Article lak chhawn chungchang

March 4th, 2011 4:30 pm by Sandman

misual.com ah hian mi article lo lak chhawn chungchang hi kan sawi zing ber pawh a ni maithei. Hemi chungchang post pawh tam tak a awm tawh a, mahse hetiang thil hi a rawn la thleng fo thin a ni. Chuvangin tuna kan rawn sawi hi a tawpna a nih kan beisei e. Thil thui deuh sawi duah lovin tunah hian a tawi leh chiang thei ang berin kan rawn sawi leh a nge.

1. You must give credit to other website/blog

Mi website/blog a article tha i tih misual.com ah i rawn submit duh chuan, khami website/blog kha chiang takin credit i pek a ngai. misual.com ah hian article rawn lut zawng zawng hi copy nge original a ni tih admin ten kan endik vek hman lova, chuvangin keini hi kan lo buai phah thei a ni (plagiarism case).

2. You must NOT copy the entire article from other source

Mi website/blog a article misual.com ah i rawn submit chuan, credit pek mai hi a tawk lova, an article pumpui i rawn thehlut theihlo a ni. Thenkhat chuan credit kan pe tho a lawm in ti mai thei, mahse hei hi netiquette (internet a chet dan mawi) a ni lo a ni. Paragraph khat hnih vel chauh kha telh u la, a bak chu “Read more at source” tih tur a ni. Khami article ziaktu permission in neih erawh chuan thudang.

3. You must give credit to misual.com when posting at other websites

misual.com a article tha i tih i blog/website ah i dah duh chuan misual.com hi credit i pek a ngai. Point no. 1 leh 2 sawi ang khian, paragraph 1-2 vel chhuah chhawng la, a bak chu “read more at misual.com” tih tur a ni.

4. You must ask owner’s permission before re-publishing entire article

misual.com a mi article pumpui ziah sa (para 1-2 chauh nilo) i website / blog / newspaper / magazine ah i chhuah chhawn duh chuan, khami article ziaktu phalna i dil a ngai. Dil dan i hriatloh chuan misual.com contact form ah khian admin te rawn contact mai u la, chuan keini in a ziaktu kan lo contact chhawng ve ang. Mi thu ziah sa engmah permission tel lova website, newspaper leh magazine a lo chhuah chhawn fo hi i ching tawh lovang u. Hmanah te chuan, “Duh leh kan lo chhuah chhawng ang, kan thu thu a lawm. Kan lo tih lar ve phah a a free leh nghal in, lawm zawk tur a lawm, mai mai sala” tih rilru te pawh kan lo pu maithei, mahse tunlai angah te chuan hetiang rilru pu hi kan awm tawhlo ti i la a dik ber ang chu. Chuvangin, puitling takin, permission kan in dil tawn zel dawn nia.

5. Important Internet rules:

[i] YouTube chungchang –

Internet publishing khawvel hi chu print publishing nen a dan a in anglo deuhva. Entirnan, mi YouTube video upload kha chu i duh duh na ah i embed chhawng thei a ni. A upload tu ten midang lo embed an phalloh chuan embed link kha an disable mai. An enable chuan tu pawh in an embed theia ngaih a ni.

[ii] Blog link chungchang –

Chutiang bawkin, mi blog/website link i duh duh chu hmundangah i paste thei a ni (link chauh, content nilovin). Nia, hmanah te pawh “Engatinge ka blog link misual ah in lo dah?” tih te pawh vauna kan dawng thin, mahse this is the very foundation of the internet. inter-linking network. Hei vang hian blogger.com ang te chuan “private reading” option an siam a, invited readers te chauhvin khang private blog kha an chhiar thei a ni. Dah public chuan tu pawhin lo link theia ngaih a ni.

[iii] Thlalak chungchang –

Thlalak lo chhuah chhawn chungchang hi chu internet ah hian dan mumal a la awmlo a ni ber mai. 2001 vel te kha chuan javascript hmangin “disable right click save as” emaw “hide source” te pawh kan hmang thin, mahse tun ang khawvelah hi chuan thlalak hmun danga i dah tawh phawt chuan a veng theihloh a ni ber mai. “Text” ang hian khami thlalak lo chhuah chhawngtu google ah a zawng ringawt theihloh bawk a ni. Hei vang hian, hmundang (non-profit websites) a mi thlalak kan link dawn chuan a thla la tu / neitu emaw website source chiang takin credit kan pe tur a ni. Chutih rual chuan in thlalak ho kha watermark vek turin kan ngen a che u.

