Thla a lawn thu

October 31st, 2010 9:01 am by chhana

Kan awmna lei atanga Kms. nuai li vela hla, khawvel hnam tinte a ruala VIP bik awm lova current petu, mahnia enna nei lo chung pawha a neih ang ang midangte duhsak taka chhawrthlapui tih phu khawpa inpe Thla chu kan thleng ta a.

Thla kan thleng chu kan ni deuh huih maia. Kan kalte hi kan pen duai duai mai a. A nuihzatthlak duh hle. Lei aia a let ruk laia hipna a lo neih nep avangin hetiang hian ka ngaihtuah mai mai a:-

‘Olympic Game’ hi Thlaa khelh chu ni sela, an record chu a rura hlawm hle ang. High Jump-ah leia feet 6 zuang thei chuan Thlaah chuan feet 36 zet an zuang thei anga; leia feet 300 laia thui javelin khawh thei chuan feet 1800 laia thui a khawh thei dawn a ni. Mahse leia Kgs 60a rit chu thlaah chuan 10 Kgs chauh a ni thung dawn,’ tihte hi.

Thlaah chuan mi fate hian hotel an lo sa mup mup mai a. Hnathawktu vai Muslim-ho an rawih ve lemloh avangin anmahni architech tech-in in an lo sa ve mawp mawp maia. An hah tawngkhawng tawh tih kan hmuhin kan Mizo tlawmngaihnain kan pui ve a.

Cement-te kan chhun puia, rod-te chu an lamlian kawng dungahte chuan kan chhut ngil pui a. A zauh zelna tur ban khur, thenkhat chuan kan laihpui bawk a. Thla mah nise a lung ve hle. Chutianga a lun em avang chuan keini thawk tute paw’n hrereng chungin a lun thu kan in hrilh kan inhrilh mai a ni. Kan hotupa lokal hnenah chuan kan boss deuh bera chuan, “Sir, a lung lutuka, a buaithlak khawp mai,” a lo ti a. Kan Sir (ti ve mai ang) chuan, “Lungrala in chehin emaw, chhenia in kerin emaw, thirtianga in chhunin emaw a la khu thei em?” a tia.

Kan boss chuan, “Aw, la khu ve thei chang chang e,” a ti a. Tichuan, Sir chuan, “E!! Lungngai suh u, a la khuk tulh tulh chhung chuan a tla tawk chu a awm a ni tih hria ula, tha in seng thlawn bik lo a ni,” tiin min chhang a. Chutiang bawkin cement incharge-te leh rod incharge-te pawhin harsatna an tawk nasa ve hle.

Rin loh takin Thlaah hian chhim tawp leh hmar tawpah hian vur nawi leh tuisik nawite a lo awm teuh mai a. Thla hmar tawp a awmte hi chhim lama mi aiin a let zetin a tam zawk a ni. Thlaa tuisik awmte chu vur nawi nen a inpawlh nuai a. Thla lei nen a inhlawm khawm chual mai a ni. Thla leilung pumpuiah tuisik matric ton maktaduai za lai a awm a. Thla hmar tawpa vur awmte hian Sq Kms 50,000 lai a huam a ni. Heng Thla a vur nawi leh tuisikte hi vur nawi pai tawih chi Simeikhuin Thla a rawn sut vak atanga lo awm a ni.

Luikawr pakhat kan hmuha thil luang chuan min phawk hle. Chutah chuan thisen ni awm tak hi a kuang khatin a lo luang hum hum mai a. Kan zinga American Scientist pakhat Claudius chuan a laboratory hmanga a’n test meuh chuan mihring thisen dik tak niin, mihring thisena thil awm zawng zawngte hi an lo awm kim vek maia. Chungte chu mihring blood group chi hrang hrang A, B leh O zinga group A Positive ang chiah mai a lo nia. Mak kan ti hle.

Thla hrawl lam hi lei (Earth) hrawl lam hmun lia thena hmun khat ang chauh a nia. Chumai bakah Thla lei hi lei aiin a thawp zawk bawk a ni. Lei hi a in sawhmuk dan chu chawhrualin cubic centimeter khata gram 5.5a khin a ni a, Thla erawh chu cubic centimeter khata gram 3.3 chauhva khin a ni thung. Lei aia a tet avang leh a thawp zawk avangin hipna pawh a nei tlem a ni.

