Archive for November, 2010

P&Sons-a pawisa dahtute’n vaibelchhe 250 lâk chhuah an phût

Tuesday, November 30th, 2010

Pachhunga & Sons (P&Sons)-a pawisa dahtute chuan an pawisa dah, Rs. 2,50,000,000 zet pek chhuah ngiatin nimin khan Chanmari-a P&Sons Workshop-ah an pungkhawm a, an pawisa dah leh a pung pe chhuak thuai turin an nawr.

P&Sons hian kum 2004 atang khan Depositor Agent neiin, bank aia a pung tam zawka pawisa dah theih a nih thu-in mi tam tak an thlêm a, agreement fel tak leh affidavit nen thlap pawisa hi an dah hlawm a ni.

P&Sons-a pawisa dahtu hi mi 700 vel an ni a, pawisa dahte hi a then 5%-in a pung a, a then 7%, 10%-tea pung tura dah a ni.

Ka ngaihzawng ve lam kha (Thianpa Kima mi insawitheih khum chhanletna)

Tuesday, November 30th, 2010

Khawnge Misual ho kan tak ren run em mai. Thu ho deuh in post teh ang…

A thlalak min pek chu ka Wallet karah ka’n zep ve tat a. Engemaw nikhua-ah leklam berah ka nei zui a. A thlalak a fiah lo nge ? Pa thenkhat ka’n hmuhtir te lah chuan min duhsak deuh ten ‘i hi’ an ti a, min duhsak vak lo tuten ‘ a va bawn hmel ve’ te chu min tihsak zel narawh.

Kan inngaihzawn bul tan dan tak kha asin ho angreng chu…… thiante passi kan lawma, zan kan khawtlai chuana tul lo lovin kan Sap lam tlang a. Amah hi ka hmuh fo hnu mah nise, chumi zan chuan a thuamhnaw hakin a zir deuh nge, kan thiltihin a zir, ka’n hmu tuaithar a. Amah ka tawn atang chuan nula dangte chu hnawmhne leh tawphnawk maiah ka ruat thei ta a ni. A hmelchhiatna chu ka hmuhkhum ta anih kha.

‘Tiang chuan lam puia midangin min han sawm ve te pawh chuan ka Thingsul tlangval tan tung mai a. Thutthleng kal ruak ruaka min pawh takah chuan vawi hnih khat han sukpui zeuh zeuh chu thil inthlahrunawm turah ka ruat ta lova, ka’n han inchhawknghawlh hlawm ta a ni. Amah nen pawh chuan vawi hnih khat suk zeuh chuan pawihai a thlen ka rin loh avangin ka’n tihpui ve ang lawp lawp bawk a. Mahse, kan han tihdun takah chuan rin ai takin a lo zathau theih khawp a, duh bak bak kan su ta mai reng a nih kha.
(more…)

WikiLeaks in thilthuruk ti leak leh ta

Tuesday, November 30th, 2010

Wikileaks hi Wikipedia ang deuh ania, mahse a danglamna ve thung chu Wikileaks hi chuan Top Secret document ho, sawrkar, sakhua, business, company, political party leh pawl hrang hrang ho thuruk hi mi zawng zawng chhiar theih turin an website ah anti chhuak thin a. Sawrkar leh pawl hrang hrang te a ti mualpho thin hle tih kan hre theuh awm e.

Nimin khan US Diplomatic Cable an tia, US Embassy khawvel hrang hrang ami ten a ram hruaitu, politics leh diplomatic thil a an ngaihdan te leh report te, ramhruaitu lu ho nena an ibiakna record tam tak a tahtawlin a tar chhuak a. A Topic langsar zual te.

1. Iran: Iran President chu Hitler a nena tehkhin ani a, Iran thenawm ram Arab ho hian USA hnenah Iran nuclear reactor bomb chhe turin nasa takin an ngen. Iran Supreme Leader Khomeini chu Cancer vei leh thi vat tur ni awmin an sawi.

2. Russia: Russian Prime Minister Putin a hi uipa sual huai an ti a, Russia President Medvedev a chu Batman a leh Robin film a Robin a ang kha ani an ti, batman (Putin) a hrualmum maimai angah an ngai. Russia sawrkar leh Mafia ho hi inzawmna thuk tak an nei a ti bawk.

3. Italy: Italian PM Berlusconi a chu tar hur, party hrat, hruaitu laktlak loh ani an ti. Berlusconi hian hmeichhe tleirawl nawhchizuar kawm a hrat hle a, a nupuiin nikum khan a then nghe nghe kha.

