A tho ta

April 4th, 2010 6:06 am by PimPom

A tuarna avangin hnam tinin damna kan chang. Hliam a tuar avangin kan hliam damna alo thleng a, a lungngaihna avangin kan tan hlimna kawl alo eng ta.

Damna kim kan chan theih nan thawhlehna ni ropui tak chuan rawn nemnghetin, Chu thawhlehna chuan a famkimlo te tifamkimin, Sual leh a hnathawhte chu a titlawm ta.

Hmuhsit leh diriam hlawhtu, mifel suala an chhiar tak kha, Kross lera i sualna avanga A Pa Pathianin a kalsan tak, I Lal kha, thlanthimin a chelh hlen ruallohin, ropui takin a tho leh ta.

Thawhlehna ropui chuan itan leh ka tan zalenna kawng arawn hawng a, Dam chhung Bawih atangte tan chhuahna thu a puang ta.

Vut aiah pangparthi hruite, lungngaih aiah hlimna hriakte.

Khawvel rorelna a zawnga thutlukna siam rang ber mai, Rom Sawrkarin Juda mipuite thuzawma kros lera a khaikan tak kha, an tana rorel leh turin hnehna thuam famkim nen a tho leh ta.

“Thlan atangin a tho ta,
Ropuiin a hmelma a hneh zo;
Kumkhuain mithianghlim nen ro an rel ang,
Atho ta, a tho ta,
Fak ru Isua a tho ta” .

Similar Posts:

Recent Posts:

28 Responses to “A tho ta”

  1. 1
    R.Lalropuia Says:

    Amen

    Report this comment

  2. 2
    H.Vangchhia Says:

    Easter chibai vek u le

    Report this comment

  3. 3
    ^-||RaLtE||-^ Says:

    Thihna hneha tho leh kan Lalpa chu fakin awm rawh se.

    Report this comment

  4. 4
    Rugga Says:

    A pa Pathianin han tih kher chu kan UPC unau te tan chuan a ulh awm hle mai, khatih lai khan an ngaihdan zul zuiin pathian kan lo neilo reng anih dawn kha! Ni2 chhung khovelah pathian a awmlo!
    ‘Fapa chu Pa dinglamah a thu a’ tih te poh kha mahni leh mahni dinglama thut tum tralh chu tawlh nilen a awl mang e! Hairehai Pu HV a te hovin soi ve teh se.

    Report this comment

  5. 5
    paeia Says:

    Chibai vek ule. Nizan zinglam chu kumthar zan ang maiin zai a ri chuah chuah maiin ka hria a, lung a leng lek lek mai. Mut thawh pawh a hun ta e.

    Report this comment

  6. 6
    H.Vangchhia Says:

    Rugga, tha mai ang :D

    Report this comment

  7. 7
    PimPom Says:

    A hnehna ni lawm satliah mai loin. A hnehna tawmpui chungin aw.

    Easter chibai ule.

    Report this comment

  8. 8
    XaiA Says:

    Misual zawng zawng Easter chibai vek u aw.

    Krista A tho leh ta ,Halleluiah!

    Report this comment

  9. 9
    samuelapa Says:

    A thawhlehna tawmpuiin hlim takin Thawhlehna Ni hi i hmang ang u.

    Report this comment

  10. 10
    Bamboo Says:

    Voin chu inkhawm vek ang aw, tuman computr leh mbile khoih lovah.. inkhawm chhung chu.

    Report this comment

  11. 11
    H.Vangchhia Says:

    Bamboo, ka hna atangin min ban anga sin :(

    Report this comment

  12. 12
    shailendra Says:

    A Thawhlehna niah hian mi(sual) zawng zawng te i tho ve ang u. Kan tana a Thawhlehna lawm nan chibai vek u le.

    Report this comment

  13. 13
    swiftymcvay Says:

    HALLELUIAH AMEN!!!…..a va han ropui m.LALPA CHU FAKIN AWM RAWH SE!!

    TIN NGAITEH U, KEI KUMHUAIN, KHAWVEL TAWP THLENG PAWHIN, IN HNENAH KA AWM ZEL ANG…..

    Report this comment

  14. 14
    chawnghilh Says:

    India rama khawpui pakhata in chhawng sang tak atangin mi pakhat chuan kawngpui hnawh khat mup mup mipui a chhuk thlir a. Chungho chu Buddhist-ho an ni. Engnge an tih?

    In chhawng sang tak atanga thlir thlatu kha Christian Missionary a ni thung a. Mipui chuti zozai innek buai luai luaitena an buaipui chu a hre si lo.

    A kiangah mi vengva tak han zawh chian mai tur a lo awm remchang a, chu pa chuan, “Buddha ruh them pakhat an hmuhchhuah thar ngaisangin kawng an zawhpui a nih khu,” tiin a hrilh ta a.

    Missionary pa chu a kun nghaih a, a rilruin a tawngtai ta a, “Aw Lalpa, I Fapa ruhro kan nei ve lo hi a va lawmawm bik tak em!” a ti thlawt a ni.

    Tholeh Krista Isua kan lo nei bik hi, sakhaw dang aia nihlawh chungchuang kan ni e. Krista kha kaihthawh a ni satliah mai lo va, Puithiam Lalber atan Pa Pathian chuan a ruat zui a, van hmuna kaltlang vek tawh Puithiam Lalber kan neih chianzia kha Apostol tuemaw ber khan AD 68-ah te khan ziak diama chhiar tur min lo hnutchhiah hman vek zu nia! (Hebrai 6-10).

