Indian Idol thlannaah inthliarna a awm ngei niin Mizo zaimite’n sawi

March 31st, 2010 3:29 pm by sensiar

-Robert Zoliana, The ZOZAM Times

Grand Society of Mizoram (GSM) bultuma Mumbai-a Indian Idol audition-a tel te chu nimin khan Aizawl an lo thleng leh ta a, hmar chhak bial atanga mi 60 vel tel zingah Mizoram atangin – Aldrin-a, Joseph-a, Zonunmawii leh Sangzuali te an inlan. An zai tha hle nia a lan lai leh judge te pawhin comment tha tak tak an pe chung pawhin second 30 pawh zai hman lo te nen ang khata hrut rualin, first round paltlang lo turin an dang bet ta a, he thilah hian chi leh hnam inthliarna a awm ni ngeia an hriat thu an sawi.

Kan zai mite hruaitu Pi Laltlanthangi Pachuau, GSM-a Fin Secy. chuan, “Kan naute hi an vaiin an zai tha vek a, luh an phal lohna thlenga ka luh theih avangin engemaw chen chu thil awmdan pawh ka man thiam a. Mahse, tumah an tling lova, hmar chhak bial atanga kal mi 60 vel zingah tumahin first round an paltlang lo. Nula pakhat phei chu a lawm lo hle a, “Hmar chhak min ngaihsak lo” ti-a auvin, a thu lui tlat a ni.

“Pawn lam boruak pawh a sosang hman thelh a, chutah an hotute zinga mi pakhat chuan, “Tunge ni kha, in Surabhi kha engnge a nih? Khaw’nge a awmna pawh kan hre hlei nem, Sony tan engmah a thawk lo.” tiin a rawn au a. Chu chuan, ngaihtuahna a tithui hle a, kan lungawi lo. Hmar chhak atanga kalte nen pawh kan sawi ho thin a, he thilah hian chi leh hnim inthliarna rawngkai a awm a ni tih chu an ngaihdan a ni deuh vek,” tiin a sawi.

Lengpui Airport-a an awm lai hian Kan Mizo nula leh tlangval, thlang kawr Vai ho hmaa zam eih lo te biangbiakna ka a nei a, an thusawi langsar zualte chu:

Aldrin-a: (Judge te’n a en hian an en lo reng reng a, zai rawh an ti tawl mai a, thil an ei san miah miah) “Kan han luh khan, ka hming an ziak thiam lova, an chhiar thiam lo bawk a, spelling nen kan ti ringawt a. Ka luh phat khan phawk deuh hian min han en a, ‘chips’ te kha an ei mial mial a, comment pawh an pe chuang lova, engnge an ngaihtuah pawh ka hre lo. Ka zai zel a, ‘A tawk e’ pawh an ti lova, changkhat leh a thunawn ka sak hnu-ah keimahin ka titawp ringawt. Tun hnu-a ka ngaihtuah let leh hian, hmar chhak ka nihna avanga min dahthlak tumna ‘feeling’ kha an nei ni deuh berin ka hria.”

Zonunmawii: (Judge te hian an zai pui a, an lam pui bawk a, dawhkan te chumin, an thlawp tih an lantir nasa hle) “Ka hming an chhiar a, ‘Mizoram atangin em ni?’ an ti a, “Zai teh le” an ti a, châng khat leh a thunawn ka sa phawt a, ka zai lai khan ka fimkhur ve lutuk a. Hla dang sa leh tura min tih khan, ‘A hot nge a flow?” ka ti a, hot deuh ka sa a, dawhkan te kha a beng a, zawi te tein a rawn zawm ve a, ka chhuah hnu thleng khan ‘A tha e, ka lawm e” a ti a, ka tling leh chuang si lova. Keimah ngau ngauah chuan zai tha ka inti. Kan tlangmi hmel vang te pawh a nih ka ring.”

Joseph-a: (Thenkhatin second 30 pawh an sak tlin loh laiin hla dang sa leh turin an ti a, an paih ta tho) “Zai tha chu ka inti a, ka inzir ve nasa em em bawk a, chângkhat leh a thunawn ka sak hnu chuan hla dang sa leh turin min ti a, a tawpah, ‘A tha e, i kal thei” min ti a, beisei sâng ve bawk mahse, kan tling zo ta chuang lo a ni.”

