Archive for August, 2010

Help Please

Tuesday, August 31st, 2010

A vawikhatna tan Bangalore to Aizawl fly ka  tum ve a. Mahse ka voikhat thlawkna tur a ni a vangin  hriat tur ka ngah hle mai. Bangalore  airport thlen dawn a tanga Lengpui airport a ka chhuk  leh thlenga ka tih/hriat  tur khawngaih takin min han hrilh ru khai.  Chuan eng air nge a tha ang, ticket man tlem deuh a lak dan te a awm ang em. Kolkata ah flight change a ngai te an tia, engtin nge ka ti ang. Mi dang te tan chuan a ho viau mai thei mahse keima tan chuan a ho si lo.

Ka Beiseina Che U

Tuesday, August 31st, 2010

Misual.com tlawh thintute, post thintute leh comment tute ka beiseina che u point 10 ka’n tarlang ang e:

1) Sawrkar hnathawk, politician leh private a thawk leh sumdawngte in ni hlawm ang, in thu leh hla ka chhiar hian ram leh hnam hmangaih tak tak eirukna laka fihlim vek in nih ka beisei.

2) Mifing tak tak lehkha thiam tak in ni hlawm ang chuvang chuan thil dik lo hnawl ngam a dikna ngaina a dikna tan tlattu in nih ka beisei.

3) Sum tam tak ai a hmingthat thlang ngam zawk vek tu te in nih vek ka beisei.

4) Pek chhuah tam hi neih belh zual zelna a ni tih ringa mahni thawhchhuah diktak chu ui lo a pe chhuak tu in nih vek ka beisei.

5) Kan ram kalphung diklo tak hre reng chunga mi hnuaihnung an nih vanga rahbeh te vantlang hriata a let leh beisei lo a tan tlat ngamtute in nih ka beisei.
(more…)

Silai

Tuesday, August 31st, 2010
YouTube Preview Image

the man has a gun
he knows how to use it…
he’ll point at your mouth
…. he’ll blow your brains out..
dontcha mess wit him

N.B. HV an pawi ati lo (to mods and common users :D)

Khawnge maw in awm le?

Tuesday, August 31st, 2010

A khuhhawnna

He khawvelah hian saruakin kan rawn chhuaka,tap chungin kan khualzinna tur ram chu kan zawh tan a. Nu hnute tuia chawm seilenin kan lo awm a,he khawvel hi thlirdan dangin kan han thlir hmasa te te a. Tlang letliam maiah thil ropui engemaw tak awm turah kan ngai a,hmuh tuma pan turin kan chaknain ala tlin si lo. Kan khualzin kawng chu kan zawh thui telh telha,midang zawh ve te nen kan kumkhaw hmun lam panin kawng chu kan zawh ho tana,nitinin kan kawngzawhah chuan kan kalho a,kan bula an awmloh hlek chuan kan zawng ruai thin. Kan khualzin kawnga kan kalpuite kan thiante hi an va ngaihawm thin em.

Awmhar tinkim dawn changin

Room chhungah keimah chauhin ka inkhunga,ka kawngzawhpui thin te ka han ngaituaha. Kan nundan chi hrang hrangte ka han chhuikir neuh neuha, a changin ka nui a, a changin ka zak thin. Ni e,kan thianho nundan kha a danglam hlimawma, a zahthlak bawk a ni.

(more…)

Kumtluangpar an ti

Tuesday, August 31st, 2010

Hmanniah rei fe ka inkhawl hnuah Nikon D5000 thar ka lei ve a (Kit lens nen), hei test shot. Camera neih thar chu a tha dawn riau, pangpar hming te kan hriat belh phah dawn a ang.

kumtluangpar

Hetah a size lian zawk

Before and After Accident

Tuesday, August 31st, 2010

Accident hi tum reng vang pawh ni lova thleng thei a ni a, motor khalhtute kan fimkhur tlan a ngai hle mai. Tihpalh mah ni se, a pawi tur ang ang a pawi tawh thin a, chuvangin tul lovah cheng tam tak sen a ngaih phah thin, chubakah nunna hialte pawh kan chan phah thin bawk. Ram tana tangkai tur thalai uihawm tak tak te nunna latu accident hi kan tan tlan chuan eng emaw chen chu kan veng thei a ni.

