Zirna sikul hi

April 22nd, 2010 8:17 am by H.Vangchhia

Tunlai chhanah Zofa te zingah hian zirna sikul la kal ngailo chu tlemte choh kan awm tawhin ka ring. Mahse, mi ram te nen han khaikhin hian kan inzirtir dan hi a tha tawk em, hei ai hian hma kan sawn thei angem tih zawhna tam tak a awm thei ngei ang.

Lehkha thiam sang ka ni hran lo in, ho ve thin viau e tilo chuan thil hi ka chik ru ve thin phian a. Zirna lam hian ka mit leh beng hi a tih kham ve thin avangin, hetiang zawng hawi te hian a kal theih loh em ni chu aw, tiin ka ngaihtuah fo.

Mizoram ah hian a tlangpui thu in sikul zirlai te hi Mizo tawng thiam chianglo leh English thiam lo ve tak hi kan ni tlangpui in ka hria. Chumi a nih vang leh kan tawng hman ber Mizo tawng a nih avang hian High Sikul thleng tal hi chu tawng tualleng hian in zirtir theih ni ta se, an zirlai an thiam zawk mai bakah an hriat sa pawh an hre chiang bik ngei turah ka ngai a, mahni tawng thiam chianna pawh a ni thei ngei ang.

English a zirtir tha ti zawk an awm ngei ang mahse, hei pawh hi chhut chian ngai ka ti khawp mai. English a zirtirtu te pawh hian tih tak emah chuan MA English pawh nise, English a zirtir turin a tawng hi an thiam ziktluak bik thin lo hle tih kan hai lovin, anni pawh an in hre ve thin tho chuan ka ring a ni, thiam ve tak tak awm thin tho mahse.

Chuti a nih si chuan mahni tawng ngeiin Chhiarkawp leh Science ang chi te ngat phei hi chu in zirtir ta ila (an chemical hming, Chhiarkawp formula hming etc thlak kher erawh ka ti hauhlo), kan zirlai naupang te hian an thiam chak zawk bakah, an rilru ah an tuh nghet thei zawk ngeiin ka ring hle mai. Hetia kan kal chung pawh a lehkha thiam an la tam thei hi chu mak tak a tling a, mahni tawng ngei hmangin zir hlawm phei se chuan lehkha thiam tak tak an tam zual dawn mange ka ti thin.

Kan tawng hi a la hausa tawklo kan ti a nih pawn, tawng hausa sa a awm ngaiin ka ring lova, Shakespear pawn a thawnthu ziah atangin English hi thumal 2000 chuangin a tih hausak belh te kha hre rengin, mithiam ten min tih hausak belh theih hi i ring tlat ang u.

NB: Heng ngaihtuahna te hi, Mizo tawng thiam chianglo leh English thiam chiang mang bawk si lova kan in chhuah ai chuan atha lawm ni tihna te atanga ngaihtuah chhuak ka ni

Similar Posts:

Recent Posts:

26 Responses to “Zirna sikul hi”

  1. 1
    Zephenath Says:

    school II a ni na nge?

    [Report abuse]

  2. 2
    Maisek Says:

    I ngaihdan hi tha viau mahse High school thleng em em hi chuan a tha ka ti lo! Primary level ah erawh hi chuan Mizo tawng ngei a in zirtirp tluk chu a awm lo alawm. English erawh hi chu thlahthlam chi miah loh. Zir san zelin a pawimawh tulh tulh. Tin, subject hrang hrang te hi Mizo tawng in a text kan nei lo. Nei thei pawh ni ila, zir san zelin, english bawka zir a ngai leh nge nge thin. I thahnem ngaihna hi ka tawmpui khawp mai che!

    [Report abuse]

  3. 3
    badboy Says:

    Mizo trawng(tawng) dik tak leh trawngupa te hi in zirtir that kan mamawh tawh tak zet a ni, tunlai ah naupangte2 pawlsang zet2 mai hlir an ni tawh a, mahse chutih rual chuan mahni hnam tawng pawh thiam tha lo anni nuaih mai, class 9 zirlai kan inbul hnai a mi chuan enge hlam ti in min zawt a, a chhung ten hmawlh i hlam chen vel i rawn hawn dawn nia min tia eng chen nge hlam chu ti in min zawt heu mai, chuvang chuan, tawngupa te, mizo trawng hrim2 hi uluk tak a kan inzirtir a pawihpawh hle a ni.

    [Report abuse]

  4. 4
    ^-||RaLtE||-^ Says:

    That na mual mual chu a awm ngei ang le!

