Zamuang khawtlangin Zawlnuam Police Out Post Luhchhuah tum.

August 31st, 2010 12:13 pm by lachua

Lalrinawma MPRO, Hriphaw post a awm mek chuan Ni 23.8.2010 khan Zawlnuam atangin Hriphaw panin bike in a kal a. Bike ah hian Zamuang khua Malsawmdawngliana S/0 Venlaia (L) chu Zawlnuam atangin phurin, Dawnga hi Zamuangah a chhuk a. Larinawma hian Inbiakna set (walkie talkie) chu tibovin, a mi phurh Malsawmdawngliana chu ringhlelin, Zawlnuam police ten an man a, Police lam hian an dawp deuh ani awm e. Tun ah hian Kawrthah Damdawi in ah admit mek a ni.

Dawnga hi a hnungzang ah an vuakna vual hmun thum ah a awm a, a ban rek dinglam hi na a tiin, a kut hi a chet tha theilo bak ah, a ha hmai pakhat anghing bawk a, tiang nen lo chuan ala kal hleitheilo. August 28 (Inrinni) lamah pawh a BP a san deuh thu Doctor ten an sawi bawk.

MS Dawngliana nu Pi Nguri leh Pu Chhuma te chuan ngaihvenin police station ah hian kalin a fapa tih anih loh zia sawiin, hemi hnu hian Zawlnuam Police OC Zodinsanga chuan, Pi Nguri hi a hmai ah a beng zui ta a ni. Pi Nguri Lungawilo hian Zamuang MHIP hnen ah thlenin, Zamuang khawtlang chuan Inrinni (28.8.2010) hian Zawlnuam panin,Thuampui atanga kawng zawhin, Outpost hi pan in, luh chuah an tum ta ani.

Mahse Outpost bul ah hian, Zawlnuam YMA hruaitute leh BDO ten zahngai tura an dil angin, Zamuang mipuite hian Police Outpost hi an luh chhuah ta lo a ni. Mahse Zamuang MHIP OB ten an menberpui bengtu hi ahmel hmuh an dil angin, hmuh phal sak a ni, Borai hmuna awm mek 4th IR ten venhim hna hi an kalpui a ni.

Zamuang khawtlang hian resolution pass in, Lalrinawma MPRO leh Zodinsanga OC, Zawlnuam te hi sorkarin an hna atangin ban rawh se tih leh kan sorkar chak tak hian Malsawmdawngliana hnen ah hian Rs 1,00,000/= zangna dawmna pe ngei rawh se tiin.

He an thil tihbo set hi Ni 25.August.2010 ah Hriphaw kawngsir ah chhar ani thung.

The Zozam Times ah pawh chhiar tur a awm e.

Similar Posts:

Recent Posts:

87 Responses to “Zamuang khawtlangin Zawlnuam Police Out Post Luhchhuah tum.”

Pages: « 1 [2] Show All

  1. 51
    Kingpin Says:

    khitiang OC khi a police puite tan hian ngeiom ve duh fuuu ania, fimkhur taka police hna thok te tan chuan ngeiawm ve duh viau ang.
    #43 mizoram ah hian sapram police chhawr phalo an tam em alom le :)

    Report this comment

  2. 52
    Mr Scoucer Says:

    Police te chet dan chu chhuichiang rawh se..an sorkar tih hmingchhiat tum tu te a ni lek pek mai long mo…!!!

    Report this comment

  3. 53
    tuithil Says:

    Kual vel hlawm thin a!!!!!!!!!!

    Report this comment

  4. 54
    Patriot Says:

    Zawlnuam hi khawthlang Tripura depa awm a ni a, Zawlnuam thlen hma khaw hnai ber hi Zamuang khua a ni. Hmanah Zawlnuam police-ten Christmas dawnah lirthei tidingin kut an lo dawha, an dep Assam leh Tripura vaiho police tih dan an copy niin ka hria.

    Zu ruih, hmeichhe kut thlak, atrocity – O.C. mawl tak lo chuan tih awm loh tak a ni.

    Cong-ho hian MNF thil tih dik loh hailan an phur, mahse an mi leh sate chungah angkhatin ti ve sela.

    Police lal zingah an naute a thim a var thlu lova hum tum ringawt an awm bawk.

    YMA pawh a bang chuang lo, SRS kuta tualthihnate kha an sawi mam ti tih a nih kha.

    Kohhranho lah inhmu sakhi thim them. Thiltih duh dan inang vek tho si.

