Mizoram, fimkhur rawh….

November 30th, 2010 8:30 am by mizoram-a

via Vanglaini.

Bru koh kir leh Hmar raltlan

Kan ram atanga mahni duh thu a tlan chhuak, an in leh lo hlutna pawh cheng sang tam ni lo te’n an rawn kir leh avanga cheng sing tam an dawng hi pawi tak a ni. Kan unau duh tak, nunna avanga tuarte an ni a, a tisual lo te erawh chu an khawngaihthlak hle thung. Cheng tam tak sengin sorkarin a hruai kir a, chhawmdawlna pawh sorkarin a pe tam nangiang mai. Central sorkar thuchhuak a nih pawh ka ring.

Ngaihtuah chian ngai ta chu kum 4 or 5 (a kum zat ka hre ta mai lo) kal ta khan kan thenawm state-ah chi leh chi intihbuai avanga raltlan tam tak lo lutte hian chhuah leh an tum lo nge, sorkarin hma a la lo zawk? Mizoram khaw hrang hrangah an awm a, a bikin Kolasib District-ah an tam zual. Heng hian kan budget tam tak min eiral pui a, rukruk leh hlemhlet pawh an pawisa lo. Mi huan thlai ruk pawh an pawisa lo, thla hnih/ thum vel an awm chhung chauh pawhin zawngtah rah pawh an hawn nghal mai thei nia! An phun a nih ka ring lo (Zawngtah hian rahchhuah turin kum 3 – 4 tal a mamawh).

Meitei leh Vai
Kan ramah eizawnna tur rawn zawng a dik lo taka lo lut Vai leh Meitei te pawh ILP kan phut rualin kan Mizo pui ngei te’n ram leh hnam phatsanin an lo sponsor duh a, sum hmuh nan an lo hmang nasa hle mai. Heng hnam dangte hi kan Mizo hmeichhe tam takin pasalah lo nei tawk lah bo lo, zahna chang hriat a hun ta hle mai. Mizo nupui an nei chung pawhin an inti Mizo duh ngai lova sumdawn nan ringawt kan hmeichhiate hi an hmang tihna a ni. Kan hmeichhe thenkhat te lah hian hnam dang pasala neih an awlsam hle mai. Pawngsual duh loten hnam an phatsan a, anniho hian hnam an pawngsual nasa hle tihna a ni. Mizo hmeichhia te’n i sim ang u. Hemi kawngah hian sorkar leh NGO ten hmalak a tul tak zet a ni.

(He article hi tha ka tih em avangin a then lai chuah tarlangin ka rawn post a ni e, link-ah a kimchangin a awm e)

Source: vanglaini.org

Similar Posts:

Recent Posts:

74 Responses to “Mizoram, fimkhur rawh….”

Pages: « 1 [2] Show All

  1. 51
    D_auaChwngthu Says:

    Phek THAR____ :P

    Mizoram chuan Engti hawi zawngin nge Manipur chu a lo tluk loh a,….. Manipur lam chu an fing zawk lo aniang, Mizoram angin an inpumkhat theih loh em saw maw!!!!,…..Mizoram chu chunglam zarah kawi-kawm-thin-ang thap thap kan nia lawm le. Thiamna lamah pawh MIzo thiam tawh laileng chu Manipur lam hian an tluk lo zawkin ka hria, dah mai a.

    Report this comment

  2. 52
    Xingibera Says:

    @Bill, Inhuphurhna lam ni lo in, in kaihharhna lampangah ngai ila a tha. Amaherawhchu state mi leh sa dik tak anmahni state ah theuh dan ang in register se ka tihna a ni. Mizoram mi leh sa chu mizoramah, manipur mi leh sa chu manipur ah. Assam mi leh sa chu assamah.

    Report this comment

  3. 53
    sillyBoy Says:

    Keini aia Manipuri-ho thiam chu chawhmeh siam leh Bike/Scooter workshop-a phuahchawp mechanic te hi a ni mai awm e.

    Report this comment

  4. 54
    khumchikthei Says:

    He post hi thupui fun tak leh kan ram kalsiam khawi danglam thei, kan ram hnuk hnaih tak a ni tih hi i hai mawlh lo ang u.

    Tukin khan comment hman lo in ka chhiar zuai a, a sensitive lai deuh ni awm te kha edit a nuai bo a ang hle mai, ka comment tho tho ang.

    Raltlan: Mizoram a awm leh pi leh pute hun lai atang tawh a domicile ang chi hi chu eng ang dan mahin kan hnawtkir thei kher lo maithei a, amaherawhchu a behbawm a rawn intahluh tum ve te hi chu dim baksak lo va PUSH-BACK hmiah hmiah mai tur a ni ka ti.

