Nitin Lalpa nen ( Pathian Ni Pual )

September 12th, 2010 7:00 am by chanchintha

I nitin hun hman Isua nen ani em ? A duh zawng nge duh lo zawng i ngaihtuah hnem zawk; i tih hnem zawk ?

Enok-a chu Pathian nen kum 300 chung an leng dun thin tih kan hmu. A van awhawm in a van nuam awm em! Engkimtithei, mi fel famkim nen kum 300 chung han len dun chu(h) ! Kum 300 chhung chuan a Pathian zuia chu a hrechhiang thawkhat viau ang.

Keini hian kan zui Lalpa hi kan len dun pui theih ani tih kan hria em aw ?Nang leh kei hian kan Pathian hi kan duh leh mamawh chauh thlen nana tha tawk; kan duhzawng min tihsak a, min thlamuana, malminsawm tur chauhin em ni kan duh ?

Kristian tha tak nia inchhal chung hian vawi engzat nge kan zui Pathiana hi kan biak a; a duh zawng leh duh loh zawng te hre turin amah kan hnaih thin em le?

Kristian nun puitlin leh puitlin loh tehna chu, kan inkhawm tamah te, sunday school kal kimah te, Buhfai tham tham tam ah te, thawhhlawm thawh tamah te, tawngtai rei theih ah te, Pathianthu sawi thiam leh thiam lohvah te kan teh tur ani lova. Hei hi chu pawnlam dan mai ani. Heng hian ringtu tha-ah min siam lova, Vanram kai leh kai lohna pawh ani bawk hek lo.

Kristian tha te chuan, nitinin Lalpan nen len dun an duh thin. An nitin hun hmante Isua duh dan nen an khaikhin fo thin.

Kan Pathian hi nitina lendun pui theih Pathian; nel taka kan kawm theih leh kan biak theih ani tih an hria. An duhzawng chauh thlen lovin, Lalpa aw an ngaichang thin a. Baibul chhiar leh tawngtainna hmangin leh fakna hla hmangin amah an pawl a. Chuta, an inzawmna, an inlaichinna thuk tak atang chuan, nitinin nun thar danglam, mite’n tlan pah pawha an chhiar theih nun an lo nei thin ani.

Chu nunah chuan mihring hlui zawng zawng aral tawh a, mihring thar alo ding chhang tawh zawk thin. Krista Tlanna avangin.

Pathian tan hun i nei em ? Nge i buai lutuk a, i zui Pathian ber tan pawh hun i nei lo ?

Similar Posts:

Recent Posts:

29 Responses to “Nitin Lalpa nen ( Pathian Ni Pual )”

  1. 1
    Zephenath Says:

    That hmel khawp mai… chhiar phawt ang aw…

    Nitin Lalpa, I hnenah awm ka duh,
    Ka tih, ka sawi, ngaihtuahna nen,
    Ka duhthlanna, zawngte,
    I ram leh felna nen inremin awww ho ho…

    Report this comment

  2. 2
    sihal Says:

    pathianni tuka chhiar tur dik tak a nih hi, nunpui theuh ila a va tha dawn em

    Report this comment

  3. 3
    ChhawnBura Says:

    “Kristian nun puitlin leh puitlin loh tehna chu, kan inkhawm tamah te, sunday school kal kimah te, Buhfai tham tham tam ah te, thawhhlawm thawh tamah te, tawngtai rei theih ah te, Pathianthu sawi thiam leh thiam lohvah te kan teh tur ani lova. Hei hi chu pawnlam dan mai ani. Heng hian ringtu tha-ah min siam lova, Vanram kai leh kai lohna pawh ani bawk hek lo.”

    Dik khawp mai. Heti lam buaipui riau hi awm theih khawp mai.

    Report this comment

  4. 4
    H.Vangchhia Says:

    Hetah chuan Inrinni tra la la la la. Good post

    Report this comment

  5. 5
    Maisek Says:

    Good post! ‘mite’n tlan pah pawha an chhiar theih nun’ hei hi a pawimawh khawp mai. Lalpa tan kan meichher ken hi kan chhi tur ani!

