DAVOS 2011

January 31st, 2011 8:00 am by Lemonvale

Davos from above

Davos khua hi, Switzerland Alps tlang a khaw lian lo tak, mi sing khat chuang awrh awm na khua a ni. Feet 5,110 a sangah awmin highest city in Europe tih a hlawh. Vur tlak tam na, ski resort hming thang tak a ni, UK , Holland leh Europe hmun dang atangin ski period lai chuan tlawh tu an tam thei hle. A nghet a cheng mihring hi kum telin an tlem tial tial a, population hmun li a then a hmun khat hi chu foreigner and ni. A mi cheng tam ber hian German tawng an hmang a, literacy-ah an sang hle, pawl 12 pass chin pawh 74 % zet an ni.

Davos khua hi tun hnai a hriat a hlawh tak riau na chu, khawvel pum huap organization, World Economic Forum (WEF) in kum tin a Annual Meeting (January thla-ah)an neihna hmun a nih vang hi a ni awm e. Davos 2011 pawh, tunah hian neih mek a ni a, vawiin (Sunday) hian an tiak ang. WEF hi, UNO emaw te ang a, sawrkar in zawmkhawm ni lovin, Non-profit organization ang a din a ni a, ram hrang hrang a , company leh organization lian pui pui 1000 zet member an ni. Kum tin a hman thin, Davos meeting-ah hian ram hrang hrang hruaitu pawimawh leh company lian hotute in tawhkhawmna nei in issue hrang hrang hrang (political, economy, health,environment etc) solve na tur sawi hona, seminar leh debate te an nei thinin, heta tang a lo irh chhuak thuthlung pawimawh tak tak te pawh a awm nawk mai.

He meeting hi by invitation chauh a tel theih a ni a, a member company/organization 1000 a an CEO/Chairman te hi invitee an ni sa, a a bak chu ram hruaitu leh khawvel mi pawimawh leh lar zual te an ni leh mai. Press/media mi eng emaw zat sawm an ni bawk. Invitee pawh in ticket lei a la ngai ta tho a, a tlawm berah pawh, membership fee te nen USD 100,000 chu sen a ngai hrim hrim, company lian deuh CEO leh a thuihruai mi 4/5 te tel man hi USD 500,000 te a ni hem mai.

Davos 2011 a an thupui chu ‘Shared Norms for New Reality” tih a ni a, khawvel thang chho zel-ah hian hausakna leh development te hi phei khai rual takin, chim chin bik awm lovin tut e pawhin kan dawng za vek tur tih lam a ni deuh ber, kan ram sekibuhchhuak (?)NLUP te nen pawh a in pawl khawp mai. A hmun hi a nawm em avangin, enjoyment pah duh tan pawh duh tawk a ni mai, ‘business with leisure’ tih ang deuh a ni e. Kawp pui hruai tawk an awm fur a, film star/zai thiam (eg Bono of U2) te pawh an tel ve thin. Mi hausa leh ropui intawl lenna ti a lo sawi chhe pawl leh protest pawl pawh an am ve kum tin. Nimahse, a khua a te a, security a tight a, engmah buaina a awm ngai lo.

SBI Chairman OP Bhatt
.

Ram hrang hrang President/Prime Minister, company CEO/Chairman te leh, experts te’n debate leh sawi hona hrang hrang an neih te hi, Webcast, Youtube, Tweeter, Facebook, Flickr leh forum hrang hrang hmangin hmuh theih zel a ni. Company lian leh ropui deuh tan chuan in theh lar na leh, political milage lakna hun rem chang tak a ni bawk. Tun kum hi a bik takin India ram tan a pawimawh hle mai a, kan ram issue hrang hrang emaw zat khel a nih bakah, a co-chair zingah pawh kan tel ve kum a ni. India mi pawimah thusawi tu zingah, Home Minister, Chidambaram, Mukesh Ambani, SBI Chairman OP Bhatt, ICICI Bank CEO Chanda Kochhar, Infosys CEO tec te an tel. Music Director AR Rahman a paw’n, Crystal Award em ni ta ? a lak ngei kha. Tun kum hian Indian contingent an tam ber.

