Ka ngaihzawng ve lam kha (Thianpa Kima mi insawitheih khum chhanletna)

November 30th, 2010 8:00 pm by ruatruatapa

Khawnge Misual ho kan tak ren run em mai. Thu ho deuh in post teh ang…

A thlalak min pek chu ka Wallet karah ka’n zep ve tat a. Engemaw nikhua-ah leklam berah ka nei zui a. A thlalak a fiah lo nge ? Pa thenkhat ka’n hmuhtir te lah chuan min duhsak deuh ten ‘i hi’ an ti a, min duhsak vak lo tuten ‘ a va bawn hmel ve’ te chu min tihsak zel narawh.

Kan inngaihzawn bul tan dan tak kha asin ho angreng chu…… thiante passi kan lawma, zan kan khawtlai chuana tul lo lovin kan Sap lam tlang a. Amah hi ka hmuh fo hnu mah nise, chumi zan chuan a thuamhnaw hakin a zir deuh nge, kan thiltihin a zir, ka’n hmu tuaithar a. Amah ka tawn atang chuan nula dangte chu hnawmhne leh tawphnawk maiah ka ruat thei ta a ni. A hmelchhiatna chu ka hmuhkhum ta anih kha.

‘Tiang chuan lam puia midangin min han sawm ve te pawh chuan ka Thingsul tlangval tan tung mai a. Thutthleng kal ruak ruaka min pawh takah chuan vawi hnih khat han sukpui zeuh zeuh chu thil inthlahrunawm turah ka ruat ta lova, ka’n han inchhawknghawlh hlawm ta a ni. Amah nen pawh chuan vawi hnih khat suk zeuh chuan pawihai a thlen ka rin loh avangin ka’n tihpui ve ang lawp lawp bawk a. Mahse, kan han tihdun takah chuan rin ai takin a lo zathau theih khawp a, duh bak bak kan su ta mai reng a nih kha.

A hminga ka duhzia han hrilh ve kha keini ang, tlangval pumpa, til tial ruk tawh tih ve tur a ni tih hriatna kha ka nei tlat a. Mahse, han hrilh tan dan tur kha ka bangbo ang reng hle a. Midang ka lo tih tawh thin anga han fawh risk chawt a, min chhanlet chuan ‘min duh’ tihna, chhanlet loh chuan ‘min duhlo’ tihna tih angreng kha ni chiaha ka hriat loh avangin tunlai tleirawl te angin, Film lama a tui ka’n ring phawt a. A lo dik chiah mai reng tak a ! Film Star te hi kan seppui phawt a, a hminga Mumbai lam Film City kan lo tlawh tawh te kha thutak leh dawt muhlum inchawhpawlh nawkin kan bawlphuan vel a. Tin, heti hi a ni a, a nute mut tawh hnu chua……

“Film-a luh i duh em ?”
“Duh ang chu….”
“Mahse, a tawpah Director nen inneih a ngai ang….”
“Ka hre lo…aa …. Aw…aa…. ka duh mai thei. Tunge Director tur ni ang a….?”
“Keimah”

A ngawi ta reng a. A han inngaihtuah ve ngial ni ngei tur a ni. Hetih hunlai hian, kei lah ta pek chuan ka hnaih ang hriau hruau vei bawk a…(tenawmin !)

“Chu Film Star nih chu i duh em ?”

“Aw”
tih pahin ‘an bu deuh nghat a. Sialton Official a, “Rival dang a ngai tawh lo” a tih ang deuh khan kan pawm kual vel ngial ang chu ka ti deuh va. Ka policy hmasa apply lehin, engkhaw sawi set set tawh lovin a kut’tang ka’n man hmasa khauh va, a la tal chhin lova. Chumi hnu chuan…. Ngai teh.

“Min duh ang maw…?” tih paha a mit taka en chunga a beng ka’n khal neuh neuh chhoh achinah chuan a thisen a lum ve ta a niang e, a bu zauh va, a chil a lem khalh bawk a. Mahse, Sap tihdana han fawh ve lam takah chuan min chhanglet ve thiam lo nge “…. duh ang” a tih tawh hnu pawh chuan a la sak ta fun mai….!?! Mahse, ngaih tha takin ka haw ve tak tho kha maw …..

Tlangval ve pui, keini ang, Val siniar lam, kum sawmli chuang tawh tawn atan chuan thil hi ho mai mai leh thleng ngai lo hi a awm thei tawh meuh lova. Engkim kan tawn hi hmana thleng tawh hnu kha a lo ni vek tawh mai a. Ani nena kan intawn dan pawh, ani tana thil thar kha ka tan chuan a vawi engemaw zah thlenna a ni tawh miau va, han zah leh beidawn vak ngaihna kha ka hre ta lo a ni. Sapin ‘Experience’ an tih hi kum tam vanga neih ngawt chi erawh a ni lo tih chu ka hrechiang ve tawh khawp mai.

