Advertisement chungchang

February 2nd, 2011 1:52 pm by Sandman

Hmanni khan Pu Caribou-a’n post tha deuh mai a rawn ziak a, a thahnemngaihna te kha lawmawm kan ti takzet a ni.

Khami post-a a rawn tarlan hrang hrang zingah advertisement chungchang kha tlema sawifiah a tha in kan hria a, memberte tan pawh kan kalhmang hriatchian lehzual nan pawh a tha awm e. He post ah hian Pu Caribou mai bakah midang zawhna pawh kan rawn chhang tel nghal dawn a ni.

A hmasa berah – misual.com hian google ads ang advertisement engmah in ti ngai lo em ni?

Google ads chu kan ti ve thin teh meuh mai. Mahse kum 3 dawn lai kan ti tawh lo.

Engvangin nge Google ads in hman tawh loh?

Chhan pahnih a awm thei – a hmasa berin site a ti hnawk. Chuan – misual.com ah hian visit a san vang leh ads lo click tu an tam avangin Google adsense atang hian sum a rawn lut thahnem ve viau a. Hei hi phai lama hnathawk kan nih vek avang khan tu emawni ber khan “source of income” anga a declare a ngai ta a. Chumi “additional income” vang chuan a tax (salary slab) a san phah a, a tax pawh a san phah ta a. Tichuan a tax a lo san phah e ti lo chuan misual.com atanga rawn lut pawisa kha a ta a ni leh chuang si lo va, chuvangin a tan chuan “loss” a ni mai a.

Ama tax dik tak baka misual.com sum vanga an cut zawng chu misual.com sum atangin a la let leh thei alawm etc etc chhut dan chu a awm tho, mahse hetia buai ai hian kan ti tawp ta law law mai a ni. Buaina a ho pawh in ti mai theia, keini paw’n a ho chu kan ti ve tho. Mahse pawisa vang hian chhungkaw nghet tak takte pawh an kehdarh fo tawh a, chuvangin keini admin chhungkua, a takah pawh la inhmu manglo hote hi hetiang buaina rawn thleng (palh thei) ai chuan tih loh law law a tha zawkin kan hria a, kan ti ta lo mai. Kan tum ber hi pawisa siam a ni lova, tun hmaa Google adsense kan tih thin laia sum tlingkhawm khan kan inrelbawlna tur chu a la phuhruk hrih a ni.

Chuti chu sum lamah in harsa lo a maw?

Aw, harsa em em love. Hosting etc man te pawh hmana advertising pawisa vang khan kan la ti thei zel e. Sum lamah chuan kan dinhmun a nghet thawkhat. Lo buai pawh ni ila, admin tlawmngai tak tak pawisa rawn thawh thei tu tur an awm nual kan beisei e.

Nih leh advertisement hrim hrim hi in ti lo em ni?

Reilote kha chu kan rawn ti chhin ve zuai. Mahse rawn in advertise duh kha an rawn thahnem viau mai a, formal deuhva advertising policy han siam hman pawh kan awm lova, khatih lai kha chuan admin-te hmelhriat hriat kha an vannei a ni mai a (lolz). Mahse hei pawh hian site a tih hnawk bakah sawi tawh angin kan tum ber chu pawisa siam a ni lova, site buaipui bakah finance buaipui tel ve reng hi a buaithlak lutuk palh ang e tiin kan ti tawp leh ta zawk a ni. Mahni thiante leh hmelhriatte pawh kan advertise sak thei lo tih han hrilh tawp chu a nuam duh lo khawp mai, mahse min hrethiam em ang chu.

Chuti chu advertisement vawikhatmah a awm dawnlo tihna em ni?

A chang chang chuan advertisement chu kan dah ve e, mahse pawisa erawh kan la ngai lo. Pathian lehkhabu chhuah te leh non-profit lam thil chu kan advertise sak zeuh zeuh tih regular member chuan in hriat kan ring. Hei pawh hi a remchan dan ang zela tih thin a ni a, kan theih chin chinah chhunzawm zel pawh kan tum.

Pawisa siamna a ni lo tih vel lam hi in han sawifiah deuh thei em?

Thei teh reng e. Tun dinhmunah hian misual.com atang hian sum engmah kan la lut lova, sum lakluh tumna pawh kan nei lo. Chutih rual chuan charitable organization kan ni lo bawk. Hetiang lam tih a that rual rualin pawisa lamah hi chuan inrawlh loh hi a tha zawkin kan hria a ni. Member zahawm tak ten misual.com hi charity leh donation tih vel sawi ho nan a an hmang chu a pawi kan ti lo reng reng. Hetiang tih nana misual.com in rawn hmang duh hian min tilawm em em zawk a ni. Mahse a official zawng chuan he site chu pawisa lama thlitfim a tha berin kan hria a, chutiang zela kal pawh kan tum.

