‘Kawnkhawpui” leh a chhehvel chhinchhiahtlakte

August 17th, 2010 1:30 pm by Mr.Konkhopuival

Kawnpui khua hi Silchar Road-a awm a ni a, Aizawl atang chuan Km 55 tlan a ni a, dar 2 tlan vel a ni. Kawng a nuamin NH-54 in a tan tlang a, Mizoram chakkhai lakluhna ber kawngpui pawimawh tak a ni a, Durtlang lam leh Sairang kawng atang pawhin a kal theih ve ve a ni. He khuaah hian Mihring 6472 leh In 1405 (2001 Cencus-ah) kan awmin kan cheng mek a, Mizo zinga mi chhuanawm tak tak lo chawrchhuahna khua anih bakah, Mi ten an hriat lar ‘Kawnpui Dai” tih avang hian a lar hle. 2011 hian Zoram Hmeichhe Inkhawmpui Lian kan thleng dawn a, hemi atan hian kan inbuatsaih mek a ni. Tin, Kawnpui khua atanga Km 2 vel lekah 1st IR Bn. hmunpui Mualvum a awm bawk a ni


Kum 1981 July ni 7 khan Kawnpui Dai-ah Mizoram-a Accident rapthlak ber a thleng a, Shillong lam atanga Bus Service lo chho Mizoram State Transport Bus ZRX.82 chu Kawnpui Dai, Khankawn kan tih mai thlen hma kawng thlang lamah a lum a, a lumna hmun hi a thui vak lo hle a, kawrah zuk tla thla-in a zuk innghat ta a ni a, hemi tum hian a chuang zawng zawng mi 34 zet chu an boral a ni. Joint YMA Kawnpui chuan October ni 21,1982 (Ka pian hma) khan a Accident-na hmunah Lung an phun a ni.


Lalawithangpa hi Kum 1887-ah a piang a, Kum 1936-ah Kawnpui-ah lut-in April ni 25 1965 khan Kawnpui-ah a boral a, Kawnpui Hmarveng thlanmual-ah (Boys Hockey Academy bul)phum a ni a , College hrang hrang NSS ten YMA te nena tang tlangin cheithatna an thawk thin a ni. Hla 300 chuang a phuah.


R.L. Kamlala thlan hi Kawnpui Town Area chhung Bualpui khua (MTDC Compound)ah a awm a,Kum 1901-ah piangin Kum 1965 khan a boral a, Kum 1984 July ni 23 khan Bualpui YMA leh Aizawl College ten a lung hi an phun a ni.

Similar Posts:

Recent Posts:

42 Responses to “‘Kawnkhawpui” leh a chhehvel chhinchhiahtlakte”

  1. 1
    Lonelyboy Says:

    A ngaihnawm hle mai

    Report this comment

  2. 2
    badboy Says:

    Kawnpui hi ka rap tlat :P

    Report this comment

  3. 3
    hlatekhua Says:

    Thlalak hmasa bera khaw hming(label) khi!!!

    Kawnpui hi ka thian tha awmna a nih avangin ka tlawh fo mai. Khaw pawimawh tak a ni. A chhehvelah hian chhiatna rapthlak tak tak a thleng leh thin. Sorkarin doctor pakhat chauh a dah niin an sawi. A khaw len zawng ngaihtuahin a tawk lo hle ang tih a hriat.

    Report this comment

  4. 4
    Thingtlangpa Says:

    A ngaihnawm e..bengvar thlak bawk

    Report this comment

  5. 5
    aduhi Says:

    accident a thi zingah khian kan venga mi an lo awm ve reng mai, an la naupang sia an chhungte chuan an ui dawn mange.
    Kawnpui chu hlaphuah thiam in neih that hi.

    Report this comment

  6. 6
    The Real Says:

    Ka khaw hlui, a hrang thin an ti a hmasa ber a mi hi.

