Kan hriat angin tun hnaihah Aizawlah pawngsual avangin Hnamdang Curfew an/kan han puang a nih kha. A tha ka tih rual rualin, kan ngaihtuah chiang a, a thatlohna a tam zawk em ni aw? Kan hmalak dan leh sual kan do dan, sual duhlohna kan lantir dan hi tih danglam a hun tawh lo maw aw? tih ka ngaihtuah neuh neuh a. Kha thilsual tih avanga tuartute an lainatawm a, a titu lah a ngeiawm a, a huatthlalaawm em em a ni. Chutih laiin ‘Hnamdang Curfew’ han tih kher khan eng angin nge sawtna a neih ang tih ka ngaituah a…!
Hei hi ka ngaihtuahna min siamtu chu a ni, kuhva/kuva ka lei dawn a, ‘Panhnah a awm lova’ tiin dawr neitute chuan min lo hrilh a. Kei chuan ngaihtuah mang lovin, ‘Ngatinge panhnah awm lo an lo tih zel mai’ kan ti ngawt a. Dawr neitu chuan, ‘I hre nange Vai Curfew puan vang mawle’ a ti a. Ka rilru chuan ni 2/1 pawh a la liam si lo, kan lo va intodelh lo ve le, hetiang ni rei loteah pawh kan buai chu a ni mai si a, chu pawh Aizawl khawpuiah chauh leh nghal. Ka ngaihtuah lem loh thil dangah pawh buaina tam tak a lo awm dawn a nih chu…. ka ti rilru ta a.
Ka sawi ang khan, an curfew puanna chhan pawh a âwm hliah hliah chu ka ti a, pawi pawh ka ti. Mahsela sual kan duh lohna, kan hailan dân erawh thlâk danglam deuh a ngai niin a lang, a chhan chu siamchhuah, laihchhuah, intodelh nei lo kan ni si a, a tuar lehtu chu keimahni bawk kan ni si. Mahni inhrem/ mahni mawng hlim mai kan ni leh si. Hetiang lo thlen hian rilru fim takin NGOs te hian ngaihtuah ngun thin se, phur hluta BAND/ STRIKE/ CURFEW han puan te hi a finthlak ber em aw…!
Hetiang a lo thlen hian engtianga hma han lak chi nge niang tih pawh hriatthiam a har hle mai, hnamdang an nih avanga hnamdang huatna hrim hrim mizote rilrua intuhsak tum niâwm taka ‘Chi leh chi inthliar zawnga hma lak‘ hi chu Kristiante tih atan pawh a mawi lem lovem aw…. tihte thlengin ka ngaihtuah a. Tupawhin hetiang sual hi chu kan hua alawm, hnamdang pawhin an duh lo hle ang tih chu hriatthiampui ila, an mahni nunna derthawnna tur leh Mizo zinga an tlaktlum lohna tur thil thleng tur hi hre lâwk se chuan, kha misual pa pawh kha an tuai ve hlek duh chuan ka ring tho mai.
Engpawh nise, he thil atang ringawt pawh hian zir tur kan nei a, tih tur kan la neih tamzia te, hnamdangte laka hmai uang turin kan tling tawk lova, chumi ti turin mawhphurhna kan neih nasatzia te hrehchhuak ila. Kan hmalak dan kalphungte thlirin, kan nun zahawmlohna tizahawm tur leh hnamdangin min zuam lohna tur leh min zah/hlauhna tura kan hmabak inrhilh hriat kawngah te hian tih tur kan la nei tam hlê a ni tih hria ila, a va tha dawn em….. tih ka ngaihtuah zui mai mai a.
Hetiang thil lo thleng thin hi engvang nge niang? Engtia hma lo lak chi nge? Engtin nge mawng hlim lova sual kan dona leh kan duh lohzia kan lantir tak ang, hetiang thleng tawh lo tur hian eng mawhphurhna nge kan neih tihte hi i han sawiho teh ang u.
NB:Misualte advise/ngaihdan fing tak tak han chhiar zui rawh le….
Similar Posts:
- Hnamdang ka neih chuan ka hnam ka phatsan
- Hmangaihna lan chhuah tir
- Hnam mawl zia!