Thla orbit hi lei atang chuan 384,400Kms laia hlaa awm a ni. Teh kualin 3,476Kms laia lian a ni bawk.

Thla hian amahin enna a nei lova; Ni eng ringin a eng ve chauh a ni. Niin a chhun lam kan hmuh dan azirin a lan dan a dang thin a; hei hi ‘Phase of the Moon’ anti.

Thlathar hi Mizovi’n ‘thlamang’ kan tihah hian a intan a; thlamang lehpek thleng leh turin ni 27 leh darkar sarih a duh a ni. Kawng dangin lo sawi ta ila; Niin a chhun en loh lam, lei atanga hmu tur hian ni 27 leh darkar sarih a ngai tihna a ni.Tin, Thlain lei vawi khat a hel chhuak tihna a ni bawk. Thla leilung hi a rualrem lo hem avangin ni zung a kahlet dan a inang lova; chuvangin thla engah thil riruang ‘bungpui’ kan tih kha kan hmu ta thin a ni.

‘Thla a mang’ kan tih hian ni leh lei inkarah thla a awm a; niin a chhun loh lamin lei a ep a. Chuvangin, kan hmu thei lo ta thin a ni. Kan awmna lei a helna lamah niin a chhun chin kan hmu zau deuhva; thla de, (crescent) a tiava (half moon) leh arkaiden zan (full moon) te a lo chhuak a; hei hi ‘Waxing Moon’ an ti. Niin a chhun kha a zim telh telha; kan hmu te telh telh a; a tawpah a lo ral leh thin a; hei hi ‘Waning Moon’ an ti.

Thlaa tum hmasa ber chu Soviet Spacecraft, Luna-2 a niin kum 1959 khan an lo tum daih tawh a ni. Hei hian thla leilung thlalak a rawn thawn nghe nghe. Hetah hian mihring an tel lova; mihring tela an tumna hmasa ber chu July 20th.1969 khan Neil Armstrong leh a hote an han tum a nih kha. Anni hi ni li an cham hnuin 24th. July thla vek khan an lo kir leh a ni.

Armstrong-ate tum kha tunlai hian mi tam takin an awih lo. An awihlohna chhan ber chu hlim pakhat aia tam an neih vang kha a ni. Mahse a hmun ngeia han kal takah chuan thlain thla a neih ve lehchhawn thute kan hria a, hei vang hian ni atang chauh lo pawhin hlim a nei thei tih ka hria.

Tuifinriat fawn hlup hlup thin hi thla hipna vang a ni a, hei hi chi hnihah thenin Neap Tides leh Spring Tides an vuah. Thla hipna hian tuifawn a siam mai bakah khawvel hi a sawi (buk) thin.

Thla hian a orbit hi ni 27, darkar 7, minute’s 43 leh second khat chhungin a hel chhuak hman a ni.A kal chak zawng chu 1.022 km/s a ni.

Armstrong-ate chuanna rocket hi Apollo 11 a nia. Apollo hrim hrim hi 1963-1972 chhunga kahchhuah an ni hlawm a ni.

Thlaah hian a lum lai berin 130o C=265o (Chhun) a nih laiin, a vawh lai ber erawh chuan -110oC=-170o F l(Zan) aia vawt a ni thung.
Thla Statistics hi I lo tarlang mai mai teh ang:

Mass (kg) 7.349e+22
Mass (Earth = 1) 1.2298e-02
Equatorial radius (km) 1,737.4
Equatorial radius (Earth = 1) 2.7241e-01
Mean density (gm/cm^3) 3.34
Mean distance from Earth (km) 384,400

Rotational period (days) 27.32166
Orbital period (days) 27.32166
Average length of lunar day (days) 29.53059
Mean orbital velocity (km/sec) 1.03
Orbital eccentricity 0.0549
Tilt of axis (degrees) 1.5424

Orbital inclination (degrees) 5.1454
Equatorial surface gravity (m/sec^2) 1.62
Equatorial escape velocity (km/sec) 2.38
Visual geometric albedo 0.12

Magnitude (Vo) -12.74
Mean surface temperature (day) 107°C
Mean surface temperature (night) -153°C
Maximum surface temperature 123°C
Minimum surface temperature -233°C

Thla eng lawm hian mi tamtak kan hmanhlel thin. Keipawh tumkhat chu ka thianpate nen kan lawm ve alawm le. Kan lawm han ti ila, full moon chhuanlamin ka thianpa hian a bialnu nena an inkar buai min chinfel tir tura min duh vang a ni mah awm e. Republic Vengah a nia, tukverh parda phena kan ti ti tlat avangin in neitunu chuan kan inngaizawng emaw tiin koh pawh min ko lovin kan eitur leite chu amahin buai tak chungin a lo siam vek mai a.

