Bairabi O Bairabi!!

June 22nd, 2010 11:31 am by aijal1

Mizoramin Hydel Project lian a neih hmasak ber tur Bairabi Hydel Project buatsaih dan leh kalhmang chu hetiang a ni:-

PC Sorkar Brig T.Sailo hun lai a hma lak:-

1)      Brig T.Sailo kaihhruai PC Sorkar khan Bairabi Hydel Project buatsaih nana Survey & Investigation neia Detailed Project Report (DPR) siam turin National Hydro Power Corporation (NHPC) te a ruai. NHPC te hian kum 1982 January thlaah hna bul an tan a, Brig T.Sailo sorkar khan Central Minister ABA Ghiani Khan Chawdhury chah chhuakin ropui takin Lungphum an phum tir.

2)      NHPC te hian Survey & Investigation tih nan hian kum 1982 Feb- 1983 April inkar khan hnathawh nan thla riat hun an hmang . Survey & investigation leh DPR peih fel nan hian kum 2 leh thla 9 hun an hmang a,( 1982 Feb – 1984 Nov.) DPR Volume –I Page (i) Foreword “ The feasibility report has been prepared on the basis of field investigations which were completed in record period of working months during 1982-83, despite of a number of hurdles in terms of communications,climatic conditions, remoteness of area and insurgency”. Tin, DPR Volume I chapter I page 12, paragraph 2 ah hetiang hian  – “ Field investigations to arrive at the technoeconomic feasibility report of this Project were started in Feb 1982 and were completed within eight working months in April/May 83, inspite of the difficulties which are unique to the area” tiin ziahlan a ni.

Hetiang project hi a chhe berah kum nga, thal va ek char lai ber a tui tlem dan te, fur tui len lai ber a tuiin a chim chin te , leinawi ( siltation)etc a luh hnem dan te chhui turin kum 5(nga) a ngai thin.

3)       Brig T.Sailo leh PC Party ten Bairabi Hydel Project 160 MW pe chhuak thei tur tia an ziak leh sawi thin dan hi a dik lo, NHPC ten Bairabi Hydel Power Project atana DPR an siam hi 120 MW pe chhuak tur a ni.

Lal Thanhawla Congress Sorkar Chhunzawmna :-

4)       Kum 1984 November ah Pu Hawla kaihhruai Congress sorkarin Project ataka kalpui theihna tur atana pawimawh hmasa Techno-Economic Clearance, Forest & Environment Clearance  te Central Sorkar Ministry-ah a dil.

5)      Pu Hawla sorkar 1984-1986, Pu Laldenga Sorkar 1986-1988, Pu Hawla sorkar 1989-1998 hunah te  khan Clearance mamawhte dil hmuh tumin theihtawp chhuah a ni a, mahse eng Clearance mah dil hmuh a awm lo. Central sorkarin a Pu Hawla sorkar hnena a bul atanga  Investigation ti tha leh a, NHPC ni lo Agency dang hmang tura  a rawn angin kum 1996 atang khan Brahmaputra Board ten Re-Investigation neiin DPR an buatsaih leh ta a ni.

6)       Brahmaputra Board te hian Power 120 MW ni tawh lovin Power tlem zawk 80 MW pe thei turin DPR an siam a,Kum nga chhung an beih hnuah….

Zoramthanga MNF Sorkar Chhunzawmna :-

7)      Pu Zoramthanga sorkar kaihhruai hnenah kum 2000 khan hlan a ni a, he DPR hmang hian Techno-Economic Clearance pawh September 2000 khan dil hmuh a ni nghal a, Forest & Environment Clearances  pawh ni 23rd Feb 2003 khan hmuh fel a ni. MNF sorkar khan Clearances a hmuh fel bak chu kum 5 chhung (2003-2008) khan tuikhuah buatsaihna tur sum leh pai hmuhna tur kawngah hmasawnna awm lovin term a hmang liam ta a ni .

8)      He DPR 80MW pe chhuak thei tur hmang hian Tuikhuah ni dawn ta se, lui hnar lama khaw paruk a chim pil tur sawn chhuah a tul dawn a. Tin, National Highway leh mimal huan leh ram a chim chhiat turte nen compensation-ah ringawt Rs 132 crore chuang zet senso ngai tura chhut a ni. Hei hian Project buatsaihna senso a ti hautakin, Power siam chhuah Unit Rate man a ti sang dawn lutuk a, MNF Sorkar khan bawhzui tlakah a ngai lo em ni tih hi ngaihtuah tham a tling.

