Nu Leh Pa Chawimawi

December 31st, 2010 8:37 pm by H.Vangchhia

Ephesi 6:1-3. Naupangte u, Lalpaah chuan in nu leh in pate thu zawm rawh u, chu chu thil dik a ni si a. “I nu leh i pa chawimawi rawh” (chu chu thupek tiam nei hmasa ber a ni). Chutichuan, i tan a tha anga leiah hian i dam rei bawk ang.”

Nu le pa chawimawite tana thupek tiam awmchhun chu dam rei a ni, “I nu leh pa chawimawi rawh: Tichuan, Lalpa i Pathianin ram a pekah che hian i dam rei dawn nia,” tih kan hmu (Exod. 20:12).

Nu leh pa chawimawi leh zah thiam chungchangah hian Mizote hian tlakchham kan nei lian hle. Thawh chhuah nei si lo, ei tui duh si, mut chhuak hlei thei lo, zinga kaihthawh theih bawk si loh, harsa taka nu leh pa thawhchhuah sa khawhral mai mai, nu leh paten, ‘Ka nei tawh lo,’ an tih pawha la vui zui khui khui, thatchhe tak tak kan tam hle.

Nu leh pa chawimawi leh zah kawngah hian vaiho hi an fakawmin an entawn tlak hle. Nu leh pa chawimawi lo leh hmusita ngaineptu chan tur Bible-in min hrilh “A pa hmusittu leh a nu thu awih ngaineptu mit chu phai choakin a kher chhuak ang a, Mupui noten an ei ang,” a tih hi i hre reng ang u (Thuf. 30:17).

Naupang zawkten dam rei kan duh chuan nu leh pa i chawimawi ang u.

Thu lakna: Chhung Inkhawm Bu – December ni 30.

Similar Posts:

Recent Posts:

24 Responses to “Nu Leh Pa Chawimawi”

  1. 1
    hehe Says:

    tha khawp mai…

    Report this comment

  2. 2
    chikus Says:

    support…..

    Report this comment

  3. 3
    hehe Says:

    nikum hmasa khan ka pa in min boral san a..keima tan bika a lo hlutzia leh a lo ropui zia hi ka hre thar reng mai….nu leh pa…upa zawkte hi zah thiam i tum hram hram ang u…

    Report this comment

  4. 4
    H.Vangchhia Says:

    An thih hma ngei hian kan zahna lan tir thin ila awmzia a nei thin. A thuhrimah thih hnua kan ngaihzia an ruang chunga tah pui vak vak ai chuan, kan hmangaih leh ngaih te hi an damlai ngei hian, kan hmangaih a ni, kan ngai a ni tih hi hriat tirin hrilh thin a pawimawh ka ti. Thih hnua kan ngaihzai hrilh zawng, awmzia a awm tawh thin silo.

    Chawimawi phu hliah2 an ni ka ti thin.

    NB: #3 ka ziah chhan lo ania, i chan chu tawrh thiam avan har dawn vele :(

    Report this comment

  5. 5
    Samuel Says:

    Pu Hva hi a thu a fing thei khawp mai. Ka ngaisang khawp mai. In bawlna a ni lo aw.

    Report this comment

  6. 6
    lrpa Says:

    Post tha khawp mai. Mizote hi kan pa ru riau a. Khawi lo zin dawnah te pawh nu leh pa te meuh pawh chibai mai bak chu kan ti lemlo.
    Nu leh pa chawimawi dan chu keimahni vangin hlim se, lawm se..chu chu kan chawimawi dan tur tha ber nimai in ka hria.

    Report this comment

  7. 7
    H.Vangchhia Says:

    lrp a dik khawp mai, keimahni vang hian lawmin rilru hahdam se, kan chawimawi theihna pakhat a ni chiang khawp ang.

    Mi tih thinrim aiin mi lawmna siam hi a awlsam zawk daihin ka hria!

    Report this comment

  8. 8
    lrpa Says:

    Kan unau zawng lehkha kan zirlai, Pa hlawh(?) chauh kan rinlai, mikhual lah chu chhum lo chat lovin kan nei indawt zut laite khan engtinnge ka nu leh pa te khan an lo tih aw..ka ti rilru thin..Pathian zarah a nghei em kha chu kan nghei ngai lem lo na a ngaihtuah kir hian mak ve khawp mai.
    Pu Hv, a dik a sin, Nu leh Pa te lek phei chu tih lawm hi an harsa hran lo khawp mai.

    Report this comment

  9. 9
    shylo Says:

    Ka upa tulh tulha nu leh pa hlutzia ka hre tulh tulh mai. Kan lei PATHIAn an lo tih thin hi a va dik em!!!

    Nu leh pa te ni (Parent’s day) hi khawvel pum huapa neih ve chi a ni.

    Report this comment

  10. 10
    Mapuia Says:

    Naupang changvawn, a thu a ṭhat avanga thu lar lutuk mai ni ta; a thu hi kan hriat lar em avanga kan sawi/ngaihthlak liam mai a ni thung si; Kum thar bul ṭan nâna Pu HV-a’n a rawn chhawp chhuak leh keuh hi a va lawmawm em!

    ‘Nu leh pa thu zawm’ hi inchhir ka la hre lo. Kan Mizo ze mawia kan ngaih ‘Aia upa zahna’ te pawh hi ‘Nu leh pa thu zawm’ aṭang lo chuan neih chi pawh a ni lo. Aia upa zahna kan nei ta lo lutuk pawh hi nu leh pa thu kan zawm loh rah niin ka hre ve tlat.