A puih pawh kan puih ve tak si loh avangin a zahthlak angreng zawk hle. A peih vek hnuin ei turin min rawn ko chauh kha a ni a. He mi zan hian ka chingfel thei nghe nghe. Ka thianpain hemi avanga lawmthu tawngkam khat pawha a sawi lo chu tun thleng hian ka thin a la rim.

Thingtlang khaw thenkhatah phei chuan tingtang perh mi nen hlim takin kan zai ho dal dal thin. Krismass a hnaih tawh phei chuan Bethlehem ngaihtuah chungin kan zai a, lung a lengin kan hlim hle thin a nih kha.

Thenkhatin lehkha a chhiar theih ringin pawnlerah chhiar tur an keng chhuak a, an chhiar mai. Kei chuan ka mit a that vak loh avangin ka chhiar thei lem lo.

Pu Hawla leh a hote’n NLUP an sem tum khan(1996) keini paw’n bawng trade kha kan thlan ve avangin tumkhat chu bawng lain Shillong-ah ka zu kal vea. Full Moon laia kan hawn avangin driver chuan light ti thimin a a tlan chhin a, engemaw chen chu a tlan theih a ni. Mahse light chhi lova tlan reng mai chu man a hlauhawm avang leh light chhit paha thla eng rin bawk chu a en dan a thuahhnih avangin light chu a chhi leh thuai thova.

Aizawlah chuan kan thar chhuah ni lo mahse inchhung leh khawlai en tur na na na chu thenawm State-ten min sihchhuah theih ve avangin thla eng lawm a ngai tehchiam lo.

Thenawmte ring lova eng kan neih ve theih hun a nghahhlelh awm ngawt mai. Hydel Project ngaipawimawh bera ngaih Pu Thena leh a hote lah hi an lal lehin a rinawm tawh si lo.

Thla bial zante kan lawm thin. Thla bial chhante, a mang chhante leh se ki niawm taka a lan chhante ka ngaihtuah chang chuan kan awmna leiin kawng ro a sut nasat zia ka ngaihtuaha. Chubakah ‘thla awklem’ kan tihte pawh. Ni leh thla inkarah kan awm vang mai a lo ni. Chutiang bawkin ni awklem pawh. Thla leh lei inkara a awm vang mai a nia. Ni hi chuan awmhmun a sawn lo hrim hrima, lei leh thla hian awmhmun sawn zar zar chungin kan vir zawk zawk mai a ni.

Ni hi chhuna chhuak tura ngaih a nia (ni chhuah vanga chhun a ni reng sia.), chutiang bawkin thla pawh zana chhuak tura ngaih a ni. Mahse ni a tlak chian hmaa thla lo lan tak pawh a awm zauh zauh tho mai. Duty inthlak tur a lokal hma deuh pawh a ni mahna.

‘Thla atang hian leia thil awm hmuhtheih chu Great Wall of China chiah hi a ni’ an ti thin. Ka lo awih meuh lo thina, mahse a tak ngeia han thlir takah chuan a lo lang chiang phian mai.

Tumkhat chu ni/thla chhuak ang mai hian khawchhak lam(ni turah ka ngai rawk) atang hian engemawni rawn chhuak hi ka hmu a; tumdanga ka la hmuh ngailoh a nih avangin kan hotupa hnenah chuan ka zawt a; a ni chuan kan awmna lei a nih thuin min chhang. Mak ka ti kher mai. Aryan-te awmna leh New Zeland lam ni awm tak pawh ka hmu nghe nghe.

Similar Posts:

Recent Posts:

32 Responses to “Thla a lawn thu”

  1. 1
    Zephenath Says:

    Va thui ang reng ve… ngaihnawm hmel tlat.. nakinah chhiar ang.

