Van thengreng bualin!

April 29th, 2010 10:01 pm by H.Vangchhia

Van thengreng chanchin zir mi te chanchin hi hre viau in awm laiin, kei ni ang hi chuan kan hre ve nial nual lek fang awm e. Engpawh chu nise, an bualin (bathroom) kal dan vel hi kan ngaihtuah ngai vakin ka ring lem lo. Mel 300 bawr vel, van thengreng ah chuan boruak awm tawh heklo le, engkim mai chu a bik taka ruat leh siamrem vek niin, chutiang chuan nun khawsak angai a ni.

Ha-hlo (toothpaste) te hi a bik taka siamin kam thuah ngai lovin, lem mai chi an siam a, zun nan pawh mipa leh hmeichhia in zunna dawt hran neiin chumi a an han zung chu thlawk chhuak lo tura lo control tu a awm leh. Ek ngat phei chu a neuh neuh a tam hle mai.

Tu emaw a ek a chhuah chuan, an bathroom ah khan lutin, a bik taka siam ip (bag) kha a thing pharh anga, chumi chu ek khur (toilet bowl) ah a dahna turah khan a zuk bat chat ang. Chu ip chu hnuai lam atangin hip puar thla tu (vacuum) leh a awm a mahse, tui lam chi erawh a tlang theilo! A awmzia TV lama an sawi dan chuan he vacuum hian kha ip an hip (vacuum) khan, boruak chu kha ip ah khan a kal tlang thei a, tui lam chi (liquid) erawh a tlang theilo, a ti; flow air an hmang tihna a nih chu. An hman zawh chuan a chhin in an han chhin te te a, a chung a mi hmeh tur chu an han hmet a, an ip hman hnu chu a hnuai thei ang berah khan nam sawn tet vek (compressed) a ni leh thin.

Inbual lam erawh chu a bik taka siam in an in hru fai mai thin a nih awm chu maw.

Chhiar zawm duh tan: http://space.about.com/cs/spaceshuttles/a/bathroominspace.htm

Similar Posts:

Recent Posts:

40 Responses to “Van thengreng bualin!”

  1. 1
    shailendra Says:

    Van thengreng… a va han khawharthlak awm em !!!

    Report this comment

  2. 2
    Jaspi Says:

    H.V OT awih nge awih loh? :roll:

    Report this comment

  3. 3
    Taikhery Says:

    lei thengreng ai chuan a hla deuh :D van thengreng ka han kal tum khan ek a buaithlak duh khop mai. lei hipna om toh si lo… mawngkua atangin ek kha pawhchhuah a ngai :D

    Report this comment

  4. 4
    Jennifer Lo Says:

    Shai, lungleng mittui tla khawpin awm ta ila, a dahna tur bik a awm angemle ti raw ?
    Vawih te hi trawnkhawm a khaibawr theih te hi alo nireng ang a van thengrengah chuan :D

    Report this comment

  5. 5
    PimPom Says:

    Pu HV, van thengreng sawi takah chuan NIBIRU 2012 vel kha i awih zawng a ni ve em?

    Report this comment

  6. 6
    PimPom Says:

    NIBIRU hi in awih ve em?

    Report this comment

  7. 7
    muantea Says:

    Van thengrenga duh duhna hmuna ek ngawt chuan a tum tumin kan inhualtir taih dawn a nih chu. Tui chhunga ek chuan ka zawnah a rawn lang nghal mai mawle.

    Report this comment

  8. 8
    PimPom Says:

    Van thengrengah chuan ek loh mai a that hmel chu. A buaithlak awm em mai

    Report this comment

  9. 9
    muantea Says:

    @pimpom, Nibiru te chu technical failure avangin an cancel leh daih tawh. Maurawkela zawng khuang i awih leh awih loh a ni mai.

    Report this comment

  10. 10
    PimPom Says:

    @muantea: Tui chhunga ek chu Van thengrenga ek ai pawn chiloh zawk a nih hmel chu.lolz.

