Archive for April, 2010

Parking Fee punna a va sang deuh ve le!

Friday, April 30th, 2010

Hun rei tak chhung chu Mizoram khawpui leh District Capital dang thenkhatah Parking Fee khawn a ni ta a. Tuna an khawn mek dan hi chu mipui pawhin kan pawmin a pek lamah pawh hnialna emaw, sawiselna emaw a awm lo viau a. A lawmawm hle. Mipui lam pawhin sawrkara chhiah pek leh sawrkarin dan leh hrai a siamte zawm kawngah hma kan sawnna langsar tak ni pawhin a lang.

Tun hnaiah sawrkar thu chhuak angin Parking Fee hi tihsan tur a lo ni ta a. May thla atanga hman tan turin Fee thar angin pek a ngai dawn ta a ni. Amaherawhchu thawk leh khata heti tak maia tih san a ni hi hriat thiam a har hle thung. Entirnan Two Wheeler Fee chauh pawh hi lo en ila.

Tuna hman lai mek hi Rs.2/- a ni a. Fee tharaha chuan hmun lun lai (Bazar Area etc) ah chuan Rs.10/- a ni ta dawrh mai a. A punna hi 500% lai zu ni a ! heti em ema vawi leh khata punna sang hi thil dangah awm ve tak maw..!? Chutiang zelin Fee dang punna hi sang fer fawr tak a ni. Heti em em lo deuh hian tih theih chu a ni chiang mai a. A punna hi chu chuti khati zat tur a ni an tih ang ang khan thuneitute hian an fix mai a ni si a. Hei aia hniama tih hram atan a va tha deuh ve le. Two Wheeler tan Rs.5/- te tal ni se…Chutiang zelin….

Mobile Soil Testing Laboratory.

Friday, April 30th, 2010

Ka rilru a awm lawk lem lo, mahse mi(sual) pakhat thurawn ang in, Mobile Soil Testing Laboratory hi, ka thianpa thla lo lak, hawh chawp in ka han thai lang ve ang e. Suggestions leh criticism etc etc leng vek turah ngai ila.

Ni 29.04.2010 khan Directorate of Agriculture office kawtah Mobile Soil Testing Laboratory chu Pu Liansailova, Minister of Agriculture etc. in a ‘commissioned’ a. He inkhawmna hi Pi L.Tochhawng, Principal Secretary i/c Agriculture etc. in a kaihruai a, Pu KS Thanga, Parliamentary Secretary i/c Agri. etc leh Agriculture Department a hotu te leh thawktu ten an tawiawm a ni.

Kut hnathawktute hian huan leh lo hmun nghet, eizawnna atana an hman hian, leilung a leitha lo awm sa te chuan dak hun an lo nei ve ta thin a. Tichuan heng leilung lo da ta te hian, thlai tana an chawtha pai te chu a eng be nge an tlakchham tih endikna tur khawl leh bungraw phur tu motor, Mobile Soil Testing Laboratory a ni. Tun tumah hian he Laboratory motor hi 3 ‘commissioned’ a ni. Pakhat lei nan hian Rs nuai 31 sen a ni a, kan state share (lo tum ve) chu 25% ani. Motor chhungah hian Soil Testna (lei endikna) hmanraw tangkai zawng zawng chu dah vek a ni. Tin generator lian tak a chhawm tel bawk.

(more…)

Cancer damdawi

Friday, April 30th, 2010

He cancer damdawi hi chu Manipur lam putar siam ang kha a nilo ania. :D

A vawikhat na atan FDA (Food and Drugs Administration) chuan prostate cancer vaccine chu Nilaithawhtan, April ni 29, 2010 hian approve a nei ta. He damdawi hi vaccine tih ni mahse, natna laka invenna ni lovin, enkawlna tur niin, chemotherapy ang te thlak tu tur a duan a ni. Dendreon Corp. siam, Provenge vaccine hna thawh dan ber chu, kan taksa natna do theihna (immune system) kha mihring taksa a chawr lo awm (tumor) kha sual dan a hrilh a ni ber.

