Pipute thil chhinchhiahte

May 31st, 2010 5:31 pm by lushai_er

1.Thingsemim tam kumah buh a hlawk.
2.Thangnang a lo kai chiamin tam a tla thin.
3.Thla de chho a lei chuan ruah a tam dawn.
4.Simeikhu hi tam hruai an ti thin.
5.Khawpui ri a kat dut dut chuan tuitla an awm duh tih a ni.
6.Pafa emaw nufa emaw inngai an awmin khua a kheng duh tih a ni a; chutiang an lo awm a, khua a khen chuan vantlangin tui an leih rawn hrep thin.

7.Zana in atanga chhawihfa lo thlawh chhuah chuan a thlawh chhuahna chhungkuaah thi tur an awm niin an ngai.
8.Khaw chunga muvanlai nupa thlawk chhim leh hmara an in then vang vang chuan nupa tangthen tur an awm dawn tih a ni.
9.Awingek a hram chuan tangthen a awm dawn tih a ni bawk a, Saikuti chuan
“Chungmuvanlai leh thlanga Awithangte nu,
Tang min rawn then vanduai kan runah an zing thul e”,
tiin hlaah a lo phuah hial a ni.
10.Kawng kham chiaha thing alo tluk chuan lenglai thi tur an awm dawn niin an ring.
11.Sakhi pachal tha tak emaw sazuk patuai leh sanghal pa miin sa dang aia a kah hmasak chuan mal a sawm bik a, an kut kal zel tur a ngaih a ni. Kah tirh ber a ramar pachal kah hi malsawm turah an ngai bawk.

Source:Hmanlai Mizo Nun by C.Lianthanga

Similar Posts:

Recent Posts:

21 Responses to “Pipute thil chhinchhiahte”

  1. 1
    zualbonez Says:

    good 1

    Report this comment

  2. 2
    coolsoul09 Says:

    “Awingek” hi eng nge ni ta le ? Ka hre ngai hauh lo mai.

    Report this comment

  3. 3
    krut Says:

    Pafa emaw nufa emaw inngai an awmin khua a kheng duh tih a ni a—– tunlai ah PHE an om tho a lom :)

    Report this comment

  4. 4
    swiftymcvay Says:

    Hengte hi hmanlai khan a lo happen thin em moni le ka ti mai2.happen lo se chu hetiang thu te hi chhamchhuah om loh tak chu nia….lo thleng dik tak2 poh nise a frequent ve viau em le???…hriat ka van chak e……

    tun thleng hian eng eng emo thleng dik soi tur hi om leh nolh zel ka tih thu mai2…..

    Report this comment

  5. 5
    chikus Says:

    Awingek chu ka hre ngai ta hauh lo mai…..Chuan a thleng ve tak2 thin chu a niang ngaihbel thei tur chuan….bakah hmanlai upate kha thil an lo chik em mai…chuvang chuan awmze neilo chuan thil an sawi mai2 chu ka ring lo ve thlarirawk kei ve te hian…heheh

    Report this comment

  6. 6
    H.Vangchhia Says:

    Tha hlawm deuh an ni :)

    Report this comment

  7. 7
    John Says:

    Good post…a bengvar thlak hle mai.

    Report this comment

  8. 8
    sanghalhriama pa Says:

    Awingek tih hi muvanlai hram dan ani lo maw..?

    Report this comment

  9. 9
    Teleptuama Says:

    Post tha tak ani . Han tizel teh u . :-P

    Report this comment

  10. 10
    lushai_er Says:

    Hman kum khan Hmunpui Khuaah (Lengpui Tlak lam a khua khi)pafa inngai an awm a, an khua khan kawng an zawh a! Tarpilu an lum an ti.

    Lengpuia ruahpui van awn a surte khan an khua a hel daih zel nia maw le! Hmunpui khua hmelhriat nei in awm chuan chiang zawkin an hrilh thei ang che u.