    Puithiam Lalber, thisen keng ngei ngeia Biakbuk Hmun Thianghlim bera zahngaihna thutphah kha thisen va theh khum ngei kha Pa Pathianin a va thehtu Puithiam Lalber a lo pawm a, thisen pawh a lo pawm tel ang khan —kan aiawh Tholeh Krista, kan Chatuan Puithiam Lalber Tholeh Isua chu Pa-in a lo accept a, Ama (Isua) thisen ngei hringfate min leina thisen pawh a lo accept a … kan aiawh accept a nih leh min leina thisen accept a nih khan Ringtute hi Pa Pathianin Krista zarah min ACCEPT a ni tih hi ka rawn share duh che u a ni!

    Min ACCEPT, min REJECT lo! Lalpa chu fakin awm rawh se!

    Thuthlung Hlui-ah chuan thih hlauhthawnawmin Puithiam Lalberin tengeng pal ri tleng tleng chungin rawng a va bawl thin, tengeng ri mipuiin an hriatin an ngaih a tha hram hram. “in bated breath” tak takin mipuiin an lo chang thin!

    Thuthlung Thara kan Puithiam Lalber erawh chuan thihna a hneh fel diam hnuin Puithiam Lalber rawngbawlna tluantling min neihsak thung!

    Thisen chhuak (blood shed) bakah thisen theh (blood sprinkled) hi Thuthlung hmasa leh Thuthlung Tharin min hrilh hriat chiantir a tum hle. Chu chu i zir thlen ve tawh ka beisei.

    Report this comment

  15. 15
    Maisek Says:

    The spirit of Easter is all about Hope, Love and Joyful living. Happy Easter to all of you!

    Report this comment

  16. 16
    Taykhery Says:

    kei poh ka tho ta! 9:30 am ah khan. :D

    Report this comment

  17. 17
    shailendra Says:

    Easter Sunday chawhma inkhawmna hmun hrang hrangah, inkhawm banah Easter thingpui-ruai theh a ni a, chawhma inkhawmah hian Biak-in tam takah Biak-in a leng lo an inkhawm ani…

    http://img251.imageshack.us/im.....ter003.jpg

    http://img144.imageshack.us/im.....ter009.jpg

    Report this comment

  18. 18
    mzvision Says:

    Vawiin ka inkhawm chu he hla KHB 434 chang 2-na hian min va hneh em em –
    Tawngtaina chhangtu Pathian i nih vangin,
    I miten an mamawh an dil i pe fo;
    I fate tap leh rum i lo ngaithla thin,
    Thu dik tan, thil tha ti i ensan ngai lo.

    Aw Lalpa chungnung ber kan fak tawk thin lo che :-(

    Report this comment

  19. 19
    Elysian Says:

    @Ruga: Nia tiraw, i sawi thiam khawp mai. Mahni leh mahni ding lama thut tum tlat mai chu kan tawlh nileng mai awm tak e a.

    Chawhma ka inkhawm a, chawhnu lam chu ka chhuti ta mai.
    PimPom, Pathian thu hi tunlai chu i atchilh deuh em ni aw…?

    I Post lah hi a tha phian zel mai a. Good friday leh Easter ah nangmahni avangin hei misual ten a boruak kan chhim ve theih phah a.

    Report this comment

  20. 20
    Elysian Says:

    Khawvel rorelna zawng zawngah hian Kan Lal Isua chungchang Rom Rorelna sangin a ngaihtuah chhung hi a reiloin, thihna khawp hial thutlukna hi an siam rang ka lo ti ve thin khawp a sin.

    Report this comment

  21. 21
    mzvision Says:

    Kan veng nuho-in Easter Sunday Flower show – video in kan la ve mai mai
    http://bit.ly/bdjceF

    Report this comment

  22. 22
    Diktea_Pa Says:

    Thihna hneh a tho leh Pathian kan neih che avangin Lalpa kan lawm e. I thihna leh thawh lehna tawmpui tur khawp a nunna nei turin mi(sual) hi min ti chak thar ang che.

    Report this comment

  23. 23
    PimPom Says:

    Comment zawng zawng khi ka’n chhiar chhuak dap a, mi(sual)te hi kan lo fel ber mai alo nih khi.

    Ruga comment khian ka nuaih a tiza deuh mai pawh a..ha..ha.

    Report this comment

  24. 24
    samuelapa Says:

    Fak ru, Isua a tho ta…
    http://www.youtube.com/watch?v=4F-KapNBgXk

    Report this comment

  25. 25
    Any good and fast weight loss tips? Says:

    […] A tho ta | mi(sual).com […]

    Report this comment

  26. 26
    Northern Soul Hear | Collectible Records Says:

    […] A tho ta | mi(sual).com […]

    Report this comment

  27. 27
    matea_tmj Says:

    He post hi kan kaitho ve leh ange

    Report this comment

  28. 28
    Henry Vangchhia Says:

    Chhiar nawn a manhla, comment lah a ngaihnawm hlawm. hairehai

    Report this comment

Leave a Reply

You must be logged in to post a comment.