Min kalsan suh

July 31st, 2010 9:56 pm by Chhaktiang-a

Satu:CFL Hmingthanga
Phuahtu:….???

1.Ka hlimni leh lawmlai ni pawh a,
Ka theihnghilh ngai loh mampui;
Sakhmel tawn loh ni a rei mange,
Hlimten khua hmuna kan len hun chuan;
Tawn loh kar lunglen i hril dun ang aw.

*Hmangaihna ka sawi thiam lo ve aw;
I tello chuan hlimzai reng hi maw;
Ka rel thei mawlh lo ve.
Ka thuva nunnem min kal san suh,
Khawngaihin e ka kiangah awm reng rawh*

2.Nang vang hian e,zaleng dang te pawh
I ta ka nih thu hi hrilhin;
Sirah hnawlin nang ka thlang thin che.
Kei aia hmangaih zawk dang i neih chuan,
Khawvelah damchhan tur dang ka nei lo.

3.Tlin lohna zawng zawngte inngaidam tawna,
Felnaah inruattawn zawkin;
Hmangaihna chauh hi kan karah ding reng se,
Lei damchhung ni chhiar dun zel turin,
Hmangaihna chauh hi i vawng zel ang aw.

Zofate zing mai ni lo, he universe chhunga zaithiam ka tih leh ka lunglen hnemtu ber chu CFL Hmingthanga hi a ni. He hla pawh hi mawi lutuk tak mai,mittui ti tla zung zung thei (keimahah) khawpin mawi lutuk tak maiin a thlawh anih kha. Mi rama han awma, chhawrthlapui a en chang phei hi chuan CFL-a hi ka hmang rim thin khawp mai. Tunlai thangthar nimah ila, ka la duh ber mai nia.

Heti khawp hian duhin, a hla zawng zawng sak puiin duh viau mah ila,a chanchin hrim hrim hi ka hre lo khawp mai a..A hming hi a nu leh pa hnam hming kaikawpin Chhakchhuak Fanai Laihmingthanga a niin ka hria.( dik tak maw). Tin, hla phuah hi a awlsamin a hla tam tak hi a sa nghal bawk niin ka hre ve a. Ka misual puite zingah a chanchin eng hawi pawh, a hunlai, tuna a àwmna, a cassette chanchin, a contact no. etc ( all Cfla related) hria in lo awm ka beisei avangin inthlahrung tak chungin ka rawn post ve a ni e..i han tang tlang leh dial dial ang u hmiang…a hla thenkhat phuahtute pawh sawi ila….Ka lawm hle ang.

A hla sak thenkhatte:-
1.Chhan let loh hmangaihna
2.Chhuahtlang hmun hlui
3.Duhaisam a kim
4.Hmangaihna rose par
5.Hmangaihin hmangaihna
6.Hmangaih CFL
7.I mawi chuang e
8.In tawng leh ngei ang aw
9.I tan ka lo kir leh
10.Ka star no.1

11.Ka D tawn hun tur

12.Ka lung a leng mange
13.Ka nau vala
14.Ka thian ngaihawm
15.Ka thianghlim tawh lo
16.Khuavang kal lai
17.Khuavang chhinchhiah
18.Kan hlim laini
19.Ka hmangaih ber i ni
20.Lanu lungmawl
21.L.D.Hmeltha
22.Min kal san suh
23.Min thlahliam ang che
24.Mitthla alang hlimthla
25.Muttui mangtha
26.Min hriat chhuah tir
27.Ngaihlai Masang
28.Phu loh dawn thar
29.Rauthla D

30.Thang nuihiauvi
31.Then che ka hlau ber mai
33.Then lohna ram
34.Tah loh mittui tlak
35.Valtin lawri
36.Vul dun ang aw
37.Zawlaidi
38.Zokhaw tleitir

( Mi lungleng ve te; ka lung a leng mang e)

Similar Posts:

Recent Posts:

32 Responses to “Min kalsan suh”

  1. 1
    kawlhawk Says:

    Zephenath hi ava reh ve! Min kalsan ta em ni? Min kalsan suh se… CFLa’n a ti. :lol:

    Report this comment

  2. 2
    ThaiBoy Says:

    LD Hmeltha tih hla hi kala duh reng… “Furkhaw thiang Chhawrhthla eng i iang e” tih laite reuh hi a phuah thiam kati.

    Report this comment

  3. 3
    sisen Says:

    Naupangte kan la nih laiin CFL-a hian kan vengah hollow guitar nen chauh a rawn concert tawh

    Report this comment

  4. 4
    Pangtichawr Says:

    CFL-A hairstyle ang a chhip zawl darh mai kha he2

    Report this comment

  5. 5
    Lispuia Says:

    E khai…khua va har ve….CFL-a hla duhtu zinga i lo tel ve chu. CFL Hmingthanga Hla bu Oliver Ramherliana published kha i lo nei ve lo a ni maw…..?
    CFL-a hlaa ka duh zualte chu
    1. Thangnuihiauvi
    2. Zonunmawi
    3. I tan ka lo kir leh
    4. Intawng leh ngei ang aw
    5. LD hmeltha
    6. Ka D tawn hun tur
    7. Chhuahtlang Hmunhlui
    8. Ngaihlai Masang
    9. Then lohna ram
    10.Min kalsan suh

    tihte hi ka ngaihthlak zin pawl leh min hnemtute an ni. A chunga ka tar lan zinga pakhat ‘Zonunmawi’ tih hi kan belh leh teh ang.