    ILP: Hei hi dan zawhkim thlap a kan sahimna awmchhun a ni. A issue tu leh sponsor tu te kan fimkhur a ngai hle. Kan tanrual loh chuan chimralin kan la awm mai dawn. Hnamdang kan haw satliah tur tihna erawh a ni lo. Kan ram rawn chen a, kan sumhnar rawn khawih thei tur lakah erawh kan inven angai. Inhmun, lo huan ram lei leh neih chungchangah te hian kan fimkhur hle a ngai. I tangrual mawlh ang u.

    Domicle: Hei hi kan fimkhur lehzual angai. Thuneitu ten tan an lak angai a, chutih rualin enforcing agency chak tak kan mamawh a ni. Technical leh jobs ah a hluar in a langsar bik. Kan ram a in leh lo nei lo leh, zir zawh emaw a awm lo tur leh kan ramin kan chhawr zui loh tur mizoram hminga thil zir an tam ang. An zir theih na chhan chu loop holes awm vang a ni. Khawvel hi competitive world a ni mek a, a tu a pawhin a theih ang ang in inham tan kan tum theuh a ni. Chuvang chuan mi tu pawhin zoram thau rawn sawk a zarzo a lo tum pawhin, systemin a lo hnawl zel theih mai tur a ruahmanna leh kalphung tha kan neih angai. Kan tlai lek lek tawh, Fimkhur taka hmalak vat a hun ta hle mai.

    …khrum

    Report this comment

  5. 55
    Xingibera Says:

    @khrum. . Ka sawi thiam loh i rawn sawi.

    Report this comment

  6. 56
    H.Vangchhia Says:

    “Mizo nupui an nei chung pawhin an inti Mizo duh ngai lova…” Mizo nih loh miau chuan han intih Mizo vak ngaihna chu a awm lem lovang. Saphun lah Zohnahthlak inkarah chauh a theih bawk si.

    Report this comment

  7. 57
    zualbonez Says:

    @ 56… 8O :lol: :lol: :lol: :lol: :mrgreen:

    Report this comment

  8. 58
    H.Vangchhia Says:

    zualbon, ania lawm nge ilo nuih the reuh chu le hairehai :mrgreen:

    Kan vengah pawh Bengali, Mizo nupui neiin tum khat chu thlanlaihnaah, “Keini Mizo chu…” a tih roh pek a, a tawng sual ve hle a ni. Mizoram hi kan mak ngawt mai, Vai pasal nei te hi “vai pasal a nei,” tiin diriam awphawi takin mitmeng nen sawi an ni fo, midum pawh Negro nei…. Baekngo (paleface) nei te erawh chu kan en sang tlangpui nghal ngawt…. tullo ve khawpin ka hria, vai anga ek uih tak nei ve tho an ni pah reng :mrgreen: :P

    OT loh nan: THUIKUK pem chhuak te hi koh kir leh an tul ka tilo khawp mai, kan sawrkar hi a dawih thin nge, central in a KUTDAWH a ngaihsak lovang tih an hlau le aw… tunah phei chuan AK47 nen ralkap a chhuah an tum mek a ni lawm ni?!!

    Report this comment

  9. 59
    mparalte Says:

    “Pawngsual duh loten hnam an phatsan a, anniho hian hnam an pawngsual nasa hle tihna a ni” Ka lo ngaihtuah vak loh dan zawng a ni a… Ngaihtuahna a tithui hle mai.

    Report this comment

  10. 60
    shylo Says:

    A hranpa taka “mizo kan ni” ti ti ho hi chu chianglo a awm deuh ani mai thei. A eng a pawhnise, A changa in ti mizo a changa in ti mizo leh duh silo. mizoram chhunga in ti mizo em em, mizoram pawn lama mizo nih duh leh silo (Leh lama awr duma – sen) ho hi an buaithlak khawp.Khawi hmunah pawh mizo ngam sela a tha ber chu a ni.
    @58 Pu HV last para hi kei pawh ka vei khawp mai. Engvangin nge Tuikuk ral tlan ho hi kan buaipui em em? Engatinge heti khawpa central sorkar hian a ngaihsak ? Enge an historical background? A hria khan han sawi teh u..

