Nghilh loh Hmangaihna

June 29th, 2010 9:31 pm by atea ralte

Chhun lai tak a ni a, ka ngaihtuahna chu a kal fuh nge ka tih dawn a kal fuh lo, lunglen a tha lo tih hrereng chungin ka lung chu a leng hle mai a. Ka hmangaih ber ka hmangaih thu pawh ka hrilh hman tak loh kha kan nunhlui te nen ka ngaihtuah kir a, ka lehkhabu chhiar pawh chu ngaihtuah thei lovin khumah lukham pahnih ka thuah a, rilru kaipeng tur ri dang awm hek lo ka hmangaih ber mai chu ka ngaihtuah ta veng veng a.

Kum sarih vel lai a lo liam ta reng mai kan nunhlui te khan thinlungah kum a chhiar ve si lo a tun hnai thil thleng  ang maiin ngaihtuah chhuah chang chuan thinlungah an la inthum rawn tlut tlut hlawm a. Ka ngaihtuah leta ka hmangaih ber mai kha engtik atanga hmangaih tan nge ka nih tih ka inzawh pawh hian keimah pawh hi ka inchhang thei si lo, mahse tun thlenga ka rilru leh ngaihtuahna luah zova mi dang ngaihtuah thei lo va ka lo awm takna chhan hian intan ni chu a nei tur a ni si.

Ka bul tukverh atanga lang thei thingkung te chu thli chhem zawng chuan an kur siau siau a. Ka hawina apiang mai chuan ka lunglen tizual tur tawkin zûn an lo nei vek mai a, Ka hmui chuan ka hriat tawk lekin ka hmangaih che sin ka’n ti ringawt a, mahse ka chhehvel rizai te leh bang no lo ve tak te chuan min hriatthiampui hmel pawh an pu si lo. Ngaihtuah loh ka’n tum chhin a, mahse ka thinlung chuan a lo phal lo nge…? ka ngaihtuahna chuan a luhchilh ril ta tawlh tawlh zawk a.

Zanlai thla eng te leh hla thenkhat mawi ka lo tiha ka tan ka lo tih ve fo thinte khan a hun lai kha chuan a zun a rawn keng tel thin a, ka thinlung noteah mihring tawnga sawi thiam lohvin thu a rawn sawi se se a, ka nghilh deuh dup a, ngaihtuahna kawmin zanlai ka thleng leh mai thin. Chutih hunah meuh chuan a tuka ka sawi dan tur duangin rilruin In sang ka sa a, mahniin rizai hnuaiah ka pakhat lo fo thin…

School kan han kal a, thlen veleh rilruin zawn a nei nghal a. Mit chuan hmuh hmaih nei miah lo turin a melh kual nghal a. Ka mit chuan a tum ram a thlen meuh chuan engtik laiin nge hmun dang ka lo en leh si tih ka hre lo, hmuh tuma hawi hawi si khan kan hmu lo der leh rih a, ngaihsak àwm lo deuha awm te a tul leh thin. Hetih hunah meuh hi chuan keimah meuh pawh ka inhrethiam thin lo…zan lama ka In Sáng sak te khan min kiansan zo a, val hi ka zawr leh thin.

Kum hial a vei hnu pawh chuan ka hmangaihna chuan thupa ngawihbopui a la tawk cheu a, ka hmu zing tawlh tawlha ka hmangaihna a zual zela, ka hmuh loh lai pawhin ka ngaihtuah reng tho a. Hmangaihi ka hmangaihna chu lui angin a luang chhunzawm reng a, ka nunphung kal lai chu a tikhawlhkham zo a. Hmangaihna ka hriat loh laia lo intuha kha, chi angin a rawn to a, a thang liana. Mahse enkawl a nih loh avangin a buar zo a, a tlakna leilung hi chi thehna tlak lohin a siam zo ta a nih hi. Ka tisual der a ni tih tun hnu hian ka hre ta….Tunah chuan hmangaihna kulh chhungah ka tang a, a zun leng chu ka thinlungah hian a reh thei lova, thil dang mawina leh thatna hmu turin mawi ka tehna thinlung kha min laksak tawh a, thil mawi mawina hian min khawih che zo ta lo.

Mahniin duhthu ka sam fo thin a, ka duhthusam chu ka beng bulah zawi tein ka hmangaih che sin rawn ti se..tih te mai mai hi a ni tawh a..mahse tunah chuan chu chu rimawi tum thiamin an hla thiam ber mai mawi taka an tum aiin ka beng a fah zawk dawn si a. Kumtluang atan ti phei ila chu, chu aia duhthusam ka tan hian a awm chuang lo.
Hmangaihna hi heti ema nasa hi a ni tih ka lo hre lo kha a ni pawi ka tih chu, tunah chuan min tikeh chhe zo ta si a. Ka hmangaihna chhan keimah leh keimah hi ka inzawt nawn fo thin a, mahse chhang dawn ila engtin nge ka chhàn chuan ang..!!

