Mobile Soil Testing Laboratory.

April 30th, 2010 11:12 pm by shailendra

Ka rilru a awm lawk lem lo, mahse mi(sual) pakhat thurawn ang in, Mobile Soil Testing Laboratory hi, ka thianpa thla lo lak, hawh chawp in ka han thai lang ve ang e. Suggestions leh criticism etc etc leng vek turah ngai ila.

Ni 29.04.2010 khan Directorate of Agriculture office kawtah Mobile Soil Testing Laboratory chu Pu Liansailova, Minister of Agriculture etc. in a ‘commissioned’ a. He inkhawmna hi Pi L.Tochhawng, Principal Secretary i/c Agriculture etc. in a kaihruai a, Pu KS Thanga, Parliamentary Secretary i/c Agri. etc leh Agriculture Department a hotu te leh thawktu ten an tawiawm a ni.

Kut hnathawktute hian huan leh lo hmun nghet, eizawnna atana an hman hian, leilung a leitha lo awm sa te chuan dak hun an lo nei ve ta thin a. Tichuan heng leilung lo da ta te hian, thlai tana an chawtha pai te chu a eng be nge an tlakchham tih endikna tur khawl leh bungraw phur tu motor, Mobile Soil Testing Laboratory a ni. Tun tumah hian he Laboratory motor hi 3 ‘commissioned’ a ni. Pakhat lei nan hian Rs nuai 31 sen a ni a, kan state share (lo tum ve) chu 25% ani. Motor chhungah hian Soil Testna (lei endikna) hmanraw tangkai zawng zawng chu dah vek a ni. Tin generator lian tak a chhawm tel bawk.

Laboratory hian, Nitrogen, Phosphorus, Potash bakah soil PH, Organic Carbon, Electrical Conductivity, Total Nitrogen, Calcium, Magnesium, Sulphur leh Sodium te a ‘test’ thei dawn a ni.

Laboratory pakhat hian Kolasib leh Mamit District-te a vil ang a, a pahnihna hian Champhai leh Serchhip District te. A 3-na hian Lunglei, Lawngtlai leh Saiha District te a vil ang. Aizawl District chuan Neihbawih a Soil Testing Laboratory khi a ring chhunzawm zel ang. District tin atang hian Hemi Laboratory enkawl tu tur bik ‘train’ anni dawn a, anmahni District theuhah, a tulna hmunah, he laboratory a kal kual in, mamawh dan azir in, leilung an endik thin dawn a ni.

(pics. courtesy: Chta)


Similar Posts:

Recent Posts:

36 Responses to “Mobile Soil Testing Laboratory.”

  1. 1
    funny Says:

    1st ve teh tlat :lol:

    a tha khawpmai, mahse mobile toilet (toilet van) ang deuh khan a zuih ral leh vel mai mai ang tih a hlauhawm khawpmai..
    bakah khawilo kala velah chuan fimkhur angai dawn anih khi.. kawng awih han tlanin thil tla thei/keh thei ven nasat angai fuu ang.kan kawng tehi a awih ve angreng si a. :lol:

    Report this comment

  2. 2
    Jamp Says:

    ‘Mobile’ kher hi a ngai em ni, mobile hrim hrim hi changkanna emaw kan ti a ni ang e. Mizoram chu a la zim a, hmun pakhatah centre pakhat changtlung leh tha tawk siam ni se a kumhlun zawkin ka ring. Tuna mi hi chuan a daih rei lo ang, tute emaw sum siamna mai mai a ni ang.

    Report this comment

  3. 3
    funny Says:

    Jamp: Chutin ti vak vak suh, Toilet Van Unaupa anih hiii… hehehehe :lol:

    Report this comment

  4. 4
    Jamp Says:

    @Funny: Tikhian a department changtu minister leh director leh officer dangte chuan he mobile laboratory siamtu/hralhtu company hnen atang hian mantrang an ei leh fir fer ang chu. :lol:

    Report this comment

  5. 5
    funny Says:

    Jamp: ni e i sawi ang khian keini ah chuan a aia pawimawh zawk ala tam emai, entirnan champhai, lunglei kolasib.. tihvelah a kar tawn phak awm der silova… chuvangin district tinah khian mobile nilovin khitiang khi awm ta zawk sela… lo ngai reng ila thingtlang khua a kar tawn zak zak rei peih hauhin ka ringlo. hahahahaaa

    Health Center ang deuh hian keini ram angah chuan a hmuna bun chi zawk niin ka hria..