[iv] Print atanga lak chhawng chungchang –

Hemi chungchang hi chu misual.com ah pawh kan ti sual fo in ka hria. Lehkhabu/magazine a mi article a tha em em kan tih kha, kan lo type chhuak veka, chuan internet ah kan chhuah chhawng leh ta a. “Harsa takin ka type chhuak vek a sin” pawh kan ti maithei, mahse hei chu a dik chuanglo a ni – refer Point no. 1 & 2. Kan lo type chhuah vek avang khan kan ta (intellectual property) tihna a ni chuanglova, chuvangin kan theih chuan a ziaktute (an la dam chuan) an phalna dil hram i tum zel ang u.

[Ziah belh tur a awm chuan kan rawn ziak belh zel ang. He post hi, misual.com sirah kan link reng tawh bawk dawn a ni.]

Similar Posts:

Recent Posts:

40 Responses to “Article lak chhawn chungchang”

  1. 1
    Alejendro Says:

    No comments.

    Report this comment

  2. 2
    Chhangteval Says:

    Va bengvar thalk ve (Y)

    Chapchar kut chibai vek ule :-D:-D:-D

    Report this comment

  3. 3
    Epistemology Says:

    Pu admin, ka lo submit thar kha chu, keima photo lak vek anih kha aw…:)ka album link han pe dawn ila, thenkhat ten in advertise na emaw na tih ka hlau sia.. ti khan ka lo post nghal nih kha..:)

    Report this comment

  4. 4
    Saitawk Says:

    Article tha leh Software tha hi chu a thlawn in inhlanchhawng chum chum mai ang u… ka lo ti rilru a, a lo ni mailo tawp a nih hi le! (Y)

    Report this comment

  5. 5
    H.Vangchhia Says:

    Ka pawm thlap. Tih loh tur pawh khi ka ti ve ngailo ale ale :) hairehai

    Report this comment

  6. 6
    ReMpY_ScisSoR Says:

    Epi photos ho chu a duh tan a ruk nghal theih e. :D Fiamthu
    member te buaina zok kha chu point .4 khi violate ni ta sela..?? tih lam a nih hmel.
    ___
    personally in, keizong k buai lem lo e..thuziak poh k nei ve leuz.. :(
    ___
    thangkhiuz.. (@)

    Report this comment

  7. 7
    chawnghilh Says:

    Plagiarism hi a tenawm thlawt.

    Report this comment

  8. 8
    zualbonez Says:

    objectively in nakinah ka lo object ang , on one or two points.,…ka la hman lo tlats

    Report this comment

  9. 9
    H.Vangchhia Says:

    #8 zualdula nen in hmeh lutuk :) ;-) NOI

    Report this comment

  10. 10
    awmawmpuia Says:

    Thlalak watermark tih hi engnge a awmzia aw???

    Report this comment

  11. 11
    Sandman Says:

    On a personal note: Kan thil ziah hi mi in kan permission dil lova an lo chhuah chhawng hi chu ka hriatthiampui a che u… kei pawh ka blog post thenkhat hi Indian magazine tlemte ah an lo chhuah chhawng ve tawh a, mahse keimah min rawn dil phawt zel. Mizoram magazine/newspaper ah chuan ka thil ziah an la chhuah mang lova, mahse an chhuah duh chuan Pu Sangzuala Hmar, Pu DMTa etc te hian min rawn hrilh phawt thin.

    A ziaktute phalna dil lova lo chhuah tawpa, chuan credit in pek bawk loh chu a inzah loh thlak deuh a lawm (a illegal lam kha chu thudang lo nise).

    Hmanah ka thiannu pawh a blog article an lo chhuah ringawta magazine pakhatah hian, a thin a rim khawp mai. Chumi article ah chuan an lo la misquote zui. Mahse engmah a ti lo. Chuan engatinge action engmah lak i tumloh ka tia, a ni chuan, “He nu chu a inchhuang e mai min ti palh ang” a ti daih!

    Permission tel lova kan article chhuah chhawng pawi em na pakhat – People can take us out of context or misunderstand us.

    Hei chu ka tawng fo tawh.

    Hmana ka controversial article hmasa ber – “Mizo names” tih pawh zawlbuk.net ah ka submit a, mahse chu chu hmundangah an lo chhuah chhawng leh a, ka sawi tum man lo khan “hate mail” ka dawng nual mai (Mizo ho sap hming nei ka sawiselna emaw an tia, mahse ka sawi tum zawk chu engvanga sap hming in phuah hi nge kan ni, enge kan culture a mizo hming kan inphuah dan hi etc etc genuine question ka zawt zawk a ni).

