Kan hming sak dan hi

April 30th, 2010 1:51 pm by coolsoul09

Tun tum chu kan hming sak dan lam hi i han sawi ve teh reng ang. A lo la na duh tan laknat viau pawh kan phal anga, mahse, nguntak erawh chuan inngaihtuah hlawm ila a tha ang.

Tunlai kan Zoramah sap hming pu kan tam ta viau mai. Hei hi thuziakmite leh Mizo tam takte’n an vei a, an sawi thin a, mahse, nau piang thar chuan an nei ta deuh zel mai. Sap ngaihsanna atanga lo chhuak ngei a ni ang. Sap kan ngaisang viau mai hi a awm viau a, mahse, ngaihsan chintawk kan neih a hun ta khawp mai. Kan ram leh hnam min zawng chhuakin, thingbul lungbul bia, ramhuai tlawn lungawi tuma inthawi thinte kha Nazareth tlangval hmaah min bawhkhuptir a.

Mi hrang sahrang hmaa zam ngai lote aia pasaltha awm chuang lova kan hriat lai khan Krista hminga tuarte tluka pasaltha an awm chuang lo a ni tih min hrilhhria pawh ni mai lovin a rinin min rintir a. Pialrala faisa ringa nun tum kha, vanrama Beramno talh hnu fak tum thah mai kan lo ni ta. Chu mai a la ni lo, thing leh mau hmanga sak in- a cheng thin kha, in ropui leh maksak tak tak chhungah kan cheng ta a.

Ngaisang awm reng pawh kan ni e. Mahse vawiin thleng maia vun var satliah kan ngaisang viau mai leh Aizawl khawpuia an rawn chuanchhuah chang te a, ngaisang tih hriat ngawih ngawiha kan lo thlir chiam chiam mai thinte hi sim a hun a, sap an nih vanga thil engkim hria leh turu ta viau mai tura kan ngai thla ngawt thin te hi sim ila a lawmawm ngawt ang. Engtikah nge kan zawlpui ena kan en ve theih ang aw ?

Kan ngaihsan luat vangin kan fate hming bulah pawh sap hming ngat kan sa ta a. Hei hi changkanna-ah kan ngai em ni ? Kan ngai a nih chuan kan tisual chhiava tihna a ni ang. Mi ropui leh ngaihsanawm chu vun rawng atangin kan teh tur a ni lovang a, chetzia leh nunphung atang zawka teh tur a ni ang. Mizo hnam hian kan nihna hi chhawmnung chho zel ila kan ti takzet a nih chuan kan fate hming atan hian sap hming hi i sa tawh lo teh ang u.

He thu ka han sawi hian Roman Catholic-te’n a, mithianghlim hming an tawm thin hi chu rinna lam thil a nih avangin kan sawisel thei lovanga, mahse, a mipui nawlpuiin kan hming bula sap hming kan dah ve ngawt thin hi chu sim hmak ila a duhawm ngawt mai. Hetianga kan kal chhoh zel chuan engtik ni-ah emaw chuan vai hming te pawh hi kan la insak-sak hlawm anga, sap hming nena chawhpawlh nuaihin John Kumar Rualkhuma te pawh kan la inti hial lovang tih tunge sawi thei ?

Tin, kan hming ziak dan hi a mak ta niaih nuaih khawp mai. Mizo hming ni si, Mizo tawnga lam rik theih hauh loh a tam ta khawp mai. Keini ang thil pronounce lama chak vak lo tan phei chuan a buaithlak lu hrat a ni ta. Heng zingah hian hnam hming kan ziak dan hi a ni bik leh zual. ‘Bawihtlung’ tih mai turah khan ‘Boitlung’ kan han ti a, ‘Kawlni’ aiah ‘Colney’ te kan ti ta a !! Mak deuh asin. Mizotawngin han lam dawn teh le..i buai nak mai ang.

Mizo tawng-ah hian ‘aw’ kan nei a, tin ‘o’ kan nei bawk a, mahse, ‘o’ hi saptawnga ‘o’ ang hian kan lam rik ngai loh avangin englaimahin ‘aw’ nen hian a intluk ngai lo reng reng. Chuti anih avang chuan ‘Boitlung’ tih hi Zotawng lam dik takin han lam dawn ta la, i lei hawl kual danah i buai ve nak mai ang, a rawn richhuak chu nasa lo tak a ni.

Mizo tawnga “aw” kan nei hi kan hawrawp tiropuitu pakhat a ni a; “aw” hmanna tur ngei ngei a “o” hman tlat mai hi turu ta riau leh changkang ta riauva hriatna hi piansualna chikhat anih loh vek pawhin chiangkuanlohna chhinchhiahna chu a ni ngat ang. Kan hriat tur chu : Kan hnam hminga saptawng alphabet kan telh thin hi changkanna a ni lo reng reng tih hi a ni. Choak arawn chang tawn ang lek nihna a ni. Mizo hming diktak mai ziakchhuak tur tawk hi chuan kan mizo hawrawp te hian an tlin tawkin ka hria.