Tunhnu-a ka han inngaihtuah let leh neuh neuh hian, khatianga Film Star nih kha lo inbeisei ve awm reng pawh a ni a. He Zollywood Khawvelah na na hi chuan kan hming a lo chehpa than ve a. A hmingin ‘A tlai zo ta” tih Drama (Film ?) kha Doordarshan, Aizawl-ah kan han ‘shoot’ tih kha a hre ve reng a. Chumi hnuah, ‘Tawlhloh puan’ tih kha kan siam zui ta tih a hre ve bawk a. Ti thei ve riauvah min ngai a ni teh chek ang chu… Ka policy ve chu, miin titheia min ngai anih phawt chuan min ngaih ang hian awm hmiah mai hi a hahdamthlak ber mai hian ka hria.

Mahse, nula fing vaklo bum kual bum kual mai pawh hi a ninawmna chin hi a awm ve a. Ka sawi tawh angin, kum 40 ral kan kai chinah chuan thil thleng ngai lo hi a awm thei tak tak tawh lo. Mahse, min hrechiang lo tute chuan Nupui hmu zo lo chhuah chuan min chhuah ve tho !

Amaherawhchu, nula tuitang manglo, chenbeh te te hi ka hmuh ve tawk anih avang hian ka tawn tawhah ka lungsikna kan la hmu rih lo mai a ni.

Tlema tlang en pawha an thinhrik lam han kawp chu mahni pawh hi kan inthlahrung a, nei tha ni-awm taka mi hriat lohva pilbo daih hi a tul hun a awm fo thin a. Mahse, a tih chi phianna chu thian an ngah lova, kan inngaihzawn thu a thang vak lova, midang kan ‘try’ leh pawh a ziaawm phah ang reng fu chuan ka hria.

Tunhma kha chuan, ka mitin nupui ka zawng thin a. Tlema tituai nalh deuh leh han ‘sexy’ lam hi ka mit fukna a ni thin a. Chumi hnu-ah, ka bengin ka zawng leh a, rimawi ngaina leh zai thiam lamah ka’n tuan tituai a. Rei vaklo atang khan Hnar-a zawn pawimawh zia ka hre thar ta a. Tunah chuan, ka hnarin nupui ka zawng a, a lo pawimawh khawp mai. Nupa khumpui meuh luahpui tur atan chuan hmeichhe uih vut vut lo hi a that ka ring ta a ni. Mahni Khumpui, Ek ina sawn ngawt mai chu a zialo lamah ka ngai thei ta a ni.

Shakespeare te, Keats te leh Shelly te anga hmeichhe hmuhsit chi ka ni lova; amaherawhchu, mi thenkhat rinawm lohna tem tur tawk lek chuan an chil hi ka lem hnem ve tain ka inhria.

Similar Posts:

Recent Posts:

24 Responses to “Ka ngaihzawng ve lam kha (Thianpa Kima mi insawitheih khum chhanletna)”

  1. 1
    Zephenath Says:

    a.. va ziah ngaihnawm phian ve… hahahaha

    Film Industry ah chuan ZollyWood hian hma a sawn lo ber a nih dawn hi… :lol: :roll:

    Report this comment

  2. 2
    loneeagle26016 Says:

    tiang lam bawk hi ani maw…nakinah ka ron soihot ang e… :mrgreen:

    Report this comment

  3. 3
    awmawmpuia Says:

    TV lai nise i nula try dan hi entawn ka chak.

    Report this comment

  4. 4
    Zephenath Says:

    #1 correction: ziah = ziak :mrgreen:

    Report this comment

  5. 5
    ainawn Says:

    @ Post tupa ruatruatapa, ka be duh che.Nizan i comment velah khan.I post i vil chuan 9862771072 auh..kolasib bawm hun velah khan…i post ka chhiar hmain ka OT..OT loks.Pls.

    Report this comment

  6. 6
    shylo Says:

    “…miin titheia min ngai anih phawt chuan min ngaih ang hian awm hmiah mai hi a hahdamthlak ber mai hian ka hria”..ka like tawp.
    A TLAI ZO TA tih hi ka en tawh chuan ka hria, mahse ka hrechianglo, TAWLHLOH PUAN ka en tawh tha ka ti khawp.
    Hnara nupui zawn….formula thar kan hriatbelh leh ta, post chhelo tak ani.

    Report this comment

  7. 7
    ruaruatapa Says:

    # 6 Shylo : fiamthu a nia :lol: Thianpa ka kahna a nia :lol: Film te hi DDK chuan an chhuah fo tawh. Mahse, ‘a tlai zo ta’ hi an tichhe tawh a. ‘Tawlhloh puan’ hi chu YMA day dawn hi chuan an tichhuak ve ziah.

    Report this comment

  8. 8
    caribou Says:

    ruatruatapa Lunglei lo zin kha, zantirte ah Kawnga, Diktea_Pa leh Ku Muanga te’n amah hmuh tumin zan khawvawt pawh sawi thei lovin, a thlenna ah an han len chilh dawn a. Zantir ah a riahna room a THIM map a ni awm e. An han lut lui ngam ta lo niin thu ka dawng.

