Kan khaw thla eng

October 31st, 2010 10:42 pm by malsta27

Engin nge min mawlh ka hrelo, Ram lam hna avanga taksa chauh vangin  mut ka tin tuah vel mek a, chutihlai ngei mai chuan a ni CHHAWRTHLAPUI nge kan tih anga, CHHAWRLOHTHLAPUI  kan  ti zawk  dawn?

Thlir  nuam tawk/mit  zawl tawk  velin  a dinhmun a han in siam rem a, Ni eng atanga a eng hmuh ngei mai  chu ringtu nundan tur diktak ni mai awma mawi hian a enna thla a han zar chhuak ta chu, kan khaw in zahnih vel lek di chih in chung te, leh kan tual chaina ve ber  leh chhuahka  zawng zawng te chu suan chhun thar anga var dai dek dawk hian a rawn chhun ta mai pek a lawm le. keini ang val lungmawl  lairil ve zawng a ti hrilhhai thei ngei mai.

Kei a tihngaihna hrelo thinrim angreng bawk si chuan luhkaah thuthmun ka han rem tha ang sauh sauh a, ka han thlir ta mai pek alawm le.  Kan kawtzawl a seki/sazuk ki kan han tar te lah chu Lemziak thiam ten a an ziah ai a mawi mah hian a  thla a han siam sak zui a, chutah ka han thlir thla zel a, sipai camp-a nilo tih hriat fahran mai a Dap-in chung in zawn lo tak tak mai, mahse  kawngka in hawi  tawn far maite  chuan kan khaw inlungrualna  leh sa tlak tum leh ral hmaah pawha  kut insuih thin kan nihna te chu a rawn pho chhuak thar leh ta ni ber  hian ka hria .

Chutah ka han thlir thla zel a, zawlbuk kawta rawlthar rual, Val upa titi ngaithla a an thukual pap mai te,a then ka ho mai lai te  chu an meiling ai eng atang te chuan ka zuk hmu ta zel a. kan tualchaina kawt thler  thla  mihring chenna hmun tih hriat tak mai, hnim to hleihtheih  lohna  khopa bel toh chu,  chu thla eng chuan a rawng a rawn thlak ta vek mai emaw tih tur hian an eng ta sur mai te hian ka hria…..hmun thenkhat  lai, hnim to-na hmun  thenkhatah lah chuan kan Lal khawnbawl  Upa min bawng rual te chuan ka chaw ka hmu e, ti ni awm tak hian bawk  chungin an lo in Bu-khum ve mek bawk a. 

Chutih lai tak mai chuan a ni, ral leh lam atangin chhimbuk  leh sihal ten ka lung a leng zawk  ti ni awm tak hian , Pathian in aw mawi danglam tak mai a pek te hmang chuan an rawn in-chhawn tak ni . Chutah kawthler dang kan neih chhun thlir turin ka han hawisawn a, chhemdam thli tih hriat tak mai chuan Bawng ek , kel  ek, hnim leh lei rim in chawhpawlh ngei mai, tuipuiral mi te’n an chhuan tawlawl mihring atanga rimtui an siam chhuah ai maha  rimtui ni awm hian ka hnar a rawn verh ve leh ta zak mai, kan han thlir phei a, in pakhat atang chuan sathau khawnvar eng tih hriat tak mai dap tah awng atang chuan  a rawn eng chhuak sung mai a, chu ngei mai chu a ni, kan khaw  nula hmeltha  te run chu. A rimtu te thawm ri laih laih leh a piah  lawk a kukulele ri tang tang mai karah chuan leng haw ar a rawn khuang ta al al mai a, chumi chuan lung a ti hnur nge kan tih anga, lung a ti zur? Sawi ngaihna ka va hre mai love thu thiam tak nih a hla thu ten  a hril tak ka nap. Ruahtham loh tih khawpa thu ziah thiam ve chakna te zawngin chil a ti put tih mai loh zawng tih ngaihna tak pawh a vang e.

Similar Posts:

Recent Posts:

84 Responses to “Kan khaw thla eng”

Pages: « 1 [2] Show All

  1. 51
    PimPom Says:

    Lung aleng mai dawn alawm mawle

    Report this comment

  2. 52
    evergreen Says:

    A post tu a va zahawm ve..