    Report this comment

  11. 11
    XaiA Says:

    Van thengreng a inthiar chuan Black hole lamah paih daih mai tur :lol:

    Report this comment

  12. 12
    H.Vangchhia Says:

    PimPom, #5 Awih tur a nih leh nih loh ka hrethiam lo e. A thleng tur tur chu lo thleng se, kan hmachhawn zel mai ta lawng, tih theih a tlem awm em mai. Engmah a thlen loh leh ngai kan awh a ni mai a :D

    Report this comment

  13. 13
    misuala Says:

    awi a har khawp mai

    Report this comment

  14. 14
    H.Vangchhia Says:

    Tunlai hian NASA chuan chunglam ah nunna nei an zawn an ngawrh zual leh tan ta. Scientist pakhat chuan planet hranah nunna nei dang zawn hi bansan a that thu a sawi.

    A sawi danah chuan alien kan tih ang hi an awm ngei anga kan la in pawh lo mai mai a ni a ti. Lo inpawh ni ila, kan thatpui na lam aiin kan chhiatpui phah zawk hi ka ring a ni a ti bawk. Entirnan, Red Indian (Native American) te a hmang a, an ni pawh an mahni buai buai in an buai ve thin a mahse, European ten an ram an hmuh chhuah chiah kha chuan an rem (chimit) phah lo choh a nih kha tiin warning a pe.

    Report this comment

  15. 15
    Jervis Nghaka Says:

    Vanapa khan vanthengreng khi ek khum a tum tawh a, a chi loh khawp mai, a rawn tla let leh thin a tih tak kha!

    Pu HV hi space travel i tum a ni lo maw?

    Report this comment

  16. 16
    ninja Says:

    Census 2010 leh no. 666 sawi zawm pawl an awm em ni? Ka beng a verh riau mai. Aizawl hoin inhriat ka beisei. Enumerator ah min ruat ve leh nghal a!
    Sorry HV

    Report this comment

  17. 17
    Teleptuama Says:

    Khawvel thiamna in achhui phaklo aropuina,
    expansion of universe anti thul,kan universe ah dark energy 75% lai chu kan la hmanthiamlo a 25% vel chauh tuna energy kan hman tangkai theih chu ani, multiverse ,big bang theory negative mass etc etc .Black hole pawh hi a black tak tak hleinem..

    A pawimawh ber zawk chu engtiklai pawha amah tawktura inpeih kan ngai.

    Report this comment

  18. 18
    DX Pac Says:

    Nibiru… Khaberuh… Betemu.. Dini nu poh ni raw sek sek. Van tawtawrawt ri hriat hun mah nghalh hlelh tawk nak alai chuan.. ka engto ve der lo!

    Report this comment

  19. 19
    pibuhdeng Says:

    @Pu keimah blog a mi “engatinge kei kher” tih saw chhiar chi khawp mai van thengreng sawi takah chuan. a tam thei ang berin chhiar se ka ti khawp mai

    Report this comment

  20. 20
    gothica Says:

    liquid a hip tlang theilo anih si chuan… kawthalo (sterile environment a ngaih pawh ni se la, lo awm palh se) thlentu bacteria vang khan an kua khawh ta tlat se ava buaithlak duh awm ve… alternative te awm em??? keini life science zir engmah ni silo ho chuan astro physics, astronomy, rocket science etc etc hi kan man ve loa :)

    Report this comment

  21. 21
    funny Says:

    Pu HV: a hip chi aniha flow air an hmang anih chuan, bpruak chauh pawh hip sela, kha boruak kalkawngah khan tui emaw thil eng pawh lo awm sela chu air flow chuan force ve tho lawng maw… bakah hip han tih hian magnetic tihvel emaw charge tihvel te, a hip anih loh chuan thildang pawh a hip tho angem :lol:

    Report this comment

  22. 22
    H.Vangchhia Says:

    funny, nizan TV a an rawn tih chhuah atanga ka hriat ve mai a ni. Mahse, an sawi dan ( alem nen an ti lang) chuan kha ip kha vacuum khan a hip khan a material kha kal tlang mahse, tuilam chi reng reng a tlang theilo, a ti ngei a ni.