    Report this comment

  5. 55
    mik3s Says:

    @ Mr Scoucer
    Tu pa in nge chuti zawngin sorkar tih mualpho tum ang?. A hrim hrim in sorkar chetchhiatna leh tih dik loh ah hian sorkar tih hmingchhiat tum te thil tih ah kan puh thin hi thil belhchian dawllo leh nuihzatthlak tak ani.

    @ Kingpin
    Ania sin. Police ah hian mi fel leh mipui te tana chhenfakawm tak tak an tam lutuk tih chu an thiltih atang hian sawi kher pawh ngai lovin a lang reng mai. Amaherawhchu police thenkhat (mawl tak tak ka ti mai) dan ngaipawimawh miah lo a che buan buan leh in luling tak tak ho hian midang hmai an ti bal tlat thin sia, a pawi takzet ani.

    Report this comment

  6. 56
    Patriot Says:

    OOps! KAN VA BIAS TAK HLAWM EM !! TIH KA CHHUT HMAIH.

    Report this comment

  7. 57
    Vetehmial Says:

    Police OC Zodinsanga chu leh..tenawm mange..Pi Nguri a beng..hahaha..Mizoram Police Officer te hi an bon thei ê.

    Report this comment

  8. 58
    Mr Scoucer Says:

    #55 : H & TE a exam buaina ah pawh..an suspend nual a..Hotupa ber in kan sawrkar ti mualpho tum te an awm a ti sia..kha tiang mi ah khan an puh leh jaih mai long mo..???

    Report this comment

  9. 59
    sisen Says:

    An bang leh chuang lovang.

    Report this comment

  10. 60
    Jennifer Lo Says:

    Tunlai chu Police cc mawilo tak2 a vatam em!! a hotu luber a trangin banna thehlut ngam2 chu bang leh hlawm teh se thliah2 dawn a :D
    Police deppt te hi privatise ve a chi mailoh maw!! :D kan him zawkin misual manchhuah a awlzawk lawng maw le aw…tun a police deppt sum hman zz chanve hian eng security company ny emaw anrawih theih der lo maw ka ti mawl my my :D

    Report this comment

  11. 61
    Uaiizzz Says:

    Dan ang chuan Police hi rinhlel thu ah mi tu pawh an la theia, an dawpin an vaw thiang.

    Police hi ka tan chuang hauh loa, mahse apawng a taka sawisel ngawt erawh hi chu a thra lo ka ti khawp mai.

    An power hre ve deuh reuh mawl deuh deuh, a hmanna tur bak baka hmang duh chi ho hi an buaithlak anih hi. Ti daih ila, he thil thlenga HM kan sawi tel kher hi a tullo ka ti. HM thiamloh emaw, a tihsual vanga thil thleng anih pawh ka hre lo hle mai.

    Report this comment

  12. 62
    mik3s Says:

    @ Mr Scoucer
    Kha kha chu congress sorkar che chhe lutuk tawng ngaihna hre lovin chauhthubarawh ah na sawi mai mai niah ka ngai.

    Report this comment

  13. 63
    bucko Says:

    #54 Patriot sawi zz khi ka thlawp e.

    Sawisel suh u, sawi sel a in awm loh nan…. tih a ni. Tuna thil thleng hi tuman kan sawi sel awm pawh ka hre nek love a…… mahse a titu hi kan dem rawn luai luai a nih ber hi.. an demaawm bawk a…. ;-

    Report this comment

  14. 64
    chikus Says:

    hehe buaithlak thei nuai2 ngei mai…..Mizoram chu inenfiah chu kan ngai ni…

    Police te hian buaina chu an ngah ta khawp mai….chuvang chuan a enkawltu tan chuan thutmuan mai2 na chi chu a ni tawh lo a ni…

    A hrim2 ah hmeichhe kutthlak re2 chu ka haw hrim2….BANG RAWH SE…

    Report this comment

  15. 65
    bucko Says:

    BANG RAWH SE…. BANG RAWH SE…. BANG RAWH SE….. BANG PHIAR RAWH SE……

    Police leh Civil inkara in hriatthiam lohna awm a piang hi police lam tih dikloh hmasak a ni ziah… in lo chik ve ngai em???????????????

