Forest Guard hna lak chung chang kha

March 31st, 2011 8:30 pm by tka

Tun hnaia Forest Guard laknaah November 25th 2010 a Selection Committee in tling a puan chhuah leh tarchhuah zingah K. Biakmuana Teikhang khua pawh a tel ve a. Teikhang khaw mipui chuan Forest Guard tling thar tiin lawmpuina chibai tamtak pawh an buk a. Amah pawh lawm takin a hna hmuh thar chu va  zawm a tum a, Office ah kalin Jointing Report va pek a tum laiin, Office te chuan amah aiah Rebecca Hmingchungnungi, Ramthar Veng (E & F Minister H. Rohluna chenna veng) chu an dah thu an lo hrilh ta phawng mai a. Mak hle mai!

Biakmuana pawh tih ngaihna hre vak lo chuan an Bialtu Minister H. Rohluna chu engkim a hrilh ta vat a. Mahse, chhanna a dawn chu a lawm awm loh kher mai! “In rollno kha tihsual palh a ni a, in rollno 861 ah khan A leh B a awm a, a tlinglo zawk ka’n dah palh avangin a tling zawk ngei Rebecca Hmingchungnungi chu dah turin ka lo tifel diam tawh a ni! Tling zawk chu ni la, ka bial chhung a mi ngei I nia, engah nge ka duhsak loh ang che?” tih chu minister chhanna a ni.

Mahse thilmak deuh mai chu Biakmuana Rollno hi a tir atangin 861A emaw 861B a ni ngai lo reng reng a, 861 chiah a ni. A Admit card pawh hmuh theihin a la kawl reng a, chutih lai chuan Rebecca ID erawh chu hmuh theih a ni lo. Chubakah, Rebecca Hmingchungnungi hian Forest Guard dil lovin Forester hna a dil a, kutziak leh pentui rawng dang hmangin Forester tia thlak sak a ni.

He thu hi Chanchinbu ah vawi tam tak chhuah a nih hnuah a tul anga hma la a, thudik hai lang turin MZP chu a lo pen chhuak ta a, Press Conference te meuh nei in E & F Minister chu Rorelna dik kengkawh turin an phut a. March 2011 thla chhung ngei a siamtha turin an phut a. MZP peuh a che tawh a, rorelna dik chu a lo awm mai ang tia mipui in kan thlir thup laiin, vawiin Vanglaini chanchinbu ah Biakmuana hi Forest Dept. ah MR hna a thlem a nih thu leh a hlawh pawh Forest Guard te hlawh nena in ang tura tih a nih chu a lo lang leh ta.

Eng tin nge ni zel ang le? Biakmuana hian a pawm mai ang em? Rebecca hna dil loh pui an pek hnu ah Biakmuana pawh hi a hna dil loh pui an pe leh ta hi zahna chang an hre thlawt lo a ni ang chu maw? Thil sual chu thil sual bawk a siamthat an tum hi a tenawm in a zahthlak hle a ni. Khaw nge rolrel na dik le?

Similar Posts:

Recent Posts:

75 Responses to “Forest Guard hna lak chung chang kha”

Pages: « 1 [2] Show All

  1. 51
    hmingtea Says:

    Hman a mi ten an hnawl a an paihhnu (Hawla sorkhar) lal turin in thlang leh vel anih kha.

    Mirethei engmah sawi ngam lo tur a rin te hian thu dik chu i au chhuahpui zel thin i lang kan ram hmangaihtu leh siam tha tu kan lo ni thei dawn anih rneg khi maw le.

    Chhungte Minister neih ve loh chuan khitiang khian kan awm fo thin a sin.

    Report this comment

  2. 52
    RosangaD Says:

    a nghet a lut thei tur mr hna lo offer te chu a! hlawh in ang poh nise a in hlut hleih emai. Court ah kal se, khing se, document nei tha zawk na na na chu thiam a chang hrim hrim. Bakah court ah sawrkar ukil te an chak khat emai

    Report this comment

  3. 53
    varung Says:

    Amosa 5:24 Nimahsela rorêlna dik chu lui angin luang sela, felna chu luipui kang ngai lo angin luang rawh se.