    Report this comment

  3. 53
    Lalrindika Says:

    Phek thar ka hawng dawn amaw ka tia in va rang hlawm pim pom ve.. :mrgreen:

    Report this comment

  4. 54
    Rempuii bAkcheH Says:

    Hetah pawh phek thar min khalh.. Goshh!
    Pawi miah leu, a hnuai deuh atang hian thla eng chu ka han chhoh thlir vawng2 a…khi thla eng tho khi mualza tam dan a tu emawni chuan a lo thlir ve reng awm sia… A sakhming mr.bean.. :mrgreen:

    Report this comment

  5. 55
    D_auachwgthu Says:

    Ningawt mai, in OT luih luih ringawta, in comment naah khan THla (moon) tih tal chhu tel zel tawh raw uuuuu :P

    Report this comment

  6. 56
    PimPom Says:

    #53 :lol: :roll: :P :oops: :cry: :lol: 8O :o :D :-) :? :mrgreen:

    Report this comment

  7. 57
    bucko Says:

    Hetssss… OT awih tawh loh ka tih kha… Cyber..a paw’n min thlawp tih ka hria… zan dang thla eng aiin zanin thla eng hi a eng bik in a nuam bik tlat… Cyber-a zia a chhuak tan reng a nia….. thla eng lawm hi zawng…… :D

    Report this comment

  8. 58
    kawlnicolney Says:

    kartir leh kar tawp hian premiere leaque update hi post awm ziah mai mai se Admin lam tangin,han titi khawm nan a remchang mai mai long mo te ka ti

    Report this comment

  9. 59
    CyberThug Says:

    A posttupa pawh hi a rawn lang leh ngut pawn ka ring love a…

    Report this comment

  10. 60
    Bridconn Says:

    CHHAWRLOHTHLAPUI chu ti tehlul love. Thla hi han awmlo ta thut sela khawvel hyn ni leh planet dangte hi a su bur2 mai awm si a. Orbit mumal khawvel hyn a zawh thei lo vang. Hrim2in, thla eng h chu zofate tan chuan a hlu eeem ani…

    Report this comment

  11. 61
    evergreen Says:

    @A post tupa
    I tehkhin thu hman ho hi a nalh dangdai hle mai…”suan chhun thar anga var dai dek dawk”…tih te hi i ngaihtuah chhuak nalh lutuk tlat…

    Ka lung i ti leng…….ziak zel rawh!!

    Report this comment

  12. 62
    aduhi Says:

    The Moon,the stars and me – Dolly Parton hi ka lo thlang e.

    http://www.youtube.com/watch?v=qw133DM1f18

    Kan naupan lai, kum 8 vel ka niang, zankhat chu thla hi a eng em em mai a, kan thenawmte inchungah kan thu a, Mickey Mouse comics hi ka chhiar, ka la hrereng.

    Report this comment

  13. 63
    bucko Says:

    #59…. A ni tak… post tupa a bo daih a nih hiiiiii…. OT pawh a zia deuh phah em aw?????

    Mahse thla mang lai hi chuan a eng mawh teh a sin… :OOO…. Smileys an bo leh diak tawh:

    Report this comment

  14. 64
    bucko Says:

    @Aduh… vawi khat chiah ka’n OT leh lawkssss….

    Mi5ual phek thar a ka duh ber te chu mawm….

    A hnuai a nui lai lem awm leh dinglam kila BACK to TOP tih awm hi a ni….. :lol: :lol: :oops: :oops: :oops: :oops:

    Report this comment

  15. 65
    PimPom Says:

    @evergreen: He lai thu pawh hi a nalhin, hmanlai Mizo khaw awm dan a hrilhfiah mawiin an insak dan thlengina rawn hrilhfiah hi a thu hausakna lai a ni ve bawkin ka hria.

    “sipai camp-a nilo tih hriat fahran mai a Dap-in chung in zawn lo tak tak mai, mahse kawngka in hawi tawn far maite chuan kan khaw inlungrualna leh sa tlak tum leh ral hmaah pawha kut insuih thin kan nihna te chu a rawn pho chhuak thar leh ta ni ber hian ka hria .”

    Report this comment

  16. 66
    Lalrindika Says:

    @aduhi..mizo version pawn a awm leh toh kha hla kha.. :D
    lunglen hi chu nuam eeee a hreom :mrgreen:

    Report this comment

  17. 67
    Rempuii bAkcheH Says:

    Hmanlai sawi takah tho tho chuan, nula te khan, eng makeup nge an hman ve thin ang le? Thlasikah phei chuan an vun a ro ve tho awm sia.. :roll:

    Report this comment

  18. 68
    CyberThug Says:

    Suan chhun hi a var ngailo, suan rawng ang hian a awm zawk thin alawm.. Chuan a dai ngailo bawk. Sa tak ani sa tak, suan chhun hlimin min per tawh alawm

    Report this comment

  19. 69
    aduhi Says:

    @Lalrindika – Zosangliani hla-
    Chung chhawrthlapui leh siar leng zawng te khian
    I tiamthu zawng kha min hriatpui ve asin
    Aw tunah thenna biahthu min hlan ta si
    A ngaihna ka va han hrelo em

    Thla eng hi chuan mihring hi min khawih chingchivet vel vek ani ber

    Report this comment

  20. 70
    evergreen Says:

    @ pimpom
    Keipawh khi lai khi nalh ka ti khawp mai.