    Chhana hi Thla-ah te i han lawn tawh bik a ni maw?…. Mizo zinga Thla-a lawn hmasa ber (first) i ni em aw??? :lol: :roll: :mrgreen:

    Moon Mission chungchangah hian Russia leh USA te kha an lo in el nasa hle mai tih hmanni ka thil hmuh atangin ka hre thar leh zual… (a pics chu upload lo mai teh ang..) :)

    Report this comment

  2. 2
    ainawn Says:

    chhiar hmain phawt2…

    Report this comment

  3. 3
    loneeagle26016 Says:

    Thu tak2 emaw tih laiin… i van taimazawk vee ! :D

    Report this comment

  4. 4
    littlerascal Says:

    kan chhiar ange

    Report this comment

  5. 5
    Vitamin_C Says:

    A ngaihnawm ve phian chu le :-D

    Report this comment

  6. 6
    ainawn Says:

    Tuarpuii Thlawhna chuang chuan Mari te ho kha vanah an lo fawr vel a.Jacoba khan pheikhawk chhe siamna dawr a lo hawng’, te a han hmu asin.

    Chhana chu engnge i hmuh ve aw :lol:

    I post tha in a bengvar thlak e.

    Report this comment

  7. 7
    ma-a Says:

    Thawkhat lai khan local channel ah khan thla a American ho han lawn kha inbumna mai2 a nih zia leh an lawn tak2 loh zia mithiam thenkhat ngaihdan an rawn chhuah chiam kha mawle!A lo mak thei ngeiii mai… :roll:
    ‘Thla atang hian leia thil awm hmuhtheih chu Great Wall of China chiah hi a ni’
    He thu hi China naupang zirlai bu tam tak ah telh a ni a,mahse chinese astronaut ngei te khan great wall of china an hmuh loh thu an sawi ang reng bawk si a :?:

    Report this comment

  8. 8
    Rempuii bAkcheH Says:

    Chhan, a hma ami ai khan hei chu a ngaihnawm fe! Good one!

    Report this comment

  9. 9
    Rempuii bAkcheH Says:

    Loks…Hei hi la chhiarlo in awm chuan chhiar ngei teh u-
    Thla a lawn Neil Armstrong te kha an let leh thei ngei dawn em hriat a nilo a, President Nixon a lyricist/speechwriter William Saffire chuan thla a an boral mai takah tih thu ah hei hi President chhiarchhuah turin a ziak a ni. Very touching-
    hetah chhiar rawh le

    Report this comment

  10. 10
    Rempuii bAkcheH Says:

    http://www.thorschrock.com/200.....es-nation/

    Report this comment

  11. 11
    CFL Says:

    Hmanni Assam-a lokal astronout te kha chuan Thla atangin Brahmaputra lui an hmuh chian em em thu an sawi kha maw le!

    Report this comment

  12. 12
    Rempuii bAkcheH Says:

    @pu CFL, ka oih lo..? Inkhom rawh..?

    Report this comment

  13. 13
    ZerO Says:

    Thla ah a lawn tak tak emaw tia. :D

    Report this comment

  14. 14
    chhana Says:

    Ka lawn tak tak hi. I la awih na cheu nge? ha ha :-)

    Report this comment

  15. 15
    KT Says:

    lawn ve ka van chak :cry: :cry: . lawn dan tur min hrilh thei angem leh?.
    mahse, pawisa leh thiamna ka nei veh silo. LAWN DAWN IN I PHUR VE EM?, engtik khan nge iloh lawn leh hman ni!!? :lol:

    Report this comment

  16. 16
    RosangaD Says:

    Keipawh thla a ka lawn hun chuan tlawng lui ka zawng ve dawn :mrgreen:

    Report this comment

  17. 17
    CFL Says:

    @12, Rempy, min pu tawh suh. Tlangval hnahkhat ngat ka la nih hi. Ka star hle mai che a nia. lol.
    Dar 11:30 am atangin kan inkhawm ve thin hetah chuan.
    @ Tak tak asin, brahmaputra lui an hmuh thu an sawi ngei e.

    Report this comment

  18. 18
    mr.Duhlova Says:

    He..he..he.. Thla a kan lawn ve lai min ti hre chhuak dawn a lawm le…phuah ngaihnawm hle mai.

