Unedited report from the Team Leader of Orissa Healing Mission.
ORISSA TIHDAM RAWNGBAWLNA REPORT By R. Vanlalzauva (Team Leader)
Kum 2009 November thla a Bawngkawn-a Pi. B. Lalremtluangi’n tihdam rawngbawlna a neih vanglai tak khan Orissa-a rawngbawlna nei tur a Pathian kohna chiang takin a dawng a, Orissa (Kandhamal District) chhunga Krista avanga hliam tuarte tuamdam tur leh an pemah te hriak hnawiha Isua hminga tidama thlamuan turin kohna a dawng a, he thu a dawn rual rual hian damlo pungkhawm zingah a puang chhuak nghal a ni.
Kum 2010 January thla alo her chhuah chuan Orissa- a rawngbawl mek Rev.LR Colney chu be pawp in Orissa-a rawngbawl dan tur sawi ho turin Bawngkawn-ah chuan sawm a ni a, hmalak dan tur leh sum mamawh dan engkim sawiho a nih hnu in Mission Foundtion Movement Executive Committee in ngun takin a ngaihtuah a, tichuan Orissa Krista Tan Committee chu din chhuah niin hmalak nghal a ni ta a ni. Thilpek leh tawngtaia tan la turin District tinah hriattirna thawndarh a ni a, heta kal tur hian Pi. B Lalremtluangi te nupa leh midang 5 (panga) an vaiin mi 7 (pasarih) ruat an ni a, tichuan 15th March 2010 chuan Aizawl atanga chhuakin hemi ni vek hian Cuttack an thleng nghal a.
A hmun leh program engkim Restoration Indian Mission (RIM) ten uluk leh feltaka an ruahmanna hnuaiah RIM staff 2 (pahnih) te nen Kandhamal District khua 4 (pali)-Beliguda (ni 3), Tiladandhakia (ni 2), Tiranbadhi(ni 3) leh G-Udaiguri(ni 3)-ah te tihdam rawngbawlna neih a ni. Chawh rualin nitin mipui 300-1500 inkar an pungkhawm thin a, heta lo kal te hi chaw chhun siamsak zel an ni bawk. Heng khua bakah te hian Cuttack khawpui ah ni 5 (ni nga) chhung rawngbawlna hi neih a ni bawk a ni.
Damlo tam tak Isua hminga damna changte zinga a langsar zual te chu-
1. Glopandigal kum 25 mi pawl 12 zirlai rilru buai kum 4 (li) chhung ramhnuaia khawsa tawh chu inkhawmnaah rawn kal ve in an khua a thlen veleh a harhchhuak nghala Isua hmingin damna a changa, an chhungkua in Baptisma changa Kristiana in leh nghal an tum.
2. Mitdel hmeichhia Misranaik kum 48 mi chu chawplehchilin damna changin khua a hmuthei nghal ani.
3. Mit lehlam del Promiladigal kum 45 chu a mit a var nghal bawk.
4. Kana Katanaik kum 68 mi cancer bawk chu chawplehchilha a bawk kehin a dam nghal bawk.
5. Probabati naik kum 7 chhung ke leh lam tha lo lei rap ngam tawhlo chuan damna changing lei a rap thei nghal.
6. Deepak digal naupang kum 7 mi piantirh atanga tawng thei lo chu, a tawngchuak thei nghal.
7. Moni naik kum 12 chhung thu ringawt ding chhuak theilo chu ding charin a kal thei nghal.
8. Protiba naik beng ngawng kum 2 chhung tawng hre thei tawhlo chuan damna changing tawng a hre thei nghal bawk.
9. Jarendranaik hun rei tak tiang rinchhan lova kal thei lo chu a tiang paihin a kal thei nghal.
10. Rajni rekha rai Engineer zirlai spinal cord chhiat avanga kum 2 (hnih) chhung mu tawh chu chawplehchilhin kein a kal thei nghala, amah hi hindu a ni a, a hmathei ang bera kristiana in pek a tum a, he damna avang hian an chhungte leh mi tam tak an rawn hruaia damna an chang nasa hle bawk.
11. Mit thalo mi 20 (sawmhnih) zet damna chang zingah piantirh atanga mitdel mi 4 (pali) damna chang an awm.
12. Beng thalo sawmli zet dam zingah piantirh atanga ri hretheilo mi 5(panga) an tel bawk.
13. Tawngtheilo mi 20 vel damna chang zingah piantirh atanga la tawng miahlo mi 5 (panga)an tawng thei nghal.
Damlo tam tak hi tihdudah tuar vanga lung leh thisen kal tha theilo hlau a khur an tam em em a, nu 2 (pahnih) phei chuan an fate awmna hriat beiseiin tap chungin rawngbawlna hi an rawn pan a ni. Chenna in neilo chhungkua sang chuang puan- in kaihah an cheng mek a, Biakin 250 tih chhiatah tundin leh chu tlemte chauh a ni. Sai hmanga Hindu-in tihchhiat tam tak te pawh relief camp hranpa siamah an awm ve bawk.