    mahse a ti tute lam chuan han sawi sela, a tangkaina techu an sermon leh duah thei ang chu, a pathianthu nen te a an sawi pawlh pheichuan tute emaw piantharna khawp pawhin an sawi leh hluak hluak thiam thovang. lol :lol:

    kan NLUP a thlaichin lam thlang ho tamna khua ah tehian bun ta se a tha viau ang a…

    Report this comment

  6. 6
    Jamp Says:

    @Funny: Keini Mizote rilru sukthlek hi chu a mak ve khawp asin. Ram changkangah an ti alawm tih chhuanlamin, ram changkanga an sawtpui kha sawtpui ve inringin kan ram riangte atan hian kan han apply ve tawp zel a. Zir leh chhut chet chet peih kan awm lo bawk a, kan fail chiang thei em em chung hian inzir fin ni tak tak lah kan nei hek lo. Kan tla thum leh tawk ang a, kan mawng sawh chu a na leh pek ngawt ang chu, lo ngai reng mah r’u. :lol:

    Report this comment

  7. 7
    Thirkut Says:

    Jamp leh Funny, Kei chuan ka support!
    Entirnan, lui pakhat ah eutrophication vang in patek a lo tam lutuk a ni. Kha eutrophication chhan a kha Nitrogen vang nge Phosphorous vang zawn hmuh chhuah a tha dawn a. NPD (non-point source)a nih a rin awm bawk sia a source tak han zawn dawn chuan mobile testing unit neih hi a tangkai em em dawn a ni. Chuti lo chu, researcg center ah, soil sample lak zel a ngai a nga, awl te a research theih tur kha a to bak ah hun a hek dawn a ni. Mizoram a kan soil leh natural water humhalh(?? conserve) na tur a nih chuan ka support ang reng.

    A implementation a that chuan thil tangkai deuh a ni thei in ka hria.

    Report this comment

  8. 8
    Jaspi Says:

    ka hriat loh zawng tak a ni! A sawi hnuhnung a piang ka support :mrgreen:

    Report this comment

  9. 9
    Fonz Says:

    mobile hi ti a ngaihna chhan kher hi a awm em le? nge che thei lab an duh ve hrim hrim(kickbacks a awm a ngem?

    Report this comment

  10. 10
    funny Says:

    Thirkut: Chutia a bus chawp chawpa kal ngailo hian chutiang hmuna lei leh sample la chuan a hmunpuia kalpui mai a awlsam zawk lovang maw… a chhanchu mizorama loneitute lei tehi motor kawngin a kal pawh vek lo bawka.. kal pawh pawhnise kan transport hi a chhe lulai lutuk.. kal paha han examine na ziazang anilo. lol. entirnan tes tube te anlo hmang anih chuan, an test tube tekha an kal paha a in sawh keh a hlauhawm mah zawk.. hehehe

    Amaherawhchu, ni e kan han sawisel ve bawka.. hmalakna hmasa ah, a thra nghahnan chuan kei a tha kati khawpmai. hehehe
    (thil ka sawisel lai hian a thatna hi ka rilru hian ka hrereng tho thin ania, hahahaaa :lol: )

    Report this comment

  11. 11
    Johnroyte Says:

    Kan hmangtangkaipawn karing lo bur.

    Report this comment

  12. 12
    Kawnga Says:

    A thupui ka hmuh khian, Mobile phone hmanga Soil test dan tur emaw ka’n tih hmang chu mawle… :lol: Atthlak hian..!!

    Nia, thil tha hi chu a awm ngei a, thil tha hi hman that hian a thatzia a langchhuak chauh thin a. Kan mobile soil testing lab pawh hi an hman that phawt chuan, a tha em em ang.

    Ka ngaihtuah tel pakhat erawh chu Soil composition te test-in, a tihthat dan tur sugestion tha tak lo siam thei thin ta se, lei tihthatna tur chemical kha an supply zui thei angem? A damdawi awm si lo hian a natna chauh hi an hmuchhuak teuh zel mai anga.. :lol:

    Chuan, Pic 1-ah khian Motor hma sir kil khi a va pawr ve? A hlui an lei a ni lo maw? :lol:

    Report this comment

  13. 13
    funny Says:

    mahse kanti leh hram anga, Lab che thei hian a chet lai hian lab work a thawklo kumkhua ang mizoram kawngah, hetiang aichuan budget ah kan telh theih reng lai hian district tina hetiang center dah tehi ngatinge kan sawkar chak tak hian a ngaihtuah telloh.. an Flagship Programme nen pawh a inmil khawp asin telh duh se chuan.. Cantral lam pawhin an rawn ngai pawimawh viauin ka ring NLUP nena inzawm anih avangin..

    kan budget punna tekha a tlem emai, hetiang techu budget ah pawh telh sela inthlahrunawm tham pawh niin ka hrelo, district tina hetiang center dah tehi budget ah awlsam taka telh theih reng niin ka hria ngaihtuahna seng duh sela chuan…

    Report this comment

  14. 14
    ovala ralte Says:

    A ropui hle mai a, Generator lian i tih khi Solar energy hmang a nih hmel, a dik em? a tangkai em2 ang, soil test tur hla tak2 atanga la lo vin a hmunah test nghal zel thei dawn tlat. Mahse kan Thian pa Kus Valan Zoram leilung chu mau tluk khatah a dang lam zel a ti a, chhuahchhawng, Tlakdeng ,Pual-lawi etc.. test ngun deuh a ngaih hmel ka ti.