    [Report abuse]

  5. 5
    hmingtea Says:

    Hmanthiam a zir in engkim hi a tha vek hmanthiam loh chuang eng mai pawh hi a tho lo lam ah a kal thei vek :cry:

    [Report abuse]

  6. 6
    Sony Says:

    Class I atanga English zirtit a tha. Mizo tawng chu sugejct pakhat ah awm sela. Mahse political appointee ho an pension ral hma chuan engti pawhin rel ila, a sawt chuang lovang. English pawn, Mizo pawn zirtirtu hmangai tak leh serious tak zirtir annih chuan naupang tam ber chu an that phah ang, an nu leh pata nena an tankawp chuan.

    [Report abuse]

  7. 7
    triplestar Says:

    Naupang chuan english an thiam phawt turah ka ngai,a chhan chu pawl a sang telh telh a english a pawimawh telh telh tlat.

    Mizotawng chu keimahni tawng a nih avangin nu leh pa ten kan fate kan zirtir peih phawt chuan thiam lohna chhan tur a awm lo, tunlai naupangin mizotawng an thiam lohna chhan nia ka rin chu mizotawnga chhuak lehkhabu an chhiar tlema, nu leh pa ten an zirtir bawk si lo, ina an awmin TV leh computer ringawt an buaipui bawk si a, mizotawng an zirna tam ber chu thiante atrang leh an zirlaibu a ni mai a, hengte avang hian an hriatna a zau thei lo a ni lawng maw.

    [Report abuse]

  8. 8
    Vetehmial Says:

    Nie..mizo tawng hi hmang zut zut thei mahila a ziak sipel hi kan thiamlo tawlh tawlh tlat mai..Sunday school lama Pathian thu examna ah te hian a buaithlak thin ngawt nia..an hriat dana dik nive si diklo lo tihsak hi anhotute tan pawh a buaithlak ve ngawt thin ang..

    [Report abuse]

  9. 9
    hehe Says:

    kan veng sawrkar sikul chhuak ka ni a…sap tawng vek a zirna kalpui anih hma, pawl sarih thleng mizo medium in ka zir a…chutih laia english medium ho nena kan inthlauhna em em chu ..mathematics hi a ni.. English medium a kal ho chu maths ah an chaklo tlangpui…
    pawl 8 kan nih chuan english vek anih tawh avangin kan buai deuh nak a..mahse kan in catch up ve leh mai…english meduim char chara zir ho nen zirna thuhmun kan neih hnu chuan english ah inthlauhna em em ka hre lo..tun thlengin…
    Mizo Medium a hla thu hrilhfiahna kan zir te, tawng upa kan zirte kha tun thleng hian ka la tangkai pui hle mai…mizo grammer kan zirte kha ka tangkai pui a ni..tin subject dang pawh english in zir ta ila chuan tun ai chuan a basic ka man lo chuan ka ring…
    Mizo tawng vawn nun zel nan chuan Pawl 7 thleng mizo medium a kalpui kha a thra ka ti a..amaherawh chu chu aia pawimawh zawk chu zirtirtu tha hi a ni..Zirtirtu thiam lo in zirlai thiam tak neih hi chu a har a ni..thil theih chu ni tho mah sela

    [Report abuse]

  10. 10
    shailendra Says:

    Zirna sikul hi Mizoramah hian kan ngah in, sumdawnna atana hman a ni tawh hial, a tih theih ang. Hetih karah hian sikul tha fe fe chu an awm tho a. English medium thenkhatah te phei chuan, sikul compound chhung a mizo tawng hman phallohna te pawh a awm. Tunhma deuh ai chuan saptawng pawh naupangin a thiam zawk tawh a, mizo in a kan harsat pui ber, a tawng te pawh kan zia chho tawh hle a ni.

    Tunhma deuh khan, tunah ka hre lo a, PC Girls school chhuak kha chu St Paul’s-ah khan admission tih kha a ngai lo thin a. PC Girls hi mizo medium a ni.

    Vairam a an hindi medium sikulah te khu chuan, Post-Graduate theng in, anmahni tawngin an zir thei a, Science subject lam te pawh, science, maths thiam tak tak an tam phah in ka hria. Sap tawng erawh chu an harsat ve nangiang mai. Keini pawh hian Mizo medium hian zir ve ta ila, Saptawng erawh hi chu Compulsary subject ni thung sela. A ‘construction’ leh ‘talking’ hi uluk tawk in. Tichuan kan zirsanna te pawh hi awmze neiin kan chhawr theih zawk ka ring.