4. France: French President Sarkozy chu “Emperor with no clothes” an ti a, hemi awmzia chu hruaitu laktlak loh, nihna vanga in la vung ve ringawt tihna ang deuh ani chu. hriatchian zual duh chuan Hans Christian Anderson a thawnthu Emperor’s New Clothes hi chhiar ula
(more…)

Mobile phone leh hmangaihna

Tuesday, November 30th, 2010

Mobile phone chu electronic device,cellular network hmanga mobile operator te nen. . .tih duah ka han tum laklawh a, ka han inngaihtuah buai lai tak chuan rimawi engemaw rawn ri chhuak riai riai tur, rawn inpuahchah vel, beng dar la thleng pha chiah si lo, a la ri chhuak ngei dawn ani, tih hriat bawk si chuan mi rawn zar buai thut mai a. Chu rimawi chu a ring tial tial a, ka hriat tawh hnu ni tlat hian ka hre lehnghal a. Ka’n ngaithla vang vang a, ka nalh tih zawng tak hi a lo ni lehnghal a. “Inlarna ka hmu dawn a ni mai awm mang e aw…”, tia ka lo inngaihtuah rilruk lai tak chuan – ka mal bawr vel chu a rawn khur der der ta mai a!

Ka lo inrin lawk lemloh vang chuan ka han phu deuh zawk a, ka mal vel chu ka han dap a, ka dap fuh hlei thei lova. “Rannung engemaw hi ka lo ak hlauh aniang a,” tiin ka ipte chu ka han zen leh chhin a, chutah ka dap fuh ngei hian ka inhria a.  Ka han vuan a, ka kut te pawh chu a khur der der a. Rang em em maiin ka han phawrh a, ka han en chian chuan – Ka mobile phone hi alo nia. ’1 missed call- Airtel’ tih leh ’1 unread message’ tih hi a lo awm a. “A pawimawh viau ani awm mang e aw”, tiin ka han chhiar vat vat dawn a…

uy enteh lal,ne t a? Nai bn tp ce..mwahX3

tih hi alo inziak a. Han chhiar puat ka tum ngawt a, mahse Mizo tawng hi a lo ni tawp lo mai a. Ka han en vang vang thin a,”Tunge ni ang aw,” ka ti rilru a. A rawn thawntu number chu ka han en bawk a…
(more…)

Combined Post: (NLUP) & (Motor chuan man)

Tuesday, November 30th, 2010

NLUP:
Tun Sawrkar NLUP chuan a huap zau ngei mai! Autorickshaw, Ranvulh atanga Hmunphiah hmunthlengin a huam a nia… Sawrkar hian a hming hi thlak sela, NDP(New Development Policy) ti zawk se, a mipui mimir tan pawh a pawm nahawm zawk ngeiin a rinawm. Thiante u enge in ngaih ve dan le?

Motor chuan man:
Mizoram Sawrkarin Motor chuan man a tihsan avangin Maxi Cab Owners ho chu an lawm hle tih kan hre theuh awm e. Chutih laiin an demand aia rate hniam zawka Sawrkarin a pekah an lungawi thiam hi an fakawm em a, fak an phuin ka hria a ka han fak ve a ni. Anni hi Sawrkar hnathawkte pawh hian entawnin hlawh tha tak sawrkarin a siamsak ah hian lungawi taka thawh theuh tum turin kan chah duh ve mai a ni e.. kei misual hian.

Klinefelter’s Syndrome

Tuesday, November 30th, 2010

Post khat man ah mahni rilrua awm ang ang, ziak ve leh phawng mai teh ang. Tunlaiah tuai an pung tual tual a, tuai chungchang sawi chhuah changin Klinefelter’s Syndrome hi sawi chhuah a ni ve fo thin. Enge a lo nih chiah tih hi ka hriat ve dan, a chepa kai atanga chhuiin ka han sawi ve hrim hrim ang e.

Thenkhat te’n thiam taka love story ngaihnawm tak tak an ziak lai te, zantiang tawnmang, suihlunglen, phuloh Di zun, hmangaihna tih lampang thu lungkuai tak tak an ziak lai leh , Misual Charity lam pang kan khel mup mup lai hian pure science lam ka’n ziak ve daih ang e.

A thupuia luh hmain sex determination in human hi sawi zau hmasa phawt ang. Chuti lo chuan a fiah thei dawn tlat lo.

Mihring hian chromosomes 46 (pair 23) kan nei a, pair khat hi pa atanga lokal a ni a, pair khat dang leh chu nu atanga lokal a ni. Heng chromosomes te zingah hian hmeichhiana leh mipana siamtu bik an awm a, chungte chu sex chromosomes an ti. Mihringah sex chromosomes pahnih a awm a, chungte chu X leh Y chromosomes an ti. Hetah hian hmeichhia leh mipa kan inang lova, hmeichhia ah chuan X leh X a in pair a, chutih laiin mipa ah ve thung chuan X leh Y a in pair ve thung. Mipa in Y chromosome kan nei a, hmeichhia in Y chromosome an nei ve lo. Chuti anih chuan mipa ti mipa tu chu Y chromosome a ni a, hmeichhia ti hmeichhia theitu pawh X chromosome pahnih inkawp tlat te hi a ni.
(more…)

Mizoram, fimkhur rawh….