Before

(more…)

Ka vei zawng in vei ve em ?

Tuesday, August 31st, 2010

Kan hma lawk September ni 20 hian Mizoram Governor Lt. Gen (Retd) Madan Mohan Lakhera chuan Mizoram Assembly vawi 6-na a kova, he hunah hian Supplementary Demands (Regularization of Excess Expenditure) chungchang sawihovin September ni 22-ah vote lak a ni dawn.

Mizoram Assembly session hi vawi engemawzat an thukhawm tawh a, mipui khawih thil chi hrang hrang an ngaihtuah tawh thin. Chutih lai chuan, mipui nawlpuiin kan chhawr lem loh hi kan aiawha kan thlan MLA te hian an rel tamin an pass tam zawkin ka hria. Chuvangin, he hun pawimawh tak kan MLA rual ten kan ram thanna tur an ngaihtuah leh hunah hian misualte hian kan ram thatna tur leh hma sawn a, mi retheite thleng phak Assembly session an neih theih nan hian hma kan lak tha ka ti, inti ve em le ?

Misual.com hian tlawhtu a ngaihin heng zingah hian sawrkar mi pawimawh officer lian tak tak leh Minister te thleng pawh an awm niin ka hria a, chuvangin, tih takzeta ngaihtuahna sawrbingin kan ram leh hnam tundinna kawngah hian pen khat tal kan thawh ve dawn lawm ni ?

(more…)

Zamuang khawtlangin Zawlnuam Police Out Post Luhchhuah tum.

Tuesday, August 31st, 2010

Lalrinawma MPRO, Hriphaw post a awm mek chuan Ni 23.8.2010 khan Zawlnuam atangin Hriphaw panin bike in a kal a. Bike ah hian Zamuang khua Malsawmdawngliana S/0 Venlaia (L) chu Zawlnuam atangin phurin, Dawnga hi Zamuangah a chhuk a. Larinawma hian Inbiakna set (walkie talkie) chu tibovin, a mi phurh Malsawmdawngliana chu ringhlelin, Zawlnuam police ten an man a, Police lam hian an dawp deuh ani awm e. Tun ah hian Kawrthah Damdawi in ah admit mek a ni.

Dawnga hi a hnungzang ah an vuakna vual hmun thum ah a awm a, a ban rek dinglam hi na a tiin, a kut hi a chet tha theilo bak ah, a ha hmai pakhat anghing bawk a, tiang nen lo chuan ala kal hleitheilo. August 28 (Inrinni) lamah pawh a BP a san deuh thu Doctor ten an sawi bawk.

MS Dawngliana nu Pi Nguri leh Pu Chhuma te chuan ngaihvenin police station ah hian kalin a fapa tih anih loh zia sawiin, hemi hnu hian Zawlnuam Police OC Zodinsanga chuan, Pi Nguri hi a hmai ah a beng zui ta a ni. Pi Nguri Lungawilo hian Zamuang MHIP hnen ah thlenin, Zamuang khawtlang chuan Inrinni (28.8.2010) hian Zawlnuam panin,Thuampui atanga kawng zawhin, Outpost hi pan in, luh chuah an tum ta ani.

