I tlai ang e

January 31st, 2011 4:00 pm by Rooney Opa

A tirin

Thla ral lam lek lek tawh kawlkila inkhai nul nul chu ka thlir a, thli a thaw heuh heuh va. Kan awmna atang chuan Aizawl inpharh duai mai chu a lang chiangin electric eng ah chuan a lang mawi kher mai. “Ti rawh le, in ila” tih pahin ka thianpa chuan a zu thlit chhuah sa chu min rawn pe a. Chutia kan in lai chuan kawl a rawn phe zuai zuai a.

Thawk leh khatah van boruak zau taka arsi phe neuh neuhte chu chhum dum chhah takin a rawn hliah nghal tuam tuam a. Ruah mal a tla nghal phuar phuar a.

Ka no chu ka tlak pap a, ruah a sur tam hmaa in thlen hman ngei tumin ka bike chu ka tlawh rum vat vat a. Ramhuai speed diktakin kan leu phei ta ziai ziai mai le.

Beiseiloh chhiatna

Ruah mal tla phuar phuar karah chuan kan tlan zel a, ka thil in a rawn thawk tan ta bawk a, a hnunga chuang ka thianpa nen chuan ring mangkhengin bike khalh ka hnehsawh zia leh Mizoram kawngah na na na chuan Rossi pawh ka huphurh bik loh zia kan sawi phei lang lang a.

Tichuan le, Zemabawk kan pel phei dawn ta maw tihah khan kawng kawi kan pel dawn chiah tihin truck lian pui mai alo lang ta ruau mai le! Kan inhnaih tawh em avangin han kawi lehna hun pawh a awm lo. A ri bur a, a thim nghal mup a, engmah ka hre zui ta lo.

Ka Thi!!

Ka han harhchhuah leh chuan kawnglaiah ka lo mu a. Ka tho thuai a, ka in dap vel a, na sawi tur reng reng nei lo.

Ka piah lawkah chuan mi an bawr luih luih a, a thenin “An rui a nih hi.” an rawn ti lawng lawng a. Damdawiin te pawh an sawi ri nawk nawk a. Kei chuan, “Ka tha e, damdawiin kal ka ngai love.” tih pahin ka va fin ve nghal a. Mahse tumah ka tawng hre awm pawhin an awm lova, min ngaihsak awm reng reng tumah an awm lo.

Chutia min ngaihven loh em avang chuan ka lungni lo hle mai a. Enge an en chu hriat chian tumin ka mi kara luh chu ka han tum a. Mahse, mak tak maiin tumah tibuai lovin ka kal tlang ta purh mai! Hual chhungah chuan mi pakhat alo let reng a, a hmel chu hmuh tlak loh khawpin thisenin a bual a, tlangval pahnih hian thawk tir tumin a awmah te an nem a, an bei lauh lauh a.

Chupa chu ka han enchiang a, keimah ka ni tlat mai! A ni thei lo. Kei chu hetah ka ding reng alawm, engtin nge ka nih theih tehlul ang….Ka harhchhuak ta! Khu khu keimah a nih chuan kei…kei…kei chu THLARAU!! Ka han hawi vel a, tumah reng reng chu min hmu awm pawhin an awm lova, ka awm ve tih pawh an hre hel lo. Ka bula mi chu khawih ka han tum a, ka khawih thei ta reng reng lo mai! Tah zet chuan a chiang ta! Ka thi! Ka thi tawh!!

Thihhnu khawvel

Chutia ka thi tih ka inhriat chuan ka mangang ta em em mai a, ka damlaia ka thil tihsual tam tak te kha a rawn lang nghal uai uai a, hlauin ka khur chhe zo ta!

Ka dam ve lai kha chuan a tui tha tha eiin, thawmhnaw man to leh mawi ber ber inbelin, chapo takin ka leng vel thin kha a ni a. Kei aia rethei leh hnuaihnung zawkte ka hmusit thei em em a, ka thalai puite inkhawm tura an kal laiin kei ve kha chu khaw pawnah nulate nena lenho pahin inkhawm ho ka ngaihsan bik loh zia leh kawra hmang mai an nih ziate hahipin ka lo sawi thin a nih kha!

Zu leh ruihtheih thilah ka tlan nasain nula lamah phei kha chuan ka duailo hle thin! Sum leh pai ka tlakchham ngai loh avanga min ngaizawng der tute kha engzat fakau nge mipat hmeichhiatna ka lo hmanpui lah ka hre seng lo. Siamtu pawh zah zo lova nupa inkar chauhva hman tura duan kha kei chuan nawmchenna satliah mai maiah ka lo ngai thin te kha a ni si a aw!

Tunah inchhir mah ila simna hun ka nei tawh si lo, ka dam lai khan vawi khat tal pawh ka nundan enletin inchhira sim nachang lo hria ni ila, tunah a sawt tawh si lo, ka ti vawng vawng a.

Tlai luat hian pawina a nei

Chutih lai chuan Aw hian, “Inchhir a sawt tawh lo. I dam laiin kha leh chen hun i nei a, tunah chuan i tlai ta!” a ti a. Kei chuan ring takin, ”A la tlai lo! A la tlai lo!” tiin ka au vak vak a.