    Report this comment

  6. 6
    sisen Says:

    A țha e

    Report this comment

  7. 7
    Phivawk Says:

    Last para i zawhna khi ka ngaihtuah chiang a, ka zak chem chem mai. Kei misual tan hian post tha leh tangkai tak a ni e.

    Report this comment

  8. 8
    Phivawk Says:

    Tin, kan buai lai leh buai loh lai pawhin kan nun hi ‘Lalpa Nen’ ni zel thei se…tih hi ka rilru-ah a awm ve mai mai bawk a.

    Report this comment

  9. 9
    nauteii Says:

    Tisa Mi ringtu hi kan tam khawp.A tha khawp mai,Sunday a heti lam chhiar tur awm thin hi…

    Report this comment

  10. 10
    dingtea Says:

    Post thra tak a nih hi mo le

    Report this comment

  11. 11
    hmingtea Says:

    Pathianin Ni a lo nei a ni maw.pate ta pawh a nei ve ngei ang a.

    keini chuan ni hmasaber kan ti.Pathianin thil a siam tan ni a nih a vangin.

    Report this comment

  12. 12
    chhana Says:

    A thain kan mamawh tlang khawp mai.Han ti zel rawh.

    Report this comment

  13. 13
    lalhmingzaua Says:

    A tha khawp mai.Practise a har deuh.

    @H.vangchhia.MD rim i nam i hmelah.

    Report this comment

  14. 14
    khumchikthei Says:

    “Today is the Tomorrow you worried about yesterday”. Nitin Lalpa nena pheikhai rual taka PEN thei tur chuan TUN hun zel hi amah nen i hmang ang u. Sunday hman nuam theuh u le.

    ” AW RINGTU TUNGE HRUAI THIN CHE?”

    …khrum

    Report this comment

  15. 15
    sakhmela Says:

    post thra e, ka ti ve mai2 a, nitin lalpa nen a nun hi cu har deu mai nia, tlinglo leh fello inti reng cung hian tlin kan tum bok silo, kan fak hla tam ber lah cu rawngbolna lam ai mahin mahni insitna leh inmawhchhiatna lam hlir ni bok si, nitina lalpa nena lendun cu duh leh lengdun thei reng si.. Mahse tum thak silo ringtu kan tam lutuk ta a ni

    Report this comment

  16. 16
    mi{5ual}.com Says:

    #sakhmela, i mail check lawk teh..

    #chhawnbura chu i avatar i thlak daih a, hriat i har tawh hle mai. ChhotaBheem tepawh kha minti ngai e a.

    Report this comment

  17. 17
    mzvision Says:

    Mahni hi chuan kan phaklo hlawm hle anih hi, mahse Lalpa nunpui hi chu duhawm tak hian kan tawngtai thin chu ania le. “Aw Lalpa nangmah ngai turin min pui rawh ti hian ka tawngtai fo thin kei misual pawh hi ;)

    Report this comment

  18. 18
    ChhawnBura Says:

    @16, mi{5ual}.com: Nia, ka avatar kha ka ui tehreng nen, midangin an lo hmang ve a. Loh theih lova thlak a ngai ta nih hi. Thil i va hre thei ve a. Ka nick hmasa te i hriat :smile:

    Report this comment

  19. 19
    VaiVa Says:

    @Chhawnbura: :D

    Report this comment

  20. 20
    mi{5ual}.com Says:

    @19. Keichu ka nick leh ka avatar lo hmangru chu awmse ka sopji ang..

    Report this comment

  21. 21
    ChhawnBura Says:

    Ka nick hmasa pawh kha ka ui khawp mai. Setanic lampang post tum khan an sawi setanic avang khan ka thlak ta daih. Midang angin a rukin ka thlak lo bawk. Tuna ka nick ka hman hasak ber khan ka rawn hriattir ve thlaps mawle :lol:

    Hetiang lamah hian buai buai lo ila, NITIN LALPA NEN ti zawk ila a fuh berin ka hria.