    ZONUNMAWI
    Phuahtu : CFL Hmingthanga
    Satu : CFL Hmingthanga

    1. Aw a mawi chuang ngei e, aw kan zoram nuam hi,
    Ka hril seng lo che aw zai leh lamin;
    Pipu mihrang dairial chang tawh hnuten
    Biahthu an rawn hlan e \hang leh tharte;
    Vawng zel r’u aw zonunmawi tlawmngaihna min ti.

    Zonunmawi par ang lo vul zel ang che,
    Thanlai bang loten a rinawmna vawng zelin;
    Sappui doral tuiang lo lian mahse,
    Zonunparah ngei vul dun rial rial ang aw.

    2. Ram chhan vanga nun pe huam kan ni ngai e,
    Kan hmaih\helh ngai love riangvai chanhai;
    Unauza kan ni e nang leh kei hi,
    Lenna tlang leh mualte lo dang mah se;
    Chhuahna chhinlung zofaah kan dang chuang si lo.

    3. Mahse maw hnamdang nun zia kan chawisang zel,
    Kan zonunmawi kan hnawl mai dawn em ni?
    Rinawmna leh dikna par an chuai;
    Thlangkawrvai lianten min chimbuai mah se,
    Nghilhni ka nei lo’ng che zonunmawi kumtluangin

    He hla hian Pipute rawn \awngtirin zonunmawi tlawmngaihna vawng zel tura min chah thuin bul a han \an a. Ramchhan vanga nun pek huam, rethei ngaihsak hnam, tlang hrang hrangah cheng mah ila, kan chhuahna chu bul hmun khat kan ni tiin a sawi te te a, tunah erawh chuan rinawmna leh dikna te a lo tlahniam a, hnamdang nun zia kan chawisang zel a, kan zonunmawi kan hnawl mai dawn em ni? tiin \hangtharte hi min cho zui a ni. A thunawnah hian ‘Sappui doral tuiang lo lian mah se, Zonunparah ngei vul dun rial rial ang aw’ tiin min sawm lawm lawm a ni.

    Report this comment

  6. 6
    H.Vangchhia Says:

    CFL a dah tak na chhan ka hre kiu kiau. Kulikawn thlanmual veng thianpa Te-a min ti hrechhuak mang e :) lung hlui te pawh a tileng thei dawn dawn alawm mawle.

    Report this comment

  7. 7
    kilung Says:

    “Ka di tawn hun tur” tih hi,kei ka thlang e…hehee
    Thlan chhan awm lo!!!

    Report this comment

  8. 8
    Vetehmial Says:

    Ahak thin Leather Jacket dum kha ahun lai chuan hawi san vah theihna khawp anive ang maw..a mit tak mai kha nula ten an * thei tawp..thiam kantih zawngte,kan hla duh zawngte a va in anglo thei tak em..

    Report this comment

  9. 9
    Leavi Pcresn Says:

    Ka tuipui hran lo na in- duhve dauh2 cu k ney..#@2 sawi te pawh khi..

    Report this comment

  10. 10
    Chhaktiang-a Says:

    #3 sisen, in veng hming chu mi hrilh thei em?…a concert-ah chuan mi an tam em?..i kal ve em? Tu te nge musician te?..etc.???

    Report this comment

  11. 11
    Chhaktiang-a Says:

    #lispuia, CHIBAI le, unau kan lo ni reng anih chu..CFL’s fans club din i la a tha lo maw….zaithiam ka la ti ber mai,he khawvelah hian…Oliver Ramherliana lehkhabu siam chu lei ve tur anih chu…engtika publish nge?..khawia lei tur nge??..
    Lispui,a cassette i la nei vek em? Album eng zah nge a siam? :zawhna hlir.

    Report this comment

  12. 12
    Chhaktiang-a Says:

    #6 pu HV, “CFL a dah tak na chhan ka hre kiu kiau mai” tih khi enge a awmzia…typing mistake em ni? Mi lo hrilhfiah sak.:ngen.

    Report this comment

  13. 13
    Vetehmial Says:

    Chhaktiang-a deuhduah chu..hriat hnem iva tumbik ve a..

    Report this comment

  14. 14
    Atom c Says:

    Hei chu ava hmanlai ve :lol:

    Report this comment

  15. 15
    kawlhawk Says:

    #12 chhaktiang, “dah=dak” :lol: Chhut sual palh ani, min lo ngaidam mai teh. :HV: Thla éng hnuaiah Tingtang nen kan kúrpui nasa thei teh a sin awww!

