Khawnge maw in awm le?

August 31st, 2010 6:10 pm by Keimah Thingtlangpa

A khuhhawnna

He khawvelah hian saruakin kan rawn chhuaka,tap chungin kan khualzinna tur ram chu kan zawh tan a. Nu hnute tuia chawm seilenin kan lo awm a,he khawvel hi thlirdan dangin kan han thlir hmasa te te a. Tlang letliam maiah thil ropui engemaw tak awm turah kan ngai a,hmuh tuma pan turin kan chaknain ala tlin si lo. Kan khualzin kawng chu kan zawh thui telh telha,midang zawh ve te nen kan kumkhaw hmun lam panin kawng chu kan zawh ho tana,nitinin kan kawngzawhah chuan kan kalho a,kan bula an awmloh hlek chuan kan zawng ruai thin. Kan khualzin kawnga kan kalpuite kan thiante hi an va ngaihawm thin em.

Awmhar tinkim dawn changin

Room chhungah keimah chauhin ka inkhunga,ka kawngzawhpui thin te ka han ngaituaha. Kan nundan chi hrang hrangte ka han chhuikir neuh neuha, a changin ka nui a, a changin ka zak thin. Ni e,kan thianho nundan kha a danglam hlimawma, a zahthlak bawk a ni.

Kan lo upa deuh a, ngaihzawng neihna chang kan han hre tan a. Hmelduh ve deuhte kan han neia, mahnia insawi kuak kan la thiam si lo. Min han sawisak turin kan thiante han hrilh erawh kan ngam si lo. Thiante han hrilh ila “ka lo sawi ta kher kher a ni” tihtur khawpin a thang chak a, chhun enga han lenchhuah zahthlak khawpin miin an hre tam thin khawp mai. “Thiante hrilh ai kha chuan ka lo tlangau tir mai lova aw” tih hial tur khawpin khaw khahin a khat tlat tawh a. A ngai ngaia sawidarh chu ni se ka hrethiam an la phuah belh zui.

Chutah an duhtawkin an sawidarh tawh maw tih hnuah ka hmelduh deuh, beramno ang mai nunnem, zohniar kaih luh ang maia hmui nalh, duhawmna leh mawina zawng zawng nei tura khuavang siamluih hmelpu bulah chuan an sawi ta thin a. Vanneih a kaltluang nge,kan zah lutuk vanga khawngaihna thilthlawnpek tih pawh hriathran har takin min han duh ve mai zel a. A lawmawm viau rualin zah erawh kan zak tan dawn chauh.

Ngaihzawng neih ve chuan han rim loh theih ni hek suh. Kan han rim a, min sawipuitute thlim chi ni si lo. Chhungrual tham dawn kan han luh huk chinah kha chuan hmai a uang duh lo khawp mai.

Kan hlimlai nite chuai thei reng hianin a mawi lo

Khatiang khawpa innel,inngaina,ta bik awmlo tihtur khawpa inkawmngeih nih tawh kha chuan inngaih a va na duh thin tak em! Khawiah pawh kal dawn ila inzui chawt, engpawh ti dawn ila min rawn pui teh tia inau khawm thin kan ni a. Kan inngainat dan kha thil mak a tling hialin ka hre thin. Tumah inhaw ngamlo khawpa kan inkawm nasa kha.

Thenkhat kha an ngeiawm thin e. Thiante pa in kan thianpa ngaihzawng an ina lenpuia inhmelhriat tir tura a thuchah zawma,an ina a kalpui zawk INRU anga lo sawidarh duh mai te, ngaihzawng rima thiante ngaihzawng bula thut tlat ching te. Thenkhat, hrisello ve tak thu tha lo(zahmawh) sawi hrat tlat mai te, nula rimnaa nuih vur vur hrat tlat mai te.

Pakhat chawlhna tuikam ni lo tuihawk luankawra bawh hrat tak te. Bike ke a chhiata dendrite a charhna tur dila tyre tlem min lo pe teh ti chhunzawm nghal mai te, ngaihzawng nen chance pek kan tuma, room a kan lut min rawn zui ve nghal mai thinte nen han inkawm chuan engkim hi a ho a,kan nui liam mai mai thin a. Kan hlimlai nite hi thlan khurin min pawh then hmaloh chuan a chuai thei mai rih lo ang.

Khawiah tuan che u maw?

Hun leh nite a liam zela, zirna sang zawk leh thiamna duhin kan han inthendarh tan ta a. Inhmuhkhawm a har tawh thin. Rilruah kan nunhlui ngaihtuah chang hian lung lengin kan kΓ­u ruai mai a nih hi. Thiante u, mualzapui kar danah leng mah ila lungduh intawnni a lo her leh theihnan turnipui a lo chhuak leh anga,he khawvel hi hlimtakin kan zawh ho leh beiseiin hun leh nite chhiar zel ang u aw…

(Eng thilin nge maw min mawlh a,ka thiante nen kan inkawm dan kan ziah vak chu le.. Ni e, D zΓΊn ngaih lunglen a na an ti a, thiante ngaih lunglen pawh a lo na a nih ber hi.)

Similar Posts:

Recent Posts:

26 Responses to “Khawnge maw in awm le?”

  1. 1
    khumchikthei Says:

    heta hi ka awm e

    Report this comment

  2. 2
    Mr. TSA Says:

    Min zawng em ni?

    Report this comment

  3. 3
    khumchikthei Says:

    I va rawn in report TLAI ve aw! A in report hmasa apiang an thleng hma!

