Novelist Kaphleia of Tachhip

July 31st, 2010 7:47 pm by chawnghilh

Tachhip khua hi khaw biru ang reng tak a ni awm e. Muallungthu leh Aibawk khaw inkarah a awm a. Aizawl atangin 25 Km vel em ni ang aw? World Bank Kawngpui hian a khaw pawnah a hel miau a, chuvangin khaw biru a nih phah a ang. Va luhchilh meuh chuan khaw nuam leh khaw dung sei, khaw fai tak a lo ni reuh va. Novelist hmasa Kaphleia thlan pawh a awm a, a hmar lam khaw daiah Sibuta Lung hmingthang tak a awm bawk.

An khua hian field hring nuam tak an nei a, an thalai thaza tak tak te pawhin football an khel a, an tawlh thlu zawt zawt lai ka thlir ve reng alawm! An khuaa Medical lama thawk Pi Kimi hian an khaw tlang chhipah a thiante a hruai a. Tachhip lalpa leh lalnu thlan, Bung zar hnuaia awm a kawhhmuh lai ka han nang fuh a. An thla ka la a.

Kaphleia thlan bula bung leh Tachhip lalpa leh lalnu thlan bula bung hi mi huihphai an phuntir a ni ve ang em le? Sateek-a mi kha chu a nih thu in rawn ziak tawh a.  Sibuta Lung-a min hruai ka ngiat nain, a hla deuh va, vangvat leh pangang a awm an hlauh avangin, kan kal thei ta lo.

Mizo leh English-a Kaphleia kutchhuak ziakna Bu pawh Pi Kimi (Health Worker) hian mi entir a. Ka’n thlir puat puat a, a ngaihnawm hmel fu a. Mahse, English text ka zuk hmuh khan spelling mistake ka hmu hnem hman riau va, a edition a mumal vak lo turah ka ngai. Ro hlu atan chuan ennawn leha chhut that a duhawm khawpin ka hria. Kaphleia English spelling chuti em ema a dik loh ka ring phal si lo.

Thlalak thenkhat rawn tarlante hi han thlir ve ang che.

Similar Posts:

Recent Posts:

22 Responses to “Novelist Kaphleia of Tachhip”

  1. 1
    gipsydreamz Says:

    Vawikhat nan kan zephenath Tachhip ve teh reng reng ang

    Report this comment

  2. 2
    littlerascal Says:

    nakinah ka la chhiar ang

    Report this comment

  3. 3
    khamrang Says:

    I thlalak na hian ngaihtuahna pawh a la thei lo maw… kelh kulh mai

    Report this comment

  4. 4
    kilung Says:

    C.Thuamluaia leh Kaphleia hi an ngaihsan awm khop mai.An thu xiah pawh ka chhiar nasa..A thu xiah tlem tal tarlan theih ni se…

    Report this comment

  5. 5
    Chhaktiang-a Says:

    A nalh hle mai…Pu Chawnghilh, pic. 4 ami khi pi kimi nge in nu zawk le?

    Report this comment

  6. 6
    wonderboy Says:

    world bank kawng a tlan hian tumloh deuh a Tachhip lam a kual chhoh sual a awl a nia aw, zan tlan phei chuan!

    Report this comment

  7. 7
    zualbonez Says:

    wonderboy…..i car ah min lo phur ve…..chaw thing ka thloh miah lovang

    Report this comment

  8. 8
    H.Vangchhia Says:

    A hmun vel chu a daih nawm hmel hle mai. Sibuta lung chu i va hmu law law lo nia mawle, i vangvat hlauh vang mai mai a kalloh hehehe NOI :) Sibuta lung hi thawnthu a ngaha a hmun kal pawn ngaihtuah a ti thui thei khawp asin.

    Report this comment

  9. 9
    As_Khiangte Says:

    A va mawi hlawm tak em.
    Hman ni deuh khan kan kal a, Sibuta lung pawh Art & Culture in an humhalh a, thra takin an hung thlap mai, Camera ka lo keng lo hlauh a ni.

