Mobile phone leh hmangaihna

November 30th, 2010 3:00 pm by Raven EmbreY

Mobile phone chu electronic device,cellular network hmanga mobile operator te nen. . .tih duah ka han tum laklawh a, ka han inngaihtuah buai lai tak chuan rimawi engemaw rawn ri chhuak riai riai tur, rawn inpuahchah vel, beng dar la thleng pha chiah si lo, a la ri chhuak ngei dawn ani, tih hriat bawk si chuan mi rawn zar buai thut mai a. Chu rimawi chu a ring tial tial a, ka hriat tawh hnu ni tlat hian ka hre lehnghal a. Ka’n ngaithla vang vang a, ka nalh tih zawng tak hi a lo ni lehnghal a. “Inlarna ka hmu dawn a ni mai awm mang e aw…”, tia ka lo inngaihtuah rilruk lai tak chuan – ka mal bawr vel chu a rawn khur der der ta mai a!

Ka lo inrin lawk lemloh vang chuan ka han phu deuh zawk a, ka mal vel chu ka han dap a, ka dap fuh hlei thei lova. “Rannung engemaw hi ka lo ak hlauh aniang a,” tiin ka ipte chu ka han zen leh chhin a, chutah ka dap fuh ngei hian ka inhria a.  Ka han vuan a, ka kut te pawh chu a khur der der a. Rang em em maiin ka han phawrh a, ka han en chian chuan – Ka mobile phone hi alo nia. ‘1 missed call- Airtel’ tih leh ‘1 unread message’ tih hi a lo awm a. “A pawimawh viau ani awm mang e aw”, tiin ka han chhiar vat vat dawn a…

uy enteh lal,ne t a? Nai bn tp ce..mwahX3

tih hi alo inziak a. Han chhiar puat ka tum ngawt a, mahse Mizo tawng hi a lo ni tawp lo mai a. Ka han en vang vang thin a,”Tunge ni ang aw,” ka ti rilru a. A rawn thawntu number chu ka han en bawk a…

Oh! Nilo, hei chu ka hre leh si, tuemaw te te mawle. A message risk pah chuan ka rin thu in Mizo tawng chuan ka han let nghal zung zung a…

Ui ha! Zanin chu ka lung a va han leng tak em…
Enteh ka duhlai,
Tunah enge I tih mek ang le?
Ka ngai thei lutuk che a,
Fawp vawng vawng nang che…

tihna ni awm ta ber khan ka hria a. Chumi ring chung chuan ka han reply ve ngawt a:

Keipawhin ka ngai che alawm.
Mahse nichin lawk khan kan inhmu zo chiah bawk sia,
Midang I thawn tur mi rawn thawn palh hlauh chu a ni si lo maw?

tiin.

Ka thawn zo chiah a,”A thleng tawh ang em aw…”, tia ka lo ngaihtuah lai tak chuan,’1 unread message’ alo inti leh der tawh maia.”Tunge niang aw,” tih rilruk nak a laiin, tawng hriatloh bawk a ni leh ta a…

he2 vn cimwm reu tk.Indh emy mn nai l c… :(
tih kha a nia.

A thawntu ngai tho a nih vangin ka han let leh a, a harsa riau mai a…

Fiamthu ah I ngai a ni maw?
I va han ngeiawm ti dawn ila,i duhawm tho bawksia,
Mahse mi biak that peihloh danah min ngai ve tak tak lo a ang ka ti e,
Nuam pawh ka ti tawhlo

tiin.

Ka han let zo chiah a, reply dan tur ngaihtuaha ka lo buai lai tak chuan ‘1 unread message’ tih bawk chu…hetiangin:

matre mu2 t tw meh? Rep thra peyhlou we…

Ka message thawn tur pawh chu ngaihtuah hman lovin ka han let risk leh pawp a:

Ka enchimloh par dawn tuai tirte,
Laikhum belh zai I rel hman tawh em maw?
Chhan zai reng mi rel tak loh le…

tiin.

Chutah, ka buai mup mup tawh, reply dan tur ka ngaihtuah lai tak chuan,’1 unread message’ bawk chu a lo awm leh hman a, Mizo tawng nilo, mahse tun tum chu tawng hriatloh dang ang kha chu a ni ta lemlova:

Roses r red,
Lilies r whyte and,
Violetz r blu…

I jst wnt 2 tell U dat I miss U..
Gunyte&TweetDrmz.

tih kha ania.