    He thu hi sorkarin office a tar chhuah tura a sem darh dan chu “Rorelna dik leh felna chu luipui kang ngailo angin luang rawh se” tih a ni. Kristian state, eirukna a zung chawpa kar chhuah tumna ramah hian Bible thu chang khat lek pawh dik tak leh kim takin kan chhawp chhuak peih lo ania, Ram thuvawn atanga a chian loh chuan thil ropui tak han beisei tur chi a ni dawn ami???????? :-D

    Report this comment

  4. 54
    remruata_01 Says:

    A tling chu tling mai rawh se…. tenawm hlom lutuk mai. Hna sang emaw hniam emaw, a eng a pawh chu ni se, fel taka ro rel a tha asin! S**per kan la hmang lovang tih a sawi theihloh..!!

    Report this comment

  5. 55
    funny Says:

    Rohluna hi minister tha anilo kati ve hrim hrim. MZP leh tlawmngai dangte khan a ban theihnan kawng han zawh mup mup teh u.

    Roll No in anga A leh B lo awm leh hnuhnawh chu a dangdai hlemai. Trick bal deuh an hmang anih hmel. :D
    Che cute lo thei lutuk mai. muahahahaha (K)

    Report this comment

  6. 56
    littlerascal Says:

    51 hmingte support
    roll no in anga A leh B awm ka vawikhat hriatna Minister uih tak a nih khi, a re re ah, ka bial in nia blah blah tihte khi sawi tur a ni lo hrim2, dik taka an tlin chuan tu bial pawh nise an tling mai tur a ni, an power uih ltk hi an hmang nasa over uchuck lutuk deuh a nih ber hi

    Report this comment

  7. 57
    Jacka Pi Says:

    Ka ten a nia!!! Tuna ka hna a ka luh hma hian hetiang ang thil hi ka tawng ve zeuh zeuh….post ruak a awm a,lo thawk ta che,va dil rawh an ti ve a,ka dil ve dek dek chu post ruak awm thu ka va hilh hria hi a ni ringawt zel….Tin, Roll No. A leh B awm tih kha Biakmuana Admit card ah A emaw B emaw a lang lo hrim hrim,861 a ni tawp…Ka ten dan hi uak uak uak!!!!!! :-(

    Report this comment

  8. 58
    laldoma Says:

    Kan Minister thiltih dan chu dan palzutna a ni. A pawi hle mai. Mipuite hi tangrual ila, a ban ngei theihnan hma i la ang u. Kan chanchinbu te u, hetiang thil tenawm chanchin hi ngawihbopui suh u. Nakin zelah midangin an tihtawh lohnan pawh hma kan lak a ngai a ni.

    Report this comment

  9. 59
    keimah Says:

    Tenawm :-[

    Report this comment

  10. 60
    Aryan Says:

    A van mak ngai ve le. Roll number a A leh B awm te khi DAWT phuahchawp ani tih a chiang reng mai sia. Minister khi Bang tura nawr chi anih khi. Rebecca i khi Teikhang khua ho khian an khua a a luh pawh phal reng reng suh se, tenawm kir ker lutuk. Hmuhsit a chilchhak rawn luaih luaih tlak anih khi. Khawnge an phone number rawn tar lang ula i an khum vak teh ang u hmiang. :-O

    Report this comment

  11. 61
    Krista Says:

    A pawi thin hle mai..mahse kan minister hi mawhchhiat bik viau turah ka ngai lem lo. Kan diklo kual vel vek a ni. Kan zavai mai hian in enfiah kan ngai. Mi hmuh loh ah hian kan tawng huai em em a hetiang thil dik lo titu te hi kan do tak tak ngam pawn ka hre meuh lo. Sawi ho chu a tha a mahse a tak ah hian i huai leh zual teh ang u… (*) :-D :-)

    Report this comment

  12. 62
    gold_flake Says:

    Krista sawi hi ka pawm khawp mai…hetianga thil lo awm thin hi chu a pawi khawp mai..hei aia rapthlak tawng tawh te leh tawng mek te poh kan tam ang..ngawi lo in au chhuah pui zel ila tha khawp ang…kan minister chauh mawh thei bik kan ni lo, keini te pawh hi kan bang chuang lo..Mahni theuh in en chian a tanrual a ngai tak meuh ani ..

