Mualpui Stadium Design

June 18th, 2010 6:32 am by tirhkahthawla

World Cup lai ani bawk a, Mualpui lama Rajiv Gandhi Stadium sak mek hi a lem tlem i lo en ang u. A stadium chungchang, hming leh kaihhnawih te hi chu post hluiah te kan sawi nasa tawh a, a design tak erawh hmuh tur a la awm lo niin ka hria.  A hmasa in a details tlangpui :

  • Site area: 15.56 acres
  • Stadium coverage – 28440.47 sq.m.
  • Capacity: 20 000
  • Facilities:
  • 105x68m football pitch ( FIFA recomended size, tunlai stadium a hman ber, eg. Wembly, ManCity etc.)
  • IAAF 400m synthetic track
  • Team Rooms – 4 nos.
  • VIP lounge
  • Offices for various State sports bodies
  • Conference rooms – 2 nos.
  • Dormitories – 3 nos. ( 68 beds)
  • Kitchen and services
  • Media Center
  • Medical room
  • Concession stands ( Thil zawrhna)
  • Parking (Approx. 600 cars)

VIP gallery awmna Main Stand hi stadium design dan pangngaiin West lam ah dah ani a, players te rawn chhuahna tunnel erawh East lamah dah ani thung. Mipui thutna hi Tier chhawng hnih a then ani a, stadium pum hi Sector sawm a then hran a ni bawk.

A kimchang zawka hre duh tan Mualpui Stadium Presentation (Powerpoint slideshow) hi hetah hian download theih ani e.

(Disclaimer: Copyrights of all images and files belong to their respective owners. )
A hmasa in Lammual a sak tum kha han en ila –

Lammual_proposal
Aw le hei hi Mualpui proposal chu. Lammual a sak tum design ai kha chuan a nalhin a phuisui hmel khawp mai

Mualpui_artists impression
Mualpui_artists impression 2
Site layout
Site layout
West stand section
VIP_west stand section
East stand section
players_east stand section
Artificial grass phah tum ani
Artificial grass
Membrane roofing hi an ti hlawhtling thei ang chu maw
Roofing

Heng milem te hi tuna design thar ber, an sak mek hi ani kher lo thei a, a takah chuan eng emaw tihdanglam awm thei ani bawk e. Mahse a design ang tak hi chuan sa thei se a zahpuiawmloh khawp ang le.

Tin, football kaihhnawih sawi takah chuan, a khel/en tam takin rules kan hre chiang lo thin- offside, goal, khelmual size etc. FIFA siam The Laws of the Game dan bu hi hetah hian download mai theih ani a, football tuimi tan chuan kawl a chhiar ve mai mai a tha awm e.

Similar Posts:

Recent Posts:

28 Responses to “Mualpui Stadium Design”

  1. 1
    Zephenath Says:

    A hmasa berin he stadium sakzawh a nih theih nan duhsakna kan hlan phawt teh ang!

    Football inkhel entheih hun a va nghahhlelhawm em! Engtika sak zawh tura ruahman nge ni kha?

    Mipui ten kan thlir hmasak ber (zualbonez) tur chu a design leh a tak a inmil em tih nise… A in an loh viau chuan i phun lungawi mai mai lo teh ang u :lol:

    Report this comment

  2. 2
    grady Says:

    A paper work ah hi chuan a nalh thei maw le, a tak takah eng tak ang maw? lo nghak ve phawt mai teh ang.

    Report this comment

  3. 3
    feeder Says:

    Contractor ah hian a innghat nasa khawp mai… han en chhin phawt ang u hmiang, kan tute ho hian an khel hman tawk mai angah!

    Report this comment

  4. 4
    ZerO Says:

    Khaih, khaih, khaih…budget a tlem em mai. Khi tiang khi an sa thei lo ang.

    Report this comment

  5. 5
    gothica Says:

    @ZerO… nia tiraw, budget a tlem tham si a. Mahse Lengpui airport pawh “choak pawh a trum loang” tia MLA pakhatin session laia a sawi kha kan la hriat ka ring. OT loh nan- han sa zo se, hmang tan tawh se, a sir velah damdawi bur ruak hi a awm leh nuaih zel mai angah

    Report this comment

  6. 6
    Tomte-a Says:

    kan naupan lai khan treasury square ah khian Vaivakawn field design nalh deuh kha an tar thin.kum tam a liam ta,khatiang an design-an tar chhuah leh tun a mi khu chu a in ang lo tawp mai!Khawlai cheimawina chikhat kha a lo ni ve mai awm e,chutiang bawk in republic field pawh eng ang tak2 ah a chhuak chuang lo!khatiang ang vel mai2 kha chu a ni tawh em lawng chu maw!

    Report this comment

  7. 7
    Lily_parmawia Says:

    Private company… an sum hman dan audit thlap in sa sela, felhlel a tlem deuh ang. Chuan an tih dik loh leh hlep ruk a hriat zung zung theih dawna, kan khing keuh thei.