    Report this comment

  11. 11
    kawlhawk Says:

    Post tha tak a ni. @5 samuela khian “Thu lakna : Chhung inkhawm Bu — Dec. 30″ tih khi a chhiar lo a niang a…?? :D

    Report this comment

  12. 12
    eddie opa Says:

    a dik hkawp mai hei hi chu. Kan tunlai thangtharte hian kan zir thar tlan a pawimawh khawp mai…

    Report this comment

  13. 13
    lachua Says:

    Chutichuan, i tan a tha anga leiah hian i dam rei bawk ang.”tih hi, Pathian hian aleiin lei rawh u ti zawk se chuan kan buai nak ang,kan phak tawktein Damreina tur zawm harsalo minlo chhawp sak hi ava lawmawm thin em,ava ropui em :D

    Report this comment

  14. 14
    mzvision Says:

    Keini Zofate hian nu leh pa zah dan hi kan thiam lo hle, helamah hian thanna tur kan la ngah hle mai.

    Report this comment

  15. 15
    Phivawk Says:

    Nu leh pa thu awih / zawm hi nu leh pa chawimawina niin ka hria. Mahse, nu leh pa rui ve reng mai, entawntlak loh lutuk ang chi hi chu fate tan chawimawi a har ve ngawtin ka ring. ‘Lalpaah chuan in nu leh pa te thu zawm rawh u..’ tih a nia, nu leh pa Lalpa tihna nei miah lo fate an khawngaihthlak bik ka ti.

    Report this comment

  16. 16
    urdubat Says:

    phivawk ngaihdan khi ka tawmpui e

    Report this comment

  17. 17
    Hanc Says:

    #4,a dik lutuk tlat,ka pa kha koh kir leh theih ni se,ka hmangaih thu ka hrilh mawlh mawlh ngei ang le!

    #8,mikhualin min ei tam lo tih a nih kha…..chuan,nu leh pa te ropui zia leh kan tluk lohna tilang chiangtu niin ka hria.Kei pawh ka ngaihtuah let fo thin.

    Report this comment

  18. 18
    H.Vangchhia Says:

    Phivawk#15, “Mahse, nu leh pa rui ve reng mai, entawntlak loh lutuk ang chi hi chu fate tan chawimawi a har ve ngawtin ka ring.”

    Ka thianpa pakhat hian pa, zu duh ve tak mai a nei thin. Apa khan zu a heh avang khan a hmangaih na a nep chuanglo tih hre tlatin a chhawmdawl char2. A lo tlangval chuan apa chu a hmaah ruiin a awm ngam lo reng reng. A fapa khan apa hmangaihna kha chhuang takin a nunpui a, a zu ruih thin kha a sawisel sak vak2 ngai pawh a nilo. A hnu chuan apa chuan zu a nghei hmak, an thenawm te hnenah ‘ka in zak’a ti a ni awm e.

    In chawimawi tawn hi nupa thleng hian a lo hlawk khawp mai. Chhungte tih ah hian nu leh pa te chauh huam tir loh hi a tha viauin ka ring :D

    Report this comment

  19. 19
    urdubat Says:

    Pu Hva sawi hi a dik khawp mai.

    Report this comment

  20. 20
    kumthara Says:

    good post..rated *****

    Report this comment

  21. 21
    Phivawk Says:

    Kan veng thenawmah hian chhungkua pakhat an awm a. Fa pakhat chauh (hmeichhia) an nei a. Pa ber leh nu ber hi kum 50 hnaih thuak tawh ve ve an ni. An fanu pawh nula ve uaih tawh bawk a. Tun hma deuh chuan pa ber hi motor khalhin a inhlawh thin a. Upat lamah an nupa-in drugs (heroin) an addict ta tlat mai. Pa ber eizawnna pawh a nghawng buai ta. Tichuan, an fanu nula chu an chhungte pakhat zu zuar in a inhlawh turin an tir thin. An fanu chuan a hreh thei khawp mai. Mahse, nu leh pa berin an tirh luih tlat avangin hreh chung chungin zu zuar in a inhlawh turin a kal thin a. Vanduaithlak tak maiin an fanu hian tunah chuan zu leh drugs (heroin) a addict ve der tawh.

    Pa chauh rui thin, nu zawk erawh rui ngai lo ang chi chhungkua hi chu tlem chuan an ziaawm deuh zawk ngei ang. Mahse, a chunga ka tarlan ang nu leh pa ber rui reng ang chi hi chu an fate an khawngaihthlak zual bik hle a ni.

    Posttupa Pu HV leh mi{5ual} member zawng zawng, admin(s) te in za vaiin KUMTHAR CHIBAI ule.

    Report this comment

  22. 22
    ^-||R@lT€||-^ Says:

    Ni e, thudik a ni. Nu leh pa te thu awih a chawmawi hi kan tih tur a ni.

    Report this comment

  23. 23
    TuaiSialA Says:

    A ropui hle mai. Kan nu leh pate hlutna kan hriatfiah hun hi an damlai ni lovin an awm tawh loh hnu chauh a ni fo si..

    Report this comment

  24. 24
    Maisek Says:

    Hv, i post tha hle mai! :)

    Report this comment

Leave a Reply

You must be logged in to post a comment.