Leh mai rawh

March 31st, 2011 10:31 pm by eL

“…ky pon k gai ce lom..el..hun harsa takh po kn inpui jel donny o..i kiaga hlm tka om k va cak to tak…;) mizz u..gud nit n tc…”

Ka biangah chuan mittui a lo luang tiam tiam a, ka chhiar zo thei lo. Ka phone chu ka dah a, tlem la bang ka in hnu chuan mut zai ka rel leh ta a.

Thla eng chuan ka pindan chu a chhun eng ruih mai a, mutthilh a har ngei mai. Mitthlaah nunhlui liam hnu te a lo lang uar uar a, koh kir theih an chang tawh si lo. Hun chuan kan nundante chu liampui mahse sik leh sa inthlakin a thlak danglam ve tawh loh tur hmangaihna chu ka hlan tawh si. A tel lo chuan ka tlei lo va. A ni, D, I tel lo chuan ka tlei lova, ka ngai ngawih ngawih che asin. Mahse chung zawng zawng hai der chuan min liamsan ta si. Kan hlimlai nite kha dawn kir ve la chuan maw..aw..dawn kir ve hian i mawi tawh si lo.

Ka pindan kawngkhar chu dimtein ka hawng a, in chung zawl lamah chuan ka insawn chho ta a. A thianga kan lawm thin van dumpawl ruih te leh chhawrthlapui te, siar eng mawi tak te chuan a ngai tein an mawi an lo la chhuah si. A mak khawp mai, lung leng reng reng chuan sulhnu an chhui ngei ngei an tih hi a lo dik a ni ang.

Rilruin nunhlui a chhui kir a, mitthlaan a lo lang zut zut mai si. Tlai khat thim hnua Zarkawt kawna Taxi kan nghak, kan hmuh mai thei si lo kan nin si lohziate, nui sen sen chunga kan infiam lai te, High School Sport laia chhun nisa hnuai a, ka inkhel tur pawh tlai lek lek khawp a Field thlang thingbuk hnuaia inthlahlel taka kan thut dun lai te, Damdawiin kawnga kan inzui lawp lawp lai te chu mitthlaah a lo lang a, tahna thlentu mai an chang ta si…

Ka Ipod chu ka la chhuak a, ka benga ka hnawh tawt hnu chuan van lam thlir veng veng pahin hla ka ngaithla ta a…

Suihlunglen changin ka dawn thin kan nunhlui
Chhawrthla eng mawi leh siar eng mawi zawng te khi
Ka suihlunglen tizualtu mai maw ni

Hmelma anka vanga kan sawi remsa biahthu D zawngte kha
Ral mai turan zawng ka phal lo kan hlimlai nite
Nang ang hmangaih reng ka tawng tawh lo

Leng dang tan zawng ka phal thei mawlh lo che
Nang ngai reng hian mahten ka vai ruai e
Lam ang lo let leh mai rawh

Chul thei hian ka ring lo I sakhmelmawi leh hlimthla zawngte
Kan sulhnu ka fang thin mahte awm khawhar changin
Lunglai a na khawi an tuan che maw

Leng dang tan zawng ka phal thei mawlh lo che
Nang ngai reng hian mahten ka vai ruai e
Lam ang lo let leh mai rawh….
Aw Bawihte……….”

Aw, he khawvelah hian ka va han mal tak em!! Leng dang zawng chu kawplai di nen hlimten an leng a, hlimna vawr tawp chu an hmaah chhawpin an awm si. Kei ve zawng, hetah, khawhar takin ka thu a ni si. Lungngaihna te leh tahna te hi ka ta an ni vek bik lo asin mawle…

Chhawrthlapui kawla liam mai tur thlir chung chuan ka ngaithla nawn zel a.Thlang lam kawngpuiah chuan motor a tlan pheuh pheuh tih chu a hriat theih a, zan lungngaih thlak tak pawh chuan kian zai a rel tan ta. Ka in zawhna bur ka paih bo hnu chuan ka mut pindan lam chu ka pan leh ta a. Mitthlaa lo lang lung tileng nunhluite hre reng chung chuan ka lukham chuan ka lu ka khuh a. “Aw… Te,Leng dang tan chuan ka phal thei mawlh lo che a sin…. Lam ang lo let leh mai rawh” ti chung zel chuan chhin zai ka rel ve ta a.

Similar Posts:

Recent Posts:

25 Responses to “Leh mai rawh”

  1. 1
    Atha Valmawia Says:

    Han chhiar phawt mai teh ang………sei ropui sia(h)!

    Report this comment

  2. 2
    sisen Says:

    A ngaihnawm hmel, chhiar ang

    Report this comment

  3. 3
    aduhi Says:

    i bialnu chu kum 15 vel ani maw

    Report this comment

  4. 4
    ninja Says:

    Thlahrang kan bansan a, kan luangliam reng mai dawn a ni maw?