    Report this comment

  7. 7
    ThaiBoy Says:

    Khi lungphun khi paihdaih ka duh ania, zanah keimahin ka tlanpel ngun ropui si, ka hlaulo na a, hlau ang deuh hian ka awmve ziah. :)

    Report this comment

  8. 8
    The Real Says:

    @ThaiBoy: a vawt duh bik tiraw?? :lol:

    Report this comment

  9. 9
    Sandman Says:

    Kawnpui bus accident khi chu a lar thei ngawt mai. 84-85 vel atang khan Calcutta a ka u te zirlai kan tlawh fova, chuan 88-89 vel khan Calcutta ah ka zir ve bawka, Tuirial vayudoot an cancel chuan Silchar lam hi direct in kan pan nghal thin a, thim hnu a Kawnpui kan thleng tawh hi chuan motor window glass kan up vek zel, hemi bus accident a thlahrang hovin motor a chuanglai an rawn man thin an tih avangin! Kan driver te pawh tumah an ding ngam ngai lo a kawng chho lai ah phei kha chuan. Hlauhawm thei raps…

    Report this comment

  10. 10
    lalmizualpa Says:

    Kawnpui dai thlahrang, ka la tawng velo na chu an sawi ka hre nasa thin, awihawmloh deuh2 te :o

    Report this comment

  11. 11
    The Real Says:

    @sandy, zana bike a ka tlan laiin ka bike a thi ringawt tawh. A hnu rei lote ah a nung ve leh mai. Chutiang chiah chuan ka patea bike pawh a awm ve tawh. Khua a vawt duh ngei mai :lol:

    Report this comment

  12. 12
    D_auachwgthu Says:

    Han sawi belh zel teh u, a ngaihnawm ka ti teh ania, a hlauhawm poh leh a ngaihnawm…

    Report this comment

  13. 13
    D_auachwgthu Says:

    KAWMPUI khi engtihna nge, ….thlalak hmasaber ami khi…?????: BO hlah hlah:

    Report this comment

  14. 14
    Kawnga Says:

    Mizoram khaw hrang hrang chanchin in rawn tarlang thin a, ka tan hian a hlu ngawt mai. Hetiang ni khua-a ka hriat chak hmasa ber thin chu khaw hming put chhan hi a ni thin. In sawi lang tam lo phian leh nghal a…

    Report this comment

  15. 15
    Vittea Says:

    Kawnpui khaw hming phuah chhan chu an han en vang vang a,e khai he khua hi Kawnpui a ang e mai Kawnpui i ti mai ang u an ti ta a,tun thlengin Kawmpui an ti daih..(nui kur kur)

    Report this comment

  16. 16
    zodin Says:

    Mualvum khua rawn ti lang chiang leh la tha tur aw, ka hmuh chak zawng tak, khaw chhungah lui a luang an tia chu chu ka hmu chak tlat, eng pawh ni se a ngaihnawm khawp mai.

    Report this comment

  17. 17
    khamrang Says:

    Mualvum khua khi, hmun rem leh nuam zet mai ani, a khaw chhung luh dawn ah bung kung lian tha zet mai a awm. Ka hriat dan chuan hmanlai in pul hri a leng a, khua an rauh san an ti.

    Report this comment

  18. 18
    Lersia Says:

    Heih, @Sandman leh a ho te kha an khaw bul hrân thu ngawt sawi mah ta che u… hmeichhe khawmpui a kal tur an awm lo tawp mai tur sin … :)

    Hmnani a i ziah ai chuan a tha deuh e, thuziah dawn hian midang hi rawn zau a tha phian mai :!: Tin, in khua atanga zirna lam a thangchhuah tekha han tarlang thei la hriat a chakawm khawp mai.

    Report this comment

  19. 19
    Vittea Says:

    Kawnpui daia MST Bus accident ah khan pa pakhat thi tur khan a bul lawka bawm chu a kawk a”Kha laia Sahbawnsen bawm kha ka ta a nih kha” a ti zo chauh a,a chat thla nghal niin an sawi..(True story)

    Report this comment

  20. 20
    Vittea Says:

    Khatia Shillong atanga rawn zan kal an nih vang khan an mut a chhuak hlawm hle a,an rawn muhil chho thliai thliai a ni awm e.Chuan an chuan na Bus a accident a,an han harh meuh chuan an lo thi vek tawh an tia lawm,mak ve mai mai deuh chu a ni.

    Report this comment

  21. 21
    mr.coment Says:

    Kawnpui khawbul mualvum chu sipai an awm a, thenkhat chuan he mualvum hi an tangkai pui phian awmn e.