Mizo hming hi a dan dik takah chuan noun a nih miau avangin ziak zawm tur a ni a, mahse, ram pawna kan kal emaw, hna kan zawnna-ah emaw, dilna lehkha-ah te ‘First name’ ‘Middle name’ ‘Last name’ te an lo tih hran thin avangin kan ziak hran ta thin a. Hei hi chu kan sawisel phak a awm hauh lo mai. Remchan zawkna vang a ni satliah mai lova, a tihngaihna dang a awm miau loh vang a ni a, kan dem thei lovang. Amaherawhchu Mizo thiltihkhawm leh eng ilo nikhuaah an hming hi kan lo ziahzawm emaw changin sawisel lem lo sela mifing leh Mizo diktak an nihna an humhim thei thin ang.

Thil pakhat sawilan hmaih hauh lo tur a awm a, chu chu kan hming kan pu zo lo, kan chawi zo lo ka tih tak fo thin leh mi thenkhat ten, ‘A hming chu Lalhmangaiha a ni a, sakhua lam reng reng a ngaihsak si lo’, tih vel te, ‘ A hming chu Lalrinawma a ni a, a dawhehin a rintlak loh nasa mai si a’ ti te-a tute emaw kan sawisel thin leh kan hming sakdan kan sawisel thin erawh hi chu a tha lo hlein ka hria. Kristianna-in Zoram a han chiah tak tak hnuah hian kan hming sakdanah Pathian hming chawi lam pang ‘Lal’ emaw ‘Vanlal’ emaw kan telh ta thin a, hei hian keimahni mihring lam ai mahin kan Pathian rinawmna te, hlutna te, ropuina te kan chawi tlangpui thin a, insawselsak chiam chiam chi chu a ni chiah lovang.

Tihtak emah chuan, Zakapa pawn za a kap kher lovang, a pu emaw a pa emaw khan a kap a ni mai thei. Sapbela pawh Zorama piang leh seiliana, sap bula khawsak chu sawi loh, sap hmu hauh lova thlanmuala vui liam te pawh a ni ve thei tho. Amaherawhchu a pa emaw , an chhungkhat tuemaw chuan sap an lo bel tawh a ni mahna. Hetiang hi kan hming sakdan a nih miau avangin, ‘A hming a pu zo lo ngawt mai, chuti khati..’ ti-a, insel chiam chiam mai hi chu sim daih-ah a duhawm ngawt mai.

Tin, tunlai mi tam tak zingah Sap tihdan entawna hmeichhia ni si, mahni pate emaw pasalte hming emaw chhawm an awm ta nawk mai. Hmeichhe hming tawpah ‘a’ a awm ta fur mai a, hming ziak atang ringawt chuan hmeichhia nge mipa niang aw ti-a ngaihtuah tham a awm ta nawk mai. A pawi hlein ka hria. Sawi tawh angin sap hming invuah dante kan lak chiam chiam hian chhete mahin hma kan sawn phah lova, Mizo mi tam zawk hian kan hming an chhiarin an hmui an ner sak sak zel a ni tih hi hrechiang ila a tha ang.

Khawi hmunah pawh awm ila, kan hnam hming sakdan te hi kan chhawmnun a pawimawh a, kan Mizo identity hi khawi hmunah pawh awm ila kan phumbo mai thiang lo.Mizo chu Mizo-ah lungawiin, Mizo chu Mizo-ah kan lawm tur a ni; thih thlenga Mizo ni tura siam kan ni si.

Similar Posts:

Recent Posts:

176 Responses to “Kan hming sak dan hi”

Pages: « 1 2 3 [4] Show All

  1. 151
    Laiawrha Says:

    rogue hi Mizo trawng atanga lak a ni. Mizo trawng chuan ‘Laikairawk’ a ni a, inti sap hming nei ve duh deuhin ‘Laikairawk’ tih trawngkam atangin ‘Rawk’ tih thumal kha ‘rogue’ tia lo piang a ni… eh!!

    Report this comment

  2. 152
    Sandman Says:

    OT lawks… digimalt, i link hi i dah dik lo! :D
    digimat.blogspot.com ah a kal, digimalt.blogspot.com nilovin :D Va en ve chhin rawh digimat chu…

    Report this comment

  3. 153
    digimalt Says:

    hetah tehdaih :D

    Report this comment

  4. 154
    funny Says:

    ala hot phian ka ti.. :lol:

    Report this comment

  5. 155
    rogue Says:

    Duhlaia……….

    Report this comment

  6. 156
    dolien Says:

    nia kan ti chauh dawn, a post tu hi a dang em ni? Laikairogue pawh chu?

