Thlànlunga thuziak maksak zual te

January 31st, 2011 12:32 pm by TuaiSialA

Thlànlungah hian thuziak maksak deuh deuh a lo tam khawp mai. A bîkin thlànlung hlui deuh deuhah a awm duh bîk. He’ng a hnuaia mi ho hi a thente phei chuan in hre tawh mai thei.

Lianchina Mipa: Tûkin khân a thaw ta dêr lo mai. A sandamtu tâwk maw tâwk lo maw kan se lo. A dam laia a thil tih that: ‘Kawlhawk thlâwk lai ka pelh nang’ a ti.

Nemzavungi: Mi zawng zawngin kan se leng em ni? Ni lo, a sungkhat lainate chauhvin kan se leng tul a ni.

Vunglian: M. L. P. P. in an D. L. M. S a D. L (‘Milian pui puiin an dîl, mahse, a duh lo’ tihna!)

Mitthi zawng zawnga kan ui ber, Tialneihsingi: Nilaini zîng khân a thaw ta dêr lo mai. Thihchhan: Thaw tâwp.

Sonliana Cowboy: Phawi rang ve tak a ni; mahse, a ngam loh a tawng a, a thi.

Chemtawlhi: A dam ta lo. A dam laia a thil tih that te:

(i) A alto hruaitu a ni.
(ii) Damdawi kha a ei ngam.

Suana: In memory of stone of Suana.

Nimchingi: ‘Min be tawh s’u, ka tawng peih tawh lo’ a ti.

Pauvunga: ‘U Liana’n kan al a lu’ a ti. A san kan se lo.

Chawkchawengliana: He hmunah hian a mu duh a, kan muttîr ta mai.

Similar Posts:

Recent Posts:

55 Responses to “Thlànlunga thuziak maksak zual te”

Pages: « 1 [2] Show All

  1. 51
    kawlhawk Says:

    A reh em mai, phek thar hawng phawt teh ang

    Report this comment

  2. 52
    ChhawnBura Says:

    Thlanmual hi chu a reh deuh ṭhuap zel :-[

    Report this comment

  3. 53
    albaldes Says:

    Kan khua thlanlung ah pawh BAWNGA SAI :-P SAWM KAP tihin hawrawppui ngatin ain ziak maw le.

    Report this comment

  4. 54
    hmingtea Says:

    Mak ve tak ka hmu ve naul tawh

    Report this comment

  5. 55
    caribou Says:

    Thlanlung hlui tak taka thuziak mak tak tak kha ka hmu ve nual thin a, an thuziak kha chhinchhiah lovin ka lo nui liam satliah mai thin a, tunah sawi ve tur reng ka nei ta lo.

    Report this comment

Pages: « 1 [2] Show All