(more…)

Mi pahnih thu min chah chu

Tuesday, August 31st, 2010

Hemi te pahnih hi tun hma hun, naupan lai hun te pawhinanhming te chu ka lo hre vefo tawh thin a. Tin, an mahni pawh hi ka hmu ve zauh zauh thin a han hriatchian a, han belhbul vak pawh ka lo tum hranpa ngai lem lova, Mahse, ka hriatve tak chin ah chuan kan in kawmin, thukhawchang te pawh kan sawiho ve fo tamai a, ka thu lak na ber te anloni ta reng mai ani.
Vawkhniak zawn thla ani a, khua achengin ruahsur lai in, nau tap meng ker kur ang mai in ban zai a rel der lo mai a. chhun lam ani a, ruah avang in engmah tih apeih awmlova. Atahrik leh darkar te kahre reng lova , 1998 kum ani tih erawh kala chiang hle thung. Hengmipahnih te hi rawn leng lut in an ni nen hian hun thawl tha tak in kawmna hun kannei hlauh mai a. An ni pahnih hi pa sawilan tawh ang khan mi ropui leh zahawm tak, mite tan ainnghah na tlak leh tling annih avangin, midang te ang a kawm satliah mai mai chi an ni lova, chuvangin thinlung taka kawm an ngaih dawn avangin rilru ka lo siamve thuai a, kei chuan engmah sawi veloila, anni pahnih kam liam hi lo chang ila afin thlakzawk ang kati rilru a. Tichuan anni pahnih chuan anduh zawng leh anvei zawng techu an sawi tamial mial mai a, sawi tur an ngah in anlo ap dun ve ve hle leh nghal a. An thu leh hla atang chuan mi te tan a anin hawn zia leh an inpek zia te, an mahni athu ril leh ropui tak tak awm te midang te tan a pho chhuak a, zau zawk a tlang zarh zel an duh thu te an sawi uar hle mai a. Midang te pawhinkeimah ang bawka, an mahni avang ahlimna leh lawm na andawn ve thin thu te pawhmin hrilh mawlh mawlh a, kan hlim hle mai a.
Heng ka thiante pahnih hi an inkawp remin an in lungrual hle maia an in kalsan hlei theilo ani ber a. Mte tan an pahnih hian malsawmna nih zel pawh an duh in an tum hle a. Khawi ilo an vah nah leh kal chhuah na ah pawh amal chuan an kal chhuak thei meuhlo , nupa kawpchawi in hmangaih leh in thlahlel tak hi an ang ber mai awm e . Amal aan awm chuan kim lo tlata inhriatna an nei thin. Mite lo thlir danah pawh an pahnih a an nih loh chuan kimhlel a hriatna an lo nei ve lehzel bawk si nen.
Chutia rei ngial kan inkawmna hun kan hman hnu chuan ka rilriin, ‘ Chutia inkawmho ve ta lem han ngawih tluan teh ngawt , KA ZWHNA CHU HEI HI ANIA . Heile, in chanchin hi mi tam tak in kan hria a, mite tan tangkaina in nei nasa in, mitin mai mamawh nangmahah hian a awmin ka hria a. In sawi tak ang khan nangmahni lam pawhin mite tan malsawmna in nihtheihna turin kawng zau takin inhawng renga, a lawmawm hlein ka hria. Mahse, hetia kawng zau taka in hawn reng lai leh in pek êm êm lai hian mite hian an mahniah in tan eng ang chiahin nge kawng an lohawn sak ve che u le? =halai kani bawk a,a bik takin thalaite hian an rawn bel che u in an rawn hnaih viau che u em le?’’Khan ti deuh duah a. An ngawi reng a, an han in en he haw a, nang zawk chhang rawh an inti deuh niin an hmel ah chuan a lang a.A lian zawk leh upa deuh zawk hmelpu chuan, “I zawh na chu zawhna awm tak a ni e, ka chhan chak zawng tak a ni a; mahse sawi nuam tak leh ngaihthlak nuam tak chu a ni lovang.Kan pahnih hianhemi chungchangah chuan sawi tur kan ngah in ka ring, keiman kan pahnih aiawhin kan chhang mai ang che” a ti a.”Inthlahrung hauh lovin han sawi rawh khai” ka lo ti ve thuai a. Hei hi ka zawhna min chhanna chu a ni :-