    Report this comment

  11. 11
    bawmrang Says:

    teteut(te-te-ut) a huho a khaw chhung lama an hram chuan sarthi an awm dawn.
    chhimbalin ni a hual chuan sarthi an awm.

    Report this comment

  12. 12
    R.Lalropuia Says:

    Post tha tak ani.
    Sawitur ka hre ve vak lo, a hre ho khan han sawi belh teh u

    Report this comment

  13. 13
    muantea Says:

    Arpui a khuanin a hawina lamah sawnpai an awm duh
    Thla de tir ding lam atanga hmuh hmasak malsawmna
    Chawei laia zai len reina

    Report this comment

  14. 14
    paeia Says:

    thawh zel ru..

    Report this comment

  15. 15
    tlaizawng Says:

    Pipu thil chhnchhiah tih ai mah chuan pipute puithuna tih ni awm zawk tak a nih khi.Tamtak khi chu ka lo hreve nual tawh a, mahse thenkhat khi chu an phuah thar a nih loh chuan ka lo hre ve miah lo.
    1&2 khi a dik hmel fu scientific tak pawhin.
    3na khi ka hre tawh thin han sawi belh tur erawh ka hre lo.Thla de lei leh ngil pawh ka hre thiam chiah lo, thla mang tur leh a de hi chu a inang lo ngei tih chu ka hria. Thil dik a ni ve thei tlat.
    4na khi chu a phuah chawp thil deuh, piputen simeikhu an tih leh tunlai kan simeikhu hriat te hi inang tak maw?
    5na khi ka la hre ngai tlat lo.
    6na khi ka hre tawh thin a, tui leih rawn erawh ka vawikhat hriatna. Thil ngaihbel mai mai tih a chiang reng.
    7&8 khi hriat tawh hnu a ni, khi pawh khi ngaihbel thil mai tih a chiang.
    9, 10 & 11na ka vawikhat hriatna, Awingek ka hre bik lo.

    Report this comment

  16. 16
    Zephenath Says:

    Tunlai thlengin Zokhaw lamah hian heng point (1,3,4,7,8,10) te khi chu an la sawi/awih deuh (ngaihruat) thinin ka hria.

    Kan naupan lai(ti ve khanglang ila) pawhin kan kawmchhak lawk In atangin chawihfa thlawk an hmu a.. an Nu ber damlo reng tawh chu reivak lo-ah a boral. (kan hlau ve thei lkt)

    3. Mizoram sik leh sa ah hi chuan hei pawh hi a dik fo hian a hriat.

    Report this comment

  17. 17
    kawlhawk Says:

    Bengvarthlak leh hle mai. Kan pipu te kha an fingin thil an lo chik phian mai ka ti.

    Report this comment

  18. 18
    mr.Duhlova Says:

    Thehlei kawng-kan pawh an duhloh ve kha maw le…

    Report this comment

  19. 19
    Pangtichawr Says:

    a bengvar thlak hle mai. a bik takin keini thangthar te tan hian a tangkai lehzual in ka hria,a dang pawh rawn ti leh zel teh u

    Report this comment

  20. 20
    As_Khiangte Says:

    Kan pipute thil lo chik thrin dan kha a mak ka ti thrin, an fakawm.

    3 na khi ka lo chik ve deuh thrin a, a dik fuin ka hria. Selesih Vety College Dean khi kan titi naah he thu hi ka hrilh chiam a, a beng a verh ve hle, lo chik ve ta tak maw.

    Lunar effect pakhat a ni ve mai lawm ni.

    Report this comment

  21. 21
    zaivahaikundurh Says:

    lushai_er hi tunlai i antenna hian a man hlui thei e. New Testament hluia mi ni awm tak i nih hi le! Contri tha thei fu si. Heng thil hi sawi rik a ni ngai ta meuhlo a,a hre tawh thin tan pawh in ‘refresh’ na tha tak a ni.

    Kan naupan ve lai khan Sephung laihnaah a kaw lu (head) lamah thiante an lo awm kan remti ngailo, ‘Meihawlah a chang duh’ tlat! OT em?

    Report this comment