    Report this comment

  4. 4
    mr.coment Says:

    Mr.TSA/ Khumchikthei: helamah pawh inlo to leh vang tawh a ni maw??? Chhiar miah lova comment in hrat dawn tlat mai :lol:

    Report this comment

  5. 5
    H.Vangchhia Says:

    I fate chu an lei rah te hi an pi leh pu te Vap (ashes) a nih hu hrilh thin rawh. Chutichuan, ram hmangaihna leh zahna an zir thei ang a, an pi leh pu te avangin heti hi (changkanna) kan thleng a ni tih an hre thei ang. I fa te chu khawvel atanga chhuak kir leh tur kan nih hrilh la, leiah chil an chhak chuan an mahni an in chhak ani tih hriat tir rawh. Khawvel pakhat kan nei a, kan duat a tul a ni. Red Indian thufing.

    Thiante chance pek a, zui luh ve nghal te chu a, in beisei ve zel tihna em ni :lol:

    Kei chu nuihna tur ka man (won) tak tak a hairehai :D

    Report this comment

  6. 6
    Lonelyboy Says:

    Khawiah mah a awm leu

    Report this comment

  7. 7
    Mr. TSA Says:

    Pu HV: Hmu mak thei sia! Kan Sailo-a pawh a lo tel leh hman kuk tawh kha le..! :D

    Report this comment

  8. 8
    Lalbuaia Says:

    Buai lai2 a khawnge maw i awm le mi ti chu le. .lolz. .keimah thingtlangpa i ziak thiam dup2 thin e.

    Report this comment

  9. 9
    mik3s Says:

    Lalbuaia chu chhiar hnu ah i comment ve tawh hram ang chu maw. :P

    Report this comment

  10. 10
    Lalbuaia Says:

    Mik3s ka chhiar hma in ka comment hmasa leh phawt.hehe

    Report this comment

  11. 11
    ninja Says:

    Nizan khan Pu Vanlalthanga(?), Serchhip Dinthar Veng chu a len deng RULNGAN ni ngei a hriatin a chuk hlum. A nupui leh a fapa a thih san! :cry:

    Rulngan humhalh duhtu zinga pakhat tal hi chu thi lek lekin chuk hlum ve se ka ti ngawt mai :twisted:

    Report this comment

  12. 12
    Devil18 Says:

    Zu kan inruk thin lai te kha a nuihzatthlak asin. I la ziak kim lo, han ti vel i la :fiamthu:

    Report this comment

  13. 13
    Keimah Thingtlangpa Says:

    @ devil Hehe..i dose san ziate kha..hehe

    Report this comment

  14. 14
    Keimah Thingtlangpa Says:

    @hv beisei chiah pawh ni lo..phawk duh hrim hrim an tam a

    Report this comment

  15. 15
    D_auachwgthu Says:

    E …. heta hi ka awm eeeee, enge ni ta, ku Thingtlang Pa. i lehkhathawn hi ka han chhiar nghal ange awwww ?????

    Report this comment

  16. 16
    Jennifer Lo Says:

    I bialnu nen anthlahfal hmasak ber che pawh khan darkar 2 hnu a kan rawn bihthlak che u khan, a ngairengin kalsan ang2 chiah2 khan inlola thru char2 ni lawm ni ?

    Report this comment

  17. 17
    Keimah Thingtlangpa Says:

    @ chawngthu chhiar char char teh

    Report this comment

  18. 18
    Keimah Thingtlangpa Says:

    @jennifer min rawn bihthla dawn tih ka hria a,chuvang alawm

    Report this comment

  19. 19
    D_auachwgthu Says:

    A ngaihnawm muah muah hle mai,……. i lung a leng ve viau thrin nge ??? I tider mai mai aw???? ..lolzz

    Report this comment

  20. 20
    Keimah Thingtlangpa Says:

    @ chawngthu leng ve thin e. Kan inkawm nasaa,hetiang hi chu a nep lam chau a ni. A dang pawh ka la rawn chhuahleh ang..in phal chuan

    Report this comment

  21. 21
    century child Says:

    heeeeeta hi ka awm,nang khawnge i awm??lolzzzzzzzz

    Report this comment

  22. 22
    D_auachwgthu Says:

    Rawn chhuah zel rawh khai, …kei zawng lunglen tih vel hi chu a bawmah ka khunga; ka char nghet ta tlat ani ber e. Pacific ocean-ah tukhaw hmuh leh tawh ngai reng reng loh turin ka la paih daih nange….lol

    Report this comment

  23. 23
    Veepee Says:

    Ani lah taka… ngaihzawng tur han rim ila… kan zak ngawichawi, tawngthei deuhvin bengngawng chhuaha min han chhuah phei chuan haw dawnah kawngka bul atangin kan han in um tan nghal khut khut thin a. :-)

    Report this comment

  24. 24
    bucko Says:

    Heta hi ka awm e ti tu zz khan nangni a zawng lo che u tih lo hre ve mai mai teh un…. :lol: :lol: :lol:

    Report this comment

  25. 25
    SeynMizo Says:

    Uisa ila sawi tello. ‘Thianho’ sawia lo lang hmasa pawl ani, ka tan chuan…

    Report this comment

  26. 26
    lalmi5ualpa Says:

    A lunglenthlak thin a ni ti raw, KT.
    A hunlaia ho mai mai, nuihzatthlak, chet thrin deuhna te hi khuareiah chuan ‘ngaihawm’ an chang zel si.
    Pawl 12 mi lek pawn a naupanlai a ngaih thu sawi tur a hre treuh ngei ang. Hun hi a hlui chak si. A hun laia tih awm tak tih hmaih neihte lah hi inchhir a awl si.
    Keipawh zanin chu Thianhluite, bialnu hluite ka ngai ngei mai :D

    Report this comment

Leave a Reply

You must be logged in to post a comment.