    Pu Chawnghilh, Sibuta lung panna kawnga kal khan kawngpui a pawh thla leh mai a nih kha in kal hram lo nia.

    Report this comment

  10. 10
    Pangtichawr Says:

    Biakliana

    Report this comment

  11. 11
    Chhaktiang-a Says:

    E khai,Pangtichawr chu dam thin maw… reh thei thin hle mai….
    OT loh nan picture ho chu a fiah tha hle mai

    Report this comment

  12. 12
    Siakzapauva Says:

    Kaphleia hi ka ngaisang khawp mai…

    Report this comment

  13. 13
    ZerO Says:

    Tachhip Presbyterian biak in bula bung kha ni maw. Thu leh hla lama ZerO hian novelist Kaphleia pawh ka hre lem hlei law.

    Tachhip atangin Se-ven-phul an indang a, Kawngpui kam ami kha Sevenphul a ni. YMA branch hran, Pres pawh kohhran hrangin an ding. Kulikawn atangin 23.8km a ni.

    Sibuta lung hi World Bank kawng, Muallungthu leh Tachhip ramri, Darnghaki thih kawn, atangin chil chhak phak lek alawm.

    Report this comment

  14. 14
    sihal Says:

    a lawmawm thin ngawt mai hetian ang a taka ka hmuh hauhloh tur in zarah ka hmu fo thina ka lawm e

    Report this comment

  15. 15
    Leavi Pcresn Says:

    Thlalak hmasa ber chuan minva da’h tir nasa ve….. I dak chho nasa ve hle ang maw….he he.. Pahnihna chu ka lawn thei ngei ang..
    Thlalak panga chu…’Aw chhaktiang turni tla’ ti a zai vang emaw.. in lém pui tur awm se > tlan zuai zuai a va chakawm ve…he he..Thlalak hnuaiber chu a mi(sual)lai a ni ngei ang..Lol
    Tin..Pu kaphleia chanchin chu sawitur ka hre mai lo..Daih fawkkkkh…

    Report this comment

  16. 16
    sisen Says:

    Kaphleia leh Biakliana dam reilo lutuk hi chu a pawi a ni

    Report this comment

  17. 17
    dr_feelgood Says:

    Tachhip hi ka kal ve tawh, mahse hetiang zawng hi ka lo ngaihtuah ve lem lova, ka lo la hmu ngailo.Very informative.Very beautiful.

    Report this comment

  18. 18
    Keimah Thingtlangpa Says:

    @#6 wonderboy tachhip lama kual chhoh awl i tih chuan i motor khalhah ka chuang ngam lo tawp mai. Kawng a inan loh nen..han hai chu mawle

    Report this comment

  19. 19
    chawnghilh Says:

    @ZerO : Sevenphul leh Darnghaki Thih Kawn tih pawh ka lo la hre ve ngai lo! A va informative lehzual em! ZerO nge nge! Thanks!

    Report this comment

  20. 20
    shailendra Says:

    computer screen pangngai atangin thalak ho chu en theih ka va han chak tak. Handset screen hi zawng, nep set set em…

    Report this comment

  21. 21
    shailendra Says:

    Sevenphul tih pawh chu a awmzia nen pawh ka lo la hre ngai bik miah lo mai. Tachhip khaw per tiin ka lo ring mai thin a.

    Sibuta lung chu dam a Hmuifang a MI hunah tlawh ve tur a nih chu. Ka tlawh ve tum in ka la te lutuk a, mumang ang deuh ruai chauh in ka la hria.

    Report this comment

  22. 22
    Phuahchawp Burma Dr. Says:

    Pu chawngilh chu zolkhopui i ron chuangchhuak leh toh em ni o, US lam pic aiin tachhip lam pic daih daih te, :lol:

    Report this comment