Chun leh Zua te

October 31st, 2010 3:30 pm by Grey_RM

Zantiang tawnmang ah chun leh zua tawng e.
An hmangaihna chuai ngailo chuan min lo chhawn a.
Kei Lungmawl hian an hlutna ka hre seng lo.
Ka tana an thlantui luang leh an rilru sen zawng te.
Engtikah tak hrezo i maw?

Ka tan ti an chan ai chan tha min chan tir dan te
An neih zawng pawh ka tan an ui loh dan te.
Ka tana an tawngtaina zawng zawng te hi.
An hlutna hre zo lo mah ila heng hian min thlamuan thin.

Theih changes an tan thilropui tih ve ka nuam ngei e.
Hringnun dan ah tar hun a awma thih hun a awm thin.
Ka par zu dawn hman lovin mual an liam ang tih ka va hlau thin em!
Tunah an tan thilropui ti thei hrih lo mahila.

An rilru chauh erawh tihnat tumlo tang e.
An ni aia hlu midang reng he khawvel ah ka nei si lo.
An tana thil ropui titur erawh chuan
Tun atanga thawh nghal a ngai tih ka hria e

Similar Posts:

Recent Posts:

19 Responses to “Chun leh Zua te”

  1. 1
    DXBFreak Says:

    Hei hi hla ami?

    Report this comment

  2. 2
    Ku Muanga Says:

    A tha, a tha… A mawi a, a thu ken a ril bawk.

    Report this comment

  3. 3
    Rempuii bAkcheH Says:

    …chuvangin kan zirlai te hlawhtling ngei turin i bei ang u!
    Good post.

    Report this comment

  4. 4
    Maisek Says:

    Kan chun leh zua te hi i chawmawi zel ang u! kan tan an hlu chuang si a!

    Report this comment

  5. 5
    PimPom Says:

    “An rilru chauh erawh tihnat tumlo tang e.
    An ni aia hlu midang reng he khawvel ah ka nei si lo.
    An tana thil ropui titur erawh chuan
    Tun atanga thawh nghal a ngai tih ka hria e”

    He lai thu hi a pawimawh lehzual ang. Tunlai thalai tam takte hi chuan an Nu leh Pa te hi an van ti khawngaihthlak thin em aw…!! Nu leh pa te hian min awmpui loh chiah hian an hlutna hi kan hre dawn chauh alo ni thin. Chuvangin min dampui chhung ngei hian an tan thil tih tam luat a awmlo ang.

    Report this comment

  6. 6
    muantea Says:

    Hla thu zirtir nei tha tak a ni e.

    Report this comment

  7. 7
    Dolerich Says:

    An mitin thil mawi a la hmuh theih lai te, an kain thil tui a la hriat ve lai te hian thil mawi an tihzawng hi neihtir thei ila, an duhzawngte pawh hlui thei ila fa hrin man awm lo zawng kan ni bik lovang. Motivate-tu a awm ka ring hle mai.

    Report this comment

  8. 8
    bucko Says:

    Post tupa…. nangma kamchhuak nge a nih mi thu i rawn post tih hriat ka chak tlat mai pek chu le……..

    A thu a tha a, hla (thluk nei )a nih loh paw’n Poetry an tih ang tal a ni ngei ang…..

    Report this comment

  9. 9
    CFL Says:

    Ka va ngaihlu tehrêng em!

    Report this comment

  10. 10
    ainawn Says:

    Nu leh Pa lam sawi hi chuan ka ngai thei lutuk.Ka hnuk i ti ulh tep a lawm, Post tu pa…

    Report this comment

  11. 11
    D_auachwgthu Says:

    Nu leh Pa te hi an lo va han hlu em.

    Report this comment

  12. 12
    D_auachwgthu Says:

    Number kawp kim lo hi ka ten riau, sawm pahnih law law teh ang. :lol: :lol:

    Report this comment

  13. 13
    paeia Says:

    Hetiang hian 1997 khan ka remkhawm ve a:
    (abba,cddc….)
    KA CHUNNU LEH ZUAPA

    In hlu mange ka chunnu leh zuapa,
    Awmlo ata awma min din vangte;
    Chawia dawma min chawm seilen dante,
    Ka rul seng hlei lawng e, chunnu zuapa:
    Neihro sum leh pai thlahlel thei lovin,
    Ka tan in ei leh in ai min zuahsak;
    Neihlung khawngin tha leh zung min sensak,
    Theihtawp in chhuah ka tan rilru sengin:
    Thenrual laka ka hnufum bik hlauvin,
    Thiam tin zirna buk hmun min belhtir;
    Hmatiang ka sawn ve nan raltiang in thlir,
    Ka tan entawn tlaka in nun vangin,
    Nunkawng dik lam min kawhhmuh a lo ni,
    Chun dang zua dang aia faktlak in ni.

    Report this comment

  14. 14
    Ozima Says:

    #13 (abba,cddc….) hetiang in rawn dah ve ziah hi enge a, solfa tlem ka hriaa, chuchu a ni silo. codeword a mi?

    Report this comment

  15. 15
    Rempuii bAkcheH Says:

    Yay! Comment a la lut tlem tlat! Tinge? Nu leh pa neilo kan awm silo aa? An pawm lutuk vang a niang..?
    @ozima.. Rhyming pattern an ti em aw?

    Report this comment

  16. 16
    paeia Says:

    Zawlaidi lamah an comment chur chur a, helam chu a reh tlawk tlawk mai. Nu leh pa aiin Zawlaidi a pawimawh zawk a ni maw :oops:

    Report this comment

  17. 17
    bucko Says:

    #16… Tun darkar atan chuan….. a nih mai hi maw….

    Report this comment

  18. 18
    Bridconn Says:

    kan lei hmuhtheih Pathiante an ni a, an hlu em ani. I poem ziah poh h a tha v reng.. Keep it up..

    Report this comment

  19. 19
    zodinthara Says:

    @bucko nih ve kan hostel awm ve laia mumanag Ka nu te hmu lungleng deuhin kan ziak ve thla rawk nih hi..

    Report this comment