Sangzuali: (Mahni inringtawk takin a zai a, first round- a tlin a inring em em a, mahse a tal chhuak zo ta chuang lo) “Ka zai hmâ leh zai chhung zawng khan ka chi-ai (nervous) lo hrim hrim. ‘Vai ho pawh an zam hlei nem, engahnge Mizo nula hi ka zam bik teh lul ang ni’ tiin ka inseh ruh ve nasa mai a, zai tha ka inti a, an ni pawh khan tha an ti khawp mai. Ka zai kha ngaihthlak nuam an ti a, hmuhnawm an ti ve chuan ka hria. Mi kha chu an en ve dauh dauh a, ‘first round’ ka tlang ngei dawn a nih hi ka ti hman a, mahse ka tla ta tho. Ni e, kan zainaah khan kan hmel hmang leh lan dan te a danglam avang khan inhnuai-chhiahna a awm emaw chu aw ka ti ve deuh.”

Similar Posts:

Recent Posts:

43 Responses to “Indian Idol thlannaah inthliarna a awm ngei niin Mizo zaimite’n sawi”

  1. 1
    funny Says:

    Aldrina khi chu ka hriat thin ania a zai thin leh a zaithiam vak pawh ka hrelo e a. gym lam hi a tia a sek trung mai a. tling tura ka duh pui viau rualin. vui vai zawnga thil lak hi ching vaklo ila tha in ka hria..

    Report this comment

  2. 2
    R.Lalropuia Says:

    Inthliarna hi ka duh lo bur

    Report this comment

  3. 3
    benjamin rualthanzauva Says:

    North East Idol kan mamawh anih hi.

    Report this comment

  4. 4
    R.Lalropuia Says:

    Funny reuh chu aw…

    Report this comment

  5. 5
    Lexi_tla Says:

    Inthliarna hi a thalo…Mumbai lam unau ten Leite nula kha tling tura an han duh tehreng nen aw…

    Report this comment

  6. 6
    sillyBoy Says:

    An zai ka ngaihthla vek a, Tini Mohini Thapa chiah kha a tha ka ti, audition a tling lehnghal, Hindi& English duh tawkin a hmang thei bawk. A dangte kha chu ka beisei miah lo. Vuina tur erawh a awm ve zel a nih awm hi. noi

    Report this comment

  7. 7
    swiftymcvay Says:

    Personality leh performance ka tih ka tih kha……nge ni inthliarna chu om tak2…..kan la perform tha tok lo a nilo mo….

    Report this comment

  8. 8
    ROSA Says:

    atir atangin ka beisei sang vak hlawmlo hrim2, Mizoramah poh kan ti ve deuh tho a ni lom ni? chi leh chi inthliarte chu !! Mipui beisei em em leh thiam fal tak personality tha, tongthiam bok si Tini poh Pakhatna ani zo bik chung hleinem mole..a thuhrimah azoh toh hnu a chauh thuba roh Phun vel hlaih hlai hi Mizo zia ani ve deuh chuan ka hria..

    Report this comment

  9. 9
    judd9teen Says:

    @Benjamin : i sawi ang hian NE Idol hi kan mamawh tak2 in ka hria, Vai Zakkha rimchhe deu2 bula zai ai chuan nuam ngawt ang :)

    Report this comment

  10. 10
    Alejendro Says:

    Mi tih ang a piang hi kan tih ve vek a tul ber lo. Indian tih tel hrim hrimah hian ka van tel awmlo. :-P Lo ti ve bur ila… eheheh a ropui lo e… Indian Idol tih vel mai maiah chuan tel chak duh suh u.. in tling dawn chuanglo, vai ho in vote tu ang ngah ltk… Mizoram chhungah khan zai mai mai teh u…

    Report this comment

  11. 11
    Sony Says:

    “Ka thiam tawk lo ani e” tih an va hreh ve.

    Report this comment

  12. 12
    Lersia Says:

    #10 Alejendro “Indian tih tel hrim hrimah hian ka van tel awmlo. Lo ti ve bur ila… eheheh a ropui lo e… ” :lol: amen amen… Rilru ti na vak lovang u, Heng thil hi thutak khu a khuk pui chi pawh a maw ni le… Vai ho in ti rawhse..