    Hman deuh khan PHE Dept. pawn MOBILE WATER TESTING LABORATORY (Solar energy hmang) an nei ve a, a kawchhung phawrh meuh in kan repair ve tawh a sin, mahse tunah hian khawiah nge a awm tak , ka hmu ngai tawh reng2 lo. Thingtlang lamah a awm a ni mahna. kha pawh kha a changkang hrep a sin.

    Report this comment

  15. 15
    Jamp Says:

    Ni e Funny sawi # 13 ang khian NLUP hi tih tak zeta kalpui kan tum a nih chuan mobile lab. tih vel mai maiah te hian lungawi thawt thawt lo ila. Kum 2-3 pawh daih lo tur mobile lab. (ka sawi lawk a, a dik ang :lol:)hi a ho lutuk ka ti.

    District tina kan educational colleges te nena tangho hian tih ni ta se, colleges lab. infrastructure te tichangtlungin kan educational institution-ah te hian agriculture leh a kaihhnawih thiamna (NLUP kaihhnawih ti mai ang) course te siam belhin kan neih sate(?) tichangtlung bawk ila, a kumhlun ang.

    Report this comment

  16. 16
    Godspeed Khawlhring Says:

    Keichu a tha ka ti ve tlat.

    In sawisel nghal ngot na a, lo nei ngai lo in nih hmel ka ti, tunhma/tun thleng hian thingtlang pa ho hian an lei(soil) test tir turin Aizawlah an rawn keng nal nal thin tih in hria em?? An tan sumo chuan man bakah ni 4/5 hna thulh ringot pawh a uiawm zia in ngaihtuahpui ve ngai em?

    An maintain that a, a nihna tur ang taka an hman chuan a tha hrim2. A enga maha hma a sawisel ngot ai chuan dik/tangkai taka an hman theih nan lo monitor ila, kan hlawk tlanpui zawk ka ring.

    Report this comment

  17. 17
    shailendra Says:

    Soil Testing Laboratory hi a ‘function’ lai Neihbawih, Sihphirah khian a awm mek a, Lungleiah sawn pakhat bunfel tawh a ni a, a fuction tep tawh bawk a. District Headguarter tin a bun thei chu a tha. Hetia mobile nilo bun tur hian, pakhat bunna turin cheng nuai 60 a ngai a, chutah chuan state share (state in a lo tum ve tur) chu 50% a ni.

    Neihbawih a laboratory hi state pum tan a hmang tur chuan buaithlakna chin a awm ve thei a. District tinah, hetia a mobile theih chuan, lei test result kha a rang zawk theiin a beisei awm.

    Motor khi Gujarat a design a ni a, a hma khi a lo hniam deuh a, Mizoram chhung kalkawngah a in tauh palh a ni awm e. Tunah, a rawn buaipuitu ten workshopah a hma khi an cut chhing mek, tiin thu kan dawng… :lol:

    Report this comment

  18. 18
    XaiA Says:

    Emergency tak a soil test a ngai ang em :?:
    A ngaih lem loh chuan Mobile Lab hi a tul vak dawn em ni chu aw :!: A man a to si a,District tin a Soil Lab.tih changtlun nan a leina sum hi hmang ta mai zawk se,a to ve phian si a,motor maintain ngai dawn bawk si te ka lo ti mai mai a.

    Report this comment

  19. 19
    Thirkut Says:

    Funny,
    Ka hypothetical scenario a a tul ka tih na chu… Nitrogen leh Phosphorus source kha an rin ang ang soil sample an la anga, chuan and lab ah test tur in an phur anga… mahse an rin na loh lam a an test a ngaih thu kha hmu chhuak se an va let a ngai leh dawn a ni. Mobile soil bus vang in time leh environmental costs leh pawisa costs a save theih chuan thil tha viau a niang. Mizoram a kan environment ka ngaih pawimawh vang a ni ber.

    Godspeed Kawlhring i point kha tha ka ti khawp mai.