    Thil kan ziah reng reng hian kan audience te hi an pawimawh a ni. Ka blog audience te leh x magazine audience te chu a dang daih. Ka blog article e-pao.net (manipur) hovin chhuah chhawng an duh khan, tlem ka edit phawt. mizoramexpress.com in an chhuah duh chuan tlem ka edit leh. General article a awm rual hian, some articles culturally appeal to one section of the community more than the other. Ka post pakhat “Mizo jokes” – How many Mizos does it take to change a lightbulb ang te kha mizo viewership tan chauhva ka ziah a nia, ka vai thiante chuan a humor an rawn man pha ve lovang. (Chutih rual chuan mizo tawngin kha english article kha let dawn ta i la, a meaning a bo leh bawk ang). Hei vang hian nia, kan target audience a zirin kan ziah dan style leh content thlak te pawh hi a ngaih thin.

    Hei hi a ni mai kei chuan ka article an chhuah chhawng duh chuan min rawn hrilh phawt se ka tihna chhan – so that I can make the appropriate changes if necessary.

    Mahse hei chu ka personal opinion a nia, midangte article ziah hi chu lo chhuah chhawn an duhloh na chhan a dang maithei, mahse an lo ziah ve a ni miau sia, hei hi i zah hram ang u khai.

    Report this comment

  12. 12
    ReMpY_ScisSoR Says:

    Comment editing, time limit chhungah poh, theih toh miah loh!?? :-S

    Report this comment

  13. 13
    H.Vangchhia Says:

    Hetiang hi Kohhran ang pawhin a sem chi loh maw hairehai ;-) :-P

    http://i53.tinypic.com/e628ef.jpg

    Report this comment

  14. 14
    shailendra Says:

    #10, watermark chu, thlalak tlang sir a a thlalatu/a neitu in a hming emaw, signature emaw a dah thin hi.

    Tunhma deuh kha chuan thlalakah hian ka thil phal viau thin a, mahse, tunah chuan ka thil phalna hi, network lama ka pho chhuah ve dawn chuan 200kb aia lian hi chuan ka thil phal ta vak ngai ta lo. Lian deuh a duh an awm chuan, thuhran. huihamsssss…

    Report this comment

  15. 15
    caribou Says:

    Thu lawmawm tak a nih hi. A va lawmawm tak em.

    Report this comment

  16. 16
    lushai_er Says:

    #10, water mark hi thlalak kher lovah pawh currency note, documents ah pawh a awm thei! Chhinchhiahna ruk tihna te pawh a tih theih ang chu, signature, logo, emblem, words te pawh a hman theih vek tho!

    Report this comment

  17. 17
    lushai_er Says:

    Admin. Sandman nge nge, a tha khawp mai (Y)

    Hman deuh khan Pu Joe Hminga (Pilot) article ziah tha deuh mai ka hai chhuak a, Remna sign zawh hnu a Spl Flight hmanga Silchar a Pu Laldenga & a hote leh Pu Hawla & a hote, kha tih hunlai kan CS Pu Khama te,etc., a phurh dan kha a ziak a.

    Amah Pu Hminga nen Kolkata Airport-a kan inhmuh tumin chhuah chhawn ka lo dil lo kha ka la inchhir reng. A mobile-ah sms hmangin ka dil a, min chhan loh avangin hei misual-ah tun thleng hian ka chhuah ta chuang lova. Tha deuh chuan dil ila, a ui-na chhan tur ka hre lo, a ziak pakhat pawh tih danglam ka tum si lova; a ziaktu hming leh a chhuahtu magazine nen kan tarlang vek thin bawk si a! Remchangah ka la dil tho tho ang !

    Report this comment

  18. 18
    Benny Says:

    Admin.thu nge nge a puitling teh e! A lawmawm hle mai.

    Report this comment

  19. 19
    TuaiSialA Says:

    Pu Sandman, a lawmawm hle mai. Heti chung hian lo la chhuahchhawng zui talh tho ta se, kan kut a ni tawh tihna a ni maw.. Chiang zawka i rawn ziah leh ngei ka beisei. Site chungchangah ka buai lo va, magazine-a an lo chhuahchhawn chungchang zawk a ni ka hriatchian duh chu. No 4.-a i rawn tarlan ho khi tunhmaa in tih thin dan tho a niin ka hria. Ka la khawpkham lo deuh e.

    Report this comment

  20. 20
    shabito Says:

    5 (iii) a i sawi watermark dan pawh han sawi chiang law law la male..a kimlo tlat.

