Thlunglu a va hai em ve le

August 31st, 2010 8:59 am by nauteii

Synod Revival Speaker pakhat (a hming sawilo ila) revival campaign neia an zinnah Nula hian a lo ngaizawng tlat mai a. An speaker hmela Pathianthu hril ho in Pathiana hlimna thuruk an neih “Chuai” a hmufuh tlat mai si. Chu nula lah chu hmelthra ve tak mai a lo ni si a.Speaker chuan a ngaihzawn zawng tak mai a lo ni ve kher bawk si.” Inthlahlel leh inhmangaih em em in an awm ta tlat mai a. Chu Nula hmel leh chezia chuan a hip in a hip a ni ta ber mai si.

Mahse “LAL” rawngbawl mek a nih avangin leh Nupui pawmlai nei a ni bawk si a. “Hmangaihtu`n hmangaihte par ang a lawmlai ” chuan, Hliam tuar leh puih ngai ngawih ngawih a ni tih inhriain, Hmangaihna siamtu Pathian a au thin a. Chu Hmangaihna khur thuk tak atranga hruaichhuak tur chuan a Nun a rum tak meuh meuh a. Chuta tang chuan Thu a sawifiah theihloh leh ngaihthlaka fiah zo thei lo,Pathianin keini mihringte min hmangaihna thukzia atakin Nunah a chang tih an inhrechhuak Testimony thar a sawi mai chu..Biak In chhung chu “THEMHEH” an sawi ang maiin a reh thuap mai a. A khat tawka inthlahrung tak a hnukulh inhnip ri chu a ring duh viau ni tur a ni. Taksa a sual thleng lovin Pathian humhimna a chang chiang khawp a ni awm e.

Chu Hmangaihna khura a liluhna chu zep nei map lovin Hla a phuah ta a.A hla thupui chu THLUNG LU A VA HAI EM VE LE, tih hi a ni a.Mizo mipa Zaithiam H.Lalthakima hian a sa a. A record a, mahse a release zingah chuan a tel lova..A hla tha zual ho a dahkhawmna Disc min present hlauh mai a. Kan ngaithla chu a hla thu”cial” zia kha mak ka ti a..A chepakai a hriat ka duh ta tlat mai a. H.Lalthakima chu ka zawt a,chiang taka min han hrilh chu thinlung a kuaiin Lairil a fan veng veng hian ka hria a. Misual ho zing a mi puitling tak takte share ve che u ka chak ta riau a.

Theih nise chuan  +2 to College Level vel zirlai bu a zeh tel atan ka it a. A hla thu a a tawngkam hman hi “Uchuak” hauh si lo, common si lo a rawn hmang hi ka ngaisang a ni.

THLUNGLU A VA HAI EM VE LE.

khuanu tuahremloh`d`tawn chu

Chhingkhualah a riang ka tham vel a.

Nuthai ka lo tuahrem tawh si a,

Lengdang chhai a rem tawh si lo.

Ngaihbanni  i awmthei dawn lo ve,

Sakhmeltha `D`par ang ka lawm a rem si lo.

Laiah hrui angin min phuar vel e, Lal hna hian

Thlunglu a va hai em ve le.

Sakhmelngaih Zunzam a kai chiai e

Enchimloh thadang i zunngaih hi.

Ka rauthla lamtluang i kham ngei e

I zunngaih hrui ang ka phur zolo.

A dam hauh ila, tuar a nem ang.

Khuanun min la tuahrem ve mahna

Bei nge sei Rundung an tia lawm.

Lal rawngbawl khua ka tlai mai thlawn.

Similar Posts:

Recent Posts:

70 Responses to “Thlunglu a va hai em ve le”

Pages: « 1 [2] Show All

  1. 51
    H.Vangchhia Says:

    SMS chhas chhunzawmna em ni aw hairehai :lol: NOI

    Report this comment

  2. 52
    ben Says:

    Nupui nei reng chunga “Inthlahlel leh inhmangaih em em in an awm…” anih chuan che sual kher lo mah se UIRE a ni tho tho. A testimony a sawi laia lo tap vel ho chu an Over a nih chu a.

    Report this comment

  3. 53
    Frost Says:

    Biak In chhung chu “THEMHEH” an sawi ang maiin a reh thuap mai a.

    THEMHEH = THEH HMEH

    Report this comment

  4. 54
    muantea Says:

    Themheh – dik lo
    Theh hmeh – dik chuang lo
    Thehmeh – dik

    A tha viau dawn emaw ka ti a, a tawp lam khian mit a tikham deuh.
    ‘I zun ngaih hrui ang ka phur zo lo’ tih hi a fuh hlel lo maw? ‘hrui ang phur’ phrase hi ka hriat ngai loh lam tak a ni ‘hrui ang phuar’ erawh ka hria.