    [Report abuse]

  11. 11
    keimah Says:

    Pu shaia sawi hi ka ring ve mai e!

    [Report abuse]

  12. 12
    lushai_er Says:

    Hei a part II a lo chhuak der a ni maw!

    Kei ka ngaih ve dan chuan Kg atanga Saptawng zirtir hi a fuh tawh zawk ka ti. Cable Tv ah naupang channel hrang hrang an han en a, accentte hi an nei talh mai a nia. Kan fanuin Part of speech a zir te, subject, predicate,tense an zir khan classI an la ni a! Har an ti chuang lo!

    Ngaihdan a in ang vek thei lo a, mahse kan hunlai kha chuan English kan chhiar hian (Rilruah) Mizo tawngin kan translate zel kha a ngai a. Tunlai chuan direct hian an hrethiam nghal ti ila a dik zawk mah ang chu.

    National Standard CBSE Syllabus kan hmang e kan ti ve tak na a, An paper kan exam ngam leh si lo! Boardin a hranpa hian question a set leh ziahte hi mak deuh mai a nia.

    Engineering/Architecture/Medical lam bei tur chuan CBSE course hi a tha ber a ngaih a ni a. Arts lam a kal tur tan erawh chuan ICSE course hi a tha zawk a ngaih thin kha a ni a. Tin, ICSE courseah hian Science lam a chak lo tan paper duh thlan theih a ni bawk.

    A tawp berah chuan India ram a an lehkha an zirlai ang (syllabus) min zirtir ve a, an question kha kan Zirtirtute hian exam ve ngam a min zirtir hunah chuan Zirna hian hma a sawn kan ti ngam ang chu!

    [Report abuse]

  13. 13
    lushai_er Says:

    Mizoramah/India ramah chuan conventional method ni lo thil thar han hman tum deuh i la, So theoritical a ni zel mai a!

    Developed Countries ka ngaihsan ve na chu Paper a an published tawh hi chu research kum4/5 an lo beihpui vak tawh hi a lo ni deuh zel a! Practical atangin Text Book (theory) an siam a ni ngai a!

    India ram kan thanmawhbawk chu practical kan tlachham em em mai hi a ni. Eg : Engineer zirlaiin RCC Slab Reinforcement a design chhuah kha ataka rem dan tur a thiam miah lo! An professor kha an zawt a, a ni pawh khan practical exposer a lo nei miah lo! Khatiang kha kan ni fur ang. IIT a ni emaw NIT a ni emaw a dang chuang lo.

    Chetan Bhagat khan ‘5 point someone’ah khan a rawn sawi lan zuai kha.

    [Report abuse]

  14. 14
    lushai_er Says:

    Tu huatthu ni lo se lehkhazirlai hian a tui fal zirtirtu a tan tum hi chu an awm sa ngei chuan ka ring a, mahse atam zawk hi chu hna hmuhna a nih dawn phawt chuan mahni tuina lam ni lo mahse Zirtirtu nih pawiti vak lo an nih ka ring!

    Sikul hlui, University hlui a zirtirtu/lectures/ propfessor te han en chian hian class a a thiam thei vak lo, hna hmu mai lo a academic line a kal chho a, Degree sang deuh nei an lo ni duh khawp in ka hria (Keimahbikah)!

    Thingtlang khawtinah hian lecturers/teachers ho hi khawthlangah pawh mi challang leh hruaitu an ni deuh zel a. Thingtlang lamah ngat phei chuan Kohhran leh YMA-a akhaipa deuh hi a tam zawk chu an nih ka ring ! Anni ho hi a lawm syllabus leh course thar hman dawn pawh a ngaihdan dang nei tlat ho a ‘Kaikuang’ ber ni a ka hriat ve te!

    An ni ho hi an pension vek phawtloh chuan Mizoram zirna chuan hma a sawn ka ring vak lo! ‘Kan kalphung pangngai hi a tha kan la ti’ tih kha a ni mai!

    [Report abuse]

  15. 15
    awmawmpuia Says:

    @13 lushai_er, a dik hmel khawp mai ka ti. Tin english a zir hi chu ka support zawk. Kan matric exam ve lai khan Treasure Island kha kan zir a, ngaihnawm ti takin vawi hnih ka chhiarchhuak a exam na ah ka chhang thei vek mai a. Kan thiante mizo school chhuak ho khan an zir nasat a ngai em em mai a an khawngaihthlak ka ti. Tin math ka thiamloh phah pawhin ka hrelo english a kan zir avangin. Zirtirtu thiam leh thiamloh ani mai lawmni ka ti.