    Report this comment

  7. 157
    rogue Says:

    Fisrt Name/ Last Name chungchangah chuan kan pianpui hming hi first name ah hmang mai ila, kan hnam hming hi last name ah.
    Lalhmingliana Saiawi hi an hnam hming chu Pawi Sasem ani a, mahse a pu hming Saiawia tih kha family name/surname ah a hmang ta a Lalhmingliana Saiawi a inti ta a , hnam hming hmang duh kher lo tan pawh a tha angreng khawp mai. Mhase, hming laihawl tur erawh a la buaithlak tho mai.
    Margaret Zama tih erawh hi chu a nalh chiah lo, Zam tih zawng hi hmang mai sela a zia viau angem?

    Report this comment

  8. 158
    dolien Says:

    ni mai thei

    Report this comment

  9. 159
    digimalt Says:

    Lalhmingliana hi a bon ka ti thin khawp mai..Sai te a awi a:D

    Report this comment

  10. 160
    Amris Puri Says:

    Zo tih hminga telh ve thung hiiiii…. mawi ka tih viau laiin Zo II an ni duh an ti a. Ngaihdan ngelnghet nei in awm em?

    Report this comment

  11. 161
    dolien Says:

    ka nula hmelthra tih tawp theih loh hmingah ZO tih a awm a, a II lo thungin ka sia… a ni thei khawp mai thei

    Report this comment

  12. 162
    rogue Says:

    Ka hmelhriat Mizo diktak Zonunmawia, Zonunsiama, tih te an awm a, tin kan CM hlui Zoramthanga a ni bawk a (Boxer pawh kan neih tawh kha), mahse, mi tam zawk hian kan hmang lem lo a ang. Kristianna in min rawn chiah takah khan LAL tih hi kan uar ta a, tun hma chuan Lal Hming Sakna dal an tia hming tha an inphuah ngam meuh lo a ni awm e. Zo tih chu keipawh a mawi ka ti. Mahse,(no offence) an pate Mizo ni lo, inti Mizo duh si hian an inphuah fo mai, hriat ka nei ve nual (tlem techu). Tin, a thring tihna atana kan hman “A ZO” tih hi a tha ka ti lo ngawt mai.

    Report this comment

  13. 163
    digimalt Says:

    Zoramthanga kha chu khi lam chhuak a ni lawm ni ?? boxing-a ka chet thatin mizo min tia.. kan tlahniama.. zu te ka in a.. nghapih min ti leh a … a tih kha

    Report this comment

  14. 164
    lushai_er Says:

    dolien=DOLIAN

    Report this comment

  15. 165
    Amris Puri Says:

    “ZO” han tih ngawt hi chuan hmun sang sawinan pawh an hmang tho a lawm.

    Report this comment

  16. 166
    rogue Says:

    digimalt hi thil i hre riau mai. mahse, thil pakhat, mizodiktak tih hian engchin nge kan huam tir aw…….

    Report this comment

  17. 167
    rogue Says:

    nia, “a zo” “a phai” te an tia

    Report this comment

  18. 168
    rogue Says:

    MIZO/ZOMI tih pawh kan mithiamte hian HIGHLANDER/HILLPEOPLE an ti a ni lo’m ni? Englo, Scots ho pawh khu Highlander tho an nia, tlangrama cheng an nia……….

    Report this comment

  19. 169
    digimalt Says:

    mizo nih duh tawh phawt chu keichuan mizo ah ka chhiar…. mizo hnam ngei mahse mizo nih zahpui chu hnam dangah ka chhiar… silchar vai pakhat rawn kal se.. mizo hi ngaisangin mizo nih lo chak ta em em se.. mizo hnam nihna petheitu chu ni ila..ka pe mai ang..

    Report this comment

  20. 170
    rogue Says:

    mmmmmmmmm………a inhnial theih viau ang. mahse i mimal ngaihdan a nia……..Mizo chuan “SAPHUN” kan ti thin a ni lo’m ni? Hnam dang Mizoa inlet duh an awma an tihtir thin kha…….

    Report this comment

  21. 171
    Jewel Says:

    @Amris Puri #160 ka hming bul a “Zo” a om a, Mizo diktak ka ni bok..sala! Tak2 a, i sawi po chu a dikve tho. Tiang ngaidan hi a tam avang hian “Vanlal” in thleng pui tur ka zawng mei don :lol:

    Report this comment

  22. 172
    badboy Says:

    Jewel: i hming bulah ‘ZO’ tih a awm loh kha, dawt sawi tum vel lo mai teh, akekekeke :lol: :P :) ;)

    Report this comment

  23. 173
    khamrang Says:

    Ka sap hming chu D’Jango,bawngkawn ah sawn Amigo tih pawh kha a awm thin a mahse a fam tawh :lol:

    Report this comment

  24. 174
    zualbonez Says:

    va hot ve!

    Report this comment

  25. 175
    khamrang Says:

    Trinity is still my name,they call me nobody :p :lol:

    Report this comment

  26. 176
    Jewel Says:

    @badboy ALNTC!! :evil: ka baptismal certificate scan copy ka lo mail dn che mi? :lol:

    Report this comment

Pages: « 1 2 3 [4] Show All