    Report this comment

  22. 22
    Lersia Says:

    @Vittea i va han thlawh fuh ve, mi ti nui nasa kher mai, Commedian search ah tel ve teh… :lol:

    Report this comment

  23. 23
    Viking Says:

    KAWNKHAWPUI hi ka kalve chak ngawt mia. Aizawl hnai deuh siah chuan ka la kal miah lo. An nula te an chhe zawk zawk lo :-P An ti…Ehhh!

    Ka lawm e

    –LVK

    Report this comment

  24. 24
    lachua Says:

    kawnpui hi ka hriatve dan chuan Hockey thiam khua anti thin

    Report this comment

  25. 25
    son of God Says:

    @zodin, Mualvum khaw chhungah leh a bul hnaiah lui a awm lo,i hre sual a nih ka ring.Hman deuh khan khawchhungah Dil ti mai ila, tuikhuah a awm thin a, mahse, tunah chuan a awm tawh lo.

    Report this comment

  26. 26
    Mr.Konkhopuival Says:

    Kawnpui khua mi chhuanawmte : R.Khawma MC BGM (Ex-Chief Kawnpui), Rev Zaidarhzauva (Missionary Taiwan),Rev Dr.Lalchungnunga(Principal Serampore College),Rev Dr.Zaihmingthanga,Pu Zorammawia IPS,Dr.Lalrinawmi (Bangalore),hla phuah thiam Rev Remlalfaka,Dr.Vanlalchhawna Professor MZU te bakah Gazetted Officer mi chhuanawm tak takte an awm nual bawk sawi vek sen an ni lo ve…Nia Kawnpui Dai hi a hrang an ti a, tak tak nge maw kan ti thin a,keini pawn, Lal Ramhuaia hi chu a awm alawm :-D

    Report this comment

  27. 27
    XaiA Says:

    Mawi khawp mai.Tlang chung a khaw awm tih ang maiin Kawnpui khua hi chu a langsar ve tlat.

    Report this comment

  28. 28
    Mr.Konkhopuival Says:

    MST Bus Accident chhakah khian Kum 1996 kha ni ta-in ka sia October Ni 30-ah Vairengte Bus a chesual a, mi 15 chuang an thi bawk, Bazar-ah an mut tlar dul mai chu rapawm tak a ni. Chuan Awithangpa leh R.L.Kamlala thalak pawh ka la kol tha ve e.

    Report this comment

  29. 29
    Mr. TSA Says:

    @Mr.Konkhopuival, Awithangpa leh R.L.Kamlal thlalak chu utawk tûr vawn suh! :D

    Report this comment

  30. 30
    Mr.Konkhopuival Says:

    okey! mahse post zing lutuk chu kan inthlahrung deuh a lawm le!!

    Report this comment

  31. 31
    H.Vangchhia Says:

    “M” a kual khat khi han paih la dik mai tura hairehai :D
    Accident rapthlak ber lungphun atang khian, a hrang tih sawi nasat lai khan ka thianpa Eddie nen Mihring luruh keng thenthu chungin thlahrang kan cho tawh. Eddie in a cho hmasa a, kan cho dun ta vel a, a hoh theih hle mai. Kan cho chhuak ta lo hairehai :lol:

    Report this comment

  32. 32
    blackmagicwoman Says:

    Keipawh Sandman ang deuh hian, ka hlau thei lutuk a…ka maimitchhing tlat zel! Kha hmun kha kan tlan pelh lai hi zan a ni deuh ziah leh nghal…ka hlau thei a sin awwwww.

    Kawnpui hi convoy chhang an tih mai ( maida atanga siam ) larna deuh kha ni in ka hria.

    Report this comment

  33. 33
    ThaiBoy Says:

    Ka u BMW; Convoy chhang i hre pha alo? :)

    Report this comment

  34. 34
    PimPom Says:

    @hlatekhua #3: I thu rawn sawilan zeuh khi ka hmu a, ka ngaihtuahna a chawktho thar tlat mai. Kawnpui chanchin hre pha ve tak i nih ka ring.