Kandhamal District chhung a kristian te hi Krista vanga an tuarna hian Krista a an rinna a tinghet zual sauh zawk niin a lang, ‘Praise the Lord’ tih hi Kristian te chhinchhiahna atan an hmang.
Pastor Akbar Digal Tata Mahal khua a mi Bible a hal duh loh vanga an hal hlum ruhro leh Pastor Samuel Naik Bakingia khua a mi a nupui hmuh lai ngei a an vuak hlum tlukna lung leh Gopannaik Gandagota khua an vuakhlum pheikhawk te rawn hawn nghal a ni bawk. He an tihduhdah tuar lai thlalak (video)-a kan lo hmuh thin kha dawt ni lo in tak ngei niin kha aia nasa zawk khan an lo tuar a ni tih kan hmu in kan hriat belh bawk. A thlalatu ngei chanchin pawh chiang lehzualin hriat a ni bawk.
Tui in tur nei mumal lo tuichhunchhuah siamna tur leh eitur neilo te eitur leina atan te leh Pastor thenkhat Thirsakawr leina turin pawisa an mahni kut ngeiah pek an ni bawk.
Tluangtaka rawngbawlna nei zo in Dt. 12th.April 2010 (Monday) khan Aizawl-ah rawn let leh a ni. November 2010 chhung hian Daringbadhi khawpuiah healing crusade nei leh turin sawmna dawn a ni. Zoram chhung leh Zoram pawn a Kohhran leh mimal thahnemngaite thilpek leh tawngtai chhanna lawmawm tak hian India ram ril lamah nasa zawka chanchintha hril hna thawhna kawng thar a hawng ta hi a va lawmawm em ‘Lalpa ropui ber rawh se’.
Zoram mipui ten lungrual tak leh nasa taka min tawngtaipuina avang in harsatna kan tawh theih tur tam tak kan pumpelh a, kan zavaia kan thawhrah hian Isua hming tiropui zual zel rawh se.
Similar Posts:
- Tripura lamah tihdam rawngbawlna
- Chief Ministerin Rs 5,00,000 ORISSA tan a pe.
- Orissa a tihduhdahna report
- Tihdam Rawngbawlna leh Thilmak
- Pu Chawilien rawngbawlna
May 3rd, 2010 at 9:03 pm
a pawimawh ber chu Lal Isua hi a larsang hmasa ber leh a ropui ber tur a ni.
[Report abuse]
May 3rd, 2010 at 9:04 pm
Ropui hle mai. Pathian hnathawh a lang nasa hle mai. In rawngbawlna kal zel turah Lalpan awmpuiin malsawm zel che u rawh se.
[Report abuse]
May 3rd, 2010 at 9:05 pm
a ram in kin ni reng anei lo ang..a ropui e.
[Report abuse]
May 3rd, 2010 at 9:17 pm
Good.
[Report abuse]
May 3rd, 2010 at 9:19 pm
ava han ropui ve…minung Pathian kan nei hi chu kan va vannei tak emm.!!!
[Report abuse]
May 3rd, 2010 at 10:44 pm
A ropui in alawmawm nasa anih chu..
Tunlaiah chuan kohna dawngte pawh hi ankal hmanhmawh thut thut tawh ngai lo..thlenna turte,kal man tur te,châm chhunga ei leh in tur te..an ngaihtuah lawk vek phot,ti chuan Chanchintha an vahvaihpui thei chauh..khawvel a changkang tawh..
[Report abuse]
May 3rd, 2010 at 11:39 pm
Pathian ropui ber zel rawh se a
Amah kaltlanga he tihdamna hi lokal ani si
[Report abuse]
May 4th, 2010 at 12:09 am
ROpui hle mai..Orrisa ringtute an van tuar nasa em!
[Report abuse]
May 4th, 2010 at 3:20 am
Aropui e.keichu atihdam rawngbawlna kha a ropui love kati hauh lova.amahrawhchu,a ropui ka tih zawk tak chu Lalpa kohna dawnga,a kal nghal kha ani.Hei tak hi ani zoram kristiante,nang leh kei hian kan mamawh chu.Lalpa thu anga kal/lenden hmasak hian ropuina leh hlawhtlinna alo awm thin.
Keini Kristian na ve dan tam tak hi chu “Lalpa heta hi ka awm.mahse ani saw tir zawk rawh” tih hi Lalpa kohna kan chhandan tam tak ani tlat mai.
Ti daih ila,Orissa lum zia khu,ka kal tlang hmasak ber chuan,”engtin nge an survive theih aw” kati vawng vawng mai.lum nuam tak ani.