Ok kan lawm e. A tawp nan, misual.com member te tan thuchah in nei em?

Aw, thil pakhat kan rilru a cham reng kan han sawi ve mai mai ange:

I Timothy 6:10 – Tangka sum ngainat hi sual tinreng bul a ni si a.

Kan lawm e.

Similar Posts:

Recent Posts:

134 Responses to “Advertisement chungchang”

Pages: « 1 2 [3] Show All

  1. 101
    kawlhawk Says:

    Tin, han en ula, tawng hriat loh khi a tam em lah tak a (!) :p

    ka post ka vil dawn! A post-tu a zira Komen pe duh miah lo an awm leh ang em aw…? ;-)

    Report this comment

  2. 102
    H.Vangchhia Says:

    Het inhnial suh u, TSA ka rai tir vek mai ang che u ;-)

    Report this comment

  3. 103
    zualbonez Says:

    behlawi baia chuckchu a tlak tawh chuan hawp chhunzam lo a paih hmak tur anti

    Report this comment

  4. 104
    kawlhawk Says:

    het! funny mai2 chuh! Ka mi an lohna hmangin min rawn bei leh ta! I rawn haw hun chuan lukawlh tle hliauin ka lo ualkham ang che mawle. Ar ke hlang i khel ve duh em ni? Kei chuan ka duh! Pa tak ka ni (Y)

    hehe…zualte, hei hi thian infiamna vek… An ti. Thutak awi loh aw… Bawiha.

    Report this comment

  5. 105
    H.Vangchhia Says:

    kawlhawk, Pathian zarah kan dam anga Zawlkhawpui kan lo ha wleh ngei ang. Mi tih ngai loh, Ar nghawng in sehbun siak kawmpetisawn siam teh ang a? (H) (Y)

    Report this comment

  6. 106
    kawlhawk Says:

    HV, Khawimaw silai min lo pe teh. Ka’n hmet puak thuai2 teh ang. :inla rapthlak:

    Report this comment

  7. 107
    kawlhawk Says:

    Ar nghawng i sawi takah chuan… Hmanah ar nghawng kan zai a, a thih hnuah kan ham puar a, a hmul pawh a nuam rap mawle… a ri pung2 a, a fai hiar2 mai. Tuilum a ngai bik thak lo :D

    Report this comment

  8. 108
    H.Vangchhia Says:

    Water pistol hi a na lutuk ang em?

    Report this comment

  9. 109
    Fonz Says:

    kawlhawk…a mawng in hnawhping em? ham a hautak em? ::::::::D

    Report this comment

  10. 110
    kawlhawk Says:

    Behlawi baia chukchu tla lo pui, tla anga ngai tlattu hian a ei tui thak lo an ti. Mi pakhat, a khum bula Sazu tlan phe zuai, a mawnga lut ta anga ngai tlat a, dam lo ta ang lek kha a ni, an ti bawk. (Y)

    Report this comment

  11. 111
    kawlhawk Says:

    Fonz, hnawhping lo. a hamtu ka ni nghe2 a (thiante zingah pawh a mawl ber leh bawl nuam ber tih takah :) ) a nghawng kan zaina atangin l ham vak a, a puar tha duh khawp mai. I ham ve duh chuan a mawng lam atangin ham rawh, a awl bik an ti :p

    Report this comment

  12. 112
    Fonz Says:

    ham lo in portable pump in pump ila pawi i ti em?

    Report this comment

  13. 113
    funny Says:

    Ar in sawi takah chuan hmanah, ka cousin ti mai ila thlahtute atanga inti chhung kan nia. A ar talh tur ka dawm saka, a thla atangin a hmul a pawt phawia, a tukhum lam atang hian a hmul chuan a vit pawpa, a thluak a’n hawlh kual vel mai chu, kala naupang ve bawksia a lainat awm duh ve khawpmai. a thi tawh amaw kan tih kha tui lum kan leih khan a rawn tal leh a, a nghawng a thuai bung zui.

    Heihi hmana ka rawn post tawh, “chanchin nuihzatthlak-a” ka tih, sakei pawh sat hlum tawh fapa kha ania, mi pangngai tak leh inti pa lemlo ni si hian engemaw thila an chet dan hi pa ve thei rem rem tak ani.

    an septictank inhnawh a pipe chhuak dawna, a’n hip mai chu, a rin aiin alo chhuak rang leh sia a hmuam pawng mai mawle, amah lah chu a nui vak vak lehnghala. :D

    Report this comment

  14. 114
    Saitawk Says:

    ARkaiden zan a mi in sawi???? (Y)
    Zanin chu Chess ah ka va chaklo nasa ve leee! :-P

    Report this comment

  15. 115
    zualbonez Says:

    behlawi bai sawitu khian behlawi bai chuckchu tlak lohna pawh tui a ti lo anti

    Report this comment

  16. 116
    kawlhawk Says:

    funny @113, a va rapthlak em!

