Chiahpuam leh a kaihhnawihte

October 6th, 2010 5:37 pm by hming_a

Mizoramah khan chiahpuam kha a lar hle mai a. Midang tana thalo leh sual, mahni chan a nih chuan sual lem lo a nih ve hmel a, tunlai kan ram a kan thil thlir dan tlangpui in.

Chiahpuam kaih hnawih mahse chiahpuam ni lem lo ka han sawi duh a chu, chiahpuam lar lai khan nikhat chu Kawltheihuanah car ka sil tir a, hun ka ngah bawk a, ka ti a, ka hmanhmawh vak lem lo a. Siltur a tam bawk a, ka thu rei ang reng khawp mai a. Chutia ka nghah lai chuan, a siltu then khat chawlh pah a rawn thu ho chu ka lo titi pui a. An pawisa thawhchhuah tlemte chu LIC ah an dah ve a tih te an sawi a, an sawi zelna ah chuan, chu LIC agent an veng bul hnai a mi tho chuan kar tin hian an pawisa dah chu a rawn khawn thin a ni awm a, thla engemaw zah an dah hnu chuan chu agent chu Chiahpuam case avang chuan a buai ve ta a.

An han chhui chiang a, an pawisa dah pawh chu chiahpuamah chuan a lo dah vek mai a, an lungawilo hle mai a. Mahse Mizo tih dan takin, a nih tur a nih zawh tawh chuan eng tin nge kan tih chuan ang an ti mai a. An khawngaih thlak hle mai, then khat chu pocket money atana thawk an awm a, thenkhat ereawh chu fahrah mahnia inchawm ve te an ni a, nakin hun thlir lawkin an pawisa an khawl ve chu an lo ei zawh sak vek mai a, a ti tute lah chu vuak vawi khat pawh an tawk bawk si lo va. Kut an thlak lo chu an zaidam ka ti kawp mai.

Heta ka han hmuhchhuah tak chu

  1. Mizote hi kan beng var viau mai a (technology, fashion, etc.), mahse kan mamawh tak hi kan hre thelh leh tlat thin. Pawisa dah tute hian a nachang chu hria se, a receipt an lo kawl ve mai tur a ni a, mahse a agent lahin a pe chhuak lo a, anni lahin dilna chang an lo hre bawk si lova. Khawpui lianah a nih loh hi chuan cheque te hi kan lo chelek vak bawk si lova.
  2. Thil chik mi kan ni lem lo. A agent kha a license te en sak tur a ni a, mahse an lo en lem lo a, chuvang chuan hrem theih  a nih leh nih loh LIC atangin a finfiah theih tlat loh.
  3. India rama hnam dang te hi chu a tlangpuiin pawisa chungchangah chuan an hawi zau a, hemi chungchangah pawh hian ka han zawt vel a, an mi chhanna chu LIC atangin an hrem theih a, a nih loh chuan Insurance Regulatory and Development Authority atangin an license cancel theih. An hming kha IRDA ah an address leh an license number nen khan report mai tur a ni.

LIC agent nia insawi Mizo tam tak hian mahni Mizo puite hi an bum hreh hauh lo mai a, mahni Mizo puite hma ngaiin Insurance leh Medi-claim policy te hi kan media lam te hian thahnem ngai deuh hlek a mipui te zirtir hi i uar hram ang u. Kan sawrkar ina Health Scheme Policy a lei te pawh hi, a scheme hi hriat chian a va tha ve, a hrechiang deuh te kan awm em?

Similar Posts:

Recent Posts:

24 Responses to “Chiahpuam leh a kaihhnawihte”

  1. 1
    2STATES Says:

    Chiahpuamah khan a dah HMASA kha an hlawk maw kha?

    Report this comment

  2. 2
    zualbonez Says:

    Pu lily , discussion han open teh

    Report this comment

  3. 3
    coolsoul09 Says:

    Chiahpuam hi an la chhui em aw? A agent-ho, sum peipung nasa tak tak, man tawk lem lo, Guwahati vela Bank Account hawng te pawh an awm mai thei a sin! Hlawkpui zawng an thahnem khawp mai..a reh leh hmiah sia..

    Inngaihdam ringawt pawh hi..a ni ber lo. Ka dah ve lo hlauh a. Dah ve ni ta ila..ka tal hiar viau ang.

    Report this comment

  4. 4
    CyberThug Says:

    Chiahpuam chungchang bawk maw? Tunah pawh hian a ruk te chuan ala kal rengin ania ka rin ni… Sawrkar sum leh kohhran sum a ruka lo dahtute phei kha chu hremtlak ngawih ngawih anni. :twisted:

    Report this comment

  5. 5
    2STATES Says:

    Hei hi ka sawi ang:

    Chiahpuam kha thil tha lo tak a ni. Inbumna a ni! Mahni mihring pui te meng reng bum tumna a ni. A tichhuaktu chu fing leh remhria a inti viau ang, tin mahni pawh a inthiamchawp a ni mahna. Dan in ro a rel anga, eng tin tin emaw pawh thiam ang chang maithei a ni.

    Pathian erawh in engkim a hria, an phutawkin a hrem ang, a hrem mek, a hrem zel dawn. Hei hi chu thil chiangsa a ni. Chiahpuama sum dah chingpen te khan phuba lak lam ngaihtuah reng reng suh u, Phuba chu Lalpa chanvo a ni. In duhdan leh suangtuah phak bakah khan Pathian in diklo taka titu te chu a la hrem dawn, an hmingchhia anga an tuar tlawk tlawk ang. Amaherawhchu khang in thil lo tawn te khan in mit kap meng seng in beng chhit tir tawh rawh se.