“Aw le, tuna ka thu leh hla hi mitinte hian lo hria se ka duh hle mai. Tun hma kha chuan, mite hian min hlut ve hlein kan lo hre thin a, kan bul a awmye leh kan thu leh hla te pawh an ngaichang peihin mi an dawngsawng thain, kan tan hian kawng pawh an hawng viau thin. Nimahsela, hun te alo kal zel a, mite an lo changkang chho zel a, finna leh thiamna alo pung a, keimahni hrulah keimahni ang deuhin mithar rawnin lan leh inphochhuak te an lo chhuak tana. Chung rawn in lar thar te chu an fing êm êm mai a, mite mit chak zawng leh duh zawng an hre ve êm êm a. Chutiang chuan an rilrem zawnh tur ngawt thlirin sum an duh avangin mite a ni lo lamah an hruai peng ta zel a. Chung mite hruaina leh zirtirnaah chuan ei tur tak, mihringte tan a in ngahna tling leh innghahnatling leh hlimna leh lawmna, hlawhtlinna thuruk a awm der si lova.Chung angte pawh chu hre reng mahse hai derin keini pahnih chu min thlahthlamin min hlat tial tial a. Chuna ang mitharho chu an bel a, an pan luai luai ta mai a.Tunlaithalaite pawh chutiang tho chu an ni an dinhmun chu. Anni phei chuan mi bel bul tawh lo hle, kan tan hian an mahniah kawng pawh min hawn ngai lotih theih a ni. An lan dan ah chuan min hua a min do pawhin an lang lem lova. Mahse, min thlakhlelhna thin ang zawng zawngte kha an mahniah hian beisei tur a awm tawh lo.Heng avangte hian kan lungngai a, chubakah kan khua te pawh hi a har ve êm êm thin a sin. Beisei takin an lam kan hawi a, kan lo thlir ve reng thin a.An bul hnai leh an mit hmuh phak a kan awm ve reng chung pawh hian kan awm ve anih tih pawh an hre tawh lo ni berin kan hria. Thalai te hian min ngaihsak hman tawh lo,min zahpui a,thing min ti ni berin kan hre tawh tlat. Inkhawmna leh an programme an hman nikhuate pawh hian tun hma chuan min sawm a,min hruai ve thin anuam pawh kan ti thin hle a, tunah erawhchuan min zahpui a hruai enah pawh min en ta lo, an mahni in an kal vawk vawk ta mai. Engemaw chang a min hruai ve zauh lahin, mite ngaih leh hmuh a hming that nan chauh ni tein kan hre tlat.’’ Tiin min chhang a.Chutiang chu alo ni maw, a va pawi ve aw in lam an lo hawi leh theihna turin engtia tih chi nge maw ni ang le” ka lo ti a. “Keini pahnih chuan tihngaihna kan hre lo, an mahni an pawimawh a an inhriatchhuah a an rawn hawilet hun hi ti hian kan nghak tawp mai” an ti a.
“Nih leh chung thalaite hnenah chuan thuchah duh te in nei em? Han chah te u” ka ti a. “Kan lam lo hawi let leha,inpawhho taka nungho leh turin tan la sela kanduh a. An thiltihna leh inkhawmnaah te hian min hruaiin min sawm ve ziahthin tawh se. Anhmuhphak leh khawihphak akan awmte hian min kal pel mai mai lovin, min biain min kawm bawrh bawrh thin sela.Min biak leh min kawm pawhin lanmawi nan mai a minhmang lovin thinlung leh rilru takin thian rinawm ni turin min kawm thin se. Kan sawi lang duh dawn em ni kan tih thil pakhat a awm a, kan sawi lan loh chuan an tan a pawi dawn si, kan sawi leh duh chu thalai thenkhatte hian sahdah, khainithil eng engemaw te min ah tir leh tlat thin, keini thian dun hian kan ti thei der si lo hengte pawh hi bansan thei se kan ti êm êm a ni. A tawp ber atan chuan, mi tam takin an ina awm turin mi n sawma min hruaia, min hruai haw te tea, min ngaihsak chhuanzawm leh silo te hi a khawhar thlak kan ti thin teh asin. Min ngaihsak lova, mi an kal pelh mai mai chuanmanganna leh harsatna an tawhhunah lehlam kan la hawisan ve mai ang,chutih hunah chuan an vui thei lovang hreawm takin hun an la hmang ngei dawn a ni. Chuvangin kan lam lo hawi letthuai se kan va duh teh lul em,chu chu a ni kan thuchah duh chu,” tiin an sawi ta. Chutia an thu chah duh ber an sawi takah chuan Bible (Pathian lehkhabu thianghlim) leh Kristian Hla Bu te nen chuan kan inhmuh leh inkawmho leh hma zawng atan in mangtha ta rih a.