    Fonz, Tunlai i thu post a rapthlak theih vei nen, va tawng dawi si ve! Portable pump a…. Haha…

    Tak2 in, ar talh hi vawiin thleng hian ngaiah ka nei thei thak lo. Ka lainat ngawih2 ;-(

    Report this comment

  17. 117
    Fonz Says:

    tawng pa ngai emaw ni le hehe…ka sik sawk sawk dawn che nia :-P
    palermo 1 juventus 0

    Report this comment

  18. 118
    kawlhawk Says:

    zualte, behlawi sih thar, tui taka bai ka la khilai ang che. Hnamdang ka thiante pawhin tui an ti thei teh a sin. Nang, zopa meuhin chukchu tlak lohna pawh tui i tih loh chuan, behlawi hi kan khap bur mai dawn em niang :p

    Report this comment

  19. 119
    zualbonez Says:

    kawlhawk…fiamthu mai mai…tak2ah zanin pawn behlawi rep ka bai…bawngsa kan nen kan ei…tui khawp mai…

    peking duck antih hi chinese hovin , hei pawh hi roast hmaa ham puar

    Report this comment

  20. 120
    kawlhawk Says:

    min sih sawk chuan SEH ve SHAWK a ni mai :Y:

    Report this comment

  21. 121
    kawlhawk Says:

    Ka mut a chhuak ta! Thiante u, mangtha phawt u.

    Ka post ah khian ram vei mi tak2 tan chuan sawi tur a tam teh a nia. Kawngsira puan zuarte atanga lammual, bawlhhlawk chenin… Lo sawi ho hlawm teh u

    Report this comment

  22. 122
    shailendra Says:

    E khai… He post chu ka hmuh vawi 1-na. Ka signal neih loh lai a chhuak a ni maw…

    Report this comment

  23. 123
    рдпģŤіСHAЩЯ Says:

    hetah hian ka click apiang a luh ziah chu le

    Report this comment

  24. 124
    jamesrdm Says:

    misual.com admin te ka va han chhuang tak che u em… Hetianga Zofate inpumkhatna leh ngaihdan thawhkhawmna platform, hlawkna um miah lova in han buaipui thei hi Zoram tan hian in hlu tak zet a. Kan politician te pawh hian in lakah zirtur tam tak an nei zawk hial a ni.

    University chungchangah ngat phei chuan awareness kan neih nasat phah mai bakah kan ngaihdan pawh a rational sawt hle-in ka hria. Chutiang bawkin kan ram tana thil tha tam tak misual ho hian kan puangchhuak tawh bawk. misual.com dam reng rawh se…

    Report this comment

  25. 125
    Mapuia sailo Says:

    khawngaih in thlalak post dan hi ka thiam ve lo nia min han hrilh Ve t (K) eh u

    Report this comment

  26. 126
    TuaiSialA Says:

    @mapuia: A chung pheia ‘post ziah dan’ inti khi en la, khatah khan a inziak.

    Report this comment

  27. 127
    tawllawt Says:

    ava thain chhiar ava nuam ve le..misual.com dam reng rawh se….

    Report this comment

  28. 128
    malsta27 Says:

    Hei chu va tha ve……… (Y) (Y) .

    Report this comment

  29. 129
    mygurl Says:

    misual.com a a hlut ngaiin a la hlu reng a ni hi..a nuamin a hlimom bawk…dam reng rawh u..

    Report this comment

  30. 130
    eih sii Says:

    misual.com damreng rawh se…….

    Report this comment

  31. 131
    Saitawk Says:

    Nawi te nawipui leh khal te khalpui thei in la awm zel a, nuam reuh.

    Report this comment

  32. 132
    Chhuaklinga Says:

    Comment ve reng reng teh ang :D

    tren tren

    Report this comment

  33. 133
    Lehkhabu thar: “Ring thei kan ni em” | mi(sual).com Says:

    [...] note: Hei lehkhabu thar tha tak mai advertise dilna kan dawng a. Advertisement chungchanga kan inkaihhruai ve na in a phal angin kan rawn tichhuak e. He lehkhabu, “Ring Thei Kan Ni [...]

    Report this comment

  34. 134
    ulawng Says:

    A va tha ve aw…

    Report this comment

Pages: « 1 2 [3] Show All