Zoram mamawh?

July 31st, 2010 10:43 am by C.L.Lura

Zalen ram kan ni a, kan ngaihtuahna khawvel, (tha ber leh fing ber ni lemlo mahse) han sawi/ziah chhuah theihnan a zalen kan han ni ringawt pawh thil hlu a ni a. Chumi karah, thenkhat-in, mahni ngaihtuah leh vei zawng sawichhuah/ ziah chhuah theihna kawng leh hmun in rawn siam thin hi a lawmawm danglam ngawt mai. Ram pawn leh kar hla tak tak atang pawhin, unaute bula ngaituah leh veizawng kan han thlasik mau-puah pui ve ta phawng phawng chu a ni ta mai a. Website te hi kan hmang tangkaiin, hnam inpumkhat nan te, ram siamthat nan te kan hmang thiam ta zel a, kan hman thiam chuan, ‘thil reng reng hi’ a hlu a ni mai a.

Zofa te khawvel a zau tial a, a zau tial tial dawn bawk a – mahni ram pel a kan thlen thui zawh poh leh, mahni ram tan a rual awh a na ting tawh mai a. Mi pangngai chuan, mi ram ‘thiltha leh changkanna te’ mahni ram tan an awt in, chang kan ve hun an thlir thin. Rual kan pawl zau tial tial a, hnamdang thiantha te’n Zoram rawn tlawh ve an duh hun a awm thei – Mahse, Mizoram-ah hian Biak In lianpui pui bak hmuh tur a tam lemloh bakah, han fan pui tur/enpui tur kan nei tlem hle.

Kan ram a kilkhawr bawk nen – kan than a kin ti tih tlat ta mai le!! Kawng ni se zauh ngaihna a awm ta si lo – traffic jam in lal na a chang ta. Electric power lamah lah, hydel project thar sorkar-in chanchinbu leh TV/Radio ah te an chapo pui viau thin na chung-in, State danga thawn chhuah theih electric power neih chu sawi loh, kan ‘Electric power’ mega watt chuti zat kan tih ve sek thin te hian, kan khawpui pawh hnianghnarin min chawm zo chuang silo, thin-tlang lamah ‘en’ belh tir zel kan la duhdawn bawk si. Power kan indaih loh chuan, Industry lian tham te, factory lian tham te, Mill lian tham kan din thei dawn lo phawt mai a. Industry lian tham te, factory lian tham te kan din thei dawn lo a nih chuan, intodelhna kawng a min hlangkai thei tu “thil hlu” leh “chhenfak-awm” Zoramin kan nei thei rih lo tih na a ni.

Khua lah-in lumlam a pan chho hret hret zel a, Air Condition tel lova nun te pawh a la harsa thuai ang. Electric eng tel lo va awm kan thiam tawhlo ang bawk hian, Air condition tel lova awm a la harsa mai thei. Mizoram hi kan vannei a, kan climate hi lumtuk si lo, vawt lutuk silo a ni thin a. Mahse, mihring kan pung zel ang bawkin, khua in lum lam a la pan zel dawn a, Air Condition kan hman fur hun ah phei chuan ‘electric power’ kan mamawh zual ang. Milian vengah A/C nen a an rik chur chur hun a, a rethei deuh veng kan thim thap fo zawng zawngin, mipui kan iak kan iak leh dawn ngei a. Kan Zo tlang ram nuam – chhawrpial run i iang e” kan lo tih thin boruak tha (oxygen) ei chhe/zo tu, lir thei – refridgerator, Air condition etc. an la pung tual tual a nga. Tunlai khawvel ah petrol a van leh to tak hret hret avang-in Diesel Engine alo chhuak tiam tiam ta bawk nen. Kan ram harsatna sukiang tur-in ‘ram intodelh” kan ni hran silo. Kan ram-in thawh chhuah (product)/thawnchhuah (export) sawi tham kan la nei mang si lova. Zoram tana thil ‘kan tih’ sawitur kan neih lar berte zinga mi chu, Central pawisa chuti zat kan ba..tih a ni ber ta mai. Engtin nge kan tih tak ang….bengsik in i ngaihtuah tlang teh ang u.

Thil hlui te chu a ral ta….ngai teh alo thar ta’..tih ang deuh a, ngaihtuahna thar hmang a Zoram tana tanrual a hun ta, Zoram tana thil tha leh tangkai tur, Zofaten nakin zel a kan la chhawr tur ‘ngaihtuah tlang ta ila. Tunhma-in, ram hmangaihtu te’n, ram hmasawnna turin, ruahmanna tha tak tak anlo nei tawh thin a, mahse  office almirah chhung file ah a hmuar zo ta nge? mipuiin kan chhawr lo chu a nih hi.