Chutih lai chuan ka chal a ri fawk a, ka nu hian, “Zanlaiah au vak vak zel suh, kha i puan sin pawh a tlak leh vek tawh kha.” a rawn ti a. Ka mumang a lo ni reng a.

Ka thalai puite u, in thatlaiin Siamtu hrereng ula, a tlai hma hian inngaihtuah chiang rawh le!

Similar Posts:

Recent Posts:

20 Responses to “I tlai ang e”

  1. 1
    TuaiSialA Says:

    Ka’n Zephenath lawks..
    Chh1ar phawt ang!

    A ngaihnawmin zirtir a nei tha hle mai. ‘Chutih lai chuan ka chal a ri fawk a, ka nu hian, “Zanlaiah au vak vak zel suh, kha i puan sin pawh a tlak leh vek tawh kha.” a rawn ti a. Hahaha… Ka nui! :D
    Essay ziah i thiam khawp mai. Rawn ti zel rawh. A tha lutuk tlat.

    Report this comment

  2. 2
    tlumther Says:

    Tlai hmain chhiar phawt ang..

    Report this comment

  3. 3
    zodinthara Says:

    Ni e ‘ever ready’ hi a ngai khawp mai…Kan tawpna ni tur kan hre mang si law.. (Y)

    Report this comment

  4. 4
    tlumther Says:

    Tlai tawh viau mahse.. Dam lai ngeia inchhir a Pianthar that zia..Mangchhia man that loh zia.. Ngaihnawm hle mai..

    Report this comment

  5. 5
    chhana Says:

    Pathianin hun a pe leh che a nih chu. Kanpur-ah pawh khan Pathian a awm reng a nia…

    Report this comment

  6. 6
    chemtatrawta Says:

    Post thra tak a ni…1st khian a mamawh hle ni ngei tur a ni.. :-)

    Report this comment

  7. 7
    TuaiSialA Says:

    @Ka chunga mi: Ngawi trawt rawh! :-)

    Report this comment

  8. 8
    kawlhawk Says:

    Thawnthu tawi, zirtir nei tha zet a nih hi. (Y)

    Fugi, lehpekah chuan “chutihlai chuan…” i ti dawn nia. Eg : hmanlai chuan… tunlai chuan… englai pawhin… naupanlai chuan…etc… :D

    E, I la fans zone ngai hrim2 em? Ka nau leh ka fapa chu i hria ang, ka sawi chuan…

    Report this comment

  9. 9
    chemtatrawta Says:

    @sialpuia hi chaih deuh a ngai ani..trotin..:P

    Report this comment

  10. 10
    mate ainawn Says:

    Min ti hlau hman tep a lawm le..i ziak tha kher mai..I harh tirh lai chuan i thlan a tla bawrh bawrh lo maw..?

    Report this comment

  11. 11
    Fugitive Says:

    aw le, pu kawlpui. A va lawmawm thin tak em!

    Fans zone chu kumin chu ka la ti lo. Ka inla senior ve tawh a. Bakah kan awm na atang chuan a buaithlak e mai.

    Report this comment

  12. 12
    Fugitive Says:

    K’u Tsa leh chemtatrawta chu han inkhuainuai tak tak teh u. Ka tan leh ka tan. Chala chil hnawm hmasa hmasa.

    @ mate ainawn, fiction mai mai a ni e, tunlai ka thalai puite ka vei ve khanglang em a. Mahni eng ni lo mah ila.

    Report this comment

  13. 13
    TuaiSialA Says:

    Khi thuziak khian a huamzau hle ni tur a ni – K’u Kawlpuia’n thawnthu tawi (short story) a ti a, TuaiSialA’n essay a ti a, a ziaktuin fiction a ti bawk a! Chemtatrawta’n poetry rawn ti leh ngat se.. A huamzau em a nih khi!! :-) :-D Hetiang ziah hi a har asin.

    Report this comment

  14. 14
    chemtatrawta Says:

    keichuan mumang ka ti…dahhh my a..@tuaisial..lol..mate_ainawni kha lo referee dn lawm.

    Report this comment

  15. 15
    ReMpY_ScisSoR Says:

    Ziak thra e. :)

    Report this comment

  16. 16
    Fugitive Says:

    hahaha. :-D . K’u Ts, A va huamzau tak ve aw.
    @rempy, thankhiu

    Report this comment

  17. 17
    Chhangteval Says:

    I va ziak peih reuh e :-O

    Tha thei phian bawk sia (Y)

    Report this comment

  18. 18
    ChhawnBura Says:

    Post ṭha tak a ni (Y)

    Thih hnua thlarau awm dan khi, a nih duh hmel khawp mai :-S :-)

    Report this comment

  19. 19
    vakul Says:

    Ngaihnawm ka ti khawp mai a, uluk taka chhiar chi a tak lo thleng tur nen suangtuah chungin. ka lawm hle mai…

    Report this comment

  20. 20
    Maisek Says:

    I ziak thiam hle mai! a ngaihnawm e! (Y)

    Report this comment