    Report this comment

  16. 66
    Pc-a Says:

    Khuti laia Police chet mawi loh avanga, HM bang rawh se. Teh daih chuan.. :lol: Politic inrui a ni zawk lo maw. :-)

    Report this comment

  17. 67
    Aryan Says:

    Tenawm hle mai chu OC chu. Bang rawh se :(

    Report this comment

  18. 68
    rawihteamizo Says:

    YMA member thenkhat an chetsual palhin YMA kan dem rawn luai luai a (mimal nilovin), Kohhran a mi thenkhatten tihdikloh an neih tumin Kohhran kan dem rawn luai luai a, Police zinga a mawl fal deuh ten thil an tihdiklohvin Police kan dem rawn luai luai a, hei hi kan thil thlirdan tur em ni ta le?
    @Caribou: I sawi ang hian Police zingah mi kutthlak chak tak chu an awm ka ring. YMA duty zingah pawh an awm. Kohhranin camp an neih tuma Security zingah pawh an awm. Mahse Police, YMA leh Kohhranten kutthlak turin an ti lo. Mimal a ni. Tin, nangmah ang lo kha mi an tam hle a ni tih hi police ka ni lo na a ka hmu ve nual ta mai a.
    Tuna mite hi ka tan tihna erawh a ni law…

    Report this comment

  19. 69
    Mr Scoucer Says:

    World cup ah khan a chetha lo team chuan an manager te an ban sap sap mai lom…a hotu te lam ah pawh enkawl dan a tha tur a ni tih a entir..

    chutiang zel in kan ram ah pawh..hruaitu chak chuan hetiang thil hi chhuichiang teh se..a nih loh chuan kan vote tla leh dup a nimai…!!!!

    Report this comment

  20. 70
    Pc-a Says:

    @Mr. Scoucer, WC-a an chet chhiatin, an ram President, Minister bang rawh se, ti tawh ram an awm awm kala se ve miah lo. :-?

    YMA a chetchiatin CYMA President bang sela, Kohhran a chet chhiatin, Pathian bang rawh se. :lol:

    Report this comment

  21. 71
    Mr Scoucer Says:

    i man lo chetchut em mai a..!!!!!

    Home Minister(manager) in a enkawl Police a naute(players) hi an chetthat loh ah mawh a phur ngam tur a ni a..an dikloh na a sort out vat tur a ni..mipui(fans) te ti lawm leh tur in..i hrethiam em?????

    Chutilo chu kan vote tla leh dup a nimai…

    Report this comment

  22. 72
    Mr. TSA Says:

    A ban te chuan Home Minister a ni tawh nang.

    Report this comment

  23. 73
    hehe Says:

    Police OC leh a ben nu inbiak lai kha ka hre chak ngawt mai.. Mipa a bikin Mizo mipa te hian a tawng a puiin hmeichhia te chunga kut thlak hi kan ti ngai lo hle a…amaherawhchu hmeichhe vau loh leh vau sam loh chu an pawng tual tual tih ang deuhin….hmeichhia diptu nei lo over ltk leh an tawngkam ina kut tiza chi te hi chuan kut chu an tuar deuh nge nge…
    Nu ti deuh dim dem nise Police OC ina kut a thlak anih ngat chuan a kutthlak tu chu tuman an thiam lo ang…

    Report this comment

  24. 74
    H.Vangchhia Says:

    Zawhna:
    1. Lalrinawma MPRO, Hriphaw post a awm mek hian eng vangin nge a mi phurh hi a rinhlelh ngawt theih dan hi ka hre chak. A thil tih bo ah hian in sawi thiam nan midang a puh (frame) mai a ni lo maw, a ringhlel tak tak ang em?

    2. “MS Dawngliana nu Pi Nguri leh Pu Chhuma te chuan ngaihvenin police station ah hian kalin a fapa tih anih loh zia sawiin…” Pi Nguri hian a fapa te inphur etc ah hian tel miah si lovin, a fapa tih a nih loh zia hi engtin nge a sawi ngawt theih?

    3. “…Zawlnuam Police OC Zodinsanga chuan, Pi Nguri hi a hmai ah a beng zui ta a ni.” Teh thawr ringawt chuan, eng danin nge kut a thlak ngawt theih a. A mah OC hi a tang tur a ni dawn lawm ni, kutthlak theihna a nei si lova, Magistrate thu lova mi kutthlak chu lungin tan theihna a ni lawm ni?

    Report this comment

  25. 75
    lachua Says:

    Zamuang YMA leh VC lam chuan OC hian zu aruih vanga beng anih an sawi.

