Mizo te’n inven aia tihdam kan thupui zawk em ?

July 31st, 2010 4:29 am by lzboikhar

Mihringte hmelma chu inthlahdahna hi a ni. Nun thlahdah mi chuan amah a invaw let a, a tuar thin. Mihringte chungah kawng hrang hrangin vanduaina kan tih hi a lo thleng thin a, heng zinga thenkhatte ( a zawng awng nilovin ka tihna) hi chu pumpelh kan tum pawha kan pumpelh theih loh an ni a, a tam zawk hi chu kan pumpelh theih leh kan inven lawk theihte an ni a, chung zingah chuan kan chenna leilung kan enkawl uluk loh avanga chhiatna kan tawrh thinte hi kan sawi ve teh ang … kei misual hian.

Kumin hian ruah tui kan hmu tam ang reng hle a, fiamthu a ‘Silpouline City’ tih theih khawpin kan khawpui hi a pawl leh tuar tawh em aw! A hmasa berah chuan, kan khawpui hi khawpui dangte anga uluk taka ruahmansa thlap a nih loh avangin a leilungin a dawl loh tura insak te, tui luan kawr (drainage system) tha kan neih tawk lohzia te, inkhuakhirhna awm lem lo leh a remchang lo chung chung pawha in sakna khawpui kan nihzia te sawi lan loh theih a ni lo va. Heng zawng zawngte hian kan khawpui hi khawpui mangkhawngah chantir tawh mah se, kan chenna a nih miau avangin a venhimna kawngah tih tur (duty) kan nei theuh a ni.

Mumal taka ruahmansa nilova kan tui chhia kan luan bo tir hian kan awmna lei a tihnâwngin a tinghet lo thei a, inchung rangva/dithli farfem dawh that lohin lei a chiah zawk kumtluan avangin kan in chhehvel pawh min mai theiin kan siam thin. Nakin hun ngaihtuah miah lova kan luikawr neih chhun leh side drain-a bawlhhlawh hetiang zozai kan paihte hian kawrté tui lian hlauhawm tak kumtin min siam ziah bawk a ni. Kan bawlhhlawh paih fimkhur lo leh Septic Tank siam uluk lohte hian natna hlauhawm min thlen thei bawk. Inhnaih te tea khawsa kan nih avangin keimahni chauh ni lo, mi dangten an lo tuar tel ve zel thin a ni.

Heng zawng zawngte leh kan sawi bakte thleng hian mi tin, chhûngkaw tin leh kan khawtlang hian keimahni ngei chhiatnaa kan inbarh luh theihna lak ata hi kan inveng thei tih hria ila. Kan khawsak inthlahdah thin avanga kan chung ngeia chhiatna lo thleng thin hi engtin nge kan tih bo theih ang le ? Tihdam aia inven a that zawk zia hmangin mizote hian thlarau harh tharna kan mamawh em ? Naupang leh tleirawlte/rawltharte venna leh enkawlna (sunday school etc.) tura sum leh pai phal tlem hle si chunga Gospel Camping (a thalo tihna nilovin!!) siamna tura nuai chuang chuang seng ngam Kohhran kan la tam lutukte hian inven aia tihdam kan hmachhuan zawk zia a tilang chiang hlein ka hria ! Enge i ngaihve dan ?

Similar Posts:

Recent Posts:

23 Responses to “Mizo te’n inven aia tihdam kan thupui zawk em ?”

  1. 1
    Leavi Pcresn Says:

    He thu hi A..! tuiluan kawr awm sa ah pawh bawlhhlawh paihnan kan hman zel tho si a.. Engtia han tih tur ge ni dawn le…In lah chu a bit tut mai tak si a…Intinin tuidawn siam vek sela,hman senloh chu a rem dan ang angin pipe ah zawm khawm hlawm se chu chu culvert ah/kawrpui deuhah zuk in chhung sela…Nihloh leh tanky lian tawkah thala pump vak ngailo turah chhungkhawm se..A tha mai in, ahau tak phian awm mang e…Bngsrd..!!