Khawvel mithiam te hian kum tam tak hetiang damdawi hi siam an lo tum tawh thin a, Provenge siam hi FDA in a pawm hmasak ber a ni ta. Tun thleng hian taksa chawr (tumor) te hi zai (surgery) te leh chemotherapy damdawi te leh eng zung (radiation) chakna hmanga do an ni thin. Tunah erawh chuan he damdawi hian mihring taksa ngei mai chu sual dan zirtirin amah leh amah a inveng tawh zawk dawn a ni.

(more…)

Kan hming sak dan hi

Friday, April 30th, 2010

Tun tum chu kan hming sak dan lam hi i han sawi ve teh reng ang. A lo la na duh tan laknat viau pawh kan phal anga, mahse, nguntak erawh chuan inngaihtuah hlawm ila a tha ang.

Tunlai kan Zoramah sap hming pu kan tam ta viau mai. Hei hi thuziakmite leh Mizo tam takte’n an vei a, an sawi thin a, mahse, nau piang thar chuan an nei ta deuh zel mai. Sap ngaihsanna atanga lo chhuak ngei a ni ang. Sap kan ngaisang viau mai hi a awm viau a, mahse, ngaihsan chintawk kan neih a hun ta khawp mai. Kan ram leh hnam min zawng chhuakin, thingbul lungbul bia, ramhuai tlawn lungawi tuma inthawi thinte kha Nazareth tlangval hmaah min bawhkhuptir a.

Mi hrang sahrang hmaa zam ngai lote aia pasaltha awm chuang lova kan hriat lai khan Krista hminga tuarte tluka pasaltha an awm chuang lo a ni tih min hrilhhria pawh ni mai lovin a rinin min rintir a. Pialrala faisa ringa nun tum kha, vanrama Beramno talh hnu fak tum thah mai kan lo ni ta. Chu mai a la ni lo, thing leh mau hmanga sak in- a cheng thin kha, in ropui leh maksak tak tak chhungah kan cheng ta a.

(more…)

Mizoram Photo Exhibition cum Sale

Friday, April 30th, 2010

expo
Site dangah an post nual tawh na a misual.com ah hian an la post lovin ka hria. He exhibition cum Sale-ah hian misualdotcommers te in tel ve dawn em? Kan thlalak thiam tak tak te XaiA te, Shailendra te ho leh midang ho te kha in kutchhuak hmuh a chak awm alawm le!

(more…)

President Bush tur a hrai a ni em?

Friday, April 30th, 2010

Tunlai chu US president hlui, George W. Bush kha a hunlai khan an nupa in tur a hrai an ni em, tih thu a lar hle mai. Germany a G8 summit kum 2007 a neih tum khan zing lamah president Bush chu a na thut mai a, a hnu a video an lak ah ngei pawh a mah ngeiin zing lamah a dam loh thu,”i was sick this morning” a tih atang te leh, a nupui “memoir”, vantlang hriata lo lang chhuak ta atang chuan thu atam ta hle mai.

Chhiar zawm duh tan: http://www.cnn.com/

Tata photon leh Tata photon+

Friday, April 30th, 2010

He thil hi tuman pot tawh reng reng suh u.  A muang in download speed a chhe lutuk. Tun hnai phei kha chuan min 15 dan ah a d/c zel leh nghal. Mizoram a in bum na lian ber ani. A thawktute thil zawh lah in eng mah  an hre bok si lo. Ka ning tawh khawp mai. Tower sawmpakhat kan nei an tia amaherawh chu Airtel ho nen an lom in tawm vel mai a lo nia. Hmang lo turin ka ngen che u!

(Admin Note: Tata Indicom Photon tih vel hi a hmanna hmun a zirin a muang/chak duh in kan hria. Hmang kan hriat ve thenkhat chuan sawiselna an nei miah lo thung)

Van thengreng bualin!