    Report this comment

  13. 13
    chawnghilh Says:

    Thiam hle si, pal-tlang zo lo in nih chuan —a pal-tlang theite tân hnâra hlìt phawi ang huai a nih dâwn chu!

    Rem ka ruatpui ang che u, inzir belh in la ngai a ni mai a, inzìr zèl nân NON-MIZO zîngah tel zui ula, vai hla sakna chance a tam a … HUNT leh hunah var var a ni tawh mai!

    Mizo hlaah an tluk miah lo che uin ka ring bawk!

    Report this comment

  14. 14
    lianchhiara Says:

    He India ramah hian engkimah inthliarna a awm. Chu inthliarna pawhin a dan zawh loh khawpa an kalna kawnga thiam erawh an awm zeuh zeuh.

    Beijing Olympics-a kal tur Manipur ritchawi chak an kaltir loh dante, Sania nu erawh athlete anga a kal thute pawh kei aiin in hriat zawk ka ring.

    Engpawh nise, vai zaia tlin loh chu – football-a tlin loh te, Boxing-a tlin lohte ai chuan a la na lo feeee zawk.

    Report this comment

  15. 15
    Aryan Says:

    Ka zai thiam lo ani tih ve hle hle mai awm, vui hmui put hi an peih hlawm leh lutuk a. kumin a Youth Icon an thlan hunah in tel daih dawnnia. vai ho zingah in zai peih zawk, an zakkha rim chhiat chhiat nen. Ka hlawh hi aletin ti pung dawn pawh ni se vaiho zingah ka khawsa/thawk peih lo!

    Report this comment

  16. 16
    lushai_er Says:

    Vai chhia kan ti kan ti a ! Ti khan step 1 chuan hma kan sawn hrim hrim a lawm!

    In tuaihriam nan hmang zawk rawh u, vawi2 bei lo an fail fan an tih kha maw!

    Report this comment

  17. 17
    mygurl Says:

    kei chu vai chia leh che lo ka thliar hranna rei tawh… an tlin ka ring lo hrim hrim… mahse chance chu a awm… srar plus te en ngun ve deuh seee… ka trang lutuk a, aaa kan aw hi a la mizo.. a thra mahse hetianga kan tel ve dawn nih chuan… mizo aw hi paih hret ngai em aw.. ka ti ve mai mai.. :lol:

    Report this comment

  18. 18
    bauhbauh Says:

    Engemaw hlekah kan tlak a pianga chhuanlam : min duhsak lo bik, min en hrang etc…. vel hi chu ka awih vak hran lo. Vai ho hi vai hla ah chuan kan tluk phak ka ring vak lo reng a, English emaw Mizo hla emaw te chu nise min tluk bik kher lo mai thei e,,,,, sap hla sakah pawh hian in ti teh ang kan thenawm hnai Khasi ho leh Naga ho pawh hi kan kal pel hlei thei lo chuan ka hria.
    An vawikhat inlanna a ni bawk a, i hrethiam ang u, Indian Idol leh leh pek velah chuan top 10 velah chuan lang thei turah in ngai ve thlarawk ang u hmiang …. hehe

    Report this comment

  19. 19
    keimah Says:

    Eng ang pawhin inti vai tingtang vel thin mah ila tun atanga kum 100 chhung hi chuan Mizo, Mongolian hmel pu khan INDIAN IDOL, VAI ho Judge zingah, VAI hla sain thlen san ngaihna a awm lo! Vui Vui duh suh u! Hei hi a lawm kan sawi kan sawi thin! Inti INDIAN thuah sarih thin mah ila, VAI ho hi chuan min hmu INDIAN ngai lo. Competition thilah phei chuan kan hmel an han hmu chiah ang a, an nuih kan tiza nghal tih te hi hriat ve mai mai a tha!

    Kum za dang te han vei leh se, Vai ho pawh hi an rawn fing var ve deuh tawh ang a, keini Mizo ho pawh VAI kan ang sawt tawh bawk ang a, First round te chu kan pal tlang ve thei hram tawh mahna!