    Report this comment

  2. 2
    Leavi Pcresn Says:

    Ka 1st kan lawm teh ang…Tin, post pawh ka hnaih ve tawh sawt riau in ka hria..Bngsrd (a thra riau Bngsrd !)..!
    Khawi khua ah pawh hian khawchhungah culvert a awm a..Han enchian ila culvert thlang lawk chu lungphahlo a ni zui nghal deuh chawk..Thui tawk kawr thleng rawk te hian awm thla zui mai se la,estimate pawh tam deuh ta mai sela..Chuan a tha mai lo maw le…Khua

    Report this comment

  3. 3
    Siakzapauva Says:

    Kan ram hi kan vei tak tak lo ni hian ka hre thin.Ram hruaitu te atanga mipui thleng hian thil th(r)a kan sawi vak vak a,a tih tak tak hi a awm thin silo..Hetiang renga kan kal a nih chuan kan ram hian rei a daihlo ang.A thawh in i thawk zawk ang u.

    Report this comment

  4. 4
    chawnghilh Says:

    Kan inhmakhua-lawk lem lo, he thu hrethiam lo tan, inhmakhawsuih kan vang. A tlai-chhiat hnua tihdam tuma vir khu chung leh si kan kat nuk!

    “A tlai lu’ ta an la ti ang,” tih hla pawh ngaihtuah chiang lova saa lam duai duai pawh kan tam. :lol:

    Zin dawna motor ruih loh nana damdawi eilawk takngial pawh kan thatchhia!

    Report this comment

  5. 5
    ZerO Says:

    Ziak tha lutuk. Mahse fur ruahtui tlak tam hma, Aizawla veng hrang hranga lei a min hma te khan rawn post la a tha tur :)

    Report this comment

  6. 6
    ZoRawks Says:

    Ziak tha khawp mai. I sawi ang hian thil reng reng ah inven aiin tihdam hi kan ngaisang zawk ni hian a hriat theih.

    Report this comment

  7. 7
    mzvision Says:

    Post thratak ani. Hetiang lam hi ka vei avangin ka tiri ve zeuh2 tawh. Pipu atrangin kawra bawlhlawh leh hnawmhnawk paih mai chi kan ni. Fawvai/Favai han hnawng vel kha uihli tawmna tawmna anih thrin kha le. “… uihli riltramin vawk seha vawk thak tiin ban nawt hrawih e …” OT treps.

    Drainage system hi ka duhdan –
    1)Ruah tuihawk hi chu kawrpuiah lakluh vek tur, mumal taka drainage system siamin. tunge sum tum ang? a thren sawrkar a thren mipuite’n.
    2) Awih pang veng tin hi thler te te in kan insiam deuh vek khami thler phei ah khan kawrpui pawh drain thra tak a awm vek a ngai. Tunge siam ang? ele sawrkar mahse hemi chhawrtu in neitute hnenah a man a lalet ang chu
    3)Kawrpui hi anih ang ang hi chuan a bul ram te a ei min duh avangin RCC emaw lungrem in emaw lined vek nise. tunge sum tum ang? ele sawrkar.
    4) intin te inbualna leh choka etc thli te hi pipe vekin kawrpui thlen nise. Kan afford hunah ekin thli nen pipe khatah kan lakhawm anga treatment planah kan thlifim ang.
    5)Solid Waste Management hi khawpuiah sumdawnna tling ani misualah kan post toh chhiar peih tan – http://www.misual.com/2009/03/.....atise-ila/

    Choka thil silna thli ringawt hian kum 10 a lo vei chuan 12X24ft lei hi a chiah zawp thei. Lei hi a zawp chuan tui angin luan a tum thrin chu chu leimin te kan timai thrin.

    Lei tuiin a chiah zawp a leimin a awm thrin venna chu drainange system awm si lo thing leh thlai lo absorb puitu awm bawk silo ah chuan a venna awmchhun chu Khuh Hul ani chuvang chuan han hawi vel ila a paw chuaih mai anih hi ;)

    Report this comment

  8. 8
    lzboikhar Says:

    #5 a ziaktu pawh hian a tlai hnuah tho post leh sia … a thupuiah ka lo chiang bik lo a nih hi.
    kum khat chhunga ruahtui kan dawn zat han ngaihtuah ila, a dawh khawlna tur tha tak siam kan ngaihthah em em laia tui lama kan harsat si ziate hi …

    Report this comment

  9. 9
    lzboikhar Says:

    # 7 … mzvision … i rawn tuihnih a tha hle mai. Mahse, mipui chanvo lam i sawi tel lai hi a huphurhawm ka ti. Sawrkar tihsak hun nghak tlat thin mizo mipuite hian kan himna leh thatna tur tih hriatrengah pawh hian tha thawh kan tum hmasa ngailo thin em a ni. Sawrkar a che muang, sawrkarin a ngaihsaklo kan tih fona tam tak pawh hi … sawrkar chet hun kher nghak lova kan lo tih ve theih a ni ve fur tho thin a sin

    Report this comment

  10. 10
    khamrang Says:

    Mihausa insak leh mirethei insak kar chu a hla ta ve ang.