    [Report abuse]

  16. 16
    H.Vangchhia Says:

    Mahni tawnga Science leh Math zir thin te hian an thiam in an chiang bik niin ka hmu… kan ti leh hram teh ang.

    [Report abuse]

  17. 17
    R.Lalropuia Says:

    Pawl 1 atanga Mizo sikul a lut ho hi chuan English medium a lut ai chuan Mizo tawng an thiam daih zawk.English medium a lut ho hi chuan “School kan bang hunah” (entirna mai2) tihte in an sawi thin.English hi chu mahni inzir ve ngai tak niin ka hria.

    [Report abuse]

  18. 18
    chhak-chhuak Says:

    a dik tak chuan mizo skul chhuak nge nge hi chuan chhiarkawp te hi an thiam bik riauin ka hria….sap trawng hi chu a hlu zel dawn tih chu a chiang sa a, mahse mahni trawng thiam apiang hian midang trawng pawh hi an man hma duhin ka hria…ve ngawt a

    [Report abuse]

  19. 19
    muantea Says:

    Mahni tawng thiam ber hmanga Mathematic zir hi a tha, thiam a chiang ber mai. Tunlai hian pvt. school thenkhat Maths thlenga vawn tir thin an awm nia :sad: Subj dang, arts subj ho erawh hi chu a inziakna tawng ngei a zir a tha ber. Sap tawng thiam hi lehkhathiam/mithiam tihna erawh a ni lo.

    [Report abuse]

  20. 20
    coolsoul09 Says:

    Zirna chungchang hi (as a teacher) ka ngaihtuah fo thin a. Zorama kan inzirtirdan mai ni lo, India rama CBSE hnuaia kan inzirtirdan thleng hian duhai a sam lo ka ti a. International School-a ka thawh hnu leh IGCSE leh IB te ka han hmelhriat chhoh ve tak tak hnu hian kan Indian Education System hrim hrim maiin duhthu a sam lohzia hi ka chiang chho telh telh hi a ni ber a.

    Hmanni deuh khan Zozam Weekly-ah kan zirna chungchang leh International School chungchang hi ka ziak a, mipui lamin an lo dawnsawn dan erawh ka hre hauh lova, kan rilru sukthlek tidanglam thei se chu ka ti ngawt mai.

    Good post Henry!

    [Report abuse]

  21. 21
    H.Vangchhia Says:

    muantea & coolsoul, ka lawm e :) Mizo tawng (mahni tawng hman ngei) ngei a Math leh Science zir hi a nia ka rilru ah lang lian ber, ka sawi chiang thiamlo zawk maithei.

    [Report abuse]

  22. 22
    lushai_er Says:

    Kei chu kan la ti ve ngar ngar teh ang! Mizo medium a maths leh science an thiambikna chhan tur pakhatmah ka hre lo! English an man chuan Higher Educationah pawh a pui zawk hrim hrim.

    Maths leh Science chu English Text atangin Mizoah kan translate a, chu chu mizo medium a zirte’n an thiam zawkna chhan pakhatmah a awm lo. English thiamloh vang zawk a ni.

    English thiam tir kan duh a, Sorkar sikul ai chuan privateah kan dahna chhan hi English man se, thiam se kan tih vang a ni zawk!

    Mizo tawng an thiam bik tih chu a dik ngei ang! Mahse Kan Hranghlui J.F a meuh pawh Boarding chhuak, mizo tawng pawh pai, thiamlo kha a ni ve tlat! A inzir theih lutuk.

    Kei chuan ka fate hian English thiam se, mizo zirtir ka thlang zawk! Mizo thiam a English zirtir ai chuan!!

    [Report abuse]

  23. 23
    Diktea_Pa Says:

    Zirna kan tih hian thiamna a puak chhuah tel a ngai. Thiamna han tih ngawt hian, vawn tluk tluk lam a kawk in ka hre lova hriatthiamna a pawimawh lo maw? Zirtirtu tan chuan, naupang ten an hriatthiam theih dan tur a zirtir a pawimawh ber. Hrethiam tur khawp a kan zirtir thei a nih chuan eng á¹­awng pawh hmang ila pawina a awm em ni? English Medium Zirtirtu pawn naupang ten an hriat thiam zawkna a nih chuan zoá¹­awng ngei in tekhin thu nen han dak duah se pawina ka hre lem lo.