    Report this comment

  5. 5
    Atha Valmawia Says:

    ** Ka Ipod chu ka la chhuak a, ka benga ka hnawh tawt*** :-D :-D

    Report this comment

  6. 6
    rose10 parvuli Says:

    el hi hla i phuah thiam ka ring tlat ;) ;) ;)

    Report this comment

  7. 7
    shailendra Says:

    lung ava nghih duk ve…

    @aduh, kei pawh handset a ka msg atang hi chuan ka kum 15 nihna hi a lang thin :-P

    Report this comment

  8. 8
    El Says:

    a kum chu ka sawi dawn lo reng reng…:D:D

    Report this comment

  9. 9
    me_myself_n_I Says:

    Ka chhiar tui don tran chiah a .. a tawp daih :-) txt msg khi sap tong amo ka ti mai don lom le :-P … a kum zat tur awm ang a hriat thiam mai :-P

    Report this comment

  10. 10
    matea_tmj Says:

    tha lutuk (Y)

    Report this comment

  11. 11
    H.Vangchhia Says:

    Luangliam hle mai, a tha ani, i dam tihna :) (Y)

    Report this comment

  12. 12
    swiftymcvay Says:

    a rilin a lunglenthlak viau emaw ka tih laiin,ka rin ai takin a ho tlat.

    A ngaihnawm loh vang nilovin,love story hi chhiar tur a tam tawh lutuk vang zokin.originality ai chuan creativity hian beng a verh zawk tlat heti lamah hi chuan.

    Anyways.gud post.

    Report this comment

  13. 13
    malsta27 Says:

    I bulah zirtham a awm dawn nih hi tiang lampang hi…….. (H) (Y)

    Report this comment

  14. 14
    dave_pachuau Says:

    beng a ipod hnawh tawh lai hi a thu hi a romantic lo deuh em mawni chu o ka ti hehe… engpawh ni se a la upa vak theilo hrim2 tun hnai thil anih chuan… naupang hi chu an rilru puitlin lohna hetiang ah hian a lang tlat thin te ka han ti teh duah anih chu hehe :-)

    Report this comment

  15. 15
    Rumtea Says:

    I che chhe ve hle mai, tui lum chi al in, i awm bawr zut la zia deuh ang. Ka Lunglen bawm i hai tet pha tlat, tha e

    Report this comment

  16. 16
    dave_pachuau Says:

    het.. kan banner khi… hitlo ltk.. ka logout dawn….. mangtha uleeeeeeeeeeeeeeeeeeeeeeeeeeeeeeeeeeeeeeee

    Report this comment

  17. 17
    Krista Says:

    Ava mak ve…. Lawrkhawm ah ka awm daih mai a…. ENge awmzia a????? :-D :-) :-) (H)

    Report this comment

  18. 18
    jpaite Says:

    Ke poh lk ah ka awm daih

    Report this comment

  19. 19
    coolsoul09 Says:

    lung a kuai chiah lo mang e..

    Report this comment

  20. 20
    covenanter Says:

    nizan chu ka bialnu nen April fool kan hmangsual a, kan inhauhphah tep alawm. Tlem tlem ah inthen te pawh a hnai rum rum hman alawm hehe…..Enga chu iva khawngaihthlak ve aw, i rilru hi hriatloh karah alo no hman viau ni tur ah ka ngai ve ringawt mai a, tu innge lo zirtir che aw tih hi ka inzawhna lian tak ani…..vairampur atang a, Mizoram a bialnu neih chu a hrehawm viau tur ah ka ngaihsak ringawt che a……….

    Report this comment

  21. 21
    varung Says:

    Nia, a tam tawh, a in ang put put, mahse rilru a awm ang ziak chhuak thiam lo kan tam emmmmm a, a ropui hrim hrim (Y)

    Report this comment

  22. 22
    ReMpY_ScisSoR Says:

    Ngaihnawm khop alom. Ka chhiar thla zel a, ”ka in zawhna bur”…hmmm..i rui lungpuam lek a niang a, k ti ta..hehe.. Hla khi i phuah nge tu phuah?

    Report this comment

  23. 23
    El Says:

    ka phuah a ni lo,,a phuahtu pawh ka hre lo.. :-P

    Report this comment

  24. 24
    kawlhawk Says:

    Lung a kuai ngaih ngaih hle mai. El, kum 30 i la over lo’ng tiraw?

    Report this comment

  25. 25
    El Says:

    haha,,,ka pelh lohna chen pawh ka hr tawh lo… :-P :-P :-D :-D

    Report this comment

Leave a Reply

You must be logged in to post a comment.