    Report this comment

  11. 11
    ZerO Says:

    @mzvision, i ziak tha khawp mai. Sorkar hmalakna hmuh tur a la tlem a. August 2007 khan UD&PA Dept. in JNNURM (Social Infrastructure) & UIDSSMT tanpuinaa Aizawl khawpui tan Urban Transport, Sewage, Slum area, urban renewal etc. atan DPR siam tur tender a chhuah kha maw! Enge an an zel aw?

    Report this comment

  12. 12
    H.Vangchhia Says:

    Mizo te hi kan ngaih a sam mah mah thinin ka hre ve fo mai. Inhmun te pawh hi a ram awm dan a zira in sa lo hian kan tawngpawng sak vak2 zel mai a, chhiatna a awm a kan mangangin sawrkarah puhmawh leh lawi si thin. Sawrkarin enge min tih sak theih tih aiah enge ram tan ka tih theih tih hi ngaihtuah a tha fo. Sawrkar lamin tuihawk luankawr tha pawh siam dawn che, kan nek chep lutuk a, engemaw ti taka thuneitu te lam an chet loh chuan angaihna a awm tawhlo a nih ber hi!

    Drugs te pawh min an ti ve ngawt a, a ngawl an vei meuh chuan an mangang leh si thin. Sex pawh a ni tho, safe sex neih peih kan awm tlem hlein ka hria. Safe sex neih peih loh vanga HIV nei te erawh chu an mangang hlein ka ring.

    Prevention is better then cure tih hi tawngkam mai lovin, a taka kan nunpui angai takmeuh niin ka hria.

    Report this comment

  13. 13
    Sony Says:

    Inven aia faith healer (tawngtai dam thiam) ngaisang kan nih hi. Mizoram thim zia ka hmuh thar chu fiamthu ni miah lovin CLC RKA Serchhip inti in Vanglaini ah dan kalh thak sorkar hnathawk aia kal a sawimawi mauh mai le. Pu K.Sapdanga pawn khatiang article thing lutuk lo publish reng rweng.

    Report this comment

  14. 14
    lzboikhar Says:

    #13 .. Sony, a dik lutuk … a pumpuiin rawtuai ei a ngaih lo tih hriat reng a, ei lui a, a lo nat huna tawngtai dam thei pan leh si ang chi hi … tawngtai dam thei pan ai chuan a taksain a huat zawng tihloh kha a dampui hma zawk te ka ring ve thin … haha

    Report this comment

  15. 15
    mr.Duhlova Says:

    12
    Pu Hv # A dik khawp mai. Se-bo hnu a Se-kawng khar kan uar deuh.

    Report this comment

  16. 16
    Lersia Says:

    @Pu Mzvision #7, “Pipu a tangin kawra bawlhhlawh leh hnawmhnawk paih mai chi kan ni” i tih hi tawmpui har ka ti deuh hlek ani. Tun ang hian kan pi pu te hnun lai khan sahar leh plastic, Saidawium te leh thir te, pawnchhia leh lehkhathem chen in an nei ve lo ta emaw tih mai tur khawp in a tlem ani. Hnawmhnawk hi kan nei tlem teh asin. Kan hnawmhnawk neih thenkhat te fafu(vawk in an duh), favai (ar bual ani thin, an thai darh nasa thin khawp mai) leh chawhmeh hik na ilo chu ran in an tlanzo tlangpui leh nghal. Hengho hi char leh kawmthlang a kan paih mai chi te an ni a, a dang pawh ala awm ang. Phiahawng a lenglo kan paih chi hi a tamlo hrim hrim ani. Tin, kan pi pu ten kawr a paih tham hnawmhnawk an neilo pawh ni mai lovin a paihtur khawl na bawm tak ngial pawh anla nei zolo zawk ani. Tuna kan harsatna tawh hi pipu te mawl kan chhawm nilovin thangthar lungmawl ten kan at man kan tel a ni ka ti zawk e.