    Report this comment

  16. 16
    wonderboy Says:

    a cassete chanchin chauh khi ka hria…ih…iih
    a cover hi plastic a siam a nia, a chhungah lehkha a awm a, thlalak a awm tlangpui, a hnunglamah a hla thupui a in ziak ngei ngei bawk. Lehkha chhung lehah chuan cassette kan ti tak a hi a awm a, plastic a siam tho a nia, a langtlang thei leh thei lo chi a awm hrang. Chumi chhungah chuan a reel kan tih hi a awm leh a, nylon pan te a siam emaw ni a nia, magnet tlem an telh bawk a ni awm e! Minute 30 emaw 45 emaw vel daih a sei a ni tlangpui…side A play zawhah let thawk ila side B a play chhunzawm leh nghal theih (current a awm that chuan) :twisted: :D

    Report this comment

  17. 17
    black_unicorn Says:

    CFL a hla in rawn ziahlan ho khi download theihin han awm hlauh mai se/h. A va han lawmawm dawn em?

    Report this comment

  18. 18
    littlerascal Says:

    CFL Hmingthanga hla hi keipawh nalh ka ti hlawm, a aw hi a fiah a zaithiam ka ti

    Report this comment

  19. 19
    mr public Says:

    keipawh cfl-a hi zaithiam ka ti khawp mai,chhaktiang-a nge nge bei tha thin teh e!

    Report this comment

  20. 20
    Saitawk Says:

    Laltanpuia Tochhawng leh Lallianmawia Pachuau hi kei chuan hranghlui mipa zaithiam ah chuan ka duh ber mai. Ka la ngaithla ning theilo.

    Tunlai tleirawl ho lak a tlaktlum erawh a har duh phian! :lol:

    CFL-a hla ‘Intawng leh ngei ang aw’ kha chu a hit rem rem khawp mai a hun lai na na na kha chuan.

    Report this comment

  21. 21
    sisen Says:

    Kei ve chu Mizo mipa-ah chuan C. Vansanga hi ka hriat tirh atangin ka no.1 ala ni reng

    Report this comment

  22. 22
    sisen Says:

    @Chhaktianga #10, kal ve e, ‘Ngaihlai Masang, Hmangaih CFL’ tih vel lar vanglai kha nia, kan tam ve khawp mai. Kan veng hall kan khat tlat.

    Report this comment

  23. 23
    lalmisualpa Says:

    Chhaktianga chu va phawk chhuak tha ve.. Cfl a hi chu a Gothic lo lutuk a ka lung a len ve pha meuh lo. A hla ah hi chuan kut zaizir vel kha a hman nasat theih teh kha.. A chang leh a mit an khawih zauh ah, a chang leh a awm. A chang leh an hawikual vel a :) performance chu neitha ve thin khawp mawi. Ka nu hian a star thin :D

    Report this comment

  24. 24
    Keimah Thingtlangpa Says:

    Ka hul ta tlat mai

    Report this comment

  25. 25
    H.Vangchhia Says:

    Ngurliana Sailo, Valte-a, C.Vansanga leh C.Lalrinmawia te hi tun hma ka duh zual thin te an ni ngei ang.

    Kan tet laia kan sak vak vak thin chu:

    Buaina chhumpui kara leng zofa ten,
    Puan ang hnawl ila chawlhtuining zu…. in harsat vei nen :D
    tih te leh:

    A leng a ni aw, aleng vawng vawng.
    Duhlai mi u mi dawn ve em, ka ngai em che ka ngai ber che,
    Hlimtea nuih dun leh hlan,
    Aw ka nghakhlel e tawh leh ni tur.

    Min vei ve hian aw ka ring si…

    Chhaktiang-a, A hma khan CFL a hmang ngai awm lo asin…

    Report this comment

  26. 26
    shailendra Says:

    ngainat zawng te a han hrang nuaih mai hi chu a vanneihthlak ngei mai. Ngainat zawng leh duh zawng a in an thup chuan a buaithlak ngawt ang.

    Kei chu CFLa zai hi ka ngaithla peih lo. Routmawii nen…

    Report this comment

  27. 27
    chawnghilh Says:

    Misual lungleng ka nih hi! :D

    Report this comment

  28. 28
    sihal Says:

    tetlai a va ngaihawm duh ve thiam leh thiam lova kan sava veh ho lampangin kan sak tial rauh2 ve thinlaite kha

    Report this comment

  29. 29
    Aryan Says:

    CFL a leh Lalthakima hi an zaithiam ka ti.

    Report this comment

  30. 30
    blackmagicwoman Says:

    WB Aryan. I van reh em em ve le…mizoramah i zin mi? i awmloh chuan phunchiar tur pawh an awm lova..a reh ngawih2 :-)

    Report this comment

  31. 31
    Lispuia Says:

    A cassette pakhat mah ka nei tawh lo. MP3 covert-sa ka neih nual hi ni mai…lehkhabu chu a awm ka ring tawh lo…a rei tawh deuh a ni…PU kan zirlai (chu chu 93-94) vel kha nia ka lei kha…..tin, a hnu-ah pawh Cassete kha a siam leh nual bawk sia…….

    Report this comment

  32. 32
    CFL Says:

    Post tupa chu kei ang bawkin CFL Hmingthanga chu i lo duh ve a ni maw? Zaithiam i hre hle mai. (I)

    Report this comment