    Report this comment

  11. 61
    mparalte Says:

    @john.puia: Good comment. Kan hriat tur chu titi-ah kan titi tlan theihna ber-a titi a tha. (Kan thiam tlan ber) Tin, Meitei chungchangah chuan an zirtirna hi tha ka ti vek hauh lo. Thui tak sawi tur a awm a… Note peka vawntir ringawt hian naupangte PASS ringawt mahse an thiam chuang lo a. Mizoram pawl 6 fail paw’n an tum tak tak chuan an apply thiam ang. Maths chawh zirtir ringawta a awmze hrilh loh hian 100% pawh score se thiam an ni lo. Chutiang chu zu ni tlangpui tlat a!!!
    Ralte… Mizo ve e…. Lusei kan ni lova, tawng hrang nei ve ngat, awze hnam bawk kan ni. Mizo hnahthlakah kan tam mep mep khawp. Ralte tawng hman bik tangkai kan ti lo nge… thiam kan awm meuh thung tawh lo…

    Report this comment

  12. 62
    zualbonez Says:

    @ 60 shylo…sailo? historical background chu ka hria :mrgreen: mahse ka sawi chhuak duh lo…a hre zawk (inti) ho khansawi phawt teh se…. :lol:

    Report this comment

  13. 63
    mizoram-a Says:

    Ka post chhan tak zawk hi link kher ngaiin a lo awm a nih hi, hei hi ka vei khawp a nia.

    MPSC Examination
    Mizorama kan hna lak theih sâng ber Mizoram Public Service Commission pawh a fimkhur a ngai ta. Residential certificate tel lo a state pawn lam mi, Mizo in ti duh ngai lote pawh an tling ta tlat hian harh chhuah a tulzia a tarlang. Nikum hmasaa Police hna sâng an lak tuma pakhatna pawh kha, NEPA-a an training chhungin Mizo kawm duh lovin hnam dang a kawm lui hram hram a, Mizotawng a hman ngai loh bakah a inti Mizo ngai lo, an ti. Mizoram hi hna hmuh nan chauh an hmang a ni lo maw?

    Hetiang ang a nih tak avang hian kan MPSC Examination rules pawh hi siam that a hun ta hle mai. Entirnan keini pawh Andra Pradesh Civil Service (ACS) kan exam thei a, mahse common question Telegu kan exam ngei ngei a ngai, an tawng kan thiam lova kan tling lo tihna a ni nghal. Hemi awmzia chu an hnam tan restriction/ security tha tak an siam nghal tihna a ni.

    Hetiang ang hian hna lak tur exam-na reng rengah common question (Mizo subject) siam ngei sela (hna sang chinah tal), text book ngai lo Mizoin kan hriat theih mai awlsam takin a siam theih (Middle School standard chin tih hian awmzia a nei mang lo). Chu chuan, hnalak chung changa assimilation awm thei tur nasa takin a veng nghal dawn a kan thalai te’n chance an neih phah bawk ang.

    YMA/ MZP-te tan
    Zo-reunification, Zohnahthlak etc kan ti chamchi a, Tuivai pelha Mizotawnga biak theih ta tlat lo te nena rizai pawh sawih hi a tulna ka hre ta lo. Ka thian pakhat Manipur Agriculture University a zir tawh chuan, “Mizoram lamah an inti Mizo a, Manipur lamah kan chungah an nunrawng si, kan zir ve laia MZP leh YMA ten in unauna an rawn ti chhen te kha ka hua asin. Kan hrehawmna tak tak hre si lovin a nuam chinah chauh an rawn kal a, hostel-ah tihduhdah kan tuar/ tawk fo a, nasa taka sawisak kan ni leh si” a tih kha ka hre reng thin. In unauna hi a tha e, mahse hnam damna tak tak a thleng pha ngai lo a, kan nauten tihduhdah an tawk ru reng tho tih kan hriat a ngai a ni.

    A tawp berah chuan kan tarlan tak zawng zawng khi tha-hnemngaihna vang a ni a, sorkar leh NGO hrang hrangte’n bawhzuiin hma la se, sorkarin dan leh dun khauh tak leh fel tak a siam a ngai ta. Examination rules siam that thuai ni thei se a lawmawm hle ang. Mipuiin kan thlawp pawh a ngai hle ang a, chuti a nih loh chuan kan ram hian chhungrilah hun harsa leh hrehawm a la tawk khawp ang. Mizoram fimkhur rawh, nang Mizopa harh rawh.

    Report this comment

  14. 64
    Rempuii bAkcheH Says:

    #63, mizorama, clap! Clap! Sawi thra tawp..