    Report this comment

  22. 22
    bucko Says:

    Comment tur ka hre vak lo na in Lal TSa duh dan in comment e…… :lol: :lol: :lol: :D :P

    Report this comment

  23. 23
    kawlhawk Says:

    Zephenath #1, “Ka duhthlanna, zawngte,…” I duhthlanna chu zawngte maw!? “Ka duhthlanna(,) zawngte,” a hmun loa (,) i hman avangin, i duhthlanna chu ‘zawngte(monkey)’ ang lèkah i chhuah ta…! :smile:
    Post hi tha ka ti. Mahse, kan hmuh phak maiah nula ìtawm… 0oh! khawvel thil ìtawm tak2 te; kan ban phak maiah sual leh thil tha lo hrang2 te a tam si a, nitin Lalpa nena nun hi har ka va ti em!

    Report this comment

  24. 24
    Vetehmial Says:

    @chanchintha,,Enok-a chu Pathian nen kum 300 chung” tih te “Mihring thar a lo ding chhang” tih te khi a chhiartu remdik mai atan iti nge aw ?:-)
    ziak tha khawp mai,Para 5 na khi,dik chiah.

    Report this comment

  25. 25
    D_auachwgthu Says:

    Avatar a lo hman leh theih tawh nange,….. ?????

    Report this comment

  26. 26
    chawnghilh Says:

    Amosa chuan, mi pahnih an inlungrual zet loh chuan an kal dun thei ang em ni? a ti. Ni tina Lalpa nena kal dun tur chuan a chhiahhlawh thu-awi tak nih a ngai khawp ang le, ni tin piah lamah “zan tin atan leh phei chuan …”

    Isua tana thih a har lo, a tana nun ber mai hi a har em mai! Kal dun, inpawl reng phei chu harsa geuh geuh tak a ni. Zawlaidi-in min rawn chiah tan dawn tawh bawk si!

    Nimin chu Anthurium Festival hun hnukhawi lam ka chhim ve a. Shailendra-te hmuh tumin, kan inhmu zo ta lo a ni. Kawn tluanin Zawlaidi kan hlimpui vek a ni awm e.

    West Virginia-ah khuan Berkeley khuaah sap vun ngohoten kum tinin Apple Butter Festival hi October 10 vel hian ni hnih awhin an nei ziah thin a; thinghnah rawng a mawi tan hun a ni tawh a, a lunglenthlak duh khawp mai! Chuta an khawsak dan leh Reiek Anthurium chu a inthlau hle mai! Zir tur kan va la ngah tak, kan luikawr zawng zawng kha bawlhhlawhin a de var en un mai a, Trash Can inchhawp ka hmu hauh lo! Sorkar pawh hian a tifamkim zaih thin lo a ni ber e. Mahse, nuam kant ihzia tho kha … Parking Lot awm lovin, Reiek khua kan nek dawr khi lo chauh a ni ber e.

    Report this comment

  27. 27
    sakhmela Says:

    @20, enge ka mail check a ngaihna, kan nu mail bak ka dawng pei lo nem

    Report this comment

  28. 28
    zoho Says:

    Sawiselna lam nilo in,a thupui khi a thlarau tawng ka ti fo thin. Mi tamtakin an ngai kawi/hre fuh lo thin bawk in ka hria. Pathian aw hriat tum ang bawka Pathian nena lendun chu thil theihloh ah ka ngai. Bible standard in kan nung em tihna ah kei ka ngai.

    “Tukin ah a aw ka hria, kan inbia”(Billy Graham) tihte hi mi thenkhat sawi dan ani fo thin. Zirtirna anga a kal chuan mi hruaisual thei ani fo.Bible chang a mah inspire tu a dawng ti mai thin se.
    ” Bathroom a ka hmul ka ziahfai laiin ka bulah a lo ding” (Benny Hinn- Good morning Holy Spirit)tihte phei chu a awihawm loh zawk. Bible a miin vantirhkoh an hmuh pawh in”Ka chau der a”, “Ka tlu bawkkhup der a(zangthal ngai reng reng lo)”,etc an ti zawk thin a ni si a….kan ti ta duah a, a post tupa, i thil post ah ka support a che…nitin kan nun ah Bible zirtirna kan phak ang zel in zui hram hram i tum theuh ang u.

    Report this comment

  29. 29
    benjamin fanchun Says:

    Kristian tha c piangthar thra m2 lo an tam duh hmel e..

    Report this comment