    Kawnpui hian accident rapthlak tak tak hi kan tawng hnem hle mai a, khawmpui ang a a dawngtu nih hi a nuam ve lo thin a nia. Mahse, kan damdawiin chu SHC ala ni reng. Kan sawrkar a enga pawh mai hian an ngaihtuahlo nge a khaw mi te hian kan zirlo pawh ka hre thiamlo, Population a chhut pawhin Doctor pahnih nei ve tawh awm tak chu kan ni. Tin, Staff nurse pawh hi tuna awm mek zah hi rawn dah bawlh se, kan mamawh a phuhru chauhin ka ring. Huiha, ka sawi tawhlo zawk mai ang e.

    Report this comment

  35. 35
    blackmagicwoman Says:

    Thaiboy, hre chiang e!! lol kha daih ka sin…ka tar tawh treng² em :-) Ka hre leh si, convoy chhang larna kha chu lungdai ni zawk tak. Kan chhungten mizorama convoy tuina ber an tih a mi nih hi a tia, min rawn hawn ve ngei :-)

    Report this comment

  36. 36
    PimPom Says:

    #Pic-2: Kawnpui dai a hrang tih hi chu dawt ani tih ka hre chiang. Motor ke pali nei pawh nei ve phak talo chu, Bike in kum tam tak chhung he hmun kaltlang hian ka lo teihawi fo tawh thin a. Zana he hmun han tlanpelh pawh ka ngah mai. Engmah ka hmuh kala hrelo.

    A lungphun awmna hi tunhma deuh kha chuan In an sak sak thin a, In chhungah a awm thin. Chuan, Sihphir atanga ka thianpa nen a kan haw thla chu he hmun kan thlen hian zan dar 9:00 vel ani tawh a, tin, ruah alo sur bawk nen Bike a kal kan nih avangin lungphun awmna In ah hian kan lut a, kan thu chawl reng a, ruah sur chhung zawng eng pawh neilo in kan awm a. Midang tumah reng reng ka hmulo a, thawm engmah hriat kan neilo reng reng.

    Tuman hlau tawh suh u, thlahrang chu ko mah ula a lokal lo ang.
    A HRANGLO, A HRANG LO.. A HRANG LO.

    Report this comment

  37. 37
    blackmagicwoman Says:

    Pimpom, thlahrang khan nang chu a hlau bik che lawm…i ‘man’ lutuk a, i bulah a rawn inlar ngam ve lo :-)

    Report this comment

  38. 38
    PimPom Says:

    @BMW: :lol: :lol: Pu HVa pawn a cho chhuah zawh loh khi..lolz.

    Thlahrangin min hlau teuhlo, Isua hmaah pawh ramhuai ho kha an lang ngam tlat. Chuvangin a hranglo tihna ni mai lawm’ni?

    Report this comment

  39. 39
    H.Vangchhia Says:

    Nia :lol:

    Report this comment

  40. 40
    Mr.Konkhopuival Says:

    Convoy chhang chhuahna khua pawh ni tho e, Awithangpa Hall kawt Bazar chhak a mi hi a hma chuan Sipai Convoy an awm thin a,chumi avang chuan abula thingpui dawr ten an chhangsiam sipai ho duh em em kil 3 nei chhang an siam chu convoy an ti ti ta a. Sipai Gate pawh a awm thin.
    Hman kumah MST Bus Accident-na chhak kawiah Truck a tang a, motor min dang thup mai an kan haw tur, atlai tawh si a,a thim tan tawh a,Bike 1 hi a rawn tlan a, amah chauhin a rawn chuang sia a hlau deuh ni tur a ni. ‘Aizawl kal ve duh in awm em’ a rawn ti lung lung mai alawm, an hlauh pawh a awm viau samkawlh veka damlo pawh an awm kha maw le :-D

    Report this comment

  41. 41
    PimPom Says:

    @ Kawnkhawpuival: Sam tlakawlh rawta na ka lo hre ve miahlo a. an lo awm anih pawhin a hlau lutuk vang mai mai aniang. Ramhuai hnathawh chu a ni lo ang.

    Ramhuai hi chu hlau duh miahlo ila, tha mai. Engtinmah min ti tak tak ngailo. Kristiante tan hlauh tur a awmlo.

    Report this comment

  42. 42
    Zephenath Says:

    A bengvarthlak bawk e… Ni e, Kawnpui khawchhuak hi mi lar tak tak an tam reng a ni.

    Report this comment