    Report this comment

  21. 21
    vlchinzah Says:

    Thu lawmawm tak ani, misual a lut thang ho hi chuan kan zawm sa viau in ka hria.

    Tun a kan buaina ni bera lang chu helam a kan ziah an lo chhuah chhawng thin hi ani.Hetah hi chuan ahre sa leh angai ho bawkin kan chhiar leh ani mai a, kan harsatna sutkian anih theih nan thu ngai hi chanchinbu ah te atam thei ang ber a chhuah chhawn ni se kan hlawk tlan pui ngei ka ring.

    Hetah sawi ho vak vak mah ila a bawhchhe thin ho beng a thlen loh chuan awmzia anei thui lo khawp ang.

    Sandman, chanchinbu a chhuah chhawn i phal chuan han chhuah tir hlawm teh

    Report this comment

  22. 22
    Sandman Says:

    Pu shabito – watermark ka tih chuan mahni “insignia” dah ang kha a ni mai, #14 a Pu shailendra rawn sawi ang khi a nia, chuan #16 a pu lushai_er rawn sawi ang pawh khi a ni mai. Tuna LK chapcharkut post a Pu savagekidz a thlalak ah a hming a chuang ang saw.

    :-)

    Report this comment

  23. 23
    pibuhdeng Says:

    He article ‘article-lak-chhawn-chungchang’ hi Mizoram chanchinbu zz hian misual.com emaw Sandman-a credit pe miah lo in lo chhuahchhawng vek se a that dawn hi. (H) (*) ;-)

    Report this comment

  24. 24
    zualbonez Says:

    @ 23 pibuhdeng :-D :-D (Y) :-S

    Report this comment

  25. 25
    benjamin rualthanzauva Says:

    (Y) Credit mumallo or a vaiin in post hian ka BP a sang thin :)

    Report this comment

  26. 26
    VaiVa Says:

    @#25 , (Y) I sawi ang zelin :P

    Report this comment

  27. 27
    RTPA Says:

    Admin ho thu awi tur :)

    Report this comment

  28. 28
    ^-||R@lT€||-^ Says:

    Thil tha tak anih hi. (Y)

    Report this comment

  29. 29
    Lersia Says:

    @Pu Sandman, a va tha tehlul em. .

    Report this comment

  30. 30
    PimPom Says:

    Ka blog ka thu ziakte hi misualah hian ka rawn post nawn ve leh zauh thin a, thenkhat chu. Tin, Misual a ka post pawh ka blog lamah ka post nawn ve leh chang a awm bawk. Chutiang ka chin vang chuan mi thuziak ka ru tihn a ni lo a nia kei chu..lolzzz

    Report this comment

  31. 31
    TuaiSialA Says:

    PimPom, kei pawh.

    Report this comment

  32. 32
    kampi Says:

    (B)

    Report this comment

  33. 33
    CyberThug Says:

    A nih leh anmahni ziah nilo, english article an lehlin thin te hi tu hnenah nge credit pek tur niang? Nge tranlated anih chuan credit pek kher angai lo zawk?

    Report this comment

  34. 34
    john Says:

    john…

    […]Article lak chhawn chungchang | mi(sual).com[…]…

    Report this comment

  35. 35
    Zofa H Chhangte Says:

    Rules a ṭha hle mai a, nikum hmasa khan (Copy 200 vel) weekly/Evagelical ah ka lo copy zeuh tawh a,Source dah thlap a,ngaihdam ka dil e..

    Report this comment

  36. 36
    Tunge Mizoram Chief Secretary thar tur ni ang? | mi(sual).com Says:

    […] Kumar Arora & Rajni Goyal a ni e. Hetah online link chu a awm. Page 220-222. Chuan hetah misual.com a post policy chu a chhiar theih e. Thank […]

    Report this comment

  37. 37
    Chhuaklinga Says:

    Misual kher lo pawhin chhiar vek chi a nih hi. (Y)

    tren tren

    Report this comment

  38. 38
    zova_royte Says:

    Kan dan zam chu tha khawp mai. rawn zawh ka lo rilruk deuh a, mahse chiang kuang takin alo in ziak reng a, alawmawm e. (Y)

    Report this comment

  39. 39
    nupuiipa Says:

    Watermark hrilhfiahna a hrechiang duh tan LINK ah hian aw..http://en.wikipedia.org/wiki/Watermark

    Report this comment

  40. 40
    Dr John Says:

    (y) Gud post

    Report this comment