mi(sual).com

Hmanni khan Baptizo nge Rantizo?tih topic kha ka rawn post tawh a. Pawl(denomination) zawnga rawn ngaite khan kan manfuhlo tlangpui niin comments atang alang thei a. Kan comments atang khan he topic thar pawh hi post leh thain ka hria a. Ka han post leh ani. Chhiartu ten Pathian thutak, zirtirna dik ziktluak kan hriat ka duh vanga he thu hi post ka ni tih khawngaihin min lo hriatsak dawn nia. Tin, thu kan hnial reng reng hian Bible reference pe thei zel ila, a bung leh chang kan hriatloh pawhin eng Bu ami nge tih tal sawitel theih zel ni sela, Chumi anih loh chuan mimal ngaihdan atam lutuk thei ani.

Khai le, kan thupui ah lo lut ila. Baptisma chung changah hian zawhna pawimawh tak mai 1 a awm a, chu chu ‘TU HMINGA BAPTIS TUR NGE?’ tih hi ani. He thu ah hian ngaihdan lian deuh mai mai a awm a. Pakhatna chu Isua hminga Baptis tur tih leh Pahnihna ah Pa leh Fapa leh Thlarau Thianghlim hmingah tih hi ani.

Awle, nguntakin chhiartu ten kan ngaihtuah vang vang dawn nia. Mathaia 28:19 ah “Chutichuan kal u la, hnam tina mi zirtirahte siam u la, Pa leh Fapa leh Thlarau Thianghlim hmingah chuan baptis u la.” tih kan hmu a. Tin, Tirhkohte 2:38 ah “Tin, Petera chuan an hnenah, “Sim u la, in sual ngaihdamna’n Isua Krista hmingin baptisma chang theuh rawh u; tichuan Thlarau Thianghlim pek hi in hmu ang.” tih kan hmu leh bawk a (Sual ngaihdamnan tih hi lehlin diklo ani.Bible lehlin thar (B.I ah chuan B.S.I nilo in)In sual ngaihdam ANIH NAAH tiin an letling. Chu chu Greek ah pawh a dik chiah ‘EIS AFHESIN’ a hman vangin.chu chu RINGTU BAPTISMA nen pawh a in mil thlap). Hriatthiam loh chuan a inkalh emaw tih mai a awl khawp mai. Mahse a inkalh hauh lo!

Mathaia 28:19 ah khan ‘HMING AH’ tiin a sawia, T.T 2:38 ah ‘HMINGIN’ ati leh a. Nguntakin lo ngaihtuah teh le. Grammar a pawimawhna alang chiah ani. English kan zirlaite kha kan la hre theuh ang a, Subject leh Object (Titu leh a tuartu) kan zir thin kha! Mathaia ziakah khian ‘A BAPTISTU (Subject) IN TU HMINGA BAPTIS TUR NGE TIH MIN KAWHHMUH A, PA, FAPA LEH THLARAU THIANGHLIM HMINGIN A BAPTIS TUR ANI’ tih min kawhhmuh. Tin, Tirhkohte 2:38 ah ‘ISUA HMINGIN AN CHANG (Object)’. Baptisma changtu te chungchang a sawina ani.a Baptis tu nilovin. A awmzia chu Keiin tu emaw ka Baptis chuan, ‘Pa leh Fapa leh Thlarau Thianghlim hmingin ka Baptis che’ tih hi adik ani. Amaherawh chu Isua hmingin ka chang ang.

MIN BAPTIS TU CHUAN PA LEH FAPA LEH THLARAU THIANGHLIM HMINGIN MIN BAPTIS A, KEI ERAWH CHUAN ISUA HMINGIN KA CHANG. A baptis tu leh a baptis ate chungchang a sawi hrang ani. Bible ah ‘Isua hminga an baptis thu emaw, Isua hminga baptis tur thu vawikhat mah kan hmu lo a, Isua hmingin Baptisma an chang zawk thung (Tirhkohte 2:38,8:16,19:5′). Heng Bible chang tarlante hi nguntakin han chhiarin,han study mah teh! Isua hmingin baptisma an chanthu vek ani a, Isua hminga an baptis thu kan hmu lo. Pa leh Fapa leh Thlarau Thianghlim hmingah baptis tur kan ni (Mat 28:19).

Chhiartu duhtak, nguntaka i ngaihtuah chuan a difference i hre ngei ngei ang. A changtu leh a Baptis tu(pastor,tirhkoh,missionary) a sawi hrang tih i hrethiam ngei ang. Lalpa’n ropuina chang rawh se. Amen!

Similar Posts:

• Baptizo nge Rantizo?
• Mathaia 28:19 thu hi?
• Eng Tirhkoh (Anti-Christ)
• Tripura lamah tihdam rawngbawlna
• Thlarau nun leh politik tui nu

Recent Posts:

• 2000!!!
• Ka ngai che- lasi note V
• Kan PHORO tak tak dawn em?
• August 2010, Mizo(ram) Diary
• I hlu tawk e

This entry was posted on Tuesday, July 27th, 2010 at 10:36 am and is filed under Religion. You can follow any responses to this entry through the RSS 2.0 feed. You can leave a response, or trackback from your own site.