    Report this comment

  20. 20
    H.Vangchhia Says:

    keimah, hei tunlai hian US sawrkar in chhiarpui (cencus) an nei mek a, chutah chuan, RACE ah khan Asian Indian, White, African American etc a awm a, chumi dawh ah chuan “OTHER Asian” tih a awm leh a, chumi chu engthlah nge kan nih tih an ziah sa a awmlo ziahna tur a ni. Asian Indian chu ka inti lo nasa mai mai… check it out :P
    http://i42.tinypic.com/29qf7uq.jpg

    Intih Indian vak pawh hi a nilo hairehai :lol:

    Report this comment

  21. 21
    keimah Says:

    Pu HV, a chiang kelh kawlh khawp mai!

    Report this comment

  22. 22
    Rascal Crowe Says:

    Ka ring dik. Enough said.

    Report this comment

  23. 23
    shailendra Says:

    Mizo Idol/Icon-ah vai ho chu rawn tel ve chiah se… :twisted:

    Report this comment

  24. 24
    Rugga Says:

    …second 30 pawh zai hman lo te nen angkhat a hrut rualin…

    Kan thuziakmi te lah hian thu hi an han uar thiam em em khawp. An zai that leh that loh chu thuhran ni se an tlakna laiah an thlavang an hauh thiam rap rap kher mai. A lawmawm tho e.

    Engatinge Pathian siam sual Vu leh Va pawh lam thiam hlei lo zingah an zuk zai teh ei.

    Report this comment

  25. 25
    hmingtea Says:

    India a trang a rawn kal kan ni ka tih hian ka fate chuan a ni lo Mizoram atrangin kan rawn kal an ti daih zel.

    Tlin loh vang a thiam loh an chhuanlam ngam si loh chuan puh mawh tur chu zawn mai awm tak te ka ti vel mai mai a.

    Report this comment

  26. 26
    ThaiBoy Says:

    Vai hla hi Mizo tan sak nalh a har, Mizoram chhung cheng vai ho hian tiang lam hi tuipui se an hlawhtling sam ang.Pathian min siam phingah Vaihla sa tur kan nilo aniang vai pawn Mizo hla sak an tum phet lem hlawm loh hi maw….

    Report this comment

  27. 27
    mzvision Says:

    ZFC hardcore ka nia a judge a tran hi ka va chak e ooo

    Report this comment

  28. 28
    H.Vangchhia Says:

    ThaiBoy, #20 khi han en teh khai.

    I fapa matric pass kan chhungin kan lawmpui che.

    Report this comment

  29. 29
    hiho Says:

    kolkata ah khan zai mai se an che tha zok tur. Registration tlai an ti mi kha? Tu thiam loh nge? Kolkata zai kha chu tling an awm ni lom ni?NE mi te tan kolkata kha audition na hmun tur an ti a ni lom ni? Tlai hi a poi ngot a sin.. “Mizo Idol a tel tum chu chhim lampang tan Lunglei ah audition neih tur a ni e ti ta ila, Saiha a mi kha lunglei a registration a tlai a vang in aizawl ah ron audit ta se.. hnam dang hmel pu tak.. mizo tong thiam lo a ni zui se..chung vel chu a ni ka ngaihdan..

    Report this comment

  30. 30
    Kawnga Says:

    Kan rama vai kan hmuhphak ho hi kan ngaisang lo tlangpui. Vai ho hian an ramah min ngaisang ngawt bik thei lo tihah hian kan chian a ngai. Hmarchhak bial lam hrim hrim chhawk vek tum lawkna hi chu a awm hran ka rin loh rualin an tla nghal vek erawh hi chuan min ngaih pawimawh lem loh zia chu a tilangin ka hria. Pawi ti chai suh u.

    Kan ram aiawha in fehchhuak hrim hrim hi kan chhuang che u a, in thawhrimna leh hahna kha a thlawn tawp lovang. Amaherawh chu, Indian Idol tih vel bawrah hi chuan tel buai duh tawh suh u. India thlawh kanin khawvelah hian par kan la chhuang em em ang. Chutih hunah chuan vai ho khuan MIZORAM awmna hi an hre ve mawlh tawh ang.

    Report this comment

  31. 31
    D.zofa Says:

    An va chawh ve..ti mai ila chuh…
    An thiamlo hlawm em bawka tin nih kha..thil a thalam zawnga ngaihtuah in in zir nasa lehzual mah se ka hope pui chuanglo…tak tak ana bei zel rawh se Idol ah chauh nilo VOICE OF INDIA ah te pawh..khawvel anti famkim ve alawm mawle..Hotute thu awihtakin Mumbaite an zuk hmuhphah a..alawmawm alawm.