Hydel project liamtham, chhawr tak tak tlak alo puitlin hun a nghahhlelh awm ta hle mai. Chutiangte kan neih ve hunah chuan, mipuiin kan duh leh mamawhte kan ti ve thei tawh ang. Factory lian tham, entirnan – Passion Fruits (juice), Pineapple juice, Orange Juice, guava (kawlthei) juice siam dan bak-ah, Jam te, pickle te, Wai Wai lam chi te thleng pawhin, thawhchhuah tlakin kan siam chhuak ve thei tawh ang a, tichuan, kan ram thlaithar te pawh hi an hlu zual tawh ang. Thenkhat chuan chung ai a ‘tha’ te pawh tih tur kan hre ngei in ka ring. Kan Zoram thei leh thlai tluk a tui leh hrawk-fah hi khawvel hmun dangah a tamlo hle in ka hre thin.

Tin, ‘Lo hal’ (jhum method of cultivation) te ching tawh lovin, ram ngaw kan la neih chhun te hi humhalh tha ila, ramngaw tha tak tak atangin Ply wood/board leh thil dang siam chhuah beisei bawk ila. Mipui mimirin an hriat lemloh a, kan mau tha ten, kan lui sei ber neih, tlawng lui atanga vai ram lam an pan thlak ngiai ngiai reng ang mai a, kan sum tamtak vairam lama luangliam thla thin te pawh – kan Zoramah an chambang ve tawh mah na.

Mizote hi, bu chhahpui khat-hmawk a ziah tur, history pawh neilo khawp-in kan la naupangin, kan thangchak si lawi a. In chhui theih chin lah a tawi riau va. Chhinlung chhuak kan ni tihbak han sawi vak tur hria kan tlem hle. Kum za kal ta leh tun hun han thlir hian – kan khawvel a danglam hle tawh a. Mizo Patlingin kekawr kan hak ve tan na pawh kum 100 em pawh ala tling meuh emaw ni? Chutiang khawp a hun inher danglam chakah chuan, an thiam ang ang-in, kan thlan lal ten anlo ar khaw thim dai ve mawp mawp a ni ber a, tihsual fe fe pawh an nei ngei e.

Engpawhnise, chu mipuite lal na ram a ni a, tha kan tih te, kan vote tling a, tha kan tihloh te chu, kan vote thla leh dial mai thin a ni ber a. Zoram hruaitu atan a kan thlan lal te pawh hi keimahni ang tho va mihring ve bawk an ni a, an nupui te, nupuia chhung te, leh an mahni ngei pawh,“ Sorkar thau sawh tum ran” an nih loh hram nan tawngtai sak an ngai hle !  

Hengte hi han in zawt ve chhin teh le !

Zoram thanmawhbawk hi tu nge ni a i hriat…?  

  1. Chief Minister nge?                                                                                                
  2. Officer ho nge?
  3.  Party nge?
  4. Mipui?

Hengte hi kan mamawh te an ni em?

  1. Mihring tihlawm tum ai a Pathian duh zawng ngai pawimawh tlat mi, diklo tak a thil ti te, hrem thak thak ngam.
  2. Harsat na tawh phah in, mi lawmloh pawh hlawh phah dawn mahse, ram in a that pui dawn phawt chuan huai taka  ding tlang ngam.
  3. A hun leh hmunah chetzia a, Kristiana leh ram hmangaihna dinpui ngam mi, hna-thawk tak tak mi, zingkarah pawh ‘hna thawhna hmun’ vil thuak thuak mai mi.

Similar Posts:

Recent Posts:

22 Responses to “Zoram mamawh?”

  1. 1
    ^-||RaLtE||-^ Says:

    van thui e… Ni e, in sawiho teh ang u.

    Report this comment

  2. 2
    wonderboy Says:

    A va sei ve!

    Report this comment

  3. 3
    zualbonez Says:

    va sei ve…ka la chhiar hman lo tlats…ka chhuak leh rih

    Report this comment

  4. 4
    Keimah Thingtlangpa Says:

    Kei ka ngaih ve dan chuan zoram mamawh chu dikna a ni. Ram hruaitu nih chaka phe phe te ho hi ram thanmawhbawk an ni a..tin,mipui pawh kan dik lo..thawk lova ei kan tum thin hi a dik lo,kan bible thu nen pawh a inmil lo..