    “sipai camp-a nilo tih hriat fahran mai…..mahse kawngka in hawi tawn far maite chuan…..”

    A tehkhin thu hman khi tunlai tawng takin a COMMON lo. Mahse, i inhmeh/awmang leh thlap reuh si…

    Report this comment

  21. 71
    ngente Says:

    @ in vaiin, pawn ah ka chhuak chhin a kan khuaah chuan a eng ve miah lo mawle, in eng bik lo ang hman ni zan a mi kha ni lo maw :P :mrgreen:

    Report this comment

  22. 72
    Ozima Says:

    A ziaktupa ka lunglen iti zual dawn a i post pawh ka rawn comment ngamlo :D

    @CyberThug: ka thian, a sat lutuk pelh tawh si lai kha a rawn sawi a niang. var deuh a sin, zanthla eng hnuaiah lenlung chhun thar kan han deng parh dang mai chu(h), sangha kan khuh ta teuh emaw tih tur hian a var de noh noh mai a sin. pure lead hi chu a uk deuh hlek a, zinc a tel tam phei chuan a tle vur thei.

    Report this comment

  23. 73
    PimPom Says:

    Kei pawh thla reng reng ka hmulo zanin chu!!!! :lol:

    Report this comment

  24. 74
    PimPom Says:

    Ni e, CyberThug zanah suan ha chhung chhin teh, light in a chhun phakah thim zingah i dah a nih loh chuan alo lang var tle sut mai ang.

    Report this comment

  25. 75
    Rempuii bAkcheH Says:

    Tichuan midang an mut reh tak vek hnu chuan, thawm dim takin bathlar ah ka chhuak a, van boruak thiang tak leh arsi de neuh neuh thlir reng chungin, thla eng hnuaiah chuan ka thru ngawi ta reng a…
    ”The silence isn’t so bad,
    till i look at my hands
    and feel sad,
    ’cause the spaces between my fingers
    are right where yours fit perfectly..
    but drenched in Vanilla twilight,
    i’ll sit on the front porch all night,
    waist-deep in thought, because
    when i think of you,
    i don’t feel so alone..
    I don’t feel so alone..”
    sniff..sob..sob.. :”(

    Report this comment

  26. 76
    Ultraviolet Says:

    Thla eng in lawm maw tih nak laiin inlo in OT siak ni maw..#58 kawlnicolney, ka thlawp che.

    Ziak ngaihnawm reuh zek. Ka room tang hian thla eng chiang thei ltk…

    Report this comment

  27. 77
    Benny Says:

    Zawlbuk pawh chuh, tlangvalho an va tam awm ve. Thla mang lai pawn an hmuh theih suau suau mai maw!

    Thla aw eng eng…

    Report this comment

  28. 78
    Maisek Says:

    Malsta27, i ziak lunglen thlak hle mai! thuziak ka thiam lo i ti a, mahse, i ziah thiam nasat hi! ziak zel teh khai! :D

    Report this comment

  29. 79
    CyberThug Says:

    Khai a, a ziah hunlai hi hmanlai viau niawmin alang a, zawlbuk te alang tel a, sa tla leh ral hmaa kan pipute buai thin lai hun ziak si hian sathaukhawnvar (mombati?) te an nei tawh ani maw? Mak thei ngei mai

    chu ngei mai chu a ni, kan khaw nula hmeltha te run chu.@post

    ‘Run’ tih hi poetical word ania, prose ah hetiang mai maia thuziah tihlungrun tum avanga hman tur anilo…

    Report this comment

  30. 80
    shailendra Says:

    in khaw thla eng chu a picture tello pawh in ava han lunglen thlak ve le…

    Report this comment

  31. 81
    malsta27 Says:

    Lolzzzz……….Zo trek2 chu ngai theilo fe2 chu an awm maw hahahahaha

    Report this comment

  32. 82
    ZerO Says:

    In khua-ah zawlbuk te a la awm bik bik… :?:

    Report this comment

  33. 83
    DXBFreak Says:

    #60 Bridconn, i Mizo tawng ziah dan ah fimkhur deuh teh, chhiar iti hah thlak, thin i ti rim deuh reuh bawk…

    Malsta27, I ziak ngaihnawm khawp mai

    Report this comment

  34. 84
    malsta27 Says:

    @82: awm se ka ti :P

    Report this comment

Pages: « 1 [2] Show All

Leave a Reply

You must be logged in to post a comment.