    Report this comment

  32. 32
    Zorunpuia Says:

    Hmel vang chu a ni hran lovang. Nikum a mi Sourabhee Debbarama pawh Tripura mi Mizo hmel ang pu a ni a. A thiam em avangin a tling a ni. Chuvangin eng emaw hleka inpuhmawh fo ai chuan tling tura infuih leh tanlak hi kan tihtur a ni. Mizoram Idol/Icon etc.. satliah ang lo deuhin, lam te pawh thiam tel a lo ngai a, Sap hla mai ni lo, Hindi sak thiam te a lo ngai ta si a, kan lo thiam tawk si lo va, kan tling ta lo a ni rih mai. Kan la tling ve em em ang, kan thiam hunah chuan.

    http://www.zorsebol.com/wp-con.....rabhee.jpg

    Report this comment

  33. 33
    Uaiizzz Says:

    Negative : Nia, thliar hran hi chu kan ni ve deuh alawm. Eng ang pawh hian han inti Indian dawn mah ila, mainstream Indian anga pawm hi chu kan ni thei lo hrim hrim. Eng kawngah pawh kan thil duhdan leh ngaihdan sukthlek dan pawh a in ang lo. Vai ho mai mai, Vai chhia.. Engatinge Tini hi Kolkata ah a tih bik kher 2 a???? a fair nge fiar lo. ka hre lo.. kan hmel a danglam avangin min categorised deuh chu a angin kava hre ve….

    Postive : Inti Indian duh lo mah ila, official Indian kan ni tho2. kan state chhungah hian vai kan pawng hmuhsit a, kan chapo ltk mah2. Vai tawng kan zir tha duh lo a, Sap tawng kan zir tha duh lo.. kan thatchhiat vang zawk emaw ni!!!! Mi(hnamdang) ningkhawng te hi hre ve deuh ila, min accept ve deuh ngei ang. Hei hi lesson ah hmang ila, Mizo thalai hrim2 chu Hindi leh English thiam em2 han tum phawt mai ila.. an tawng anga kan tawng theih a, an duh dan ang kan hriat thiam hun ala thleng ang. Chutih hunah chuan National level a hming chher ni te pawh kan la nei ngei ang…
    Tuna kan khawsak phungah hi chuan midang tana acceptable hi kna nilo ve deuh bawk alawm..

    Kan artist te ka chhuang em2 che u ania… Famkim hi a theihloh, amaherawhchu, mahni inzir ngai te thahnem ngai takin i inzir leh sauh2 ila, a leh pekah tun aia na in kan tleh tawh ang chu..

    Report this comment

  34. 34
    PvsNP Says:

    a thinrim thlak viau nan kawng leh lam ah chuan a tha ve tho e. Hnamdang ho hian kan in ngaihsan ang hu in min ngaisang vak lo tih te pawh hi hriat a tha ve alawm :)… Midang kan hmuhsih ve leh chhawn te chungah hriatthiamna te kan neih phah mah na.. te ka ti vel a.. hahah

    Report this comment

  35. 35
    flying Says:

    India ram achengte chuan Hindi chu naltak in thiamthei se chuan a ttha hle. Tun indian Idol ah pawh hian in ennawn a ngaihzia ati lang hle mai.

    Chhaklam kan unaute Chin tia kan hriatte chuan Burma ram pumpui inzai siakna ah an tel ve thrin, Pakhatna te an la, Kawltrawng an mahni Kawl ang chiah in an thiam bawka ten ani. Kuminah pawh khan an neileh tah chuan Chin, Lai hmeichhia in pahnihna a la ve leh.

    Tun trum Indian Idol a kantlin lohna chhan in en chian kan ngaitihna ani. An kalhma an zaikha Indian Idol a Contest tur an thlan an zai kan ngaithla hlawm, an Hindi lamthiam lohna tamtak a awm, an zaikhan a fiahloh a awm nual bawk, tiang anih kha chuan tlinngaihna awm lo tur ah kei ka hmuhve dan chu ani.