    Report this comment

  15. 65
    zualbonez Says:

    @ Mizorama.. “… Nikum hmasaa Police hna sâng an lak tuma pakhatna pawh kha, NEPA-a an training chhungin Mizo kawm duh lovin hnam dang a kawm lui hram hram a, Mizotawng a hman ngai loh bakah a inti Mizo ngai lo, an ti. Mizoram hi hna hmuh nan chauh an hmang a ni lo maw?…”

    – conclusive leh exhaustive stamement anilo tlat…anti tih vel mai mai ani zawk lo maw…1st ranker anih avangin an thik te ani zawk lo maw?? hi hi hi

    ka nuih i ti za….1stly MPSC ho hian MIZO subject la ho hi an duhsak e mai….MCS leh MPS tunhnai a tling ho kha Mizo la an tam em kha…subject dang score nena relative percentile pe lovin an percentage hmuh zat zat anih kha an pawm pui 8O 8O 8O 8O

    2ndly “Tuivai pelha Mizotawnga biak theih ta tlat lo te nena rizai pawh sawih ”
    – duhlian tawng i tihna ami? nia duhlian tawng te chu entinnge an thiam i ring re re a :roll:

    Report this comment

  16. 66
    Mizo_Kops Says:

    Hnam feeling hi lak nat a awl khawp mai. Mizo kan nih ah hian chiang phawt ila, lusei kan ni veklo thei, hmar, pawi, paihte, ralte etc. kan tam khawp mai. Kan vaiin kan intih Mizo phawt a ngai, tawng chungchangah chuan chibil tawng hrang hrang hi a ral ka hlau zawk, entirnan ralte tawng te. Mizo tawng tia kan sawi mai duhlian hi thiam in hmang vek ila kan in awm pawlhna ah chuan, chibil bik awmna ah chuan mahni chi bik tawng hman te hi tawng humhalhna a ni tan tlat tawh.

    Report this comment

  17. 67
    sparta Says:

    Kei chu he article hian ka rilru a tina, ka lo inlak Mizo ve teh reng nen. Tuivai pela Mizo awm ho khuan Luseeeeiiiii trawng an thiam loh vang mai in hnamdang ah a puh.

    Report this comment

  18. 68
    Zephenath Says:

    He post khaikhawm nan…. Fimkhur kan ngai a ni e. :roll:

    Report this comment

  19. 69
    shylo Says:

    @62 Zualbonez: A sensitive viau a, thil thalo awm thei anih chuan ka ngen ngawl ngamlo che a, mahse keima tan liau liau sawi thei la chu ka ti khawp mai. An chanchin leh engvanga heti taka buaipui ta nge kan nih? tih te pawh min hrilhfiah theih chuan ka lawm khawp ang..hrechiang mang lova ngaihdan lo neih ve tlat a awm thei dawnin ka hria.. fimkhur vang zawk maw le…

    Report this comment

  20. 70
    loneeagle26016 Says:

    Ka lo hriat ve dan mai2 chuan, Tuikuk/Bru tih vel ho hi Sap ho hunlai khan mizoramah awm phal ani lo..an origin khu bangladesh anih hmel hlom khop mai, tripura ah te pawh khuan an awm a. Mahse kan ram hmangaih dan hian a zir lo nge ni anga, tuikuk/bru engemaw zat kan nei ta mai hi…. :mrgreen: 8O

    Report this comment

  21. 71
    Kawlni Says:

    Burma,manipur vel a mizo hnahthlak ho zingah engvangin nge chi leh chi inthlarna a tam m2?
    Mizoram hmun tam zokah chuan hetiang thil thleng a om lo-chitin ang khatin(mizo) kan leng za.
    MIZO TAWNG hi hmang tlang ila chu2 kan inpumkhatna tur ni mai. Babel in sak lai vela mihring hmanraw tha ber-common language.

    Report this comment

  22. 72
    ruaruatapa Says:

    Postupa chu Lusei tiah tiah kher mai 8O Mizo ho chuan Mizo tawng hrang hrang kan hmang phawt ang. Kum an vei deuh ang a, Tawng khat, Lusei tawng tam berna kan hmang dawn a ni. Chuvang chu ni YMA leh MZP ten inpumkhat an tih chu. Lusei tawng chauh hman tur ti Mizo zingah kan awm thin avang hian alawm inpumkhatna tur kawng daltu lian ber chu ni :lol:

    Heng mite avang hian 1953-ah kan buai tawh a, 1971 leh 1986 khan kan siamtha si lo. Tuna Mizoram pawna awmte hian Mizo nih an duh. Mahse, Mizoram state chhunga awm te hian kan pawm thei lova, an thinrim a ni 8O

    Report this comment

  23. 73
    ZerO Says:

    ruaruatapa, ‘Mizo’ leh ‘Mizotawng’ kan hriat pawlh thin hi a pawi. Tlem lai deuh khan ka post tawh. “Mizo ka ni a, mahse Mizotawng ka thiam lo.” tih hi kan hrethiam duh lo nge kan hrethiam lo zawk?

    Report this comment

  24. 74
    Serc Says:

    #56, Pu Vangchhia, ka lo hriat dan opposite. Mizo hnam inkarah sa a phun theih a mi?

    Nih leh Chhim lama kan hnama sa rawn phun Vaichuau kan tih ho saw engtin nge ni ta ang?

    Report this comment

Pages: « 1 [2] Show All