised and which earned him the title of an autocrat.”

    http://indiatoday.intoday.in/s.....gency.html

    Report this comment

  22. 22
    Asteric Says:

    A lo ni reng taka…!!!

    Pa pakhat pawh chawhmeh duhloh nei nih kha a inthlahrung ve deuh ni tur a ni, duhlo ti si lo in “Ar sa ah chuan a ke hi ka duh hnuhnung ber e” a tia lawm :-D :-D

    Report this comment

  23. 23
    shailendra Says:

    MISA hunlai sawi el nan mai, a sa chekhnawk ho kha an lo MISA mai mai turah ka lo ngai char char a…

    Report this comment

  24. 24
    MamiPa Says:

    kei pawh ka vawikhat hriat na

    Report this comment

  25. 25
    MamiPa Says:

    kei pawh ka vawikhat hriat na,bengvar thlak hle mai,mizotrawng pangngai emaw ka lo ti ve ngawt asin le. ;-);-)

    Report this comment

  26. 26
    Benny Says:

    MISA chungchang hrim2 chu a bengvar lunglenthlak viau e.
    Vawksa vela misa kan tih erawh hi chu MISA dan vang a nih erawh ka hrelo tlat…mai a. Kan hman tanna kha rei pawh la niin ka hrelo ka ti!

    Report this comment

  27. 27
    El Says:

    zia hle mai a…a MISA a tui ber mai…ka thluak a tam leh ta..

    Report this comment

  28. 28
    muantea Says:

    A awm ang ve hle mai a! Janata hun laia Setana Bill te pawh min hriat chhuahtir e.

    Report this comment

  29. 29
    CFL Says:

    A va bengvarthlak teh reng em! Good post. (I)

    Report this comment

  30. 30
    rose10 parvuli Says:

    hahhaii..keimaha ka nuih cher cher chu le,a va lo hriatloh theih haih haih ve D :D :D :D

    Report this comment

  31. 31
    Benny Says:

    Muante, setana bill passed na state arunachal ah khan kohhran tam tak a ding tawh asin. An Assembly member ah pawh kristian an awm ta.
    Kum 2006 khan an assembly speakerin advance christmas a bangla ah a buatsaiha kan va tel ve a, a nuam ropui hlimawm khawp mai!

    Report this comment

  32. 32
    swiftymcvay Says:

    post tupa hian min bawl a ang e ka ti,a ziak thiam ltk a.
    Gud post

    Report this comment

  33. 33
    PimPom Says:

    Kei, a misa hi a nia tui ka tih ni ‘MISA’ nilo in. Arsa ah ngat phei chuan a vun ai tui tih leh duh ka nei lo..tak tak.

    Report this comment

  34. 34
    caribou Says:

    Sa lei changa a “misa” lei tel ngei ngei a ngai thin hi ka haw thei khawp mai.

    Report this comment

  35. 35
    ruatruatapa Says:

    Keimah chauhva kan nuih huk chu le… Nih theih hmel khawp mai. Vawiin April fool laiin kan chhiar lehnghal chu le….

    Report this comment