    Mizoram chhunga contractor te hian an sum hman dan hi an audit ngai miah lo ani maw? kawmpawlsary te ni sela thil dik lo mipui ten kan hre ve thei zel anga.. mahse a ti kawmpawlsari tur ber MLA ten HLEP an duh ve chuan…. ka hre toh lo :D

    Report this comment

  8. 8
    Tetea Says:

    A that hmel hi le! An sak zawh hun a nghahhlelhawm hle mai.

    An Dormitory hi an peih fel hunah chuan Referral Hospital anga khum 500+ awmna tur khum 50 lekah an chhuah ve em lovang chu maw. An ti leh a nih vaih chuan khum 68 awm turah khum pasarih chiah a awm dawn tihna a nia. haha. Football team khat pawh a daih dawn lo tihna a nih chu. :D

    Report this comment

  9. 9
    Tetea Says:

    Maintenance lamah sum tlem azawng an dah thei ang chu maw… India rama an stadium ho hi chu duh ai hian an enkawl tha lo thin riau.

    Report this comment

  10. 10
    mr.Duhlova Says:

    A kawtah hetiang deuh hian, Saizahawla lim ding ta se….

    http://img704.imageshack.us/im.....xel051.jpg

    An design ang hian, puitlin tak tak mai se…World cup, india in a tlen hunah, a si per te chu kan lo chang ve mahna. Mahse an hawn hnu lawkah..chu chu a chhia a.. repair a ngai… an khar rih.. tih vel a awm leh duh hmel.

    Report this comment

  11. 11
    Magnolia Says:

    Vai hming kher a pu hi chu a pawi ani.

    Report this comment

  12. 12
    sillyBoy Says:

    Lloyd Company em ni an rawih kha? A lem chu a nalh viau a, a tak tak erawh chu a ni pha leh hauh si lo ang. Tihdan ngaite bawkin VIP an ngai pawimawh leh hle. VIP an ni miau mai si a!

    Report this comment

  13. 13
    Tetea Says:

    @Magnolia: Kei pawh ka ngaihdan chiah. Chhurbura Stadium te pawh ti se kei chuan pawi ka ti lo zawk ang.

    A Central Sawrkar tlawn thlak…

    Report this comment

  14. 14
    shailendra Says:

    a va pui hmel rem rem ve. Ek thing leh a kil deuh a zun kawi nuaih han awm lo phawt mai se la… :lol:

    Report this comment

  15. 15
    awmawmpuia Says:

    Kei pawh sakzawh hma hauhin a maintain dan tur hian ka rilru a luah khawp mai. Maintain mumal loh chuan kumkhat lek kan hmang anga khelh tlakloh khawp ani mai thei dawn tlat. Tetea sawi ang khi ani a, Salt Lake Stadium te meuh pawh khu an maintain hnehlo ve thin khawp mai. Engpawh nise sak zawh hun ava nghahhlehawm em. Taka, sak tan hun leh sak zawh hun tur hria kan awm em?

    Report this comment

  16. 16
    lalpeace Says:

    14# shai, ni e tiraw, inthiarna lam hi a huphurhawm lawk tlatin ka lo hre ve.

    Han sa zel phawt se, beiseina sang tak nen lo thlir phawt ang u.

    Report this comment

  17. 17
    awmawmpuia Says:

    India ramchhung state dangah te hian Stadium hi Sorkarin a enkawl nge FA lam kutah an dah thin le?

    Report this comment

  18. 18
    hmingtea Says:

    A van zia hmel ve an plan ah chuan .Vaivakawn in rawn sawi chhuak .Ka la hre ve reng mai kan tlangval lai khan DC office bul ah khan an tar vu trhin tak kha maw.
    A that dan tur ber chu private company lian in sa se chu chu Mizoram sorkhar in a lei in lei mai se.An siamlai in MZ sorkhar in vil pui ran se .
    Kan tlangval lai in field tur laih tanna ah ka tel ve a .a enkawltu leh a laitu Sipai dozer operator vil tu ah te ka tang thina ,inkhelh nan ka hman ve ngei ka ring thin a.
    A hnuah sorkharin a la in a siam chhunzawm zel a kum 20 liam thleng in inkhelhna tlak tak 2 ah an la chhuah chuang lo.

    Report this comment

  19. 19
    Diktea_Pa Says:

    Pui dawn khawp mai!

    Report this comment

  20. 20
    zopatriot Says:

    Design en chuan a pui hmel dawn khawp mai, Motor Parking na tur te pawh a tam hmel, Lammual a stadium sak tum ringawt ai kha chuan tun stadium an sakna hmun hi chu a rem hmel zawk, an hna tan hi an tih zawh hlawhtlin ngei ka beisei. Theih chu ni se, Mualpui bul hnai hi Sports village ang deuh in chei tha se- Tennis Stadium, Boxing Arena, Swimming Pool te siam zel se, nakin zel ah National Games te kan la thlen ve hun ah a rem viau ka ring.