Thursday, April 29th, 2010

Van thengreng chanchin zir mi te chanchin hi hre viau in awm laiin, kei ni ang hi chuan kan hre ve nial nual lek fang awm e. Engpawh chu nise, an bualin (bathroom) kal dan vel hi kan ngaihtuah ngai vakin ka ring lem lo. Mel 300 bawr vel, van thengreng ah chuan boruak awm tawh heklo le, engkim mai chu a bik taka ruat leh siamrem vek niin, chutiang chuan nun khawsak angai a ni.

Ha-hlo (toothpaste) te hi a bik taka siamin kam thuah ngai lovin, lem mai chi an siam a, zun nan pawh mipa leh hmeichhia in zunna dawt hran neiin chumi a an han zung chu thlawk chhuak lo tura lo control tu a awm leh. Ek ngat phei chu a neuh neuh a tam hle mai.

(more…)

Technical Entrance Result hi

Thursday, April 29th, 2010

Kan lo nghahhlelh em em Mizoramin India ram hmun hrang hranga technical seat kan neihtea zir tur thlanna exam result chu Higher & Technical Dept. chuan April ni 23 zan dar 12 bawr velah a tichhuak ta a. Kum dang zawng aia hmain result tihchhuah a ni a, thil tithei deuh tute emaw tan pawh inrawlhna hman awm lek lovin rang taka tih chhuah a ni hi a lawmawm hle. Zan lai dar12 vela Dept. office banga result tarchhuak thei awm chhun pawh kan ni hial ta ve ang! He article ah hian kawng hrang hrangin kha exam hrim hrim leh a kaihhnawih eng thil thil emaw kan hrut nawn leh dawn a ni.

Mizoram H & T entrance test kum thum (3) chhung bih chianna : Kum 2008 entrance exam-ah khan tun ang deuh chiah hian thil a thleng. Result chhuah vek tawh hnuah mark siam that leh a awm a, chu chuan rank thenkhat a tidanglam.

Nikum 2009-ah kha chuan a thlen dan a danglam deuh. Kan hriat vek angin room pakhata thute kha chu an zavaiin pawm loh (disqualified) vek an nih kha. Kha thu kha a chhuah rualin kha room-a thu naupang pakhat, pawl 12 pass a, BSc zawm lova kumtluana lo inbuatsaih char char, tlin inring em em si chu a thidang a, awmhmunah a sawp nghal hnawk mai a ni. Kumin 2010-ah pawh hetiang teh nuai hi kan lo ni leh ta a, kum 3 chhung chu a zawnin exam pawimawh lutukah tihsual a ni ta zat zat mai a nih hi. Thawktute inpekna a nasat a, a chhuanawm teh lul nen, a pawi tak zet a ni.

(more…)

Women’s Reservation

Thursday, April 29th, 2010

Hmeichhiate tan Ram rorelnaah Seat 33% hauhsakna, “Women’s Reservation Bill” chu Rajya Sabha-ah Pass tawh niin, Lok Sabha-ah pawh Pass a la nih ngei rin ani.

Awle, India ram hmundangte chu lo dahtha ta ila; He Bill hi kan ram tan a tul ve kher em? Kan hnam hian a mamawh em? Kan thatpui ang em? Eng ni-ah emaw chuan India rampuma hman tura Order chhuah ngei anih a rinawm a, engtia lo dawnsawn tur nge? tih lam hawiin ngaihdante i thawhkhawm ang u hmiang.

Ka’n thawh hmasa ber ang e.
Kan hnam nun leh Khawtlang inkaihhruai dan, Kan rilru put hmangte enin, Women’s Reservation hi 1% pawh neih tul ka ti lo!

MP, MLA, VC, etc… an duh duh, zalen takin an chuh thei a, hmeichhia an nih avanga Vote duhloh emaw, inthliarna ang chi kan neih ka hre lo. MLA thlan hnuhnung berah khan Women Candidate 8 lai kan nei a, khang mite kha hmeichhia an nih avanga tlinglo an ni lo. Tin, an hmeichhepui te ngei ngei pawhin an Vote vek hek lo. Reserve kher loha tlingte kha an tling mai tur ani.

(more…)