    Report this comment

  26. 76
    Vetehmial Says:

    #74..i zawhna 2 na hi kalo ngaihtuah ve mai mai dan chuan,Pi Nguri hian a fapa mizia leh nungchang chu a hrechiang ve tawk tho maìthei.tin,a ringam/ringzo tawk hle turah ngaita ila..hetiang thil ruk ching,kutkem nei anihlohzia pawh a hrechiang em em ang..Bike ah chuangve kherlo mah se a rinngamna atangin afapa tih anihlohzia a sawi ngam..nimai turah ka ngai..
    Tin,Pi Nguri hi Police ten anva hruai pawh anilo a..anmahni zawkin anduhthua va kal niin a langa..a lo beng ngawt hi ‘mahni inlengte kut thlak’ ani tlat..

    Report this comment

  27. 77
    H.Vangchhia Says:

    Vetehmial, mahni fa te hi keini ai chuan an thian te leh thenawm te hian an hrechiang zawk tih a ni thin. Engpawh nise, kan zawhna chhan taka chu sual lama record nei miahlo tan pawh hian a vawikhatna a awm thei theuh.

    Ka puh miahlo ania, khi min an chhar thu kan chhiar tawh khi (He an thil tihbo set hi Ni 25.August.2010 ah Hriphaw kawngsir ah chhar ani thung.)!. Hmuh pui ngei a, hrechiang bal kan nih siloh chuan thil hi tak tak angin Mizo te hian sawi pawp pawp kan ching em a, chulam biahthu chu a ni e.
    Kan kut a rang/kan thinram thin lutuk hi chu a pawi ngawt mai.

    Report this comment

  28. 78
    bucko Says:

    A … police, civil mi kut thlak tute hi sorkain engtin mah a ti leh chuang lovang….

    Report this comment

  29. 79
    khumchikthei Says:

    Mizo chu kan rilru a LA THA A, a tak takah chuan kan DAWIHZEP phian a, tihian a reh leh thuai mai ang. Nimahsela hmalam thlir a thil lo la awmzel thei tur te ngaihtuah in DIKNAin RO REL SE ka ti hle mai. ka lawm e.
    …khrum

    Report this comment

  30. 80
    Vetehmial Says:

    #77..anialawm,nu leh pa tamtak ten an fate thatlohna hi an haider fo hi chhiatna bul intanna hnar bulpui ber ani..
    Ka thiamlohna awmmiah siloah Mizoram police hian min han khawihve teh se la aw..mintanpui tur Mi(sual) intam sia ka phunglung teh ang chu..lol

    Report this comment

  31. 81
    SeynMizo Says:

    mizo police ten a pawng a tak a kutthlak an ching hi chu a dik lo ani,mipui lam lah hian thupek an nih loh chuan kutthlak theihna an nei lo tih hi kan hre hlawm tak si lo a.Police thenkhat hi chu ka theih tak emaw tiin an vawklal len lah tak a.Buaithlak…..

    Report this comment

  32. 82
    funny Says:

    Police ho chu anva chaklo awmve aw.. hmanni Falkawn thil thlengah khan Pu Zir-a khan, “engemaw a thlen leh chuan action lak ani tawh ang..” ati e. an tih kha mawle. :)

    tun ami phei hi chu police lam thiamloh leh tih dikloh niin a lang lehnghala, anlo thiamlo tak tak anih chuan an chaklo khawp ang :D

    Report this comment

  33. 83
    feeder Says:

    Zawlnuam Police OC Zodinsanga BANG RAWH SE

    Report this comment

  34. 84
    mik3s Says:

    Nia………..bang teh se, a tenawm lutuk em mai. Pu Zira chu a in vaupung nasa tawh bawk a, tun tum chu action a lak tak tak tawh ngei ka beisei.

    Report this comment

  35. 85
    RenghangMan Says:

    I beisei ang u

    Report this comment

  36. 86
    D_auachwgthu Says:

    Kan Ram hruaitu te leh Mipui te en-in,….leh he comment ka chhiar atrang te a ka ngaih ve dan chuan hetiang thil thleng fo thin hi chu kan in hmeh tawk viauin ka hria,….vui vai lo mai teh ang u…hahthlak thlawn.

    Report this comment

  37. 87
    moses Says:

    Hetiang ang police nina hre lo leh sorkhar tih mulpho tumtu te hi, ka sorkhar chak tak hian hma han la vat teh se.A chet dan chu a duhawm loh hle mai.Mipui te pawhin kan tive thei tho tih hi hre se,, police te pawh hi in enawn ve se a va tha ve.

    Report this comment

Pages: « 1 [2] Show All