    Report this comment

  20. 20
    panuamsa Says:

    Medical mobile van nuai 120 man khan a hlutna tak chu motor man+equipment =nuai 70 vel chauh a ni.phairam mil a siam a ni a,khawiah vak hmang lovin a ding ta hlawm a nih khi.Agri ho thil pawh khi khawi leilet mah a thleng pha lovang!.beisei sang vak lo phawt ang.Kan ti tak tak dawn a nih chuan MAHINDRA PICK UP TRUCK lei a,mamawh bungrua dahna workshopah custom built in nuai 25chuan a complete ang

    Report this comment

  21. 21
    Taikhery Says:

    sum sen ngaihtuah hian thil tul lo tak a ni. Soil testing te chu Lab pan mai tur. Tuteemaw sum siamna mai mai a nih hi.

    Report this comment

  22. 22
    flying Says:

    Kan mihausa Aryana’n tiangte chu tham lo deuh vin a leithei vek ang chu maw le ho mai mai em maia!!!! :P

    Report this comment

  23. 23
    ZerO Says:

    Kan feh kawngah te hian a kal thei dawn si lo a. On the spot ah an test thei dawn lo phawt a. A to fu leh nghal! A uiawm ka ti…

    Soil an test dawn rau rau chuan bearing test te, CBR test te, LL & PL test te pawh ti law law se a tangkai zawk ang chu.

    Report this comment

  24. 24
    lushai_er Says:

    #23 Engineering properties leh Agriculture Properties chu a hrang daih dawn lawm ni?

    Pu Shaia post a nih vang hian kan kawmen ve kher teh ang!

    Mobile Lab hi enge a ngaih kher na chhan? Laboratory pangngai tak siam zawk se! Rikrum thil a test ngai, tlan kual zung zung ngai kan lo nei reng zawk em ni?

    Agri. Dept. hi Mizoram Dept. zawng2 zingah an productive lo ber in ka hria! Dept. lian tak budget pawh nei hraw tak hi an hnathawh a lang chhuak lo khawpin ka hria! Buh leh balah kan la intodelh lo em mai!

    Report this comment

  25. 25
    shailendra Says:

    @lushai_er, i sawi chu ka pawm e. Mahse Agri Deptt. hi a thupuan puangchhuaktu mai annihna hi mipui hian kan la man fuh lo niin ka hria… Agri Deptt hian thlai leh buh hi, khawi hmunah mah an thar chhuak hum hum lo ang. A thar chhuaktute chu a kut hnathawktute anni e…

    Report this comment

  26. 26
    hmingtea Says:

    Mizoram sorkhar hausa tak tan chuan sum hmanralna tha tak anih dawn kha maw.Helam feh kawng Zoram state highway tluk vel lek neihna ram ah pawh an neih zawh loh in nei bik hi in awhawm ka van ti tak em.

    Mobile Toilet Van te nen hian chhungkhat an nih ka ring ve tawp. :cry: :cry: :cry: :cry: :cry:

    Report this comment

  27. 27
    Amris Puri Says:

    Test hnu hian tih fertile zawm a ni ang em tih lai hi pawimawh viau bawkin ka hre ve mai mai a.

    Report this comment

  28. 28
    Mulukawlh Says:

    A man pawh a to hle mai… a to ang bawk hian hmang tangkai thei ila a duhawm hle mai,,, repair nan hian sum kan seng leh tluk tluk mai ange…:P

    Report this comment

  29. 29
    Amris Puri Says:

    NLUP thami 31 ang vel a ni maw???

    Report this comment

  30. 30
    rka_49er Says:

    a va ho e

    Report this comment

  31. 31
    Amris Puri Says:

    Nuai 31 chuan Aizawl khawpuia septik teng a thlawna paihna tur motawr lei se a hlawk zawkin ka ring

    Report this comment

  32. 32
    funny Says:

    Amris Puri #31: heihi chu Sanitation department lam chan anih ka ring, Agriculture lam nilovin :lol:

    Report this comment

  33. 33
    Amris Puri Says:

    @funny… nia, mahse lei tih that nan a hman theih ve tho dawn lawm ni .. ka ti mai mai mawle…
    a reng rengah i van tlai… nge in awmna lamah a la hma zawk

    Report this comment

  34. 34
    Amris Puri Says:

    A hrim hrimin an hmanrua thlalaka lang ho khi a tlo loh hmel reng reng

    Report this comment

  35. 35
    How To – Paternity DNA Testing Says:

    [...] Mobile Soil Testing Laboratory. | mi(sual).com [...]

    Report this comment

  36. 36
    Paternity Test Cost Says:

    [...] Mobile Soil Testing Laboratory. | mi(sual).com [...]

    Report this comment

Leave a Reply

You must be logged in to post a comment.