    Report this comment

  21. 21
    siamlr Says:

    Ni e, design chu a pui map2 ee. An ruahman na pawh hi tha tawk viau turah kan ngai ngawt a,,mahse ihan ti leh teh ang, nakin hun zel ngaihtuah ranin he ruahman na hi ansiam a ngem le?? Kan zawl khawpui hi a chep dawn chauhin alang si a, ruahmanna tha tak a awm loh chuan kan buai phah ang tih chu ngaihtuah thui a ngai khawpin k hria..

    Report this comment

  22. 22
    mzvision Says:

    A thrat hmel dawn hle mai ati phurawm khoops ka ti. Detail deuh hleka han belhchian a chakawm hle mai. Hetiang ang mi sing chinah hi chuan mipui in pelh suau suau na tur hian hmun a heh em em maia. Bakah Police lam ten Fans bawnra ho an control dan turin acess te pawh hi duh hun inpawh theilo tura siam theih duh huna hawn ltang leh theih ang chi te hi a pawimawh hle ani.

    A thra turin beisei ila engkim chhe ta em em tur vek hian ring lo ila. Pi Sonia gandhi meuh lokala a pasal hming chawia stadium hi pamhmai taka a chhuah zawng a phal hlek lovang.

    Rajiv gandhi hian mizoram tana landmark a siam Peace Accord ani. A nupuiin stadium min tihpuitlin sak bawk chuan hemite family lakah hian lawmna tur kan va ngah dawn ve le tih hi kei misual rilru ani e

    Report this comment

  23. 23
    H.Vangchhia Says:

    Artificial turf te hi tunah kan sawi ve tan leih2 chauh a ni si a, Mizoram mipui tam takin kan hmuhsit em em Halkha khaw te reuh te chuan kum 10 liam ta khan stadium puitling, turf phah an lo nei fel thlip thlep tawh asin. Khaw mi ten thawhkhawm in, damdawi inentirna clinic te, library tha tawk te pawh an nei fel thlip thlep, eiruk lam a telloh hmel khawp mai.

    Kan neih ve thuai ka beisei, rualawh a na em asin.

    Report this comment

  24. 24
    tirhkahthawla Says:

    Maintenance lampang tam takin in rawn ngai pawimawh a, a dik khawp mai. Thenkhatin mi 50000 lai leng kan duh te an han ti ngawt a, mi 20000 leng pawh hi kan maintain mumal thei meuh ang emaw chu. A pawimawh ber chu sum bawk ani. In pangngai sak ang ringawt ani lo a, amah stadium hian mamawh tam tak a nei – lighting, security, staff, power supply, services, air conditioning etc. Hengte hi kum tam ti thei tur chuan sum hmuhna a pawimawh ber awm e(ticket, merchandise, rent/fee etc). Amah leh amah inchawm tir theih dan hi tunlai stadium sa tena an buaipui ber ani a. Stadium hi man chawia hman theih a siam a, sports mai bakah exhibitions,concerts,crusade, etc te sum hmuh nana thlen theih a ngai ang. A hmanna a tam leh sum hmuhna a tam ani mai. Mizoram sawrkar hian engtinnge ruahmanna a siam ve le, kum tin Central sawrkarah ‘in Stadium min sak sak enkawlna tur’ tiin kan dil leh hnu hnu mai dawnn nge ni. Ngaihtuah tur a tam.

    Report this comment

  25. 25
    tirhkahthawla Says:

    Tin, a hming chunchang hi chu a official name chu Rajiv Gandhi Stadium ni tho se.(Pi Sonia & Friends te hi a sum min pe tu tur ni miau hek) Mahse koh dan tlanglawn atan Mualpui Stadium emaw tiin sawi zel ila ni mai lawm. Hming tak aiah koh duatna kan hmang ang deuh hian, chuan a lar zawk chu hming atan a put hlen theih mai ka ring.

    Report this comment

  26. 26
    khuluaia Says:

    Mualpui stadium ti mai ila a awlsam mai lo maw ?

    Report this comment

  27. 27
    lushai_er Says:

    @tirhkahthawla, Mualpui stadiumah chuan vawk phing pet khu luai luai mai ang auh ! :O :)

    Report this comment

  28. 28
    kobain Says:

    lammual stadium khi a main stand khi a field tluan lovin vip section ni awm tak khi an sa a,han ti tluan law2 se?a tluan loh vang khian a corner a audience tan viewing restriction a awm dawn a,a lehlam corner an hmu pha dawn hlawl lo….tunlai stadium te chu viewing restriction a awm mang ngai th lo a sin,a high tech lo khawp mai.

    Report this comment

Leave a Reply

You must be logged in to post a comment.