[Report abuse]
May 4th, 2010 at 6:28 am
cancer bawk chawplehchilha a bawk kehin a dam…, a va ropui ve. Mahse engtinnge a dam tih hriatchian a nih? A rilru zawk a dam a ni chauh lo maw? In rawngbawlna Lalpan malsawm zel che u rawh se.
[Report abuse]
May 4th, 2010 at 7:13 am
Hetiang hi, Kristian leh Kristian nilo mithiam ten, a damlo te an enchian hnu ah damna chang nise ka awih choh ang. NOI
[Report abuse]
May 4th, 2010 at 7:44 am
Orissa rama Pathian phuba lak dan chu a dangdai hle mai a…
[Report abuse]
May 4th, 2010 at 7:46 am
A ropuiin chhiar a va nuam em! India ram tieng turin Lalpan Mizo thalai, nu leh pate thlengin min tiharh zel rawh se!
[Report abuse]
May 4th, 2010 at 7:53 am
Rawngbawlna hi thu, zirna hmangin, music emaw tihdamna hmang pawh nise a ropui ka ti. A laiah Isua erawh awm se.
[Report abuse]
May 4th, 2010 at 8:02 am
#H.V…. hi chu “a nak ka zen phawt loh chuan” ti ve thei reng…
Orisa hi an vannei ngawt mai,hetiang anga christian tena kan bilh ngawr ngawr state hi vang deuh ania..anla christian vek maithei asin.engkim titheia thil tihtheihna hi a ril ngaih ngaih em asin..
Mosia’n thlalera dar rul akhai kan pawh mi kheuhbeuh luhlul ho chuan an damphah chuang lo anih kha maw..
OT:Wrestler R.Vanlalduata Pa D.Zasanga chu tukin dar 3 bawrvel khan a chenna in Saikawt Manipur ah a boral tlat mai.hunreitak khumbeta na tawh ani awm e..Zemabawk lamah ving phei teh ang..
[Report abuse]
May 4th, 2010 at 9:21 am
Damlo tamtak Pathian tih dam te hi…sign a nia (Lal Isua thu tiam a ni)..miracle a ni bawk, mahse miracle zawng zawng hi sign a ni kher lo bawk…sakhaw puithu na ramah hian a thleng nasa duh bik….Damdawi leh damdawiin tha hmachhuan tur awmlohna ah hian…thilmak a tam bik (Pathian hnathawh a inlar nasa bik) a tih theih awm e. Pathian INDONA a ni
Midland, MI, US ah khan cancer ti a (ringlo mi doctor in)chiang ta a a sawi kha..Pathianin tawngtaina hmangin a ti dam a, kha ringlo mi Doctor bawk khan a han endik leh chuan Cancer kha alo bo daih…a mak a ti ve ngang mai… he Pathian tihdam pa hi Proffessor Dr.Gordon Evoy a ni.
Tibetan nu..Tundroma, TB natna vei Doctor te beidawngin thi mai tura an tirh haw tawh..Pathianin tawngtaina hmangin a ti dam a, Doctor a va in check-up tir (x-ray)leh chuan TB natna an hmu tawh lova, a in ringhlel-in, doctor dang a in entir leh a, an x-ray hnu-ah pawh an hmu chuang ta lo va, ngaih that nan Doctor dang pa khat (a vawi thumna atan) a va in entir leh a..engmah an hmu ta chuang lo….Lal Isua tidamtu ringin Baptisma pawh a chang ta hial…
Tlangval zeng, Hom Bahadur…kum 3 zeng tawh kawng a chin hnuai lam, ‘ruh’ vun in a tuam – ti sa awm awmlo…kal thei lo, a puak a an puak ngat ngat..Pathianin tawngtaina chhangin a ti dam bawk a…a kal thei tawh mai ni lovin, footbawl a khel thei a, bicycle a chuang thei a..an chhungin Kristian ah an in let ta bawk…sawi tur an awm nual…..mit ngeiin a hmuh a ni a.
A hmun a, mahni mit ngeiin a hmuh chuan Krista Isua hi a lo ropui tak zet a ni. A Greek tawng a ngai lo..Aramaic, Hebrew lam a ni lo…ISUA a ni..ISUA…a ropuina hmu tur chuan..mawlte a rin mai hi a ni.Pathian thiltihtheihna leh ropuina, SETANA a hnehna chu chaklohna/tlawmna atangin a ni….Pathian finna leh ropuina leh ze mawi em em chu… a in NGAIHTLAWMNA hi a ni.