    Report this comment

  36. 36
    D.zofa Says:

    Zai chhunzawm zel an tum chuan khitiang a judge te laka an ngaihdan put theihna rilru kheuhbeuh tak khi bansan mawlh rawh se..kum hmasa khan Indian Idol Audition Test mainilo Sourabhee khan a paltlang a..Amit Paul an apaltlang thui hle tawh bawk a..Prashan alah mizo hmel ang tho Nepali Thapa Idol tling hial..an thiam ani mai,.Staff Notation te an thiam reng reng ami..Idol tling tur chuan Tonic solfa hi atrangkai nep hle ang..Debojit,Sourabhee,Prashant,music ah theuneu lo takvek anni..Audition test tal paltlang hrim hrim an duh a ang kati..a dangchu beisei vak lo mahse..

    Report this comment

  37. 37
    ronaldawnga Says:

    a thu a ho

    Report this comment

  38. 38
    ronaldawnga Says:

    Mizo min hmusit chuti khati tih hi chu chhuanlam mai mai a ni. Jenny leh I Legue-a footballer te hi en ila, Indian Idol-ah ngei Tripura nula en ila, hmuhsit theih loh hi an awm ve alawm. USA-ah pawh tun thlengin mihang hmusit tawk an la awm a, Obama chu an hmusit hauh lo – mihringa zir a ni e. Chanchinbu lama lo ziah kuau2 chi pawh ka ti lo, kan rilru hi a ‘no’ ka ti

    Report this comment

  39. 39
    Daffodils Says:

    @ronaldawnga ni e mahni zir a ni, chanchinbu head lines velah hman chi miah loh, vai pawn Autralian in an hmusit zia chanchinbu heahlines-ah an hmang chuai chuai a, Australia chanchinbu larah pawh an chhuah sak a mi? Page 4-5 na velah tereuhte in an ziah sak ang a chu chauh chu an chan tawk a ni lo maw? Vai ho chuan NE mi min hmusit tih rilru put nghal tawp loh tur, an hmusit turin i in chei em? I tawng em? I ngawi reng em? I thiam lo bik em?…etc.

    Report this comment

  40. 40
    Daffodils Says:

    Keini chuan “Thinlai hnemtu D ka tawng a…” kan ti dul dul a nia, vai hla sa tur chuan trang tha deuh, rang deuh leh ring deuhva sak arh arh tur a sin… Sangeet ka maha muqabla te han en hian a zai ho reng reng hi an tang awrphiar tawk khawpin an zai ania, keini ve chu kan tap dawn emaw tih khawpin a trang tha lo nia… hruai ngai lovin confy tawk a mahni a kal mai tur a nia…..

    Report this comment

  41. 41
    senteta Says:

    inthliarna tih takah chuan the hunt ah khan lom le chi in thliarna om zok le…hehe…a re thu ah the hunt a 1 na kha fu lo.vairam a in contest tur thlanna nih chhung chuan… india hnam tong hindi kan gaipoimoh lo nih pohin…international language english poimohna hre lo ni om tak a…”tong hi cu poimoh ber lova” tih zat2 kha cu silchar pelhloh thlk eeeee….. khatiang 1 na nih chhung kha cuan beisei a bo a ni e….. a hmel kha kan han chhuang viau kha a ni a… mahse a tak ah a hnar kha bora deuh mah2 vai ho hma a in pose tur cuan plastic surgery in emo ti te hret se te ka lo ti ve mai2 a, mumbai velah vai nula ho an chhelo thei ropui si a, an pumrua, hnar, mit nalh thei bok si…..bakah live in ka hmu toh a hmelpoh eng ual ni lo… tin zohna engemo deuh zot se ha ha ? a tih duh hmel. mizo te kan molna hian thil hi kan basa ngam ve zel a, tha tho e.

    Report this comment

  42. 42
    12519s Says:

    kan ti ve lawk, tinge a northeast zawng zawng an ti tla ang in a in ziak sia tun ah Aizawl a mi ngei in first round a pal tlang bawk sia eng nge a awm zia?

    Report this comment

  43. 43
    Taikhery Says:

    vai idol chu vai ho vin lo thlang mai2 roh se, vaichhe idol

    Report this comment

Leave a Reply

You must be logged in to post a comment.