WikiLeaks in thilthuruk ti leak leh ta

November 30th, 2010 5:44 pm by Aryan

Wikileaks hi Wikipedia ang deuh ania, mahse a danglamna ve thung chu Wikileaks hi chuan Top Secret document ho, sawrkar, sakhua, business, company, political party leh pawl hrang hrang ho thuruk hi mi zawng zawng chhiar theih turin an website ah anti chhuak thin a. Sawrkar leh pawl hrang hrang te a ti mualpho thin hle tih kan hre theuh awm e.

Nimin khan US Diplomatic Cable an tia, US Embassy khawvel hrang hrang ami ten a ram hruaitu, politics leh diplomatic thil a an ngaihdan te leh report te, ramhruaitu lu ho nena an ibiakna record tam tak a tahtawlin a tar chhuak a. A Topic langsar zual te.

1. Iran: Iran President chu Hitler a nena tehkhin ani a, Iran thenawm ram Arab ho hian USA hnenah Iran nuclear reactor bomb chhe turin nasa takin an ngen. Iran Supreme Leader Khomeini chu Cancer vei leh thi vat tur ni awmin an sawi.

2. Russia: Russian Prime Minister Putin a hi uipa sual huai an ti a, Russia President Medvedev a chu Batman a leh Robin film a Robin a ang kha ani an ti, batman (Putin) a hrualmum maimai angah an ngai. Russia sawrkar leh Mafia ho hi inzawmna thuk tak an nei a ti bawk.

3. Italy: Italian PM Berlusconi a chu tar hur, party hrat, hruaitu laktlak loh ani an ti. Berlusconi hian hmeichhe tleirawl nawhchizuar kawm a hrat hle a, a nupuiin nikum khan a then nghe nghe kha.

4. France: French President Sarkozy chu “Emperor with no clothes” an ti a, hemi awmzia chu hruaitu laktlak loh, nihna vanga in la vung ve ringawt tihna ang deuh ani chu. hriatchian zual duh chuan Hans Christian Anderson a thawnthu Emperor’s New Clothes hi chhiar ula

5. Germany: German Chancellor (Prime Minister) chu fing phakar meng kar reng, chetsual hlau uchuak taka fimkhur, Germany in a hlawkpui dawn loh chuan engmah ti duh lo leh mahni irawmchhuak ngaihdan nei tlem hle ni in an sawi.

6. Libya Dictator Gdahaffi chu mi maksak, Ukrainian nurse sambuang in a awmchilh reng thin ni in an sawi.

7. North Korea: NoKo Dictator Kim Jong-Il chu tar vuai, aa trep ni in an sawi.

8. Saudi Arabia: King Abdullah chuan US hnehah Iran hi rul tur chukna chi, midang achuk hmaa a lu tanchhum nghal vat tur ni in a sawi. US hi Iran bei turin nasa takin a ngen ani awm e.

9. USA: International law kalh in Hillary Clinton chuan UN hruaitu te, UN a Foreign ambassdor ho te enthla turin CIA leh FBI a order.

Duhtawk phawt ila, hriat belh duh chuan wikileaks website ah hian a chhiar theih a, anih loh pawn khawvel news website hrang hrangah an tar lang chuai chuai bawk ani.

US Sawrkar a thinrim tak zet a, Republican Congressman (MP) thenkaht chuan Wikileaks hi terrorist organisation ah puang turin Obama nawr an tum ani awm e. :roll:

Side note: Wikileaks hian khualthuthang mai mai a tar chhuak lova, docoment/evidence an neih ngei te chauh an tarlang thin. Mizoram/India sawrkar hnuaia thawk i nih a, i thawhna i boss te, Minister te, MLA te corrupt i hriat emaw, Contractor ten corrupt taka Minister an tham te emaw i hria emaw, evidence (document te, phone a an inbiakna i record ruk te) i nei anih chuan wikileaks website ah hian thawn theih reng ani. I hming leh nihna thup tlat ani a, i IP pawh an tarlang lo vang.

Similar Posts:

Recent Posts:

52 Responses to “WikiLeaks in thilthuruk ti leak leh ta”

Pages: « 1 [2] Show All

  1. 51
    khumchikthei Says:

    Another breaking news!

    Phek thar ka kai ve tlat.

    …khrum

    Report this comment

  2. 52
    H.Vangchhia Says:

    Wikileak bunker:
    http://www.time.com/time/photo.....42,00.html

    Report this comment

Pages: « 1 [2] Show All

Leave a Reply

You must be logged in to post a comment.