Ka thinlungah hian ala cham reng mai, khang mi pahnih Ropui leh zahawm, keima tan ngei pawha hlu leh ka dam chhung hun chhuk leh chho, ka lungngaih mangan leh hlim lai pawh a ka awm dan tur leh ka kawng min kawh hmuh a, min hruai tu ber te an ni si a. A tul hun ah min fuih a, min zilhhau bawk tu te an ni a. Harsatna leh beidawnna ruama ka awm laite, lungngaihna chirhdup a ka pil mek lai pawh in chung hmun ata min hruaichhuakin, ka rilru ngaihtuahna min siam thar sak tu te an ni, ka tan chuan an hluin, an mahni ah hian zirtur a va tam em.

Hemi te pahnih hi tun hma hun, naupan lai hun te pawhin an hming te chu ka lo hre ve fo tawh thin a. Tin, an mahni pawh hi ka hmu ve zauh zauh thin a han hriatchian a, han belhbul vak pawh ka lo tum hranpa ngai lem lova, Mahse, ka hriatve tak chin ah chuan kan in kawmin, thukhawchang te pawh kan sawiho ve fo ta mai a, ka thu lak na ber te an lo ni ta reng mai ani.

(more…)

Thlunglu a va hai em ve le

Tuesday, August 31st, 2010

Synod Revival Speaker pakhat (a hming sawilo ila) revival campaign neia an zinnah Nula hian a lo ngaizawng tlat mai a. An speaker hmela Pathianthu hril ho in Pathiana hlimna thuruk an neih “Chuai” a hmufuh tlat mai si. Chu nula lah chu hmelthra ve tak mai a lo ni si a.Speaker chuan a ngaihzawn zawng tak mai a lo ni ve kher bawk si.” Inthlahlel leh inhmangaih em em in an awm ta tlat mai a. Chu Nula hmel leh chezia chuan a hip in a hip a ni ta ber mai si.

Mahse “LAL” rawngbawl mek a nih avangin leh Nupui pawmlai nei a ni bawk si a. “Hmangaihtu`n hmangaihte par ang a lawmlai ” chuan, Hliam tuar leh puih ngai ngawih ngawih a ni tih inhriain, Hmangaihna siamtu Pathian a au thin a. Chu Hmangaihna khur thuk tak atranga hruaichhuak tur chuan a Nun a rum tak meuh meuh a. Chuta tang chuan Thu a sawifiah theihloh leh ngaihthlaka fiah zo thei lo,Pathianin keini mihringte min hmangaihna thukzia atakin Nunah a chang tih an inhrechhuak Testimony thar a sawi mai chu..Biak In chhung chu “THEMHEH” an sawi ang maiin a reh thuap mai a. A khat tawka inthlahrung tak a hnukulh inhnip ri chu a ring duh viau ni tur a ni. Taksa a sual thleng lovin Pathian humhimna a chang chiang khawp a ni awm e.

(more…)