    Report this comment

  5. 5
    Keimah Thingtlangpa Says:

    Lo hal tawh loh hi kan rawt ve chhen a..heihi ngaituah a ngai a ni..thingtlangpa chu kumtin lo neia,eizawng a ni a,lo a vat a,a hal a,thlai leh buh a tuh a..a kumkhat ei tur buh a thar a,thlai pawh a hunlai milin eitur a hmu zel a..lo hal ta lo se,engtin nge ei a hmuh ang..sorkarin a sem dawn mi? Zahmawh an sawi ngai lo!

    Report this comment

  6. 6
    mzvision Says:

    Zoram thranmawh bawk ah hian tute mai pawh hian mawh kan phurhna chin a awm khop mai. Mahse kan sawrkar thlangtlingtu chu mipui te kan ni kan beisei angin an thawk lo. an thawh loh chhanah hian sawrkar chhiahhlawh leh mipui te emaw anmahni vang te pawh hi ani thei. chutih rualin a sawrkara te pawh an ni thei tho sawrkarate nawr buaitu chu mipui an ni leh thei.sawrkar advice diklo tu chu a chhiahlawh te pawh ani thei bawk. Mahse thutiam (chhechham) latu chu sawrkar kan tihte an ni.

    He kan system-ah hian mipuite tana infrastructure thra hluitute leh system thratak dintute chung rah tlantu mipui ten taima tak leh hlawk zawk leh remhre zawka hna an thawhna tur system duangtu turte hi chu an pawimawh tawp theilo chu anih hi.

    Kan system kan lungsik loh em em change tur hian rawtna a tam tawh hle mai rawtna mumal tak nena mahni inphata penchhuak ngam thralai thrangthar tihlawhtling ngei tur kan mamawh ani. Kum 50 pel hi chu nilo hram sela.

    Report this comment

  7. 7
    Mickey Hlondo Says:

    A dik chiah, kei pawh heihi ka ngaihdan a ni. Lo hal loh leh neih loh hi chem loa lu lak ang vel a ni. Kan ram hruaituten kuthnathawh that zia mipuite min zir tir a, an tu leh fate chu an kuthnathawh an phal leh bawk si lo… Buaithlak ni e…

    Report this comment

  8. 8
    lzboikhar Says:

    Post a sei bawk a, kan comment sei ve teh ang -
    1)Sawrkar (politica Party) : Ramin a mamawh avanga theihtawp chhuah ai chuan inthlan leh huna an tlin dan tur atana theihtawp chhuah thin te, ram mamawh atana theihtawp chhuah ai chuan mahni pumpui hnawhpuar ngaipawimawh hmasa te …. an ni…kan thanmawhbawk dik tak a ni e.
    2) Mipui : A lian atanga a te ber thlenga sawrkar beisei tlat, sawrkar leh ram tana thil tha tiha mahni inpek aia sawrkar ei hekna tur leh a lo dawng ringawt tura ngaituahna nei tlat tute kan ni … kan pipute dream pialrala faisa ringa khawsak tumna ang chi kha kan la dream chhunzawm zel emaw ni?
    3) Officer : Hnathawh aia Official lam ngawt ngaihtuahna a nei, ram hmasawnna tur hna duang chhuaktu tha tak ni lem lo, mahse hlawh thar tur duang chhuak tha thei tak.

    Mahse, fel tak leh tha tak tak chu mipui leh officer zingah chuan an awm ve ngei ang … politicians ho erawh chu ram hmangaih tak tak tia han sawi tur ka la hre lo. Ram hmasawnna aia anmahni in leh lo leh chhungkaw thang hmasa te vek hian kan ram hi an la hmangaih? rih niin ka hria !!! teh duah a

    Report this comment

  9. 9
    Chhaktiang-a Says:

    Kan zavaia mawh chu anih rualin kan officer leh politician ho hian mawh an phur nasa zual.
    OT loks: Eng a tinge maw ‘thalai’ tih tura ‘thralai’ ti te, ‘tha’ tih tura ‘thra’, ‘tangkai’ tih mai tura ‘trangkai’ tih hman hrat tak hi kan tam em em chu le..Zo tawng an pawngsual leh ta…vuak hrep tlak an ni..mahni tawng(trawng ni lovin) pawh thiam lo te chu a…mai mai.

    Report this comment

  10. 10
    funny Says:

    mipui kan thanharh loh chuan hetiang hi kanni reng ang. :)

    Report this comment

  11. 11
    gothica Says:

    funny lo comment teh u… ka chhiar hnu ah, comment section ka en thla den2 a… ka comment chak ta leh lem lo khawp mai.