    Pathian rawngbawltu, nupui nei mek lehnghalin ‘Khuanu’n min la tuahrem ve mahna’ a han ti hi a va awm lo em! Kha nula kha nupuia neih ngei a duh/tum a, Pathianin remruat sak turin duhthu a la sam ta dah a. Chumi tur chuan ‘Bei nge sei Run dung an tia lawm’ te chu a la ti ta deuh deuhva! A va zia lo em!! Hetiang beiseina mak nei chunga Pathian pawlna a chang bawk si niawma lang hi ka hringmi rilru hian a hriatthiampui pha hauh lo mai!

    Report this comment

  5. 55
    bucko Says:

    #54 Muante…Mizo tawng sawi hi chuan ka ngawi thei mang tlat

    Themheh – dik lo
    Theh hmeh – dik
    Thehmeh – diklo…

    Hetiang hian a dik zawk.

    OT loh nan ……A hla hi a phuah tu nen a ngaihtuah in Pathian thuhriltu phuah a ang lo ka ti.

    Report this comment

  6. 56
    shailendra Says:

    Thehhmeh hi word khat tur a ni lo maw…?

    Report this comment

  7. 57
    Mr. TSA Says:

    Pu Shai: Aw.

    Report this comment

  8. 58
    keimah Says:

    #55 @bucko, muantea#54 sawi khi a dik zawk. theh hmeh ni lovin THEHMEH a ni e. He tawngkam lo chhuahna chu: Thereng hram bengchheng tak hi han hmet hlum ila a reh nghal tlawk tlawk ang hian, “Thehmeh” tih hi Thereng hmeh atanga lo chhuak a ni e. Chuvangin, “Thehmeh ang maiin a reh thuap mai” tih hi a dik a, “Themheh” erawh a dik lo bawk.

    He pa hi ngaisanawm tihna reng ka nei lo kei pawh. A hla thu atang khian Lal Davida anga sim lam ai chuan a thinlunga UIRE zar zar chungin Pathian thu te chu a la sawi pang pang dawn chu a nia…Khi tiang hrepa awm ai chuan THIANGZAU ho pawlah inlet mai rawh se! A nih loh pawhin Muslim-ah inlet se, nupui 4 pawh a rualin a neih theih a nia! :)

    Report this comment

  9. 59
    blackmagicwoman Says:

    Pathian rawngbawltu a nihna chu thu hran ( a serious lutuk), kawppui neih lai a hmangaih dang a tawng tlat hi ka DEM ve thlawt. A in puan hma deuh, a rilru a uire reng tawh hnu ah Pathian thu a la sawi ve fo awm sia.

    Report this comment

  10. 60
    lushai_er Says:

    “Biak In chhung chu “THEMHEH” an sawi ang maiin a reh thuap mai a. A khat tawka inthlahrung tak a hnukulh inhnip ri chu a ring duh viau ni tur a ni.”

    THEHMEH hi tum khat chu ka comment ve tawh a, mahse hei ni a ka hriat ve dan kan thual ve leh ang e.

    Thehmeh chu ‘Bengchheng lai khaptu an awm avanga reh vang vang’ sawina a ni.

    Biakin chhung reh dan hi “Thehmeh ang” ai chuan “Khuavang kal lai” emaw tehkhin zawk ni se a in hmeh deuh zawk turah ka ngai a….

    @Keimah, #55 “Thereng hram bengchheng tak hi han hmet hlum ila a reh nghal tlawk tlawk ang hian, “Thehmeh” tih hi Thereng hmeh atanga lo chhuak a ni e. Chuvangin, “Thehmeh ang maiin a reh thuap mai” tih hi a dik a,”

    The hi thereng tihna chu a ni ngei a, mahse hmeh hlum lam a ni lo deuh. Thereng hramna hi a nak kau theiah a ni a, a hramna laiah hian han hmet bet ila, a hram thei lova, a reh vang vang thin a. Chutichuan THEHMEH tih hi THERENG HMEH BEH tih na a ni zawk e.

    Report this comment

  11. 61
    lushai_er Says:

    Hetiang a Thuhriltute hmeichhe lam a an tlukchhiat hi sawi tur tam tak a awm awm e. Zosapthara (Rev. Edwin Rowlands) ngei pawh kha Zosapte chawm zing a mi Thangkungi nen an inngai e tih thawm a awm ve bawk a ni lawm ni kha? (A hnuah a nei zui ta nghe nghe a nih kha!)