    Kan zirdan phung hrim hrim hi chu sawih danglam ngai hlek hlek chu awm á¹­euh in ka hria.

    [Report abuse]

  24. 24
    H.Vangchhia Says:

    lushai_er, “English an man chuan Higher Educationah pawh a pui zawk hrim hrim,” i tih hi thil awm ang thei tak tur chu a ni mahse, Mizo tawng leh English hi thiam chianglo ve ve in kan English medium school te pawh hian an chhuah chu a nih ber hrih si hi mawle.:)

    Ka nau fa nu te 2 hi PC. Girls sikul chhuak an ni a, Chhiarkawp etc tih lovah,”Puantah” thleng an thiam. PC Girls atang hian St.Pauls ah an luh chhunzawm a, vantlang chungah tha takin an pass chhuak a ni. Tunah hian college ah tum nei ranin an zir a, Pathian zarah an vanneih chuan a u zawk phei chuan kum a vei leh chuan a zo tawh turah ka ngai.

    [Report abuse]

  25. 25
    lrlawma Says:

    @HV Russian ho hian kum 200 chuang teh meuh mai Russian tawngin engkim an zir.Science thiamna lamah pawh an duai loh zia kan hre mai awm e.Russia rama lehkha zir tur hian Russian tawng kan thiam a ngai.Doctorate levelah hi chuan Englisha zir theih a ni ve thung.
    English thiam chu tha tak a ni. Mahni tawng ngeia khitah sang tak thlenga kan in zirtir theih chuan kan tangkai pui hle ang le English erawh a thupui tulh tulh tho ang tih ka sawi duh bawk.

    [Report abuse]

  26. 26
    de_beauvoir Says:

    P.C Girls ah A Pawl to Pawl 7 thleng chu ka zir ve, tun hnu hian an zirtirna that zia kha ka hrechhuak nasa khop mai.Pathian thu leh solfa thlengin mahni tawng ngeiin kan zir a,a lo chiang nge2. Pawl 7 thleng khan Maths pawh ka thiam a, ka tui. Mahse High School kha St Pauls ah ka lut ve leh a,Maths ah chuan cls 9 atangin ka buai tlt..a chhan chu kan zirtitu te S. Indian ho sawi kha ka hrethiam tak2 tlt lo. Tawng ah erawh hma kha chu ka sawn phah ve ngei..Matric erawh maths vangin ka tihchhiat phah thung. High school ah English vek a lo nih chiah khan English medium kan hunlai chuan Mary Mount ho te chu kan pha lo ltk a,a hma a thiam pawl ni ve thin kh, inrintawkna ka hloh phah vek tlt a..exam hlauhna te,class hrehom tihna te ka nei..Class lecture zz kha ka hrethiam ve tlat lo..Mahse a lo inzir ve theih tho mai..Kan hun laia thiam tak2 ho te kha engmah ni lem ta lo..ka phak ngai reng2 loh te kha ka lehpel ve leh thei tho mai..Tum hrim2 chuan a lo theih..mahse thiam tluk chu a lo awm lo..Ka school luhna pahnih te hi an thatna leh that lohna sawi tur chu ka hre ve2..P.C Girls a ka zir erawh ka la hre rei hle…Mahse naupangte zirtirtute a innghah ltk..note etc kan hunlai chuan a tam kha a tha lo..St Pauls ah erawh mahni a in chhiar ven a ngai thung..naupang thiam sa lo tan chuan beih fee a ngai tlt. Mizo medium poh nise English subject hi nasa tak in in zirtir i la..ka ngaihtuah let hian P. C Girls a English Grammar ka zir bak kha High School ah ka hriat belh lem tlatlo..Kan zir chin kha chu ka bel tlt.Sp Pauls ah kh chuan kan vanduai nge Grammar kan zir ngai lo reng2..Talking ah chuan an tha thung

    Tin, English thiam rigawt, mahse hmang tangkai leh lemloh hian awmzia a nei tlem..Ka thiante zingah hian thingthlang product, Mizo medium chhuak parh..mahse knowledge ah chuan English thiam inti em2..midang poh correct zat2 thei te zok in an rawn leh luai2 tho sawi tur ka nei tlt,Tha lo ka tih ve mai2..mizote hian saptawng thiam lo nih aiin mizotawng thiamlo nih kan hrehlo hi..thenkhat chuan intithei phah zawk tlt..Saptawng thiam em2 tih a sawi theih si lo,mizo tawng pawh thiamlo kan tam tawh khp mai

    [Report abuse]

Leave a Reply

You must be logged in to post a comment.