Entirnan, Bairabi Thermal Project 22 MW pe chhuak thei hi Fuel a to lutuk avangin khawl tih nun theih loh leh chhawr tlak loh a ni ringawt a, Serlui B Hydel Project buatsaihna senso pawh hi Rs 200 crore lai a ni tawh a, Power siam chhuah Rate hi Unit khat (1 Unit = Rs 6) Rs 6/- chuang hial ni dawnin a lang a, a chhawr tlak ang em ? Mizoram lui lian Chhimtuipui 460 MW leh Tuivai 210 MW Project  khuahna tur hna tan a nih mek tawh lai hian, Bairabi Hydel Project 80 MW buatsaihna tur hian khawilam tluang nge a zawh ve dawn le?

Similar Posts:

Recent Posts:

55 Responses to “Bairabi O Bairabi!!”

Pages: « 1 [2] Show All

  1. 51
    aijal1 Says:

    @funny:)
    haha ha, a la rei vak lo va, soi tur an la nei vak lo aniang,Power chung chang hi mipui te bum nan Political party ten thudik hrulah min hruai thin a,an sorkar lai theuh a Power atan a an hma lakna ka ron contri leh ang e LOL

    [Report abuse]

  2. 52
    awmawmpuia Says:

    @37 karei, siltation hi engtinnge maw an manage vak ang le. An manage hleithei lova, hydro power project tam tak an buai viau thin ni in ka hria a. A manage dan tha ber tur siltation ti tlem tura ramngaw neihthat lah hi lo kan hal dur dur chhung chu kan hlat hle si.

    [Report abuse]

  3. 53
    funny Says:

    aijal1 rawn ti leh tak teh, A bengvar thlak khawp ang :D

    1982 a bul tran tawh leh lungphum pawh phum tawh.. tunah 2010 ani tawha kum 28 ral hnu ah pawh heti ringawt hi chu.. an hmalakna tehi han sawi han sawi mahila, theihtawp chhuah angin an hmalakna sawitur awm ve duah mahse, thil dik zanlo chu a awm treuh anilo maw??
    chhuanlam leh eng eng emaw sawi tur chu a tam ang, hna hnuaiah phatna a bo lo tih ang deuhin. :)

    A hnu a sawrkar rei angeng tak hi Pu Hawla ania, a chhunzawm thra duh vaklo nge a mah hi mi chak anilo ve hrim hrim.. (kan la ti hram ange. lolz)

    [Report abuse]

  4. 54
    aijal1 Says:

    @funny :) hman hun hunah la vil ve reng ania LOL,
    i sawi dik khop mai, hei thiam ang agin, document ka collect leh mek a,UT lai atangin leh vawiin thleng document proof om thei ngatin han contri kan tum leh ang e,
    Tin , Bairabi chung chang bik hi chu,a chung a ziak ang khian a factor hrang2 khi en chian chuan a chiang ve riauin ka hria a, kan hnam in a COMPENSATION kan buaipui lutuk chhung hi chuan hma sawn kan harsat don anih hi. revenue lam leh a tithei official lah hian Pass hi an pe zung2 zel si, buaithlak tak ala ni.Tuirial chanchin te poh sawi kai chak om khop mai,….hemi forum atan hi chuan athui ltk don hahaha

    [Report abuse]

  5. 55
    emarojâ„¢ Says:

    @aijal1

    I ti thra thuai thuai khawp mai, keini rindan leh ngaihdan bak contri tur kan hre lova.

    Kan hnam ah hian fuh zan lo a awm reng a ni. Compensation avanga kan hnam a than dawn loh chuan Mipui te hian Survey & Investigation tih hmasak bera ram neitute chauh lo khi chu THARUM in chhuhsak mai ta lawng.

    MNF sorkar chhung khan Mizoram uchuak taka PATA a tam riau, compensation duh vang leh huam-hap vangah ka puh. Mizoram Land Reform Act nei vat vat ila, Hetiang mi duham te hi tihluihna in chhuhsak ngei ang u.

    MNF hian kan ram anti chhe ber mai lawng maw mentally and physically in ?

    [Report abuse]

Pages: « 1 [2] Show All

Leave a Reply

You must be logged in to post a comment.