- Kan Mizia
- Hnamdang pasal-a neih leh Tuikuk Hel
(Y)
April 26th, 2010 at 11:45 pm
Chhuak lo tur a ngenna siam lo se kut an tuar dawn si a, ngenna an siam hi tun dinhmunah chuan a awm khawp. Tun dinhmun chu enge? Kan mawl em emna dinhmun hi mawle, Vai hmel pu tawh apiang sual emaw ti ta mai te, an sual lo tih hrereng chung pawh a an hmel haw hrim hrim khawp a mawl te, Mizoram a nih chhung chuan Vai chung a kutthlak theihna/dikna nei emaw in ti tlat te kan tam em em bawk. Heng ho hi a tlangpuiin Mizoram pel lo an tam, an pel a nih pawhin a hla berah Guahati thleng tawk tawk an nih hlawm ka ring.
28
Vetehmial Says:
Hmeichhe inchei uchuak deuh Pawngsual phu hliah hliah hi an awmin kan hriat tlat pek chu che…
Hmeichhia a in chei uchuak avangin pawngsual a phu ringawt lo. A taksa a nia, a duh duh a inbel ang. A lan itawm vang ringawt in pawngsual tur a dikna nei an awm lo. Kha hmeichhia kha a bialpa tan emaw, a pasal tan emaw sexy deuhin a lo in chei a ni maithei asin.
Mipa tamtak in hmei chhe in chei sexy an hmuh in an it thin, chu chu khawvel kalphung a ni a, dem theih an ni lo. Tin, mipa mawl tak tak hmeichhe inchei sexy deuh hmuh a pawngsual phu a ngai ta mai an awm zauh zauh avang erawh chuan hmeichhe fing kerkawr tan chuan tawhsual tawh tur pumpelh nan a in chei sexy lutuk loh a tha tih mai zawk a ni. Hrethiam em :?:
Report this comment
April 27th, 2010 at 12:32 am
hnam leh hnam inthliar hi chu tha ka ti bik lo…amaherawh chu tuna mi erawh hi chu anmahni kan nek chep na lam aimahin an himna tur ni zawkin ka hria..kut an tuar palh a hlauhawm zawk a lomle..Lehlamah mizote pawh heting thilah hian kan lo fel zawk ngawt hian ka hre thin..Vairamah hian an hmeichhiate hi pawngsual ve ta ngat ila chu min vawhlum nghal daihin ka ring a ni…chuvang chuan hetiang chhuah phalloh tihvel hi chu lo vui pui chi poh niiin ka hrelo…Thil tisual an ni tho bok si a..
Report this comment
April 27th, 2010 at 12:36 am
curfew kher hi keichu ka ngaihdan ani lemlo, ngenna erawhchu an siam thei alawm, mahse ngenna nge order nge warning tih hi chhut tel angai.. chutihlaiin, kan police te an chak tawklo tihna emni? hnam ang zawng in thliar hi khawvel hmun khawilai ah pawhnise, engtiklai mahin ka support lovang. :lol:
Report this comment
April 27th, 2010 at 12:53 am
Curfew a vin hler hlur (2)
Laitual len a phal lo, tiraw le!
Report this comment
April 27th, 2010 at 8:32 am
MIZO karfeu t ve toh ang u…….
Report this comment
April 27th, 2010 at 2:13 pm
kum 13 naupangin chak ve hle mahse (because of heat of the moment), full-assessment-of-situation a la siam thiam loh avangin rape tho2. mi anglo sex lo hamnpui ang vel ani e.
Mahse vai curfew hi chu ka endorse lo chiang, xenophobic thlak lutuk
Report this comment
April 28th, 2010 at 1:08 pm
Mizo hi kan fel zawk ngot alom, Vai ramah Mizovin vai naupang pawngsual ta se kan sa him nan vai hovin pawn chhuah a himlo an tih ve hi ka ringlo!
Report this comment
April 29th, 2010 at 1:33 am
Full support metro…khi2 a dik…curfew khi ka sipport lam poh nilovin an tan a tha tur zok a ni in ka hria keichuan..
Report this comment