    Report this comment

  17. 17
    mzvision Says:

    @Lersia
    Nia ka pi pute tih khi kan khua kan awmlai kan naupan lai ka mithla vang ani. keini naupang lai 1960s chho vel kha chuan kawrah an paih ve tlat tawh kha ka rilru in a mithla ani.

    Choka hran kan nei dap chhuat chawnawi kha chu kan phiat thla mai, abak zawng chu kan in piah thlang kawrah kan paih

    hmanlai pi pute hnulaiah chuan i sawi khi a dik khoops ka ring

    Report this comment

  18. 18
    Lersia Says:

    @pu Mz, kei pa tumlum ve tak mai hian thangthar te hriat a pipu te hming hliau tur hi ka lo ui ve tum hrang thin a lawm mawle. . . I ziak tha hlawm thlawis…

    Report this comment

  19. 19
    As_Khiangte Says:

    Kan Mizo thufing ‘Se bo hnua se kawngkhar’ tih hi chu a dik ngawt mai, kan thufing ni awm reng a ni kan inhmeh hluah hluah.

    Kan pumpui ngaituah lek lovin thil hrawmhraw pui pui kan ei a kan in bawk a, kan pumin a tuar lo chinah ‘ti nge?’ tiin doctor kan pan leh a.

    Drain/side-drain thra zawk kan neih theih nan Department hranpa hian ding se a thra hlein ka hre thrin a, a nih em loh pawhin PWD ah hian CE hovin Circle, Division te nei thliahin drainage hi buaipui ta se kan ziaawm zawk ngei ang. Tun ang renga kan kal hi chuan drainage system thra hi kan neih lawk lawk ka ring lo ve :(

    Report this comment

  20. 20
    mzvision Says:

    ‘Se bo hnua se kawngkhar’ tih lai tak nen hian kan sawi drainage system hi a ianglo tiin tran kan khawh teh ang. Sial hi khat tawk takin an lo hawng thrin Se-huang siamah pala hungin khung thrinah kan ngai anga. Sial kawng khar anih loh chuan an ram tla duh kha an chhuak bo daih thrin

    Tichuan Se-huang hi drainage infrastructure nita sela drainage system kan la neih miau loh avang hian a inhmeh/mil em le aw tiin tranhmun kan khawh te’ng. NOI

    Infrastructure ah hian kam mamawh dan indawt emaw mamawh hmasa hi kan hriat a va poimoh tak em? kan chenna tlangram lei nghet lo min duh si angah te hi chuan Priority hmasa tur chu drainage system thra hi a va ni tak em ve le. Mahse hlamchhiah a hlawh hle mai si :-(

    Report this comment

  21. 21
    As_Khiangte Says:

    @Pu Mz, i rawn chai kual dan kher kher chu aw… :D Thil a pawi tawh hnuah tran han khawh viau te, han insenso viau te hi a sawt lo tihna a ni mai a. Drug pawh addict tawh chuan chhan chhuah hleih theih an ni lo, an tih chhin hmaa ven kha a pawimawh a. precaution, prevention lamah hma kan sawn a trul hle mai. :D
    Drainage system chuan tun ang renga kan kal chuan hlamchhiah a hlawh reng dawn a ni, i ti dik. Irrigation pawh dept.hranin an awm tawh a, drainage system pawh awm ve tawh se la. Nge road construction te nen hian kaih thren chi a ni lo zawk :?:

    Report this comment

  22. 22
    khamrang Says:

    You don’t call a person a failure unless he is ready for the grave.

    Report this comment

  23. 23
    mzvision Says:

    @As_K
    Sande Skul zawhna zawh hrat khirh deuh deuh handle thrang chu inhriat khoops. Drainaige System hi hmala turin sawrkar kalta khan in threnawmpa te thawhna hlui kutah an dah ta daih mai road lam nen a inkaihhnawih ta si lova mahse culvert tui luanna tur chu buaipui a ngai lawi sia a chiri rih anih hi.

    Kan hnialhrat loks ‘Se bo hnua se kawngkhar’ hi chuan thil awmsa maintian thrat lam hi kawk deuh hian ka hria mawle. Preventive mainenance te routine maintenance te leh periodic maintenance te.

    Prevention is better than cure nen hian ka hmehbel rem duh lo lui ve mai mai hnialhrat thu hla ah NOI

    Report this comment