Orissa pawh Sai rualin an chil a, ‘Pathian in phuba ala’ tih lam a nilo, tidamtu ISUAN a fang a, a ropuina nen a in lar a ni ber e…”ruk hmang chu ru tur leh, ti hlum tur leh ti chhe tur lo chuan alo kal lo…KEI zawng NUN an neih nan…” (Jn.10:10),riangvai te tuamhlawm turin chhandamtu a che a ni ber e…a ropui ka ti……
Mahse chhiatna emaw, rawngbawlna emaw den chhena thawhlawm (fund) kan khawn (raise) vak thin hi chu…..Pathian ropuina kan ti hniam (cheap)ni thung in ka hria, a tha ka ti lo. (Tun a mi te ka tihna ni lovin)…
[Report abuse]
May 4th, 2010 at 9:29 am
keini hi damlo kan ni a, ANI eroh tidamtu a ni
[Report abuse]
May 4th, 2010 at 9:40 am
Hei chu a ropui hle mai. Pu HV, cancer dam te khi chu rinhlelh theih deuh mahse, mitdel leh bengngawng dam, kal theilo kal te hi chu a chiang kek kawk viau ni. Pathian thil mak tih leh thiltihtheina hi chu ringhlel lova kan rin tawp mai hian a famkim in a ropui ber mai
[Report abuse]
May 4th, 2010 at 11:12 am
Pi Remi rawngbawlna ang hi khawvelah an vang viau ang. A hmuna hmu tute zingah ka awm ve tawh a. A mak em em na chu damlo zawng zawng hi an dam lohna lai akhawih vek a. Mipa serh pawh nise a humsak vek a, hmneichhe serh pawh nise a zen sak nawk nawk mai ani. Mak tak ani. He tiang ang tihdam rawngbawlna hi ka hre tawh em le??? Thenkhat chu an sazu alo khawng te khan a pensak bawk… tak tak ania.
Enge in ngaihdan le?
[Report abuse]
May 4th, 2010 at 12:18 pm
Rinhlelhna neite tan he hla hi lo ngaithla u la.
No Doubt by Petra. A hla i neih loh chuan hei le download link:
http://beemp3.com/download.php.....g=No+Doubt
[Report abuse]
May 4th, 2010 at 12:29 pm
mr.coment : “Mipa serh pawh nise a humsak vek a, hmneichhe serh pawh nise a zen sak nawk nawk mai ani. Mak tak ani..” ….a mak hle tak mai, ka la hre ngai lo….rawngbawlna ropui leh zia lo a nih ber chu… i hmu chiang viau a ni ang maw..nge.. a ‘hum’damah i tang tawh…?
[Report abuse]
May 4th, 2010 at 1:03 pm
Rawngbawlna ropui tak chu a ni. An natna lai tak khawih zel kher chu a tul ber lo mai thei. Mipa tihdam rawngbawlna neiin hmeichhiate an na lai tak (hnute, serh adt.) khawisak ve ta zel se kan sawi duh viau ang.
“13. Tawngtheilo mi 20 vel damna chang zingah piantirh atanga la tawng miahlo mi 5 (panga)an tawng thei nghal.”
Piantirh atanga tawng miah lo chuan eng tawng nge a hman ang aw? Piantirh atanga Tawng ngai lo a nih si chuan Tawng a zir chawp fe a ngai dawn si a. A mak hle mai.
[Report abuse]
May 4th, 2010 at 1:45 pm
@H.Vangchhia, aw ring maiteh, Pathian thuina ti a, Science pawhin a prove a, placebo effect a ti bok a. Rina fangkhat chuah kan neih pawhin Kan Pathian ngeiin Power min pek hnem zia kha.
[Report abuse]
May 4th, 2010 at 4:30 pm
Tunlai evangelist sap ho pawh dang chuang lo, thu hi an sawi uar leh lutuk deuh thin hi chu a pawi thin. An rawngbawlna ah mi 1000 kal khawm chu mi 10000 ang in an sawi duh a, vanapa hall seat 1000 pawh awm lovah political party meetingah chaun mi 3000 vel an sawi kai ziah thei bawk ang deuh an ni. Damna pawh khi ngaihdan chin tawk neih chu a tha mai thei. Mipa serh humdam sak chu a zo avaiin a nei nual tawh a, kei chu hum ka la ngai ve lo hlauh.
[Report abuse]
May 4th, 2010 at 6:18 pm
@mr.Duhlova #16 says:
“A hmun a, mahni mit ngeiin a hmuh chuan Krista Isua hi a lo ropui tak zet a ni. A Greek tawng a ngai lo..Aramaic, Hebrew lam a ni lo…ISUA a ni..ISUA…a ropuina hmu tur chuan..mawlte a rin mai hi a ni.Pathian thiltihtheihna leh ropuina, SETANA a hnehna chu chaklohna/tlawmna atangin a ni….Pathian finna leh ropuina leh ze mawi em em chu… a in NGAIHTLAWMNA hi a ni.
Amen!
[Report abuse]