A bik takin China leh India an star khawp mai, “Is India leapfrogging China ?”, tih te an khel maw le. Inrinni zan Cultural Soiree pawh, Indian music ngat a nih kha.

WEF website: http://www.weforum.org

Similar Posts:

Recent Posts:

20 Responses to “DAVOS 2011”

  1. 1
    winning Says:

    Chhiar phawt ang.

    Report this comment

  2. 2
    Zephenath Says:

    Chhiar phawt ila… (In comment duh lo ve)

    Report this comment

  3. 3
    Vitamin_C Says:

    A lo nih tak hi le

    Report this comment

  4. 4
    shailendra Says:

    He he… ka nuih a za vel mai mai… :-P

    Report this comment

  5. 5
    mate ainawn Says:

    A vawt tiu tiau ang chu aww..Post tupa, i pic. rawn share thin hi ti zel teh. Rilru a la peng a, hmuh nuam ka ti..

    Report this comment

  6. 6
    TuaiSialA Says:

    Tel man a va sang triah triah ve le aw..

    Report this comment

  7. 7
    H.Vangchhia Says:

    Sawi tur ka van hrelo vele Lemonvale le aw.. :-S

    Report this comment

  8. 8
    littlerascal Says:

    Vawt khawp ang le

    Report this comment

  9. 9
    jalal Says:

    Post tha khawp mai. Mifing Valley ah an khawsa a .Mizo ve chu tlang sang lai lai kan chuh…

    Report this comment

  10. 10
    chemtatrawta Says:

    #9,jalal…an khaw tlangsang laiah khi chuan duh viau pawh ni se an khawsa peih bik hauh lo ang aa..NOI..Mizo tlangchhip kan chuh thin chhan chu kan himna kan ngaihpawimawh vang a ni tlat..tlat mai a.Mizo kan nih vang a ni bik leu

    Report this comment

  11. 11
    caribou Says:

    “Mi sing khat chuang awrh awmna thingtlang khua”…… kan ram nena khaikhin chuan a in thlau mang e. Kan ramah hi chuan mi 10000 vel chenna khua hi chu thingtlang pawh kan ti ve ngai lo…. Thlalak khi han en vang vang ila, kan ram chu nise, phai ruamah khian kan cheng ve miah lovang.

    Report this comment

  12. 12
    aduhi Says:

    Deepika Padukone pawh an sawm kha, nimin paper ah ka chhiar.

    Report this comment

  13. 13
    ReMpY_ScisSoR Says:

    post thra tak a ni. Tiang post hi lom kn mamoh..a informative bok a. Chuan, never judge a post by no. of comments… :)

    Report this comment

  14. 14
    sillyBoy Says:

    Tun tum World Economic Forum (WEF) Annual Meeting chu ka telpui hman ta lo. :-) :-)

    Report this comment

  15. 15
    zualbonez Says:

    Ram hausa leh company lian ho (mafia) hausakna um zel forum meeting mai mai alawm (at the expense of poorer nations and people living in the margins)…ram rethei thenkhat inla vanneih ho in chawnawi tla dawkhan hnuiaah an kil ve mai mai anga …capitalistic buulshit! (N)

    Report this comment

  16. 16
    XaiA Says:

    Business before pleasure ni lovin pleasure before business hman nan a nawm dawn khi :-)

    Report this comment

  17. 17
    blackmagicwoman Says:

    WEF meeting neih lai khan hotel 1 ah bomb a puak ve ngei kha. Hemi hun chhung hian 5 star hotels security an tih san awm nen²…a lehlam pawl hi chuan an duh chuan an ti puak reng thei tho mai sia (N)

    Report this comment

  18. 18
    ChhawnBura Says:

    Beng varthlak khawp mai

    Report this comment

  19. 19
    Fonz Says:

    LemonVale …. ce poste est bon….avez-vous vu de belles filles?

    Report this comment

  20. 20
    hmingtea Says:

    A vawt awm e mai.Hei kan khua pawh ruah a tla nelnual a a vawt ka ti mai
    A mawi khawp mai. (U)
    East lam ah an tleng ve dawn hnai an ti em an khawmpui chu.
    Babutea a chair dawm an ti bawk em? :-D

    Report this comment