    Report this comment

  9. 9
    shylo Says:

    @7 ruaruatapa : He he, nula chauh niloin tlangval phanchang zet tawh pawh i zawl thlu ti tih mai der alawm film director meuh chuan…. :lol:
    A tak takah “tawlhloh puan” film-ah khan i kutkawih a tel ve ka la ring tho tho mai.

    Report this comment

  10. 10
    ruaruatapa Says:

    # 8, caribou : Ka zin chau deuhva, nia, kan lo mu hma deuh a ni. Khami zan khan ka online thei lo deuh bawk nen. A tuk zan khan kan inhmu a, chaw te pawh kha kan eiho kha maw? Kan hlim fu. In rawn tel ve lova :lol:

    K’u Muanga nupui nei turin ka pheikhawk :lol: pawh min dil chian alawm. Lunglei Misual ho in fel e. In chungah ka lawm khawp mai

    Report this comment

  11. 11
    ultimate Says:

    ‘..duh bak bak kan su ta mai reng a nih kha’ ka hrethiam ta mai.

    Report this comment

  12. 12
    muantea Says:

    @ruatruatapa, Ku Muanga ni lovin saitawka’n a nih kha i pheikhawk dil che chu :smile: inneih pheikhawk thar leina tur pawh a nei toh lo a niang :lol:

    Report this comment

  13. 13
    triplestar Says:

    Keimah choh a ka’n nuih huk chu le :P

    Hnara nupui zawng ka vawikhat hriatna, hnim kil thei fu lo maw :lol:

    Tlangval pakhat pawh hian kawng sirah mi bekang funna paih hi a chhara a, a hnim vut vut a, “Ka bei nang a” a tih chu mawle :-)

    Report this comment

  14. 14
    caribou Says:

    Saitawka a ni zawk lo maw? Ku Muanga chuan a chhangchhiat a pel tan tawh.

    Report this comment

  15. 15
    ngente Says:

    @ ruaruatapa , he thute hi tha ka va ti em, “…miin titheia min ngai anih phawt chuan min ngaih ang hian awm hmiah mai hi a hahdamthlak ber mai hian ka hria”

    Lunglenthlak lutuk i post hi, hetiang lam chhiar hian hah a tidam sawng2 mai, real in ka hre lo na che a i thu han phuah vel dan chu i kum awm a hriat riak ruak in ka ring mi fing tak ni ila chu…lolz

    Report this comment

  16. 16
    Kawnga Says:

    @ruaruatapa, i post ngaihnawm leh hle mai. Nang nge nge…

    Misual thiante lo hriat ve atana ka duh pakhat chu he @ruaruatapa hian lehkhabu tha tak maiin amah lo kawm tute min ngaihhruih vek a, pakhat a la bang cheu a, @Jinx ka pe ta. Ani nula deuh ka duhsak ta ber a nih kha. Lunglei misual kan lawm tak meuh a ni.

    Report this comment

  17. 17
    Rempuii bAkcheH Says:

    Ka chhiar ngaihnawm dawn viau a, sawiselna tur lian ltk ka hmu tlats..mahse, HAHAHA ah i categorised vangin soisel buailo mai ang…mahse, a ngaihnawm thawkhat e..mizo nationalism bleh bleh tih ai chuan a ngaihnawm hrim2…

    Report this comment

  18. 18
    mparalte Says:

    Eheu!! Eheu… Tuition kal rawh.. khatiang lamah khan… Saitawka te pawh an khik hui tawh hi aw…

    Report this comment

  19. 19
    Saitawk Says:

    #10,12,14, deleted! :lol:

    Chhe hlawm ziap zuap mange! :mrgreen: :lol:

    Report this comment

  20. 20
    Pangtichawr Says:

    Ka chhiar chhuak ta

    Report this comment

  21. 21
    hp.swing Says:

    tiang hi ka lawm kei poh…..hahhahah

    Report this comment

  22. 22
    D_auaChwngthu Says:

    Tawngkam i thiamin thuziak pawh i hnehsawh hle mai,…. ngaihnawm khawp mai,….. :P

    ‘Thil eng emawni ___”tial ruk”____ i rawn sawi erawh khi chu ka chung lamah khian correct chak deuh an awmin ka hria’…..ahhaha :lol: :lol: :P :P :lol: :lol:

    Report this comment

  23. 23
    ruaruatapa Says:

    # 12, Muante : Ka tihpalh. Ni zawk tak e.Sawitaka chuan nupui chu December chuan han nei chiah sela. Kum 5 kalta a kan tih hnu…. :lol: :P

    Report this comment

  24. 24
    Lersia Says:

    A thui thui nen a van tawi… :)
    Thû ah chuan rin ai tak in i lo tuihnâng daih mai a

    Report this comment

Leave a Reply

You must be logged in to post a comment.