    Hetiang chu a chi loh:
    http://i43.tinypic.com/34rve53.jpg

    Heng te hi a chhiar tlak khawp:
    http://science.howstuffworks.c.....-space.htm

    An zun te chu van thengreng (space) ah an eject chhuak mai a, tah chuan “tuihu” angin atham ral tawh thin a ni awm e. An ek te erawh chu kim biai in lei lamah an rawn phur kir leh thin :D

    Report this comment

  23. 23
    gulhs Says:

    Vawih pawh a hip ve tho dawn tihna a ni thei ang em?

    Report this comment

  24. 24
    funny Says:

    Pu HV ka rawn hnial ve mai mai che nih kha. hehehe. boruak chauh kaltlang theih natur filter tepawh an siam ani theia, an technology emaw eng ang nge an hman tihvel chu kan rawn hre phak ve nang. hehehe

    Report this comment

  25. 25
    H.Vangchhia Says:

    funny, keipawn mi rawn zawh takah chuan ka rawn chhang ve mai mai tho che a nih kha :P Ui….pa :lol:

    Report this comment

  26. 26
    funny Says:

    Pu HV: kar awl i dahkhat ngamo animaw ch** h**k :P

    Report this comment

  27. 27
    Saitawk Says:

    “Leilung nghahchhan ka siam lai khan khawnge i awm….” Universe chungchang ah hian kan hriat hi tlem hle mah se a then tal kan la hria a nih hi he luikam atang hian. Ka ngaihtuah phak bak aia thu ka ngaihtuah phah fo thrin.

    Report this comment

  28. 28
    lrlawma Says:

    HV vantherengah chuan The reng man in that suh! Tih a in ziak kuau lo maw? :D Thereng an tam hmel ka ti..lolz

    Report this comment

  29. 29
    H.Vangchhia Says:

    Saitawk hian han try vel chhin a chak lutuk :D

    Report this comment

  30. 30
    PimPom Says:

    Kei Nibiru chungchang hi ka rin zawng tak mai a nia. Ka rin avang chuan ka hlau ta em em e ka tihna a ni leu. Engnge in ngaihdan ka zawt ve mai che u a ni e.

    Report this comment

  31. 31
    H.Vangchhia Says:

    PimPom, thil awm ve thei a ni tlat alawm tiraw :)

    Report this comment

  32. 32
    chhangte_ll Says:

    Ha-hlo (toothpaste) te hi a bik taka siamin kam thuah ngai lovin, lem mai chi an siam a….
    A va tuihnai lemlo ve mawle :(

    Report this comment

  33. 33
    H.Vangchhia Says:

    chhangte_ll, chaw ei khama kam thuahna pawh hi pik deuh piat puat ai chuan han lem mai hi a awlsamin a tuihnai zawk lo maw? :D zawt mai2.

    Report this comment

  34. 34
    PimPom Says:

    @Pu Hv: nia, thil thleng ve thei chu a ni tlat.

    Kam thuahna pik chhuaklo a lem mai hi a mawi zawkin ka hria.

    Report this comment

  35. 35
    Diktea_Pa Says:

    Ek man a va to duh awm em! :lol:

    Report this comment

  36. 36
    lushai_er Says:

    E tur pawh khan in hrenbeh a la ngai cheu!

    Report this comment

  37. 37
    lushai_er Says:

    ZerO gravityah chuan rihna a awm tawh loh avangin kan taksa rihna avanga lei a lo tang vak ho ruh, thahrui, lung ho zawng zawng hian hna an thawh a ngaih tawh mangloh avangin lei lam aan lo kir leh hian ruh mawih, lung-na, thahrui chaklo an nei duh lutuk. Mi hrisel over deuh hlek tih chi a ni!

    Report this comment

  38. 38
    H.Vangchhia Says:

    lushai_er, parachuting, sky diving tih dawn angah mai mai pawh hian lung lam etc hriselna an ngai pawimawh khawp tak asin.

    Report this comment

  39. 39
    bawmrang Says:

    “Van thengreng” tih hi Vanthengreng ti a ziah zawm ni ta zawk se a fuh zawk lo maw aw….

    Hmanah pawh khan sawi ho chu a ni tawhin ka hria.

    Report this comment

  40. 40
    H.Vangchhia Says:

    bawmrang, a nih chuan ka thiamlo der anih chu :( hairehai

    Report this comment

Leave a Reply

You must be logged in to post a comment.