Tuesday, November 30th, 2010

via Vanglaini.

Bru koh kir leh Hmar raltlan

Kan ram atanga mahni duh thu a tlan chhuak, an in leh lo hlutna pawh cheng sang tam ni lo te’n an rawn kir leh avanga cheng sing tam an dawng hi pawi tak a ni. Kan unau duh tak, nunna avanga tuarte an ni a, a tisual lo te erawh chu an khawngaihthlak hle thung. Cheng tam tak sengin sorkarin a hruai kir a, chhawmdawlna pawh sorkarin a pe tam nangiang mai. Central sorkar thuchhuak a nih pawh ka ring.

Ngaihtuah chian ngai ta chu kum 4 or 5 (a kum zat ka hre ta mai lo) kal ta khan kan thenawm state-ah chi leh chi intihbuai avanga raltlan tam tak lo lutte hian chhuah leh an tum lo nge, sorkarin hma a la lo zawk? Mizoram khaw hrang hrangah an awm a, a bikin Kolasib District-ah an tam zual. Heng hian kan budget tam tak min eiral pui a, rukruk leh hlemhlet pawh an pawisa lo. Mi huan thlai ruk pawh an pawisa lo, thla hnih/ thum vel an awm chhung chauh pawhin zawngtah rah pawh an hawn nghal mai thei nia! An phun a nih ka ring lo (Zawngtah hian rahchhuah turin kum 3 – 4 tal a mamawh).
(more…)

Kum thar, hun thar; RUAHMANNA i siam fel tawh em?

Tuesday, November 30th, 2010

A thupui en mai chuan, a va hun lo e aw te pawh kan ti maithei. Han chhiar zel phawt teh. Kum a lo thar mai dawn, Hun tharah kan inhlangkai dawn (hun hi a danglam lo hun thar a awm thei lo tih inhnialna chhuak lo phawt se la!)

Pathian hruaina zarah dam tein kumthar chu kan thleng leh mai dawn e. He hun lo thleng mai tur atan hian ruahmanna i siamfel tawh em? Eng lam kawngah maw; e le kawng engkimah, a bikin i TU leh Fate zirna chungchangah.

A va hma ve aw kan lo ti palh ange. Kan hre theuh awm e, sikul tha a kan ngaih, phai lam a mi te phei chuan hman a hmanah admission an khar daih tawh an ti a sin. Lungmuanga thu in i tu leh fate zirna ngaihtuah hman lek lo khan i lo hmanhmawh lo ange!

Nu leh Pa leh Pi leh Pu ten kan tu leh fate tan a kan tihtheih leh investment tha tak chu an zirna chungchang ngaihtuahpui leh ruahmanna tha neih pui hi a ni. Tun a an kalna sikul kha a tha tawk em? I tlin leh phak tawk si ah khan tuna mi lo deuh kha in tum ve chhin dawn em niang. Heti lam kawngah hian NAKUM atan hian i ngaihtuahna i seng ve tawh em? Nge ni a, kumthar lamah kan la ngaihtuah ang chu i lo ti zawk. Tlai palhin i tlin leh phak ve reng si sikul tha zawka ngaih a an zir ve theih na tur chance kha i lo miss palh ange. Chutiang ruahmanna lo nei fel dim diam tawh i nih erawh chuan, ‘fing, fel, ruahmanna tha nei, hmathlir thui’ ka ti lo thei lo a che.
(more…)

Royal Gold Cup, Nagaland-a khelh mekah Mizoram chuan Final an lut

Monday, November 29th, 2010

Kohima 29-11-2010: 19th Royal Gold Cup, Kohima, Nagaland-a khelh mekah TT Football Club (Mizoram) chuan Champion lai Dimapur District Football Association chu 5-2 a hnehin ni 1 December 2010 (Nilaini)-ah Nagaland Police nen Final an khel ang.
TT Football Club (Mizoram) Team. Dt. 29-11-2010 at Kohima
TT Football Club (Mizoram) Team. Dt. 29-11-2010 at Kohima
(more…)

News update: Delhi a thil thleng chungchang…

Monday, November 29th, 2010

via NDTV.

4 detained in BPO employee gangrape case

New Delhi: Four persons have been detained in connection with the rape and abduction of a Gurgaon-based call centre employee in south Delhi with the investigators saying these people were “very relevant” to the case. The woman was a native of Mizoram.

DCP (South) H G S Dhaliwal said 15 teams were working on the case and they were looking into all possibilities. “We have detained four persons who have criminal background. The suspects are very relevant to the case… We are looking at all possibilities. The detentions are based on some inputs. There is a definite trail,” he said.

However, Dhaliwal said it was an early stage of the probe.

Read more at source: NDTV