Khawvel hi ka tan chuan engmah lo a chang zo a…mahse ka lo tawng ta kha inchhirna erawh ka nei si lo. Ka thlan rêng vanga ka neih a ni lova, amaha rawn piang a nih avangin ka tan chuan a hlu bik a, hmangaihna tlángah ka láwn a, a tláng pawh a sánga a chhîp ka thlen hmain ka chawlhsana, keima thiam loh a ni tih ka hria a, a chhip thlengin chuan ilang chuan a màwi dan tur hi tun hnu hian ka hre chauh a ni…

Similar Posts:

Recent Posts:

25 Responses to “Nghilh loh Hmangaihna”

  1. 1
    Pc-a Says:

    Hlauhmaia. Van ngaihnawm.!

    Report this comment

  2. 2
    century child Says:

    Ngaihnawm hle mai

    Report this comment

  3. 3
    Killer shark Says:

    Nghilh loh Hmangaihna thu ngaih nawm…. :roll:

    Report this comment

  4. 4
    shailendra Says:

    A va han tha dap dap ve le… mahse football-ah ka la cheng rih tlat, muangchang in ka la rawn comment ve ang e…

    Report this comment

  5. 5
    Pangtichawr Says:

    Ngaihnawm khawp mai,Dream theater hla Through her eyes ka ngaithla pah a a inhmeh khawp mai

    Report this comment

  6. 6
    _MysT_BT4 Says:

    post ngaihnawm hle mai

    Report this comment

  7. 7
    swiftymcvay Says:

    A ngaihnawm hle mai a. Tiang lampang hi ka tuina zong tak a ni, chhiar a nuam hle mai, a tawi fel at bok nen. A dang i ron ziah leh poh ka phal a che :P

    Report this comment

  8. 8
    H.Vangchhia Says:

    Nghilh duk mah ila, hmangaihna erawh chu a nghilh theih ngai loh.

    Report this comment

  9. 9
    blackmagicwoman Says:

    Pathian hi han hmangaih em em phawt mai i la..thil dang hi chu a fight nawk nawk theih zel mai!

    Report this comment

  10. 10
    fighter Says:

    Pi Bmw hi afel hmel anti ngawtin ka ring. :lol:

    Report this comment

  11. 11
    blackmagicwoman Says:

    fighter, tunlai ah ‘nu fel’ nih tuman an duh tawh hlei nem…’nu thra’ nih tum tur an tia lawm!

    Report this comment

  12. 12
    Devil18 Says:

    I thlen san hmain i chawlhsan a, a chhip i thleng lo chu i vannei zawk mai thei asin, a chhan chu maw. . . ‘its lonely at the top.’
    A ngaihnawm khawp mai, a dang han ti zel teh aw. :-)

    Report this comment

  13. 13
    Lalrindika Says:

    A va han ngaihnawm em…hetiang hi lom ka lo chan ruk reng thrin..thanks@atea

    Report this comment

  14. 14
    zodin Says:

    a ngaihnawm hle mai, ka van hriatthiam pui tak che em,fam chang tawh mahse HMANGAIHNA hi chu a awm reng mai ani, hmangaihna lo awm kher kher hi tih te pawh awl tak ani.

    Report this comment

  15. 15
    chawnghilh Says:

    Reverie changtlung tak a ni tlat! The Vision of Mirzah ai pawhin a ngaihnawm zawk tlat mai!

    Report this comment

  16. 16
    caribou Says:

    Ziak ngaihnawm hle mai a.

    Report this comment

  17. 17
    Mortique Says:

    Va post sei em2 ve mawle.. A tha e.

    Report this comment

  18. 18
    D_auachwgthu Says:

    Hmangaihna te chu hmarcha rawt fung tluk lekah asin ka lo ngaih….te ka tia, hahahhaha

    Report this comment

  19. 19
    atea ralte Says:

    Nia hmarcha rawt fung chu silfai tu a neih loh chuan a thak viau ta ve ang…haha

    Report this comment

  20. 20
    zualbonez Says:

    atea…i ziak thiam kher mai…mahse i subject matter hi ‘puppy love/infatuation’ ni thei angem?

    Report this comment

  21. 21
    gothica Says:

    -do-

    Report this comment

  22. 22
    littlerascal Says:

    :) thra viau mai

    Report this comment

  23. 23
    hmingtea Says:

    ka la chhiar ve ang hman hun ah

    Report this comment

  24. 24
    shailendra Says:

    hmingte, kei pawh. zanin chu ka Dylanisque deuh tlat..

    Report this comment

  25. 25
    Mahruaia Renthlei Says:

    A la tawng lo ten rinthua an sawi ai chuan a tawng toh ten an sawi hi a ngaihnom nge nge thin :)

    Report this comment