    Report this comment

  19. 19
    Rempuii bAkcheH Says:

    @ Tv. CFL, tihpalh takzet. I thlalakah chuan i chal te chu a thui hmel tawh em a, :mrgreen: ka han pu risk che a nih kha.
    Thupha chawi nan marble pathum leh ka rawmung khoilai pakhat hi aww… :(

    Report this comment

  20. 20
    apatea Says:

    off topic

    I dont know bout you guys, but the extra dots in the site’s sub-header “we’re five now….whateva…..” is an eye-sore.

    Can we change it to “we’re five now… whateva…”. Ive always seen only three dots in this kind of pauses.

    whateva…

    Report this comment

  21. 21
    chhak-chhuak Says:

    ngaihnawm kher mai…a stats erawh khi chu ka chhiar ta lo…mit a ti hah duh ltk a…

    Report this comment

  22. 22
    chawnghilh Says:

    Sea of Tranquility-a Apollo 11 a han tum chanchin te hian ka lung a tileng a. Neil Arstrong-a thu sawi an ziak ka chhiar —ka la vawn reng thin chu, “I smoke cigar once a month, sometimes I forget,” a tih a ni. Tuipuia an rawn tum letna capsule leh floats kha ka mit ngeiin ka hmu ve tawh. Ani kha Eagle Scout tling phak a ni a. Scout emblem hi thlaah a zinpui a, a rawn hawnpui leh a. Khawvel Pawl chhinchhiahna logo-ah chuan Scout Logo hi zin hla bera sawi a ni bawk. Tunah chuan Switzerland-ah chu logo chu vawn that a ni tawh. Aldrin-a hian an zin chanchin a ziak ngaihnawm a. Collins leh Armstrong hi ka rin ai daihin an thawm a dai!

    Report this comment

  23. 23
    Maisek Says:

    Mizo zinga thla a lawn hmasa ber i nih dawn hi!

    Report this comment

  24. 24
    caribou Says:

    Data kimchang nen thlap, i post tha khawp mai.

    Report this comment

  25. 25
    apatea Says:

    Ka lo chhiar chiang lemlo a, ngaihnawm hle mai.

    Mizo te zingah chuan i thleng hla ber ciangin ka ring a. Fapa neih paw’n ramfangzauva tih ngei ngai dawn nih hi :lol:

    jokes apart, Congrats!!

    Report this comment

  26. 26
    apatea Says:

    @Chhana, thil in zawt mai mai ila. Hotel hi Starbright lo kha a dang a awm tawh em?

    Report this comment

  27. 27
    apatea Says:

    Haha, i feel so silly right now… Kal tak tak maw tih chu le…

    Report this comment

  28. 28
    D_auachwgthu Says:

    In rawn kal tum khan ka tum aiin in cham rei lo a, a lehpekah chuan rei deuh hlek in lo cham tawh dawn nia, Arpui tui lai ka lo talh sak ang che u. :P

    Report this comment

  29. 29
    chhana Says:

    D_auachwgthu@ nia kan lo kal tum khan thlen in kan van angreng khawp mai a. Nia, chutia min lo thlen duh dawn phawt chuan kumthar lamah ka lo kal leh dawn nia. :lol:
    apatea@ kan kal laia an lo siam kha chu tuna i sawi hi a ni a; kal lohna a rei leh ta a; a dang an sak tawh leh tawh loh ka hre hauh lo mai. :P

    Report this comment

  30. 30
    chhana Says:

    Back to top in siam thar hi a va tha ve. Ka hre ve chiah. Uaduhi nge nge, i hmelthat ang angin i fing bawk a nih hi.

    Report this comment

  31. 31
    aduhi Says:

    lol chhana ka dah a ni leuh, pu Goldmember-a dah a nih hi

    Report this comment

  32. 32
    Darwin hp Says:

    In lawnna hi Moon a ni reng reng hleinem!!! Kristian Vanram kawngzawh emaw ka tia i mumang leh inlarna hmuh i rawn tarlang ni berin ka hre tlat pek a nih chu!!! A ngaihnawm phian..–Fairy tale chu ni chiah lo mah se thawnthu ngaihnawm tak chu a ni ve reng reng e—–!!

    Report this comment