    Report this comment

  12. 12
    Atom c Says:

    Shifting cultivation ti danglam tur chuan kan ram a intodelh hmasak phawt a ngaih ka ring, anih loh chuan thingtlangah chaw kan nghei ani mai .
    Ka ngaihdan mai mai ah chuan kan sawrkar leh ram hruaitute hian mi hosa fa awm tha duhlo leh miretheite min chawkrual ni berin ka hria . Chumi lanchian em em na pakhat ni a ka hriat chu tuna kan college kal dan system hi ani, mirethei inhlawhfa chawp a college rap ve te tan dinkhawchhuah a harsa tawh lutuk .

    Report this comment

  13. 13
    mzvision Says:

    Shifting Cultivation chungchang hi Canada mithiam ten Nagaland an zirchhuah chu pipu atranga an lo chin thran th STOP mai hi a harsa. Chuvang chuan thing puitling hma chi hi buh an tuh pah khan phun tel sela tichuan rambua hi a lo nep anga thlai an thar thra bk ang tih kha an thutlukna nita in ka hria.

    NLUP hmalakna hian huan lo ram nghet neih hi a thupui pakhat ani a chuvang chuan kei misual hian ka tuipui khoops, a hlawhtlin ngei nana RAMPUM trawngtrai rual hial ani ka duh ni. tr hi ka hmanglak loh NOI

    Report this comment

  14. 14
    CyberThug Says:

    Tha hmel ve. Kan chhiar phawt

    Report this comment

  15. 15
    VaiVa Says:

    Mizoramin a mamawhte:
    1. Dikna
    2. Huaisenna
    3. Rinawmna

    Chief Minister ka mawh lova, Officer-te ka mawh hek lo! Party phei chu ka mawh hlawl lo. Mipuite ka mawh dawn chuan a ngaite bawkin a nawlpuiin mawhtur ka zawng tihna a ni dawn si a.

    Tichuan, mimaltinah han en ta i la, a chunga point pathumte khi Mizoramin kan mamawhte niin ka hre ve tlat mai le.

    Pathian thu a ni emaw, mihring thu a ni emaw, Dikna, huaisenna leh rinawmna tello a hmasawn kan tuma, mawhpuh tur kan la zawn chhung chuan Mizoramin kan mamawh kan la hai niin ka hria.

    Chuti chu kan mamawh chu engtin nge neih theih ang. A chunga mite hi kan duh satliah a ni mai lo va, kan mamawhte an ni si a.

    Thalaite chauh kan pawimawh lo. Tawngthei a kal thei tek tek tawk phawt chuan hriatna thehdarh kawngah kan hmazawn theuhah hma i la teh ang u. Tih hi ka hmatheh ni se…. han sawi zam zel u la.. ka lo inngaihtuah chhunzawm ang e. :cool:

    Report this comment

  16. 16
    gothica Says:

    ka comment chak lo lehzual

    Report this comment

  17. 17
    mr public Says:

    bang rawh se!

    Report this comment

  18. 18
    zualbonez Says:

    http://www.youtube.com/watch?v=Bh26zOjIh9I

    Report this comment

  19. 19
    mr.Duhlova Says:

    18
    zualbonez # teh daih chuan…….

    Vawikhat chu, Nepal leh Tibet (China) ramri-ah Mizo Ywam 6 kan hruaia, kan haw lam Nepal Police in min ti ding a, (Nepal ah hian Indian tan visa ngailo mahse, India mi kan nihna identify a ngai a)Ywam naute ho hian, Passport or ID engmah in identify na tur anlo keng silo va, India mi kan nihna engtin emaw tal tihlan a ngai si a – Jana Gana mana kan sa ta a…..min chhuah ve hlawl mai. Jana Gana mana sak theih pawh hian hlutna alo nei ve khawp mai.

    Report this comment

  20. 20
    chawnghilh Says:

    “Kan zavaiin aw …” —Rebecca Saimawii

    Report this comment

  21. 21
    Sony Says:

    Vaiva says: Mizoramin a mamawhte:
    1. Dikna
    2. Huaisenna
    3. Rinawmna

    Sony says: Mizoramin a ngaihsante:
    1. Super models
    2..Faith healers
    3. IPhone

    Report this comment

  22. 22
    hmingtea Says:

    90% hi chu sorkhar (ministry) leh kan officer ten mawh an phur a dang zawngah chuan mipui vantlang eng vakmah hrelo ho hian an pawng tawn vote vangin mawh an phur ve tho.
    Mipui te hi chuan an mawl vangin mawhan phur.Politician ten an bum ani zawk mahawm e.

    Report this comment

Leave a Reply

You must be logged in to post a comment.