    Ni hnuaiah vawilehkhatah diktakin a hausak thut theih mai mai loh. Thawhrimna tel lova hausa thut chu; mi hausa fa, ro hnutchhiahtu tur a thih thuta rawn hausa thut tih mai loh chu.

    BTW, chiahpuamah hian ka chhungte chu sawi loh, ka then leh rual hnai tak te an inhamtang ve hauh lo e.

    Report this comment

  6. 6
    khamkhuai Says:

    khati khawpa mahni mihring puite bum duh kha chu an thlahte hi i thlir zui ang u. Lalpa’n mal a sawm nge sawm lo …….

    Report this comment

  7. 7
    benjamin rualthanzauva Says:

    coolsoul, reh leh hmiah nang. In chhiar zau ve deuh ta che :D http://goo.gl/6jmN

    Report this comment

  8. 8
    Makima Says:

    Zanlam chiahpuam hi sual ani ve tho em?he he

    Report this comment

  9. 9
    ZerO Says:

    A title khi! Chiampuam???

    Report this comment

  10. 10
    Frost Says:

    chiahpuam hi saptawngin mawi deuh in han dah chhin teh u :-D

    Report this comment

  11. 11
    thenawmpa Says:

    Chiahpuamin a lantir tha ve deuh mai nia ka hriat pakhat chu mawmmmm…mizo te hi a nawlpuiin kanla rinawm hle ani maw tih min ngaihtuah chhuahtir ve mai mai a…mahse mi zawng zawng rin vek kherloh tur tih a zirtir bawk..
    PS : Cheng 1000 daha Cheng 999 la chhuak tawh a cheng 1 balance la nei pa (fun clip) kha min hriat chhuahtir..hua hua hua

    Report this comment

  12. 12
    ZerO Says:

    Bible-in bumin awm suh u a tia lawm. Sum ngainat luat avangin bumin an awm ta hlawm a, an khawngaihtlak hlawm hle mai.

    Report this comment

  13. 13
    thenawmpa Says:

    @ZerO..a nih tak khi…hua hua hua

    @Frost..kan ngaihtuah chhin aw..ihhhhhh..naaaaa..ka hrelo.

    Report this comment

  14. 14
    Sandman Says:

    @ #10 Frost: Dipswell. :lol:

    Report this comment

  15. 15
    Ultraviolet Says:

    A chiahpuam zawng chuan ka hrelo. Sap ho chuan Ponzi scheme anti after Charles Ponzi.

    Report this comment

  16. 16
    hming_a Says:

    A thupui hi ka han sawi tum ber pawh a ni lo a, ka han sawi duh zawk tak chu kan ramah hian engtin nge ni Insuarance te leh Medi-claim policy te hi kan hman tangkai ang tih a ni zawk mah.
    Heng thil ti sualtute hian an pawisa chan khi an hriatloh vang a ni a, vantlang hian eng tin nge thil kal hmang hi kan hriat ang. Insurance policy leh agent te hi dan zuia awm vek an ni sia.

    Report this comment

  17. 17
    shailendra Says:

    Mizo te hian ngaihtuah chiang lem lo a vawilehkhat a hausak thur thur hi kan ngaihven ta a nih hi… Huiham… Kan hmabak a thim hle mai…

    Report this comment

  18. 18
    lalmi5ualpa Says:

    Pu Lily hian Medi_claim Policy chungchang velte chu rawn sawi zau se kan va ti ve. Ka la mamawh ve thuai tur thil a nia hriatchian a chakawm riau mai a.

    Report this comment

  19. 19
    2STATES Says:

    A va mak ve, ka chiahpuam english translations ho kha a bo leh vek. Mi comment pawisawi lo delete hi a va zialo vele.

    Report this comment

  20. 20
    Born Spektator Says:

    Kristianna avang hian eng chen nge kan in ngaihdam dawn. Pathian hming chala kan in hrethiam leh mai thin hi thil tha ber ani angem? Inhrethiam lo in han in khing ta ila, han in hrem deuh thuai thuai mai ila a fu zawk lovang mo. Kn in hriathiam zel thin avang hian kan dan keng kawh tu te pawh hian thil an ngaihthah thin thei ngem?

    Report this comment

  21. 21
    Lily_parmawia Says:

    @18 lalmi5ualpa

    Phur a chhuah loh hi chuan peihawm loh ve deuh asin :) Mizoram Health Care Scheme vs America Health Care Scheme ka ziah tum pawh Mizoram sorkar in a policy a thlak ngun lutuka engmah ziah ngam pawh ala nilo. Ka hlauh ang ngei ngeiin existing disease an cover lo. :(:(

    A post tu in a sawi insurance agent hi hrem theih mai ni lovin hremna a pumpelh tur anilo. IRDA lamin mathei lovin a license hi an tih tawp sak tur anih bakah, a chungah case file pawh a theih tho. IRDA lamah zuk zualko ula, LIC atang hian a agent number leh hming vel chu innei thei ang. LIC in anpe chhuak duh lo lui a nih chuan Insurance/IRDA ombudsman ah complaint in thehlut don nia.

    Agent pangai anih a rinawma, achhan chu LIC leh insurance company-a agent ho hian IRDA test an paltlang phawt thin, chuti lovin agent a nih ngawt theih loh. LIC ho in a tlinglo chung anlo la anih chuan LIC tuar tur tihna ani leh mai.

    Report this comment

  22. 22
    hmingtea Says:

    Helam ah pawh chiahpuam puam chhuak lemlo pawh an awm ve tho zuk nia.

    Report this comment

  23. 23
    Kork_Fanai Says:

    Helamah cuan chiahpuam mai pwh ni lo. In Puam an tam khawp a ni. Haha

    Report this comment

  24. 24
    lushai_er Says:

    R.V lam chiah-puam ho hi kan vei tel ve tur a ni.

    Report this comment