Ka thinlung ah hian thil tam tak a awm a:
Rose par mawitu chu rawng sen a ni a,
Lily par pawh chuan a var a mawipui ber a,
Violet par pawhin a pawl lo chu a mawipui bik chuang hlei lo’ng e…
Diktak chuan tunah hian ka ngai lutuk che asin…
Muttui mangtha ngawih ngawih le

tiin.

Chutiang thu chuan mi hneh ve riau a. Ka ngai ve ta riau hian ka in hre ve ringawt a. Mahse thil pahnih ka lo ngaituah zui mai mai a:
-A message ka dawn te kha Mizo tawnga lehlinna khawl te hi awm ve mai mai ta se tih leh,
-Mobile atang hian hmangaihna te tak te te hi hmuh tham silovin a lo inthawn theih anih dawn hi…
tiin

Similar Posts:

Recent Posts:

73 Responses to “Mobile phone leh hmangaihna”

Pages: « 1 [2] Show All

  1. 51
    hlatekhua Says:

    Bible hi short-cut version awm ta se a bu a pan sawt ang a, lek vel pawh a zangkhai viau tak ang a!! Attempt peih awm se ka support ngawtin ka ring.

    Report this comment

  2. 52
    zualbonez Says:

    hetiang ka hriat thiam loh dan leh hetiang ka hriat thiam loh dan a inang reng: :lol:

    http://www.youtube.com/watch?v.....re=related

    Report this comment

  3. 53
    khumchikthei Says:

    @Hlatekhua: Bible lehlin tawi ber kha i la hre ve lo em ni aw? ” A tir an thu an puang a, amen!”. Fiamthu.

    Tak tak a bible short cut version pakhat chu a awm kha. “Ryan’s Bible”. I duh chuan lo chhiar ve chhin rawh. Bible Society of India in an publish in ka hria.

    …khrum

    Report this comment

  4. 54
    hlatekhua Says:

    @khumchikthei, Australian-ho pawhin an tun lai tawngin Bible chu an let a, a ngaihnawm danglam khawp asin. I sawi khi chu ka la hmu lo a nih ka ring.

    Report this comment

  5. 55
    nastycool Says:

    ‘Ka hmangaih che’ tih type ai hian ‘i love you ‘tih hi type a awl zawk an ti! :D

    Report this comment

  6. 56
    H.Vangchhia Says:

    Keipawh tum loh deuhin Farkawn atangin call ka hmu. “Hna ka thawk laklawh a, nakin ah kan in be mai dawn em ni…” tih pawn, “Ih maw…” la ti char2 zui mawle :mrgreen: :?

    English a LOVE hi a hmandan a zirin a pawnlawi viau thei. Mizo ten “ka hmangaih che,” kan han tih hi chuan a ril bik raih mai asin, zawmthaw deuha sawi ve chi ngawt a ni tlat lo.

    Report this comment

  7. 57
    evergreen Says:

    @Lalrempui (short cut lo) :D
    “ka ngai che” tih ka la duh tawk lo “ka ngai ber che” a dawng tu tan nuam lutuk.

    “nai ce/gai c”.. a lem e… :D:D:D

    Report this comment

  8. 58
    pinkstarz Says:

    @56 zawmthaw deuh a sawi ve chi a nih loh vang lawm mizo tam takin “i love you” awlsam deuh a an tih liam puat thin ni…….. :P

    Report this comment

  9. 59
    Atom c Says:

    Lak thutak vak theih si loh, thin tirim ve thei si hi indawng ve ngai em? A expert chin chuan kut pahnihin rang lutukin en lovin an type dik thlap thei . Tun thlengin ka thian nu pakhat nen kan inbiak that tawh loh phah, a thin a rim tlat a. SMS hi ka tan chuan awmlo mahse a pawi vak pawhin ka ringlo, @a postupa dawn ang deuh khi chu atam mai, nuihliam mai mai tur. Blnce neih loh changa Zualko atan a tha ka ti tawk chauh.