    “DON’T WORRY ABOUT THE WICKED. DON’T ENVY THOSE WHO DO WRONG. FOR LIKE GRASS, THEY SOON FADE AWAY. LIKE SPRINGTIME FLOWERS” psalm:37

    Report this comment

  13. 63
    funny Says:

    Rebecca Hmingchungnungi hi a thlalak nen chanchinbu a chhuah tlak anih hi mawle. A ropui hmel emai. :D

    Report this comment

  14. 64
    Darkim pa Says:

    H. Rohluna hi a mawl, Rebecca Hmingchungnungi hi a sual khop bok mai.

    Report this comment

  15. 65
    Chaichim Says:

    pu rohnuna chhanna hi atthlak khawp mai…meng renga inbum tumna chiang sawhbeh tak ani lolz. :-D

    Report this comment

  16. 66
    zualbonez Says:

    next electionah communist socialist party kan ding dawna minlo vote theuh rawh u sawrkar tha in duh chuan :-D

    Report this comment

  17. 67
    Chaichim Says:

    Pu Rohluna chhanna hi atthlak top, a ngeiawm bok si…. minister excuse tan chuan a mawl khawp mai :-D

    Report this comment

  18. 68
    TawllawT Says:

    A va ho trin ve moleee…….. :-O :-[

    Report this comment

  19. 69
    tka Says:

    LATEST UPDATE
    MZP hmalak vang liau liau in kawngdik zawh leh a ni ta. Nimin March 31 2011 kha’n MZP hruaitu ten E & F Minister va len chilh in an sawi ho a. A tling zawk ngei Biakmuana chu Forest Guard hna zawm tura tih a ni. He an hlawhtlinna avangin MZP chuan minister chungah mawihnai takin lawmthu an sawi.

    Rebecca Hmingchungnungi chung chang erawh sawi rik a ni ta lo.

    Keima rawn post anih vangin a tawpna hrilh hriat leh cheu ka tih tur ni ah ka ngai a. Chuvangin ka rawn update leh a ni e. Misual.comers ho tan liau liau in…… he he he

    Report this comment

  20. 70
    ninja Says:

    Rilru a hahdam ta e

    Report this comment

  21. 71
    Fonz Says:

    MZP chu an ti tha hle mai.period

    Report this comment

  22. 72
    gold_flake Says:

    @tka iti tha e…cuan MZP an titha bok e..

    vote leh hunah chuan MZP ho hi ka vote tawh hrim2 ang :-)

    Report this comment

  23. 73
    triplestar Says:

    Kha ti mai tur kha a ni reng a ni, atirah te khan dik takin ti law law sela tha mai tur. Tunah chuan he minister hi mi hmuh dan a dik thei tawh ngai lovang (N)

    Report this comment

  24. 74
    lrpa Says:

    Biakmuana chu ka lawmpui e. Hei hi politician ten inzirnan hmang se a tha ang. Pawngpaw nawr liam leh dawt a bum mai theih ah kan politician putar ho hian Mizote hi min la ngai emaw ni??
    Thalaite hi kan fing ve tawh a, thil tha leh dik hi kan duh ve tak tak tawh a, hei hi kan ram tan a beiseina eng awm chhun chu ani reng bawk..

    Report this comment

  25. 75
    Kawnga Says:

    Tlai khaw hnuah chauh ka lo hmu a, a hun lai nise ka thil tawn tawh atanga comment vak ka chak teh lul nen le..

    Report this comment

Pages: « 1 [2] Show All