    Pu Hrangchina hla phuah -Tlira pawlte hla ( Pu A.Thanglura sawidan)

    “Kristian mi sel lo u,
    Ek sin leh ek sin intawng ka berh bil lo’ng e;
    Zaleng kan thlir za e chhingmitin”

    “Kristian sulzui ngiau tuai ang an ngil love,
    Hrui pawh chang se zawnga leilawn an ni ang e;
    Chawmzil kung ang zuk nia le”

    “Zu in a thiang reng a, thianglo ti mai mai suh,
    Van Lal Pathian in fuih khawlo zo dawn e;
    In rai leh si thin e ngawi reng r’u”

    Rumliana hla phuah thenkhat

    “Pawl an tam kei zawng ka thlang thiam lo,
    Kai tak ang maw Chhandamna Pialral Zopui;
    Imanuela zuna uai zawng zawng”

    “Tawngtaiah Pawla ka sawm dawn e,
    Chhawm ka nuam e cherzing bel lian van zawlah;
    Angel-ho nen dawn za i Pialralah”

    “Tlungvel nu chhingmit a var chuang e,
    A chang sangin a dai thuk bik e Sialin;
    Chung Pathian tawn zang a lo hmu e”

    [Source:Mihrang leh Sahrang by A.Thanglura]

    Report this comment

  12. 62
    kawlhawk Says:

    Helai chu ‘Tawng’ chungchang bawk in lo khel leh ta nimaw! “Thehmeh” tih hi- Thereng hram bengchheng lutuk, hram theilo tura hmeh beh, a hnu-a boruak reh ta tlawk2 sawina a ni. Engvanga Theh hmeh/ Thehhmeh/ Themheh etc… dik ni-a ngai mai thei nge maw innih le!? “Thehmeh” tih hi a dik a, “The-hmeh” ti a, a kara (-) dah hi a dik lehzual. Chhiar a nuamin hriatthiam a awl bawk.

    Report this comment

  13. 63
    VaiVa Says:

    keimah leh kawlhawk ka thlawp e! In zirna’n a karlakah zep zeuh zeuh thin ang aw! OT chuang lo in :D

    Report this comment

  14. 64
    nauteii Says:

    Nia ..a mak viau mai thrin a..Hmanah Misual a ka in sign In hma hian PU HV ziah, commentna a mi nge ka chiang tawh lo, “Aw Khawngaihtu Pathianin,kan thinlung chhungah hian” tih hla phuahtu Pu Chawngkhupa pawh kha Kolasib ah hian hetiang deuh hi a tawng a.Mahse a hlaphuah hi chu hai rual lohin Thlarau chuan a la hmang zel zawng a nih hi.

    Tun a post khi a hla thu ai khiasn chhiar chiang deuh ula ka va duh ve aww.

    Report this comment

  15. 65
    kawlhawk Says:

    VaiVa, nang pawh chu- “In zirna’n…” ‘nan’ tihah (‘) dah ani ngai lo, ‘nan’ chu ‘nan’ a ni tawp. Eg: Ka tihsual leh tawh lohnan ka fimkhur tawh ngawt ang.

    (‘) hmanna tlanglawn deuhte :–
    A tha zawk lo ang maw?=A tha zawk lo’ng maw?

    Kan nu-in a duh hauh lo=Kan nu’n a duh hauh lo

    ka han kal ve teh ang=ka’n kal ve te’ng

    Report this comment

  16. 66
    Kawnga Says:

    Inzirna atan/ inzirna’n/ inzir nan…. He tawngkam pathum hi dikah ka pawm vek.

    Inzirnan/ inzir na’n… tih erawh hi chu dik ka ti lo deuh.

    Report this comment

  17. 67
    muantea Says:

    ‘nan’ tih hi a inkara apostrophe kan dah dawn chuan a hmaa thu nen a inzawm a ngai eg. Inzirna’n. A maha ziak hran a nih chuan dah a ngai lo eg. Inzir nan. ‘Inzirna atan’ tihna tlukpui tho a ni e.

    Report this comment

  18. 68
    H.Vangchhia Says:

    #67, ni awm tak a ni hairehai :D

    Report this comment

  19. 69
    keimah Says:

    @lushai_er #60, Thehmeh i sawi dan khi a dik zawkah ka pawm e..ka lo hmet na lu deuh a nih dawn khi!! :)

    Report this comment

  20. 70
    chawnghilh Says:

    Thlunglu hai lai hi a awm chawk zu nia! Davida, Samsona te sulhnu ve vek maw le! Josepha kha zawng a mak fal deuh! Potiphara nupui chhiat loh tur vei nen!

    Report this comment

Pages: « 1 [2] Show All