    Report this comment

  10. 60
    littlerascal Says:

    Keipawh sms ah hian shortcut hi ka hmang ngailo tluk a ni, shortcut over leh slang over ltk hi chu chhiar pawh ka chhiar peih lo, tuna post tupa han sawi sms short cut ang chi te leh comment a shortcut threnkhat te hi chu a ngaihna awm lo, chhiar rin loh phei chuan awmzia pawh ka hrelo fur mai, ka ngaina lo khawp mai slang over ltk sms hi chu

    Report this comment

  11. 61
    mparalte Says:

    Eden huanah Evi khan: Damte, nai ce ne th a? nai v c lo. Huan laia tei lwh sk th. tuy v alm. egtkge hmn ag? nai twh ce…

    Report this comment

  12. 62
    mparalte Says:

    Short msg a ni na-in ka type kim vek thin tlat.

    Report this comment

  13. 63
    shylo Says:

    Tlema U-a-ma hmang hnem deuh tawh tan zawng a buaithlak duh thin hle. Facebook lamte hi an tlawh ve ila an inbiakna tam tak hi kei pawh mizo tawng a nih leh nih loh ka hrelo fo mai.Mahse tunlai khawvel, abikin tleirawl tan chuan a nuam phian aniang, khap ngawt theih a ni silo.
    Abikin hmeichhe/nula lam hian an short cut thiam hle.. a thawntu zirin a ninawmin a ninawmlo thei… :D

    Report this comment

  14. 64
    chhak-chhuak Says:

    type kim thlap peih ho hi an zahawm…ka peih der lo…

    Report this comment

  15. 65
    Maisek Says:

    #64 chhak-chhuak, i type kim thin ngai si lo, i zahawm lo tihna em ni? i short cut nasat theih hi le! :lol:

    Report this comment

  16. 66
    hmingtea Says:

    Bank atnagin ka open acount neih zat kartin tum 2 ka dawng thin .Tin super market lian ka in registerna atangin thil discount an neih changin an neih thu min msm thin bakah TV company in movie tha chhuak tur min rawn hrilh thin . :lol: :lol: :lol: :lol: :lol: :lol:

    Report this comment

  17. 67
    hlatekhua Says:

    #66 hmingtea, a van ninawm duh awm ve aw…kei chu ka titawp hmak zel.

    Report this comment

  18. 68
    rose malsawmi Says:

    mizo tawng short cut /sms slang avang hian mizo tawng hi tih chingpen palh a hlauhawm mang e,kan naute pawh a sipel diklo niah thin. U-a-ma hman hnem vang pawh noloin mizotawng hum duh vangin ka kaitawi ngai lo tluk a ni e. XD

    Report this comment

  19. 69
    loneeagle26016 Says:

    Rosie..oh rose like…i van soi tha ve ! He thil hian kan tawng hi a tikholo zo vek ang tih a hlauhawm khop mai…english ah poh chuti tho chu ani..black ho hian an uar zual nghe2 em… :mrgreen: :D 8O

    Report this comment

  20. 70
    rose malsawmi Says:

    @eskol 26 aw,Ka hriat chian chinah pu PL-a,rammawia ngente author rinteii zunleng ‘boy’,jeffrey-a pa,zara (bihchianna) aitea (lelte) thuamte khawlhrring te hian short cut an hmang ngai lo,keimah tiam tepin ;)

    @post tupa Oi! ni loin Awi! Niin ka hria mizo tawngah chuan ;););)

    @loneeagle-thnax.like bawn. Tuemawni chuan i nick hi a en vang vang a ‘lâwnigul’ a ti.mahse ka zep tlat dawn chu chu

    Balance khawtawm lam pang pawisa ren tawh chinah chuan ka ti zeuh thin tih ka inpuang e

    Report this comment

  21. 71
    loneeagle26016 Says:

    #70~Rose___________ :D:D:lol:

    Report this comment

  22. 72
    Pangtichawr Says:

    mt cuak tw tk,misual h xog2 in vy in mt tui wek u,nktk ah kn inkm l dyl2 dn ny,mh ni in lm hwi theuh ah,kumthr ciby wek u

    Report this comment

  23. 73
    DirtY_PuppeT Says:

    @rose:
    Oi! nilovin Ui!..Ui ha! an lo ti mai thin emaw ka tia..Awi! tih pawh chu a awmzia ka hre chiah lo na a,kei ai i hmang ngun hmel thova..A ni thei lutuk ang. .

    Ok..Ram hnukkhawih thil an sawi mur mur laia hetiang thila lo buai ve hi a nuam danglam ve hrim hrim e.

    ..C ya ol @ wkend. . Oh! See you all at weekend,ka tihna. .

    Report this comment

Pages: « 1 [2] Show All